المشاركة الأصلية كتبت بواسطة مذهلة-q8
http://www.arabtravelersforum.com/tr...5/#post2838677
السلام عليكم يا أهل المنتدى
هذي أول مشاركة لي في المنتدى بس كنت متابعه المنتدى من سنتين أو سنه تقريبا
والمنتدى صار من المنتديات المفضله عندي
ويا الوقت اللي محتاجه فيه مساعدتكم يا أهل المنتدى
بليييييييييييييييييييييز لا تطنشوني ====كله يطنشونها بالمنتديات :110:
بقولكم شنو أبي : :106:
انا بسافر دبي تاريخ 27 / 5 انشالله وبقعد اسبوع إحنا يمكن 3 أشخاص ويمكن نصير 4
طبعا أنا اخترت التاريخ لأن انا ما أحب الزحمة يعني حزتها راح يكون امتحانات
فاينل والناس ما تسافر وايد (( إذا أنا غلطانه صححولي ))
انا من قبل رحت دبي بس ليله وحده ما مداني افتر فيها عدل ما شفت منها شي
عندي عدة أسأله انشالله ألاقي الإجابه عندكم :114:
(( ابي إجابات بالتفصيل الممل ))
1- شلون الجو بهالفتره اللي اعرفه (( حر ورطوبه وايد ولا لأ ))؟ :36_1_47:
الجو في دبي مثل بقية المدن على الخليج رطوبه وحر في هالفتره بس اخف من شهر 7 و 8 2-
شنو الفنادق الحلوة العائليه ما أحب اللي فيها خرابيط :36_1_40:
نبي شقه وتكون غرفتين والفندق يا 4 ستار أو 5 ستار ؟حق 4 ليالي
ممكن على الجميرا تلاقي شقق حلوه مثل الواحه او سلون او الهاربور او تماني وكلها اربع
وخمس نجوم .. صور لجميع هالشقق في الرابط اسفل .. او ممكن شقق على شارع الشيخ زايد
لأني حاطه في بالي 4 ليالي بفندق بدبي و ليلتين في اتلانتس ؟
والفنادق اللي شفتها وعجبتني المروج روتانا و (( دست )) مادري يمكن كاتب اسمه غلط
شيلسي بعد حلو أو مو شرط شقه عادي منتجع حلو ناخذ غرفتين إذا كنا 4 اشخاص أكيد
المروج روتانا حلوه ( بس فيه احلى منها بكثير ) والمنطقه حولها شويه زحمه وميزتها انها قريب
برج دبي ومول دبي .. ممكن ارشح لك فندق العنوان في نفس المنطقه ( فيه غرف وشقق )
وفيه صور له في رحلتي الاخيره بنفس الرابط اخر الصفحات .
دوسيت .. احسه كئيب طراز تايلندي في الزاويه على شارع الشيخ زايد .
شيلسي .. ميزته في موقعه على شارع الشيخ زايد .. ( وانا افضل فنادق وشقق الجميرا عليها )
وفي تقرير حق العضو التاج 988 حلو الفندق اللي قاعد فيه بس مادري جم ستار وجم سعره
ولا أعرف اسمه وحاولت اطلعه بالنت ما عرفت ؟ يعني بالمختصر ابي مكان حلو
ويكون وسط دبي يمي كل شي لأني ما أدل فيها ولا شي ؟
الشقق اسمها سلوان وسكنتها في رحلتي الاخيره .. اربع نجوم جديده قي الجميرا على الممشى
والجميرا اخر دبي وليست وسط دبي .. لكن اجمل منطقه بدبي قريب من مول الامارات وابن بطوطه
ومدينة جميرا وبرج العرب والممشى والمارينا ..
ممكن رابط عرب لينك يفيدك في السعر والعروض في اعلى الصفحه .. ومنها شقق سلوان
3- انا ناويه أقعد ليلتين في اتلانتيس شرايكم وايد عليه ليله ولا عادي ليلتين
يعني اقعد يكفيني ليله اشوف جميع مرافقه واستانس فيه للعلم اني لما
باخذ لليلتين بقظيهم بالفندق احوس فيه ؟ماراح اطلع وشنو مرافقه غير (( القريه المائية - الدلافين - الاكواريوم )) وهذول free حق النزلاء ولا بعد أحجز لهم ؟ وأهم شي انا مدمنة
جيت سكي فيه ولا لأ :surf ؟ والقريه المائية زحمة كلها اجانب ولا خفيف ؟ وشلون مطاعمهم حلوة ولا
لأ ؟
اعتقد ليله تكفيه .. وممكن الواحد يدخل ويشوف مرافق المنتجع برسوم لو كان ساكن في اوتيل ثاني4-
انا بقعد اسبوع تتوقعون مصروفي الشخصي غير التذاكر والإقامه جم يكفيني ؟
السكن من 4 الى 5 نجوم .. تقريبا 1000 درهم يوميا
المصروف يختلف من شخص لاخر .. مطاعم .. سينما .. تسوق وفيه اطفال والا .. لا
5-والقروب اللي رايح كلهم ما يدلون شرايكم ناخذ تكاسي ولا أأجر سياره مع سايق ؟
ممكن تكاسي او سياره مع سائق ( موجود عند عرب لينك ) .. لكن دبي ما حد يضيع فيها
خاصه اذا سكنكم في موقع قريب من كل الاشياء اللي تحتاجونها
6- ممكن تنصدمون من سؤالي بس معليش جاوبوني - تعرفون الشيف رامسي مو رمزي اللبناني البطه اللي يحطون ب mbc
البرنامج ماله هيلز كيتشن عرفتوه اللي كله يهزأ الطباخيين خخخخخخ :109:
عنده مطعم بدبي اظن اسمه verre بس مادري وين منو جربه وشلون أسعاره معقوله ولا خيال
مع مطعم اللي في برج العب اللي يدور فوق منو جربه شلون أكله واسعاره واذا دار فيك ماتلوع جبدك ؟
المطعم الدوار في اوتيل حياة وليس في برج العرب .. سبق وجربته اكثر من مره بوفيه مفتوح في السابق
كان البوفيه بحدود 150 درهم الان اعتقد بحدود 230 درهم ولازم حجز اذا وقت زحمه
المطعم اللي في برج العرب فوق اسمه المنتهى السعر بحدود 350 درهم روعه والاطلاله
اهم حاجه فيه 7-
وشرايكم أحجز سفريات ولا بالنت ؟ انا شفت موقع booking.com وايد اسعاره زينه لدرجة اني قلت يمكن نصابين منو جرب هالموقع للحجوزات ما يقصون علي مضمون في أحد مجربه
ما ياخذون فلوسي ويقصون علي وشلون طريقة الحجز واذا كنسلت الانسان مو ظامن الظروف ممكن اكنسل يردولي فلوسي ولا لأ :m12:
وبس
الموقع معروف وثقه لكن انا احجز مع عرب لينك واسعارهم الافضل
الله يخليكم لا تطنشون عشان ما أزعل منكم
ومشكورين مقدما وابي ردود أكثر من المشاهدات
مع السلامه
اجازه سعيده ... وباختصار السكن وموقعه اهم حاجه في السفره .
تحياتي ...
المفضلات