صباح الخير
من قصائد حمدان المري اللي تعجبني كثيرا
أستاذنك بسافر أيام واجيك ****وان طالت ايام السفر لا تحاتي
حتى و لو طولت ماني مخليك***ياللي بدونك ويش تسوا حياتي
تامر على حاجه؟؟ باودعك واليك***عسى عوض الأيام في المقبلاتِ
حتى يدي ما ودها تفارق يديك ***ساكت وانا اشوف البلا في سكاتي
ما شفتني لا رحت منك التفت فيك**بلاي والله روحتي والتفاتي
لكن قبل ما اروح ودي أوصيك***وانت الوحيد اللي يقدر وصاتي
لاحدٍ سألك و قال لك وين مغليك **قل له لوازم لا قضاها بياتي
و أن طروا النسيان ماني بناسيك**يا راس مالي في الحياة وغناتي
و ان طروا السلوان ماني بساليك**طيفك معي حتى وانا في صلاتي
قلبي وهو قلبي إذا مر طاريك***لولا ضلوعي كان عزوا مماتي
لو جض صدري كان يمديه ياتيك**و يبات عندك ويهنا بالمباتي
أنا .. و قلبي .. و الغلا .. ساكنٍ فيك ***و انته .. و قلبك .. و الغلا .. وسط ذاتي
غلاك مثل الحكم عند المماليك ****أكبر طموحي .. لا .. كل أمنياتي
شف في غيابي أي حاجه تسليك***لأني بعدك أسلى مع ذكرياتي
أحاول اذكر أي شيٍ يطريك*****واقول هو سوى وانا ذي سواتي
كني موادع كل شيٍ حواليك ***و كني حسبت حساب حزة وفاتي
أحب لأني ما اقدر انساك و أبيك***و لا اقدر أخليك ياللي تحاتي
معنى أحب .. و ما اقدر أنسى .. و أخليك ***يعني بدونك ويش تسوا حياتي
إن شاء الله تروق لكم
^_^مواضيع عشوائيه ممكن تكون تعجبك اخترناها لك:
- ممكــن تـدخـل تدخليـــن ؟
- قارورة المايونيز وفقه الأولويات
- تعلم كبف تغلب نفسك
- صور تتكلم أروع الكلام
- قصة قصيره وجميله
- اى من العبارات تؤثر على جرحك ؟؟
- الفضاء والقلم
- حط الفاره على الارنب وشوووف
- اقبل الصيف واقبل العطش فاسقى الطيور واكسب الأجر صور
- لماذا خلقنا الله تعالى ؟ فضيلة الشيخ صلاح الدين بن عبد الموجود حفظه الله تعالى
- دموع القلب الحزين
- امتيازاتك كـ زوجة ثانية
- أكواب القهوة تختلف مثل اختلاف البشر
- سأعطيك ثلاث وصايا اعمل بها وأرجوا أن يكتب بها الله لنا ولك النجاة
- ¸¸❝نــوع مـن الـنـاس❝¸¸
- قـطـعـة لـحـم
- ابداع متناهي الصغر منحوتات في ثقب الابرة
- تذكير بقرائة سورة الكهف
- مختااااارات رااااائعة
- فصة الشيخ و ما رأه في الوليمه
المفضلات