الموضوع: عريس ومتورط ابغى فزعتكم

مســـاء / صبـــاح الخير


في البداية أتشرف بوجودي بهالمنتدى الرائع اللي اعتبره أفضل موقع متخصص في السفر والسياحة

وعندي طلب وياريت المشرفين والأعضاء ذوي التخصص أنهم يفيدوني بهالشئ

ان شاء الله راح ازور دبي في يوم الجمعة بتاريخ 1 / 5 / 2009 ولمده ( 7 ) ايام

والغرض من الزيارة هي قضاء شهر العسل بدبي ارجوا منكم مساعدتي ببرنامج مكتمل حيث سيكون

بداية برنامجي هو بعد صلاه العصر الى الساعه 12 ليلاً او قبل على حسب البرنامج

ارجوا مساعدتي بإيجاد فندقين حيث كل فندق اقضي فيه اربع ليال وارجوا إعطائي رأيكم

بفندق الماريوت بجوار مجمع حمر عين وكم سعر الغرف فيه وابغى استفسر عن الباص المائي واين

موقعه بالضبط واريد قارب يكون فيه عشاء وارجوا إعطائي معلومات عن المارينا ووك و الجميرا ووك

وياريت تفيدوني عن الجوله بطائره الهيلوكبتر وكم سعر الجوله .


تحياتي للكل ؛؛

مواضيع عشوائيه ممكن تكون تعجبك اخترناها لك:

• ترانزيت بدبي ومحتاجكم شوي
• سافر حول العالم بتكلفه قليله في ربوع القرية العالمية دبي
• صالة افراح بسعر مناسب
• عروض مذهلة على طيران فلاي دبي
• عاااجل اريد دخول السينما اين اضع اولادي
• الزياره للمغربيه
• واجهتان مائيتان ومشروع تراثي جديد في الشارقة
• مطار آل مكتوم وراء بناء «ابن بطوطة جيت»
• بروح دبي اسبوع الياي وودي احد يساعدني
• أفتتاح برج دبي أطول برج في العالم
• ابحث عن فندق فيه مواقف وقريب من الديرة
• السفر من دبي الى مسقط كم يستغرق يكلف هل هو آمن ؟
• لو سمحتوا ابي اسال عن فندق لاني بسافر انا وزوجي دبي الاسبوع القادم
• مينك تيكوم للشقق الفندقية
• عريس وحيران
• اهل الامارات
• عرب لينك طالبكم
• فعاليات دبي لعيد الاضحى و لشهر نوفمـــبر مـ
• استفسار عن اوقات العمل في بعض المولات في دبي
• تكفوووون بسرررعة؟

الله يوفقك وييسر زواجك


ان الله يفيدونك الاعضاء

اتمنى يردون عليك لاني راح استفيد معك من الموضوع هذا لاني طالع دبي

بس بغرض التمشية فقط وشهر العسل باقي بدري علينا

مبروك زواجك مقدماً وعقبال العزابية

مرحبااخوي

والف مبروك

بس ممكن اتوضح لنا بعظ الاشياء مثل كم السعر المطلوب في الليلة الوحد علشان نقدر نفيدك اكثر


وبنسبة للفنادق انا راح اقترحلك بعظ الفنادق بس هي اسعارها مرتفعه

يعني عندك فندق القصر وميناء السلام وهم فندقين حلوين وجوهم حلو وينفع للعرسان

وعندك فندق العنوان وهو فندق حلو وراقي وجنب دبي مول وعندك فندق اتلانتس وهو حلو وفي جزيرة النخلة

وممكن اتقول لنا ليش تبي تقعد في فندقين مختلفين يعني انا اشوف فندق واحد حلوة افضل

وممكن اتقول لنا اذا انت زرت دبي قبل او لا

وبنسبة لفندق الماريوت حلو بس هو قديم وفي فنادق افضل منه

وبنسبة للاماكن مثل ماتعرف دبي واغلب دول الخليج عندهم المجمعات التجارية مثل (دبي مول &امارات مول & برجمان & وافي ستي & مركاتو & فستيفال ستي )

بنسبة لجميرا ووك انا مارحت وفي اعاء حطو مواضيع عنها

وعندك رحلت السفاري

وعندك مكتب عرب لينك تقدر تستفيد منه بلحجوزات وبحكم انك مشترك في المنتدى فلك خصم 5%

وانصحك اتاجر سيارة لان التكاسي غالية ويمكن ماتحصلهم بعد وتقدر بعد اتاجر سيارة عن طريق عرب لينك

وبنسبة للسعار دبي بشكل عام تعتبر غالية

وبنسبة للمركب فهناك في رحلة على خور دبي حلوة بس مش كثير يعني انا جربتها مره البوفيه كان عادي بس الشي الي صبرني انه كان في شيشة وحتى الاشياء الي يسونها عاديه يعني لاتتوقع شي حلو اذا انت فاضي وعندك وقت روح واذا لا انا ماانصح فيها

وعندي سؤال اخير انت ليش اخترت دبي صح هي حلوة وتستاهل الزيارة اكيد بس اسعارها غالية وتنفع حق سوق بس انا مانصح فيها لشهر عسل

ليش يعني مافكرت اتروح القاهر وشرم الشيخ او بيروت او ماليزيا او المالديف وكلهم راح يكلفونك نفس تكلفت دبي يمكن الفرق بتذكرة لان دبي ارخص بس بلشياء الثانية يعني المعيشة واسعار السكن اكيد الدول الي ذكرتهم ارخص بكثير

طبعا الراي يرجعلك وبنسبة لترتيب الجدول اذا انت مصمم على دبي فهاي لازم انت اتقوم فيه يعني انت اتحدد المجمعات الي بتزورها وتكتب كل مجمع ويوم الزيارة له والمجمعات الي كتبتهم هم الي انصح بزيارتهم
وبنسبة للمطاعم معظم المجمعات فيها مطاعم حلوة وراقية

واي استفسار احنا تحت امرك

تحياتي

ادخل هذا الرابط فيه رحلات حلوه للعرسان من عرب لينك
http://www.arabtravelersforum.com/travel253309/


وهذا لحجز الفنادق من عرب لينك
http://arablinkdubai.com/packagesnew.aspx


واتمنا لكم رحله سعيده

أخوي راكان ممكن تقولي كم محدد ميزانيه لشهر العسل


حتى اقدر افيدك وعنديلك اقتراح رهيييييييييييييب بس

يعتمد على الميزانيه ....

اخوي ارجو تحديد ميزانيتك اليوميه للفندق يعي الي كم تقدر تدفع باليوم بالفندق وبعدها اعلمك وبالنسبه للاماكن هناك الكثير من المواضيع للاخوان والاخوات تابعها وتفيدك اقدر احط لك كل الاماكن وابشر بس حدد لنا السعر

هلا بك اخوي

بالنسبه للسكن ماانصحك تسني جنب حمر عين لان زحمه وانت بشهر عسل هههه

انصحك بفندق المنزل وسعره حلو بصراحه مقارنه بالغرفه والموقع

والافضل انك تحجز من مكتب عرب لينك لان اسعاره مره كويسه ولك خصم 5 بالميه لانك عضو في هالمنتدى

بالنسبه للباص البرمائي يقع بجوار مول برجمان

العشا في البوم وفيه باتو دبي بس باتو ارقى بكثير بس غالي شوي حوالي 350 للشخص


والجميرا ووك ومارينا ووك تقدر تشوف تقريري كاتب عنهم بتفصيل وصور كثيره لهم (الرابط بالتوقيع)


والف مبروك يارب