الموضوع: تقرير رحلتـي النمسا سويسرا فرنسا ألمانيـا

السلام عليكم
أبدأ معاكم سرد لرحلتي ، التي كانت في الفترة من 9- أغسطس حتى 24 أغسطس

كانت على النحو التالي
النمسا ( 3 ليالي - 4 أيام ) ( الإقامة كانت فقط في زلامسي ) ..
سويسرا ( 7 ليالي - 8 أيام ) ( الإقامة كانت في بادريجيز + انترلاكن ) ..
فرنسا ( ليلتين ) فقط .. ( ستراسبورغ )
ألمانيا ( ليلتين ) فقط .. ( ميونخ )

بما أن أكبر مدة للإقامة كانت في سويسرا ، لذا سأضع الموضوع في بوابة سويسرا ..


الناقل الرسمي : طيران الاتحاد ..
التكلفة : للشخص حوالي 12 ألف ريال قطري تقريباً مع السكن ، من غير تذاكر ( التذاكر حوالي 3150 ريال ) ..
عدد الرحاله : 4 ..

الكاميرا المستخدمة للتصوير : كانون 5 دي مع عدسه 24 - 70 ، لكن في بعض الصور استخدمت ال 100 مايكرو ، وفي بعض الصور استخدمنا السوني الصغيره 6 ميجا بكسل ..
في هذا التقرير لن يتسنى لي تعديل الصور سواء من ناحيه الإضاءة أو من ناحيه تشبع الالوان والحده وما إلى ذلك ، فالصور كما هم ، مجرد تعديل في مسح الوجوه + كتابه الحقوق .. واسمحولي إذا الصور ماكانت واضحه أو محتاجه إلى تعديل .. لاني لو عدلت على كل الصور ماراح اخلص منهم إلى بعد سنه



بسم الله وعلى بركة الله نتوكل ..


طبعاً في البداية كانت الساعة تشير إلى 8 مساءً وكنت اوصي الشباب بالحضور إلى المطار ، لان الزحمه لاتطاق صراحة ، الساعة 8 ونص كانت التجمع في المطار .. وكان ولا حد فيهم يعرف الثاني ، وهذا المميز في السفرة ، وانا فقط الي اعرفهم كلهم ،، وكان الاجتماع الاول لهم .. وطبعاً كلهم من اعضاء موقع عرب زووم ..

الساعة 10 ونص ليلاً طارت الطيارة إلى مطار أبوظبي .. ومن ثم الساعه 3 وشوي طارت الطيارة إلى مطار ميونخ بعد تأخير استغرق ساعة وشوي في مطار بوظبي !

وصلنا مطار ميونخ ، وخلصنا اجراءاتنا بسهوله ويسر صراحة ..
خذنا الشنط وعلى مكتب تأجير السيارة .. يوروب كار ..

حيث ان مأجرين سيارة مرسيدس او بي أم الحجم الكبير ، لكن تفاجأت ان السيارة الي عطوني اياها ( طوارق ) ،، قلنا خير وبركه ، كنت احاتي مشكلة الشنط صراحة ، وبهالطوارق انحلت المشكلة ..
خذت السيارة بعد اجراءات سهله جداً وسريعه .. وعطوني بطاقة للخروج من الموقف + مكان السيارة ورقم موقفها ..

رحنا ، وإذ بالسيارة ماشاء الله جديده بقراطيسها ( ماشيه 13 كيلو فقط ) اعتقد من المصنع إلى المطار فقط !! والبترول كالعادة Full ...



مع العلم ان السيارة بها قارمن إلا اني ماحب استعمل إلا القارمن الي متعود عليه ..

كانت نقطة وصولنا ميونخ ، ومتجهين إلى النمسا ( زلامسي ) ..


الخطوط الحمراء في الخارطة تعني رحلاتنا إلى المدن ..
اما الزرقاء فهي رحلات يومية سريعه :109:

بعد الفاصــــــل ،، سنواصــــــــــل

مواضيع عشوائيه ممكن تكون تعجبك اخترناها لك:

• أحتاج مساعدتكم ضروري
• أجواء انترلاكن
• ارجو المساعده
• افضل المستشفيات للفحوصات بسويسرا
• رحلتي بعد ٤ ايام وابي مساعدتكم ضروووري
• مو عارف وين أروح في سويسرا
• استفسار هام بخصوص الشنغن رحلة اصدقاء
• استفسار مهم عن دخول رمضان في سويسرا هـ م
• ست ليالي بجنيف في نهاية مارس؟؟
• عندي مشكله عجيبه فى فندق متروبول انترلاكن واللى يعرف لها حل يساعدنا
• اتمني تساعدوني
• سويسرا الساحره مالنا مفر منها
• سويسرا في شهر فبراير ؟؟؟؟؟؟؟؟؟؟؟
• خطة رحلتي واريد نصائحكم اخوكم عضو جديد
• تكفون ابي سكن في انترلاكن او ما حولها في شهر اغسطس
• استفسار عن فنادق في زيورخ
• محتار وين اروح في جنيف مسافر الرياض الي جنيف
• الرجاء ذكر ماتعرفونه عن كرانس مونتانا
• ابي مشورتكم تبي مشورتكم لاهنتو
• الفيزا مسبقه الدفع و شركات تأجير السيارات

حمدا لله على سلامة مصورنا ومبدعنا ((جاسم))

وانا من الناس اللي كانوا صافين طابور منتظرين تقرير حضرتكم

متابع بدون ملل

اخوي القدير جاسم الحمد لله على السلامة ..
صار لنا فترة و نحن نترقب طلتك علينا بتقرير مميز كالعادة ..
سجلني من المتابعين و المنتظرين

الحمدلله عالسلامه,, اخ جاسم,,

و ناطرين تقريركـ =)

واخير اياجاسم

بنستمتع بتقرير وصور رائعه

سجلني من المتابعين

وانا بعد حجزي درجه أولى

:101:

عجيب عجيب يا جاسم ,,

ابدعت يالغالي , عيل فندق العيوز ام مخمهـ هااا

تحياتي

الحمدلله على السلامة اخوي جاسم

سجلني مع الشلة من المتابعين

المشاركة الأصلية كتبت بواسطة True Love
http://www.arabtravelersforum.com/tr...0/#post1578140

الحمدلله على السلامة اخوي جاسم

سجلني مع الشلة من المتابعين



حجزك ويتنغ ليست على الدرجة الأولى :109: حصلنالك بزنس .. شرايك ؟؟؟ هههههههههه

يامرحبا فيك اخوي الغالي .. والله يسلمك

حمد لله على السلامة اخوي جاسم


بانتظار بقية التقرير ...

المشاركة الأصلية كتبت بواسطة Jassim
http://www.arabtravelersforum.com/tr...7/#post1578317

حجزك ويتنغ ليست على الدرجة الأولى :109: حصلنالك بزنس .. شرايك ؟؟؟ هههههههههه

يامرحبا فيك اخوي الغالي .. والله يسلمك



ياغالي لو تحطني على جناح الطيارة اهم شي معاكم

الله يعطيك العافيه
متابعين ابداعاتك ولنا تواصل معك ان شاء الله

أشم رائحةٌ جميلة جذبتني هنا
( لا ..مب الهوت شوكليت )

لكنها رائحة بنكهة زيلامسية .." خسارة إنها لم تعجبك "



صورة من رسم الخيال ماشاءالله ...مبدع أخي

لكن سؤال ذابحني ؟؟
ويييين الناس !! ولا حتى قطو !!

أكمل فنحن
متابعين معك

بارك الله فيك

الله يعطيك العافيه اخوي
متابعين

يعطيييييك العاااااافيه على هالتقرير الحلووو

الحمدلله على السلامه اخوي جاسم
تقرير ممــــــــــــــــــتع :x1:
و سجلني في كشف الحضور والغياب إني متابع رسمي للرحله :11ight:


بالانتظار

ماشاء الله تبارك الله
مبارك عليكم الشهر
ومشكورين جميعاً على الردود المحمسه فعلاً .. راح تخليني ابدع اكثر واكثر ..


بخصوص بعض الاستفسارات ..
اخوي الدار : الوقت كان بعد مغيب الشمس والمحلات كلها مصكره ..


مرحباً اخوي رجل شرقي . بخصوص استفسارك عن السيارة ، فحجزها كان عن طريق النت .. شركة كانت تتعامل مع عدة شركات .. ومن ضمنها اليوروب كار الي اعتبرها من افضل الشركات على الاطلاق .. تعاملت معها في فرنسا وفي المانيا .. وبالفعل شركة 10 على 10 ..

مبدع أخوي جاسم يله كلنا بالانتظار كمل خلي أيامنا تحلو........... بس قولي شلون الفندق مسكووووووووووووون؟؟؟؟؟؟؟؟؟؟؟

المشاركة الأصلية كتبت بواسطة seashellq8
http://www.arabtravelersforum.com/tr...1/#post1580391

مبدع أخوي جاسم يله كلنا بالانتظار كمل خلي أيامنا تحلو........... بس قولي شلون الفندق مسكووووووووووووون؟؟؟؟؟؟؟؟؟؟؟



الفندق الله يسلمك في الليل لايحوشك ههههههههه ارقد وسو نفسك ماتسمع شئ ..
لان في الليل المنطقة تكون مظلمة جداً جداً .. والحمام الله يعزك تطلعه منه اصواااات غريبه ، اول مافتح باب الحمام ماشوف فيه شئ ،، والله هالحاله كل يوم ههههههههه بس عدت على خير :109:

المشاركة الأصلية كتبت بواسطة Jassim
http://www.arabtravelersforum.com/tr...6/#post1580576

الفندق الله يسلمك في الليل لايحوشك ههههههههه ارقد وسو نفسك ماتسمع شئ ..
لان في الليل المنطقة تكون مظلمة جداً جداً .. والحمام الله يعزك تطلعه منه اصواااات غريبه ، اول مافتح باب الحمام ماشوف فيه شئ ،، والله هالحاله كل يوم ههههههههه بس عدت على خير :109:

ياسلام سلم وش حادك على المر :109: يمه مااجلس فيه ليله وحده

كل عام وانت بخير

بعدين انا توي اشوف تقريرك :24: :24: :24: ترتيب صح

بس الصور ليش ماهيب راضيه تطلع وياي:114:


بس اقرا ومااعرف اقرا الا بصور عشان اشوف ( لزوم اللقافه)

وسجلني من المتابعات لتقريرك الرائع :24:

تروح وترجع بالسلامه


وعمره مقبوله ان شاءالله

وتقرير حلو وخاصه قصه ام مخمه ذي ههههههههههه


وتعال شلون يقفلون عليكم الباب ويحبسونكم داخل @ــــ@

تروح وترجع بالسلامهـ ياجاسم

وتقبل صيامك وعمرتك ان شاء الله

والتقرير عجيب والله , استمر

على فكرة .. مانصح اي حد يسكن في هالفندق .. لان الفندق مسكون هههههههههههه



كيف يعنى مسكون؟

اولا الحمدلله على السلامه من اوروبا

ثانيا عمره مقبولة ان شاء الله وترجع بالسلامة

ثالثا اذا احتجت اي شيء بالسعودية وخصوصاً من الرياض فترانا حاضرين وتأمر أمر وما نعتبرك الا اخو غالي

اخيرا تقرير رائع وصور اروع من كاتب مبدع


تقبل تحياتي

الحمد لله على السلامه

وعمره مقبوله

بس وش رايك بالسواقه عندنا بالله من احسن من السواقه باوروبا ههههههههههههه

المشاركة الأصلية كتبت بواسطة لوي فيتون
http://www.arabtravelersforum.com/tr...9/#post1593269

الحمد لله على السلامه

وعمره مقبوله

بس وش رايك بالسواقه عندنا بالله من احسن من السواقه باوروبا ههههههههههههه



هلا اختي . والله شوفي انا بحكم زياراتي الكثيرة للمملكة ، فأنا أعرف طريقة سواقتهم :109: فماعندي مشكلة :24:


ياجماعة نسيت انزل لكم هالصورة في تقرير ( فيينا ) ..

تسلووا فيها شوي لين انزل باقي التقرير ههههههههه

الحمدلله ع السلامه

والله يتقبل عمرتك وصيامك


بأنتظار المزيد من المتعه

جاسم وش هالتقرير الحلو .. الظاهر الهت شوكلت مأثر فيك الى الحين :109: .. لا تتأخر علينا منتظرين بقية تقريرك الحلو ..

تقبل الله منا ومنكم صالح الاعمال .. والحمدلله على السلامة ..

[size="4"][color="darkred"]نواصل معاكم الحلقة الثالثة من الرحلة الأوروبيــه

طبعاً هذا هو اليوم الثالث من الرحلة ،، وقاعدين نفكر وين نروح ، فأجتمع مجلس الإدارة وقررنا ان نروح ثلج كابرون ، ومن ثم الشلالات ( شلالات كارميل ) .. فوقع رئيس مجلس الإدارة على القرار السريع ، وتوكلنا على الله وإلى الفطور الصباحي .. تفطرنا ودقينا سلف للموتر ، وسمينا بسم الله وإلى كابرون ..
طبعاً الطريق مانعرفه صراحة ، ورحنا إلى قريه كابرون ، وسألنا ناس اهناك وقالولنا لازم توقفون هنا وتركبون الباص ،، او تروحون لين فوق بالسيارة !! الصراحة مافهمنا عدل الموضوع ، بس قلت اكيد مش هنا الكيبل الي يودينا لين فوق .. غيرنا وجهتنا وركبنا فوق الجبل بالسيارة إلا بمواقف الكيبل امامنا .. صفينا السيارة ، وكلنا مشتيين ( لابسين شتوي ) .. وتوكلنا على الله وصفينا السيارة ونزلنا ..








قطعنا التذاكر من هناا ، والتذكرة كانت عبارة عن كرت .. والله ما اتذكر سعر التذكرة بالضبط بس كأنها 12 يورو وشوي ..


هنا الاستعداد لركوب التلفريك ، وللوصول إلى الجبل لازم نركب 3 تلفريكات

الغالي ابوريان ..
والله يالغالي ان كان ودي اقابلكم ،، وسبق اني قلت هذا الكلام لأخوي هشام ، لكن والله العظيم ان كنا تعبانين ، وارحتنا ويوم قمنا اليوم الثاني مشينا على طول ، مع ان كان المقرر ان نقعد يومين في الرياض من اجلكم ومن اجل الصلاة في مسجد ياسر الدوسري ، لكن قدر الله وماشاء فعل ..

الأخت لوي فيتون ، فعلاً قمم سويسرا ((( غير ))) ! ..
لك خالص تحياتي على المتابعه ..


وانتظرونا

ماشاء الله صور تهبل الله لايضرك

حسستني انه الجو روعه في طريقكم لفيينا وخاصة صور زخات المطر من السياره

لااااااااااااا وبعد مرت عليكم ام مخمه في الطريق مب هينه :109:

متابعتنك يامتألق

:101:

مع ان كان المقرر ان نقعد يومين في الرياض من اجلكم ومن اجل الصلاة في مسجد ياسر الدوسري ، لكن قدر الله وماشاء فعل ..



المفروض قعدتوا يوم للدوسري ويوم لولد خالته القطامي بع لهم ولد خاله ثالث بس ما ادري مين ناسيه

والله القطامي شي عجيب

انوااااااااااااااااع الصياح تحس انك طالع من المسجد نقي من كثر ما بكيت

الله يجزاه خير والله اني ولهانه على الصلاة معه

المشاركة الأصلية كتبت بواسطة نوبة سياحية
http://www.arabtravelersforum.com/tr...9/#post1600919


وانا اشهد

لو جمعت الثلاثة كلهم ما وصلوا كتفك ماشاء الله تبارك الله :109:

والأدلة التوثيقية موجودة عندي .. والا نسيت ؟:114:



بل بل بل انت من النوع الي ماتبالغ واجد :109:

بخصوص الادله التوثيقية اتمنى انك تطرحها تراك لوعت كبدي بهالأدله :109:

المشاركة الأصلية كتبت بواسطة Jassim
http://www.arabtravelersforum.com/tr...9/#post1601169

بل بل بل انت من النوع الي ماتبالغ واجد :109:

بخصوص الادله التوثيقية اتمنى انك تطرحها تراك لوعت كبدي بهالأدله :109:




دامك مصر على طرحها فأنت المسئول

قريبا بحول الله ستكون هنا أو في موضوع مستقل

ترقبوا جاسم وهو يغسل ملابسه في نهر انترلاكن :109:

وقفنا في سوبرماركت على الخط لشراء بعض التسالي ،، ومن بينها مشروب الطاقة ( باور هورس ) !! أقصد ( باور صقر ) هههههههههههه



اكيد الباور هورس الخالي من السكر لك يا جاسم :109:

الله يعطيك العافية على الصور الجميلة :24:

تقرير شيق .. واصل ويعطيك العافية اخي جاسم ..

مشكورين وجزاكم الله خير .. بس مادري ليه الردود بسيطه .. ترى باقي حلقات كثيرة ، راح تخلوني قصب اختصر من اجل انهاء التقرير ..

الهلالي .. بزنس مان .. شكراً لكم
الهلالي

مع اني للوهلة الأولى اجزم ان زيورخ لاتصلح للسياحة نفس المدن الأخرى السياحية في سويسرا ..





صاااااااج ما تصلح

اصلا بايخه وايد !








و بالنسبه للردود

تدري رمضان

و الناس لاهيه مع الصيام و الدوخه و المسلسلات و التراويح ^^

ههههههه .. مشكورة اختي همبكا ..

والناس وعذرها معاها .. مب قاصبها علشان ترد على موضوعي ، الاهم اني انا اطرح الموضوع علشان الي يستاهل .. والباقي عذره معاه ..

اخوي رجل شرقي .. أسعدني تواجدك ..
بخصوص التخطيط ترا وصلنا بادريغيز على الساعة 3 او 4 وماكان عندنا جدول نسويه غير الذهاب إلى زيورخ .. وقرر مجلس الإدارة ووافق بالاجتماع .. هههههه

مع ان كان الخاطر نمدد اكثر من ليلتين في بادريغيز لكن المشكلة مرتبطين في حجوزات ثانية ..

لك خالص تحياتي

يعطيك العافيه اخوي على هالابداع

واحلى صوره وقفت السياره تحت شجره زين ماعطوكم مخالفه

مشكور يا بو محمد على هالورده ، وجزاك الله خير ،،




ما قلت لك بكره في نهار رمضان راح اكتب لك ولعيونك بس يا بومحمد ،،

متابعين معك يا بومحمد ودعني اشيد بتصويرك الراقي ، الا على فكره كيف صورت داخل بيت هايدي هل بالفلاش ام بدون فلاش ؟!!


موفق يا بومحمد وسلامي للزهرات الصغيرات بناتك ،،



اخوك/
ابو مطر

؟؟؟؟


!! ويش السالفة ؟؟

اكمل ولا ماكمل ؟!

المشاركة الأصلية كتبت بواسطة Jassim
http://www.arabtravelersforum.com/tr...3/#post1606763

؟؟؟؟


!! ويش السالفة ؟؟

اكمل ولا ماكمل ؟!




اخوي جاسم متابع معاك بس انا شوي مشغول بتقريري ........ لكني متابع

المشاركة الأصلية كتبت بواسطة Jassim
http://www.arabtravelersforum.com/tr...3/#post1606763

؟؟؟؟


!! ويش السالفة ؟؟

اكمل ولا ماكمل ؟!





لا لاتكمل :tongue::tongue::tongue::116::biggrin:

كمل ولا

:36_1_40::36_1_40::36_1_40:

ههههههههه

كازينو p:

كازينو أم عنبر ^^















كمّل و نحن من ورائك ^^

المشاركة الأصلية كتبت بواسطة sad22090
http://www.arabtravelersforum.com/tr...0/#post1610890

سلام عليكم ورحمة الله وبركاتة


أول شي أهنيك على التقرير بصراحة تمنيت أني خويكم :115:

وثاني شي ولا عليك أمر كم كلفت السيارة ؟؟

وثالث شي الله يعطيك1000000000 عافية وسلم على خوياك لي كانو معاك :24:


تحياتي...................




همبكا شكراً لج اختي ..


اخوي سعد .. بخصوص السيارة خذتها من موقع تأجير سيارات نسيت اسمه . بس هو يتعامل مع شركات اليوروب كار وكل الشركات العالمية وانا جا من حظي هالشركة
بعدين باجيب لك اسم الشركة

لمدة 12 يوم ب 1200 يورو تقريباً او 1000 يورو

تقرير ممتاز جدا جدا
واصل
بالتوفيق


شاو

يعطيك ألف ألف عافيـــة والله أبدعت بالصور .. صور من أنامل فنان .. تسلم وماقصرت يا الغالي .. ..

رااائع

لا تتأخر علينا ..

مشتاقين لسوالف انترلاكن

المشاركة الأصلية كتبت بواسطة Jassim
http://www.arabtravelersforum.com/tr...9/#post1613769

بسم الله الرحمن الرحيم ..

نكمل معاكم ..

بعد ما بتنا ليلتنا الثانية في بادريغيز .. الصراحة القريه استمتعنا فيها لسبب واحد وهو هدوئها الرائع .. ولي نيه اني اكرر هالزيارة ان شاء الله لهالقريه .. جهزنا اغراضنا وتوكلنا على الله وكانت الوجهة انترلاكن Interlaken




هنا صور عن الخط واحنا متجهين إلى انترلاكن



كم انتي جميله يا انترلاكن ...




أخي الفاضل / جاسم
أتابعكم من أول التقرير .. وبصراحة أكثر من رائع
الصور تكاد تنطق بسحر الطبيعة حرفية التصوير
الكلمات بسيطة .. ولكنها عميقة و"دسمة" !!
أكاد أسمع صوت رقرقة المياه، وتصايحكم مع
الثلوج ، وأشعر بطعم الآيس كريم ورائحة الروبيان

لم أطق الصبر على نهاية التقرير ، فكتبت لكم
مهنئاً بالتميز في التقرير ، وفي ترتيبات السفر
وفقكم الله .. أنتم وباقي المجموعة (الثلاثي)
تحياتي ومحبتي للجميع

المشاركة الأصلية كتبت بواسطة qatr
http://www.arabtravelersforum.com/tr...5/#post1622315

أخي الفاضل / جاسم
أتابعكم من أول التقرير .. وبصراحة أكثر من رائع
..................................................
وفقكم الله .. أنتم وباقي المجموعة (الثلاثي)
تحياتي ومحبتي للجميع



34"]مشكورين ياجماعة على الردود الرائعه .. ماقصرتوا .. تخلوني ابدع في باقي التقرير .. مابقى منه إلا القليل

اخوي قطر .. احنا ( رباعي ) وليس ( ثلاثي ) ...




وفي الختام ، وكالعادة .. توقيع في سجل الزوار .. شوفوا توقيعي ،، بدون خلق وقعت من كثر ماوقعت .. توقيعي في الاعلى يمكن مايبين منه إلا شوي ههههههه

[/SIZE]



باقي صور بسيطة لهذا اليوم ، وهو زيارة البحيره الزرقاء .. بما انها 4 او 5 صور فقط .. راح اخليها من حلقة اليوم التالي .. املاً ان ينال هذا اليوم على إعجابكم ..


مع خالص تحياتي
[/QUOTE]

أخي الفاضل / جاسم
توضيح بسيط .. في مشاركتي السابقة
دعوت لكم بالتوفيق + باقي المجموعة





وفقكم الله .. أنتم وباقي المجموعة (الثلاثي)



(أنتم + الثلاتي) = 1 + 3
وبالتالي يصير العدد 4 ..!!

شكراً لأنكم جعلتونا نعيش الأجواء
الحقيقية "لهايدي" والعجوز أم مخمة
وفي إنتظار باقي صوركم الممتعة

تحياتي ومحبتي للجميع

الف شكر لك على هذا الجهد



ربي يعطيك العافية

السلام عليكم ورحمه الله

الاخ جاسم ماشاء الله تقرير وصور جميله جداااا

ننتظر فرنسا :24:

قطر ، اسمح لي اخوي توني فاهمك . حقك علي ...

اليازي ،، والله الطير ماعرفه ،، هي قالت لنا طير صغير ، لكن مادري شنو والله small bird ..

بوعوف ،، احد افراد الرحلة .. شكراً على تعليقك ..








المشاركة الأصلية كتبت بواسطة غدير
http://www.arabtravelersforum.com/tr...2/#post1624872

السلام عليكم ورحمه الله

الاخ جاسم ماشاء الله تقرير وصور جميله جداااا

ننتظر فرنسا :24:



مابي احطمكم .. لأن آخر ليلتين في ميونخ لم اصور شئ .. .. وفي ستراسبورغ صورت قليلاً كعادتي :109:

:24: تقرير رااااائع كالعاده

قريت التقرير من الساعه 2 الظهر والحين خلصت الصراااحه اندمجت مع التقرير العيوز وهايدي وننتظر البقيه

مع تحيات أختك غردينيا:106:

ممتع يا جااااااسم:24:
ونا أقول وين الرجال مختفي عن بوابتنا:114:
الي دايم يبدع فيها بأحلى الصور
وثرك مطيح بـ إنترلاكن
لاكن عوضة الغيبه بصور الرحله الممتعه حقاً:101:
الحمد لله إني لحقة على التقرير قبل لا ينتهي
وبعدين معكم طوارق ولا تشق قطوع بين هل جبال:36_7_14:
خلوها مكاشيت :36_15_17:
خيمتين بسلاتيك وفرش سفري كل أثنين بخيمه
جنب النهر وإذا صحيت الصباح تطب بالنهر دش سريع:bounce8:
وتشب على القهوه والفطور قنص من هل بقر والتيوس متورمه من النعمه:222:
عندي إحساس عندك كم صوره تبي تهبل بنا بالبوابه بعدين:109:
وش سالفة الجن إلي بالفندق:109:
الجني لا شافك ينحاش يخاف لا تشكه بصوره شتر سريع مع الفلاش يمشي مليوووون
همن تشهربه بالنت:109:

وسلم لي على أبوالهيل والشباب


رحله مرتبه ومتعوب عليها ما شاء الله




متواصلين

اجدد اعجابي بهذه التحفة المميزة ...
واصل فنحن معك إلى النهاية

السلام عليكم ورحمة الله وبركاته


انتقلت الى رحمة الله جدة اخونا الغالي/ Jassim وقد صلي عليها اليوم بعد صلاة الظهر في مقبرة ابو هامور ، ويقبل العزاء للرجال بمنطقة العزيزيه شارع اسماء بالقرب من جامع حصة بنت سلطان السويدي ، مقابل استاد خليفه الدولي .

وبأسم اعضاء ومشرفين ومراقبين وادارة العرب المسافرون

نتقدم بأصدق التعازي لأخونا Jassim فعظم الله اجره واسكن فقيدتهم فسيح جناته


اللهم اغفر لها وارحمها ،، وعافها واعف عنها ،، وأكرم نزلها ووسع مدخلها ،، واغسلها بالماء والثلج والبرد ،، ونقها من الخطايا والذنوب كما ينقى الثوب الأبيض من الدنس ،، وأبدلها داراً خيراً من دارها ،، وأهلا خيراً من أهلها ،، وزوجاً خيراً من زوجها ،، وأدخلها الجنة وأعذها من عذاب القبر ومن عذاب النار ،،، اللهم آمين ،،


انا لله وانا اليه راجعون .

اللهم اغفر لها وارحمها واسكنها فسيح الجنان
اللهم اجرها من عذاب القبر ومن عذاب النار
احسن الله عزائكم اخي جاسم

تقرير رائع من مصور محترف
استمعت كثيراً بالتقرير أخي جاسم

بارك الله فيك !