صباح الخير
من قصائد حمدان المري اللي تعجبني كثيرا
أستاذنك بسافر أيام واجيك ****وان طالت ايام السفر لا تحاتي
حتى و لو طولت ماني مخليك***ياللي بدونك ويش تسوا حياتي
تامر على حاجه؟؟ باودعك واليك***عسى عوض الأيام في المقبلاتِ
حتى يدي ما ودها تفارق يديك ***ساكت وانا اشوف البلا في سكاتي
ما شفتني لا رحت منك التفت فيك**بلاي والله روحتي والتفاتي
لكن قبل ما اروح ودي أوصيك***وانت الوحيد اللي يقدر وصاتي
لاحدٍ سألك و قال لك وين مغليك **قل له لوازم لا قضاها بياتي
و أن طروا النسيان ماني بناسيك**يا راس مالي في الحياة وغناتي
و ان طروا السلوان ماني بساليك**طيفك معي حتى وانا في صلاتي
قلبي وهو قلبي إذا مر طاريك***لولا ضلوعي كان عزوا مماتي
لو جض صدري كان يمديه ياتيك**و يبات عندك ويهنا بالمباتي
أنا .. و قلبي .. و الغلا .. ساكنٍ فيك ***و انته .. و قلبك .. و الغلا .. وسط ذاتي
غلاك مثل الحكم عند المماليك ****أكبر طموحي .. لا .. كل أمنياتي
شف في غيابي أي حاجه تسليك***لأني بعدك أسلى مع ذكرياتي
أحاول اذكر أي شيٍ يطريك*****واقول هو سوى وانا ذي سواتي
كني موادع كل شيٍ حواليك ***و كني حسبت حساب حزة وفاتي
أحب لأني ما اقدر انساك و أبيك***و لا اقدر أخليك ياللي تحاتي
معنى أحب .. و ما اقدر أنسى .. و أخليك ***يعني بدونك ويش تسوا حياتي
إن شاء الله تروق لكم
^_^مواضيع عشوائيه ممكن تكون تعجبك اخترناها لك:
- غسل الصحون يزيل القلق
- الناس عطور
- خارج نطاق الذاكره
- السعودية تنتج اولى سياراتها في نهاية
- عيد الام
- الاشـعاع فـي حــياتـنـا
- رحلتي ل اروبا
- كيف أجد شخص مرافق في امريكا الجنوبية
- يوم الامتحان يكرم المرء أو يهان هام لطلاب
- محتوى هادف تصميم رائع وبسيييط
- هــــــذي ويــن كرتونهــــــــا ؟؟؟؟
- لقاء صحفي مع الأخ عبدالعزيز
- طرق لتحسين الصحة العامة بأقل من دقيقة يوميا
- عبارات لمن تهديهاا ؟؟؟
- أضخم وأكبر تفطير للصائمين في السعودية وبمساعدتهم سأصوم شهرين في شهر صور
- ممكن تقولولي اهم الاماكن السياحية وتسوولي برنامج سياحي
- بسبب المكيف الحار
- ارجو نقل تقريري عن سريلانكا
- بدانه الاطفال والالم النفسي ،،
- الثقة بالله في الأزمات
المفضلات