الموضوع: مواقف سيارات

السلام عليكم ورحمة الله وبركاته،،،

يا اخوان انا ناوي اسافر من مطار الكويت، وحبيت استفسر عن مواقف السيارات اذا كان فيه مواقف مجانية، اللي عرفته ان فيه نوعين مواقف الامد القصير ومواقف الامد الطويل وكلها بتطلع غالية لان سفرتي 11 يوم

اذا اكان فيه مواقف مجانية او مواقف بسعر رمزي دلوني عليها

شاكرين تعاونكم

مواضيع عشوائيه ممكن تكون تعجبك اخترناها لك:

• ماهي اكبر تسجيلات اسلامية في الكويت الحبيبة؟
• مطاعم
• مارينا ، موفنبيك ، هيلتون ، ميسوري ،ماريوت ، شيراتون أي فندق ترشحون
• أسعار قرص اللغة الانجليزية في المعهد البريطاني و الامديست في الكويت؟
• ممكن هاتف فندق المنشر روتانا او موقعهم ؟؟؟
• يمديني ؟؟
• استفسار عن محل الينابيع الجاريه في الكويت
• فندق نظيف وسعر مناسب
• ممكن سؤال ؟؟؟؟؟؟؟؟؟؟؟؟؟؟؟؟؟
• السفر بين الكويت والبحرين والدوحة ودبي مجانا على طيران الجزيرة
• اريد اسواق حلوة وغربيه و اسعارها معقوله
• خاطري اروح النمسا
• افضل شركة انترنت بالكويت؟؟
• غير المجمعات التجارية ، ايش فيه اماكن سياحيه ؟
• شقق في منطقه الفحيحيل
• معرض الريد بول
• الرجاء المساعده والرد بسرعه ارجوكم
• مجمع أمنيه ومجمعات السالميه
• يا أهل الديرة الطيبين
• زيارتي للكويت الحبيبة في عيد الاضحى تقرير

هلا اخوي


لاتوجد مواقف مجانيه


مواقف الامد الطويل اهيا الافضل لك


كل يوم دينار يعني اذا سفرتك 11 يوم يطلع عليك 11 دينار

ما عندي اضافه كلام روان بنت الكويت اهوا الصح
و حياك الله بالكويت

عندك مواقف قبال الشحن الجوي هذا الموجود بس يبيلك مشي 5 دقايق رياضه احسلك بس ايذا صار شي بسيارتك مالي شغل انا قلتلك . رحله سعيدهانشالله

بلا مواقف بلا خرابيط شوف اسنني سو مثلي

انت اذا رحت المطار اصعد فوق في خدمه الفاليت اي خدمه وقوف السيارات بدينار واحد فقط

عطهم السياره ولما ترجع بالسلامه عطهم التكت وادفع دينار وكلها خمس دقايق تكون سيارتك عندك ارخص وافضل واضمن

مشكورين على الردود اخواني

الاخ ناصر كويتي

فكرتك ممتازة وشكرا لك على المشورة ولكن اعتقد ان السيارة بتبقى لمدة طويلة يعنى حوالي 10 ايام، تظن لا توجد مشكلة في المدة هذى. وهل تركت السيارة لمدة مماثلة تقريباً

وشكراً

الراي الاول اذا تعرف احد في الكويت خل السياره عنده

الراي الثاني اسال اللي ياخذون سيارتك ويوقفونها لك اذا كانوا يقبلون مدة سفرك واسال عن التكلفه

الراي الثالث مواقف المده الطويله واعتقد ان دينار في اليوم ولا شي

الراي الرابع روح مشي للمطار :109: :109: :109: :109: امزح معاك لا تزعل

مشكورين يا اخوان على ردودكم

اعتقد ان مواقف المدى الطويل هي الانسب، بما انها مظلله واليوم بدينار
الاخ ناصر كويتي
مشكور على المشورة، بس اعتقد ان هذه الطريقة غير نظامية وما ودي ادخل في شي غير نظامي
شاكرين تعاونكم

المشاركة الأصلية كتبت بواسطة سداح الشرقية
http://www.arabtravelersforum.com/tr...3/#post1223253

مشكورين يا اخوان على ردودكم

اعتقد ان مواقف المدى الطويل هي الانسب، بما انها مظلله واليوم بدينار
الاخ ناصر كويتي
مشكور على المشورة، بس اعتقد ان هذه الطريقة غير نظامية وما ودي ادخل في شي غير نظامي
شاكرين تعاونكم



يا اخ سداح الطريقه نظاميه وياما سويناها انا ويا الربع واخواني بعد يعني متعودين طبعا المده من 3 ايام الى اسبوع عادي مافي مشكله

واذا نويت وخايف عندي مواقف مظلله بالبيت تحت امرك وكل يوم بعد سيارتك تنغسل وبلاش بعد

انت تامر امر

الاخ ناصر كويتي

اخجلتنا بكرمك الله يجزاك خير، وما هي غريبه على الاخوان الكويتيين عموماً هذي طبايعكم وهذي سلومكم

ومشكور وما قصرت على الردود وعلى الكرم الكويتي الاصيل.

شاكرين للاخوة الاعضاء تعاونهم في هذا المنتدى

المشاركة الأصلية كتبت بواسطة ناصر كويتي
http://www.arabtravelersforum.com/tr...9/#post1225129

يا اخ سداح الطريقه نظاميه وياما سويناها انا ويا الربع واخواني بعد يعني متعودين طبعا المده من 3 ايام الى اسبوع عادي مافي مشكله

واذا نويت وخايف عندي مواقف مظلله بالبيت تحت امرك وكل يوم بعد سيارتك تنغسل وبلاش بعد

انت تامر امر



كفو ناصر والله انك سنافي. تسلم جزاك الله خير