زيارة لأهل الطيب والجود

**ahmed2** · 01-30-2015, 09:23 PM

السلام عليكم ورحمة الله وبركاته
سلامي على أهل الإمارات الطيبين
أخوكم من السعودية وحبيت أزوركم بداركم دار الحي
وعندي معلومات قليلة بس حبيت تفيدوني لأن معلوماتي عن أبو ظبي ودبي بسيطة .
فيدوني بأجمل المواقع السياحية وأبرزها في أبو ظبي ( يوم واحد ) دبي ( أربعة أيام ) .
استثنولي التسوق الا بشكل بسيط ركزولي على ( سياحية - تراثية - معالم - طبيعة وهكذا )
شاكر لكم حسن الضيافة مقدماً :24:

مواضيع عشوائيه ممكن تكون تعجبك اخترناها لك:

**ahmed3** · 01-30-2015, 09:23 PM

[QUOTE=sfooq;2844863]السلام عليكم ورحمة الله وبركاته
سلامي على أهل الإمارات الطيبين
أخوكم من السعودية وحبيت أزوركم بداركم دار الحي
وعندي معلومات قليلة بس حبيت تفيدوني لأن معلوماتي عن أبو ظبي ودبي بسيطة .
فيدوني بأجمل المواقع السياحية وأبرزها في أبو ظبي ( يوم واحد ) دبي ( أربعة أيام ) .
استثنولي التسوق الا بشكل بسيط ركزولي على ( سياحية - تراثية - معالم - طبيعة وهكذا )
شاكر لكم حسن الضيافة مقدماً :

شكلي راح أوصل الامارات على عماها ما اشوف حد رد علي ، أنا ما قد رحت الامارات الا مرة وحدة وودي ما تروح علي الزيارة كذا أي كلام .
يا الله هموا نفسكم معي
تكفون
:110:

**ahmed2** · 01-30-2015, 09:23 PM

هلا أخوي
والله ما عندي معلومات عن أبوظبي أن شاءالله أهلنا الإماراتيين يساعدونك

وعن دبي
وأسواق دبي ما شاءالله مو للتسوق بس بل للترفيه بعد مثل
مول الإمارات وفيه سكي دبي وسينما ومطاعم
ودبي مول أكبر مول وجديد وفيه أكواريوم وصالة تزلج وفيه بالخارج بحيرة ونافورة وقريب منه ومشي على الأقدام مول البحار مول صغير وهادئ وفيه محلات قليلة و كوفي شوب ومطاعم

ودبي فيستيفال سيتي مول كبير وحلو وفيه بالخارج مطاعم تطل على بحيرة صناعية وتجول فيها القوارب وإن شاءالله يكون الجو حلو
خور دبي وفيها قرية البوم التراثية و رحلة عشاء على سفينة البوم القديمة في خور دبي

وذا ووك ومارينا دبي مدينتين حديثتين خلف بعض وهم مثل طراز سوليدير لبنان و أوروبا وأحلى فيها الفنادق والشقق الفندقية وتطل تحتها محلات ومطاعم خارجية و مرسي يخوت للقوارب

ومدينة الجميرة فيها سوق تراثي القديم والقنوات المائية والمطاعم والمقاهي وتطل على البحيرة وتجول فيها القوارب ب 50 درهم للشخص

وأيضا منتجع أتلانتس بجزيرة النخلة جميرة فيها أكواريوم ومحلات قليلة ومطاعم والأحلى فيها أكبر مدينة ألعاب مائية

وتايمز سكوير سنتر فيه أول كوفي شوب ثلجية
وباقي المولات مثل أبن بطوطة وهو مركز كبير مثل المتحف فيه تسافر لتراث عدة دول مثل ردهة مصر وردهة الصين وردهة الهند وردهة بلاد فارس وردهة تونس وردهة الأندلس

ورحلة سعيدة وموفقة

**ahmedgaper** · 01-30-2015, 09:23 PM

تستاهل الطيب يا راعي الطيب
سلامي لأهل الكويت الطيبين وعساك عالقوة اخوي
يعني أغلب تحركي راح يكون في منطقة الجميرا وحولها .
مشششششششششششششششششششششششششششششكور