الموضوع: رايحة لبوسطن

السلام عليكم
طلعتلي الفيزة بسرعة و عطوني سنتين فيها ( عادي !!!!! ) المهم رايحة في آخر رمضان انشاءللة لمعرض الاثاث في نورث كارولينا و طبعا راح اكون مشغولة طول الوقت لكن بعدين باروح مع الوالد الى بوسطن بيسوي شوي فحوصات كم يوم و هنا راح اكون فاضية كم يوم ,عندكم اي اقتراحات ايش ممكن اسوي ؟ وين اروح ؟ و هل ممكن انتقل واروح اي مكان بالحالي ارجوكم افيدوني لان السفر قرب
مشكورين

مواضيع عشوائيه ممكن تكون تعجبك اخترناها لك:

• موعد المقابلة مارس بس عندي سؤال عن
• بااااااااااااااااااااااااااااااااااااركولي
• نموذجتعديل
• استفسار من اهل الخبره
• ومغامراتها الامريكـــ في خمس ولايات ــية
• فيزا أمريكا بجوازي القديم
• تسديد رسوم الفيزا مع كل مقابله او يبقى في رصيدك
• الحمدالله
• أريد نعرفة الرسوم ؟
• السلام عليكم هام جدا
• امريكا بين فلوريدا و كاليفورنياهام
• عاجل جدا اخوكم مو متأكد من تاريخ موعده بالسفاره
• مساعدة لتخطيط رحلة لوس انجلوس
• استفسار عن مدينة كينت بولاية اوهايو
• السفارة ورحنا لهاوهذا اللي صار
• أرقام سائقين في واشنطن دي سي ۔ معتمدين من قبل المشرفين هنا
• جاوبوني ويش قصة اللوان
• اتمنى المساعده من اصحاب الخبره
• استفسار بخصوص ديزني لاند و اورلاندو
• استفسار من المشرف الاخ امباكت

حددي اهتمامتك

عشان نقدر نساعدك !

مشكورين لآخواني اللي ردوا علي
بالنسبة لاخوي (Youme) مشكور و ما قصرت لكن اذا انت درست في بوسطن شلون الجو هذي الايام هناك في اكتوبر بالتحديد و انا باسكن في الماريوت هل موقع الاوتيل حلو و جنبة اماكن حلوة .
و بالنسبة لراعي امريكا مشكور و ما قصرت على ردك لكن ليش زعلان !!!!!! انا وحدة اول مرة اروح بوسطن وسيدة فتتوقع ايش اهتماماتي اكيد السوق بس ابي سوق حلو ولو غالي مش مشكلة و ايش ساعات العمل عندهم
وعلى فكرة اشلون اسعار الللابتوب عندهم و الاجهزة الالكترونية ولا نفس السعر في السعودية
مشكورين

اهتماماتي اكيد السوق بس ابي سوق حلو ولو غالي



أشهر و أرقى شارع تسوق في ولاية MA هو

Newbury Street

محلات نسائة على كييف كييفك

و هذا موقعهم

http://www.newbury-st.com


المولات :


GALLERIA

http://www.cambridgesidegalleria.com


Prudential Center

يقع خلف الشارع اللي فوق و يعتبر أكبر عمارة في Boston

يستحق زيارة البرج ليلاً Prudential Tower

http://www.prudentialcenter.com


Copley Place

ملاصق تماماً لـ المبنى أعلاه عن طريق برج هوائي وله مدخله الخاص طبعاً

http://www.shopcopleyplace.com


Filene’s Basement

الرخص موجود هنا

http://www.filenesbasement.com


ساعات العمل من 10 صباحاً - 9 مساءً

*****

بـ النسبة لـ اللابتوبات

نعم !! هي أرخص في أمريكا

بس احنا لما كنا نشتري ما نتعامل مع المحلات مثل Best Buy, Comp USA

بل نشتريه من الموقع الرسمي لـ الشركة ( Dell, Sony, HP, Toshiba )

حيث تنزل خصومات و عروض خاصة يومياً عليها

و يمكنك تحديد مواصفات الجهاز التي تريدينها أيضاً

و التوصيل من 2 يوم - 7 أيام حسب السرعة المطلوبة







لكن ليش زعلان !!!!!!



شفتي لما حددتي اهتمامات ، قدرت أساعدك بـ كل دقة

السلام عليكم

الجو في شهر 10 حلو وبارد يعني درجه الحراره تكون من 12 لين 18 بالنهار وطبعا راح تحتاجين ملابس شتويه اما بالنسبه لمكان الفندق ماريوت مكانه ممتاز جدا وموقعه عند الاسواق و المولات والمطاعم يعني ما تحتاجين مواصلات وانا متاكد ان شاءالله راح تعجبج بوسطن وايد و اي سؤال ثاني حاضرين لا تنسين دعواتج لي http://www.expedia.com/pub/agent.dll...spv/htid=22961

مشكورين و ما قصرتو و اكيد بستفيد من مشاركاتكم و نصايحكم
بس هل البلد امان لاني باتنقل لوحدي و ايش احس وسيلة مواصلات من حيث الامان طبعا
وسؤال اخير و ادري اني ثقلت عليكم ايش قوة الفولت عندهم 110 ولا 220

باانسبه انا قعدن فيها سنه كامله و كانت المدينه جدا امنه و ناسها حبوبين و خليط من كل مكان و اغلب ناس تستخدم القطار يوديكي وين ماتبين وجدا امن ومثل ما قلت اهم شي بعد المغرب تقعدي فالبيت الا اذا عندك سياره وبعدين بعد المغرب مافي شي تقدري اسويه عندك اليوم كله خذي راحتك فيها معى اني انا كنت اتمشى باليل و ارد متاخر مع شباب و ما حصل شي بس الحرص واجب في اي بلد جديد عليج وبالتوفيق