الموضوع: من يريد حلوى بحرينيه؟؟؟

اخواني واخواتي اعضاء المنتدى

ان شاء الله وبإذن الله تعالى عندي ورشه عمل في دبي لمده يومين بتاريخ 27 و 28 مايو
والورشه راح تكون في منطقه جبل علي في فندق ماريوت كورت يارد

وبما ان المنطقه بعيده عن الديره ماعندي نيه اسكن في نفس الفندق
علشان جذي ياااااريت تساعدوني وترشحون لي بعض الفنادق الممتازه والتي تكون بنفس مستوى فندق ماريوت مع التوضيح كم يبعد الفندق عن منطقه جبل علي
ومارأيكم بفندق كراون بلازا فيستفال
وياريت الفندق يكون قريب من المجمعات والاماكن التجاريه والتي استطيع الوصول لها دون مواصلات

وهل تنصحوني اتفق مع تاكسي قبل السفر؟

بليييز لاتردوني والله محتاجه اني ارتب اموري قبل السفر
واللي بيساعدني باطرش له حلوى بحرينيه ومتاي

مواضيع عشوائيه ممكن تكون تعجبك اخترناها لك:

• تأجير سياره من مطار دبي
• تحذير من محطه ساسكو
• استفسار اتمنى تفيدوني
• مع حبي وشكري لكم آمل إفادتي
• كليوباترا سبا ؟؟؟؟
• تجربه فريدة في مطعم وجربوا الجمل برجر
• عرض رحله الى دبي لمده خمس ايام في اكتوبر شامله الفندق وتذاكر السفر
• ابيكم تقولولي عن احسن مديمة العاب للكبار في دبي تكفووون سفرتي قريبه
• اين اجد كاميرات المراقبة في الامارات
• وش الافضل برايكم
• برنامج مقترح وتجمع للعائلات المسافرة بالأطفال في شهر
• افيدوني بـ فنادق و شقق دبي والشارقة الله لا يهينكم
• دبي ، حقها كم يوم ؟؟؟؟؟
• غرف لراحة المسافرين بمطار دبي مبنى بسعر درهم للساعه
• افتتاح ياس مول في مارس
• سافر حول العالم بتكلفه قليله في ربوع القرية العالمية دبي
• لأهل الإمارات عامة وأهل دبي خاصة
• ارجو المساعدة
• النجم العالمي جون ترافولتا يطل مع طفله من أحد نوافذ برج خليفة دبي
• ضيف جديد على دبي وعريس

شباب وشابات
اشدعوه
اللي اعرفه اهل الامارات اهل الكرم :114:
توقعت ايصير طق مطاقق من كثر الردود :109:

رح جاوب بحسب معلوماتي المتواضعة والاعضاء إن شاء الله بيزيدوا عالرد بالنسبة لفندق كراون بلازا الفيستفال رح يكون بعيد عن جبل على اذا ما في ازدحام من نصف 30 الى 40 دقيقة وغالبا مارح تعاني من الازدحام لانه بتقدري تصلي للفندق من اكثر من طريق ممكن من شارع الامارات او شارع الشيخ زايد ومعبر الخليج وطبعا لو سكنتي فيه ما رح تحتاجي تطلعي منه لوجد مول الفيستفال ملاصق له والمول رائع وبيحوي على مطاعم خارجية وداخلية

طبعا في فنادق اقرب لجبل علي عندك منطقة المارينا وفندق كمبنسكي الملاصق لمول الامارات

ومنستنى الحلوى

مشكوووووره يالغاليه ماتقصرين بس حلوى
حلوى ومتاي بعد

طيب عندي بعض الاسئله ياريت تجاوبوني عليها
كم تبعد منطقه المارينا وفندق كمبنسكي عن منطقه جبل علي
ولو سكنت فيها
ماذا استطيع ان افعل في الفتره المسائيه
يعني شنو اللي قريب من المنطقه اقدر اروحه مشي بدون تاكسي

عاد اشدعوه ماصارت ردوا علي
انا زرت دبي من ثلاث سنوات ولا اعرف فيها شي اللحين
ايه صح نسيت يحتاج اتفق مع تاكسي ولا المواصلات متوفره

بتبعد المارينا و وفندق كمبنسكي عن جبل علي حوالي ريع سلعة اذا سكنت المارينا طبعا في كتير اشياء ممكن تعمليها مشي ممكن تروحي الووك في مطاعم ويضع محلا ت ملابس ماركات غالية نوعا ما
اما فندق كمبنسكي فهو ملاصق لدبي مول وطبعا المول كبير وفي كتير من المرافق والمطاعم وكارفور
بالنسبة للمولصلات من جبل علي ما عندي فكرة
بس عند فندق كمبنسكي دائما التكاسي واقفين صف طويل واذا ما بتخافي اختي وعندك روح المجازفة ولايهمك باخدي بسيارتي مجانا :109:

هلا بك اختي

فندق كراون بعدي جدا عن جبل علي

انا انصحك تسكنين في المارينا

وبالنسبه للتنقل اذا كنتي تقدرين تستأجرين سياره يكون افضل

ورحله موفقه ان شاء الله

ومازال الانتظار جاريا

اختى الكريمه اعتقد ان فندق ماريوت كورت يارد يقع فى منطقه اسمها جرين كميونتى وليس فى جبل على الرجاء التأكد من العنوان حيث انه يبعد عن ابن بطوطه تقريبا 10 دقائق.

تاكدى اختى من العنوان واذا كان نفس الفندق انا سكنت فيه من قبل اقدر اعطيك بعض المعلومات .... وبالتوفيق

هلا اختي حلوى بحرينيه

عاد انا برضى بالمتاي بس:

شوفي اختي الفيستيفال بيكون وايد بعيد عن جبل علي في الاوقات العاديه يبغي لج تقريباً 40 دقيقه لين ما توصلينه والصبح يكون زحمة وايد

اذا كنتي وحيده انصحج ب فندق كمبنسكي الملاصق لمول الامارات المول والفندق فيهم امان اكثر من اي مكان ثاني
وتقدرين اول ما توصلين المطار تستأجرين سياره بسواق واتفقي وياهم اما يكون يوم كامل او بالساعه والمسافه من مول الامارات الى جبل على بالكثير ربع ساعه او اقل بعد

الشاميه

مشكووره يالغاليه على تواصلك معي
وتأكدي ان عندي روح المجازفه
يالله جهزي سيارتك واستقبليني من المطار

تاج 988


مشكور يالطيب على المداخله
هل من الممكن ان تقترح علي بعض الفنادق المحترمه والجيده في منطقه المارينا اذا ماعليك امر



اختي ام حمود

http://www.marriott.com/hotels/maps/...een-community/


هذا هو الفندق الذي اقصده
بس انا ماعندي نيه اني اسكن الفندق هاذي لأني قد اضطر لسفر بمفردي وهذا الفندق بعيد عن اماكن التسوق والسياحه في دبي



بنت الشيخ زايد



الله يرحم زايد ويخلي مثواه الجنه قولوا آميين

عزيزتي والله كأنك حاسه فيني
لأني فعلا احتمال كبير اني اسافر وحدي علشان جذي بغيت فندق امان وقريب من المجمعات
وفعلاً فندق كمبيسكي في بالي
بس انا خاطري اسكن في منطقه المارينا ووك ياريت تفيديني كم يبعد عن جبل علي

ولج مني متاي وحلوى ملكي بعد

مثل ما قلتى اختى الفندق بعيد والافضل ان تسكنى فى المارينا ووك وارشح لك فندق الهيلتون جميرا من حيث الموقع وعلى فكره انا بعد يومين بسكن فيه اما سؤالك كم يبعد عن الفندق تقريبا 20 دقيقة بدون ازدحام (على فكره الفندق مو فى جبل على هو على شارع الامارات للعلم) والفنادق الموجودة على المارينا ووك هى
رويال مريديان
هيلتون جميرا
الواحه (شقق)
شيراتون جميرا

هلا اختي
والله حاسه فيج
اذا بروحج تبين مكان فيه كل شي
والمارينا ووك اقرب لجبل علي من مول الامارات بس مب امان وايد من كثر الاجانب هناك

هلا أختي حلوى بحرينية
أنا مع أختي بنت الشيخ زايد فندق كمبنسكي وفيه مدخل خاص لأحلى مول هو مول الإمارات كل ما تحتاجينه فيه
وعن تأجير سيارة مع سائقها ألحين موجود في دبي سيارات أجرة خاصة للنساء تقودها النساء أحسن وأطمن

ام حمود

الف شكر لج يالغاليه على تعاونج معاي
وياريت تبعد ماتسكنين الفندق تقولين لي رايج فيه وكيف اسعاره
اما الفنادق اللي رشحتيها لي فان شاء الله بابحث عن مواقع الفندق وباجوف الاسعار والمناسب لي
وتسلمين مره ثانيه يالغاليه


بنت الشيخ زايد



حبيبتي انا طول يومي راح يكون في الكورس ومابخلص الا الساعه 6 المساء
علشان جذي ابي فندق يكون قريب للمجمعات والمطاعم علشان ماضيع وقتي في المواصلات
وانا رحلة العوده راح تكون يوم الجمعه 29 مايو العصر
وهاذي النهار بخصصه للتسوق علشان جذي مابي اضيع وقتي في المواصلات
ويبدو اني باسكن في منطقه الجميرا ووك لقربه من الفندق اللي ابيه

واذا على الاجانب ان شاء الله الديره امان عمرنا ماسمعنا عن جرائم في دبي والاشرايج؟؟

وتسلمين حبيبتي مره ثانيه



حور الكويت



حي الله بحايبنا اهل الكويت
حي الله اهل الرهش ( اموووووت في الرهش الكويتي )
حبيبتي عندج فكره عن الشركات اللي عندها سائقات نساء
ياريت تقدرين تفيديني

المشاركة الأصلية كتبت بواسطة حلوى بحرينيه
http://www.arabtravelersforum.com/tr...0/#post2834140



بنت الشيخ زايد



حبيبتي انا طول يومي راح يكون في الكورس ومابخلص الا الساعه 6 المساء
علشان جذي ابي فندق يكون قريب للمجمعات والمطاعم علشان ماضيع وقتي في المواصلات
وانا رحلة العوده راح تكون يوم الجمعه 29 مايو العصر
وهاذي النهار بخصصه للتسوق علشان جذي مابي اضيع وقتي في المواصلات
ويبدو اني باسكن في منطقه الجميرا ووك لقربه من الفندق اللي ابيه

واذا على الاجانب ان شاء الله الديره امان عمرنا ماسمعنا عن جرائم في دبي والاشرايج؟؟

وتسلمين حبيبتي مره ثانيه




هلا اختي

الحمد لله البلاد كلها امان ان شاء الله
وذا ووك فيه محلات وسوبرماركت وصالونات ومطاعم وكل شي قريب منج,,
ومول الامارات خليها يوم الجمعه يفتح 10 الصبح

وتنورينا في دبي

هلا بالحلوى البحرينية

بالنسبه لى هاذى مو اول مره اسكن فى الفندق خدماته 5ستار واحسن موقع فى الووك لانه فى الوسط وعند المقاهى والمطاعم اما سعر الغرفه لشخصين بالليله 1270 درهم شامل الافطار الان يمكن فى 29 مايو يكون السعر اقل اما بخصوص المواصلات اذا سكنتى فى فندق كبير تكون المواصلات متوفره بس اخذى معك العنوان والخريطه ضرورى من موقع الفندق لان اغلب التكاسى ما عندهم فكره عن مكان الفندق (اسئل مجرب) ولما توصلين الكورت يارد ممكن تطلبين تكسى من مكتب الاستقبال فى الساعه اللى تحددينها لهم وخلى عنك السائقات النساء مرتين مضيعينى وانا مدليتهم.

هلا أختي الله يحييج و حياكم في الكويت المره الجاية وذوقو رهش الكويت
مكاتب تأجير السيارات بمطار دبي فيها خدمة تأجير سيارة مع السائق ويكون عندها خدمة للنساء
عن سائقات التكاسي النسائية إحنا مرة طالعين من مطار دبي كان فيه التكاسي الوردية للنساء وركبناها وتقول تتصلون على شركة تكاسي دبي وتتعاملين معها الفندق يطلب

ام حمود

الف شكر لج يالغاليه
افدتيني واااااايد بارك الله فيج
وان شاء الله راح اضع نصائحك بعين الاعتبار
وان شاء الله اردها لج في الافراح واذا تبين اي شي من البحرين مايردج الا كيبوردج

حور الكويت

ايه ان شاء الله لازم نزوركم الكويت على كثر حبي لها بس ماقط زرتها
اما عن التكاسي الورديه والله من زمان خاطري اركبهم
بس ام حمود خلتني اعيد النظر في السائقات النساء
خبرج احنا حريم ونعرف بعض
تسلمين يالغاليه على تواصلج الدائم