الموضوع: راح اكرر تجربة البحرين

السلام عليكم جميعا

رحت للبحرين قبل سنه لمده 3 ايام تقريبا

كانت روووعه


كانت اول سفره لي للبحرين وفعلا ماحسيت بالغربه يعني دول الخليج كلها واحد

كأني مسافر لجده قريبه جدا من اجواء جده


عموووما


انا ناوي اروح كم يوم الى البحرين

ولكن هالمره لازم تتصلح الاخطاء

-السكن في المره الاولى كان في المعارض كانت المنطقه قريبه من كل شي بس المعارض احسه شي مو جيد للسياح

يعني لما شفت المكان اول مره اخذت انطباع اخر عن البحرين لانه المكان ضيق وتراب وظلام !!!

- ابي مكان حلووو ورايق وين ممكن احصل فندق حلووو علما اني لوحدي

- المقاهي كل التكاسي مايعرفون الا 2 من المقاهي اللي في المعارض
وين فيه مقاهي حلووه ورايقه وعلى البحر ؟

- بالنسله للاسواق في البحرين حلوووه كثير اتذكر اني رحت ستي سنتر اعتقد اسمه كذا
والسينما هناك رووووعه بس استغربت من البريك 5 دقائق وسط الفلم ماكان موجود كذا في دول اخرى ؟؟!!

وش احسن المولات في البحرين وافضل صالة سينما في المملكه ؟


- اخر سؤال

كيف الجو هاليومين برد او دافي؟



شكرا لكم جبايبي جيعا

مواضيع عشوائيه ممكن تكون تعجبك اخترناها لك:

• استفسار عاااااجل ياشباب
• عاجل هل هناك عروض في فنادق البحرين
• رحت اشتري حلوى بحرينية حلوني بمحالفة
• بسالكم عن السكن في البحرين في منطقة قريبة من عيادة مامون الريفي
• ابي اماكن حلوه بالبحرين
• ساعدوني
• اجدد فندق لسلسة اليت صور
• اريد وصف لمنطقة الجفير
• تذاكر جنة دلمون ؟
• استفسارات عن بعض الفنادق
• استفسار
• احد يقدر يفيدني بخصوص سيارات الإيجار
• حلويات العيد
• ايهما الافضل الريتز او منتجع الدانه ؟
• استفسار عن فيلا براديس جاردن
• ذهب البحرين
• تقرير مصور عن فندق موفنبيك البحرين
• استفسار بخصوص أستمارة السيارة
• استفسار عاجل الله يوفقكم
• عبور أول مركبة بالهوية على «الجسر»

ولا انسى نقطه مهمه

وهي تعامل اهل البحرين الراقي جدا خصوصا اصحاب التكاسي فالبعض منهم تعامله راقي جدا

ومحبين للقادمين من الخارج ومرحبين بهم


اشكرهم حقيقه ومازلت اتواصل مع بعضهم



وننتظر ردود الاخوان

يا هلا والله فيك أخوي بين أهلك وناسك ,,

أول شي يا الغالي الحديث عن السينما بالبحرين في هالمنتدى ممنوع من قبل الإدارة.

ثاني شغلة تشرفنا زيارتك بصراحة وحنا بانتظارك ,, شارع المعارض مشهور بالفنادق الرخيصة والمنطقة المحيطة بموقع الشارع مو بمستوى الجفير والعدلية وضاحية السيف حيث هناك الشوارع مرصفة ومزروعة والمنطقة أنظف بشكل تام.

من أبرز مولات البحرين الحالية ( مجمع السيتي سنتر وفيه أكبر سينما بالشرق الأوسط افتتحت قبل كم شهر وفيه أول مدينة مائية مغلقة بالشرق الأوسط مع درجة حرارة ثابتة طول السنة على 30 مئوية السيتي سنتر لحاله يبي له أكثر من يوم ) + ( مجمع مودا مول ويقع في مركز البحرين التجاري العالمي، ناطحتين السحاب الي بينهم مرواح ويعتبر هالمجمع حديث ولم تفتح كل محالاته لحد الآن ولكن يحتوي على أفخم وأفخم الماركات العالمية ) + ( المجمعات الأخرى المعتادة في المنامة مثل السيف والعالي والدانة والبحرين ).

بما إنك من فترة ما زرت البحرين ضروري إنك تزور شارع يوسف الشيراوي الواقع في العدلية ( العدلية داون تاون ) فيه سلسلة من المطاعم الفخمة والمقاهي والمنطقة مرتبة جداً على غرار السوليدير اللبناني.

وإذا كنت من محبين الجلوس في مقاهي على البحر عليك بمقهى الفرندا في جزر أمواج الجلسة فيه ولا أروع وبالتحديد في مجمع ذا لاغون الي لم يكتمل لحد الآن ولكن لما يكتمل راح يكون شي خرافي لأن كافة المطاعم والمقاهي جلساتها خارجية وتطل مباشرة على البحيرة.

وبالنسبة لملاحظتك الأخيرة فهي محل تقدير واعتزاز بارك الله فيك وحياك الله

بحريني غير

كما عهدتكم يااهل البحرين احترام وادب وذووق واخلاق

فعلا افدتني كثيرا عن الاماكن

فعلا شدني كما ذكرت الستي سنتر صالات السينما هناك ومعلومه جديده ان الصالات هناك اكبر صالات سينما بالشرق الاوسط وهي تستحق ذلك بصراحه


بالنسبه للمقاهي اللي ذكرت انها نفس فكرة السوليدير اعجبتني كثيرا وساقوم بزيارتها باذن الله

ايضا المقهى اللي ذكرت على البحر ساقوم بزيارته


ملاحظة ...

قبل ازور البحرين اكيد انه كوني خليجي اعرف بعض الاشياء عن البحرين حتى لو مازرتها مثل اسماء المناطق

لكن فيه منطقه اول مره اسمع فيها فقط داخل البحرين اسمع التكاسي يتكلمون فيها اللي هي الجفير


انا بالنسبه لي اهتم كثيرا بالاشياء الحديثه ولا اهتم بالتراث

لذلك تجدني افضل

-الملاهي , المقاهي , الاسواق الحديثه , صالات السينما , الابراج الخ


اهل البحرين ناس جدا جدا جدا محترمين
الله يدوم عليكم الراحه والسعاده



مانستغني عن مرور الاعضاء للافاده اكثر عن المقاهي والاسواق والملاهي في البحرين رغم اعتقادي بعدم وجود ملاهي ضخمه لاني مااتذكر احد دلنا على ملاهي !!




لكم تحيتي

يا هلا أخوي.

في شغلة انت سألتنا اياها ونسيت أجاوبك عنها وتتعلق بالجو هالايام ,, والله هالايام الجو مثالي جداً والحرارة بين 15 و21 مئوية.

أما فيما يتعلق بمدن الملاهي في البحرين عندك منتزه عذاري وهو مدينة ملاهي ألعاب ترفيهية فيها قسمين ، قسم خارجي وقسم داخلي والقسم الداخلي فيه صالة بولينغ ومجمع مطاعم. ولكن بطبيعة الحال هي ليست ملاهي ضخمة وإنما مدينة ترفيهية مصغرة أكيد راح تقضون وقت ممتع فيها
أوقات سعيدة.

عذاري :














محمية العرين :





جنة دلمون المفقودة :




حلبة البحرين الدولية :




بالنسبة لشارع يوسف الشيرواي ( العدلية ) بالإمكان مشاهدة تفاصيله من خلال توقيعي ,, أوقات سعيدة.

اهلين اخوي عندك مقهى البنديرة والشراع وكورال بيش في النادي البحري ومنطقة الجفير فيها مطاعم وفنادق واحس المولات سيتي سنتر لان فيه اكثر المحلات العالمية واكيد اخوي بحريني ما قصر واذا تحب تزور مدينة المحرق لان فيها امكان تراثية حلوه