الموضوع: سؤال حول محمية العرين انا من السعوديه

السلام عليكم .يااخوان ابقى ادل هذه المحمية ..والقرية المائية ايضا
المهم انا الحين ابقى الوصف من جسر الملك فهد وين اروح
ارجو ان يكون الوصف دقيق ماابقى اضيع خخخخخخ

مواضيع عشوائيه ممكن تكون تعجبك اخترناها لك:

• استفسار عن البحرين ؟
• استفسار عن مقهى البنديرة فرع العادلية
• سؤال يا أهل البحرين الكرام
• تقريري عن فندق الخليج لقضاء عطلة نهاية الاسبوع
• ابغى وصف منطقة الجفير وطلب ثاني لاهنتو
• استشاره عااااااااااااجله يااهل البحرين
• ساعة في البحرين فندق هاني رويال السيف مول مطعم شوفي مافي جزر امواج
• ايجار السيارات في البحرين
• استفسار
• الفزعة ياهاوي السفر ويا بقية النشامى
• بالنسبة لمحمية العرين اي منطقة
• شباب ماهو اقرب فندق او نجوم قريب جدا من فندق شيروتون
• سؤال لاخواني في البحرين
• جزاكم الجنة ابي شقه حيييل رخيصه بس حق النوم ثم الانتقال للمطار؟
• اماكن تاجير اليخوت والسفن بالبحرين؟؟
• وش صــــــايـــــــر في البحريـــــن
• التصاميم النهائية لجسر البحرين قطر جسر المحبه
• استفسار اول زيارة لي للبحرين
• هل بأمكاني الدخول للبحرين بالبطاقه الجديده علما اني لااملك زواج سفر
• مسافر جديد واستفسارات لو سمحتو

يا هلا فيكم بالبحرين

أول ما تدخل الأراضي البحرينية خذ ثاني مدخل إلى اليمين , بعدها واصل إلى الأمام راح تحصل جسر اركب فوقه ، استمر الى الامام راح تحصل نفق انزل تحته ، واصل الى الامام راح تحصل نفق آخر انزل تحته ، بعدها واصل إلى الأمام على نفس الشارع وخذ ثاني مخرج تشوفه إلى اليمين ( يعني أول مخرج إلى اليمين اتركه وواصل إلى الأمام وعند ثاني مخرج لف على اليمين ) راح تنزل تلقائياً إلى الأسفل لأن الشارع منحدر ولازم تتوخى الحذر في هذي المنطقة لأنها شوي وعرة.

بعدين راح تكون على شارع الزلاق ، استمر حوالي 300 متر الى الامام راح تشوف اشارة ضوئية وواصل بعدها الى الامام راح تشوف اشارة ضوئية ثانية اخذها الى اليسار.

راح تكون الآن على شارع حلبة البحرين الدولية وواصل إلى الأمام وراح تلاحظ بعدما تاخذ ذي الشارع بحوالي 200 متر محطة بترول الى يدك اليمين ، واصل إلى الأمام راح تحصل إشارة ضوئية اتركها وواصل إلى الأمام راح تحصل إشارة ضوئية ثانية اتركها وواصل إلى الأمام وراح تحصل إشارة ضوئية ثالثة اتركها وواصل إلى الأمام وعند الوصول إلى الإشارة الضوئية الرابعة خذها u trun يعني دوران عكسي على نفس الإشارة ،، وأوصل مدخل إلى يدك اليمين على طول دخله وبعد ذلك راح تواصل في شارهع يمكن طوله 3 أو 4 كيلومترات ومن تدخله من الأساس اعتبر روحك وصلت جنة دلمون المفقودة ( الحديقة المائية ).

أما محمية العرين فتقع ملاصقة تماماً لجنة دلمون المفقودة ومدخلها من آخر إشارة وصفتها لك تاخذها على الييسار مباشرة وراح تحصل بوابة المحمية واضحة جداً.

أوقات سعيدة.

طيب ابقى اعرف
في اول وصفك
قلت اول ماادخل البحرين اخد ثاني مدخل لليمين
شنو مكتوب طيب عليه
ضاحية السيف او شنو

حلو الحين اندليت
تسلم اخوي ....وياريت لو في اي شي مميز في البحرين الواحد يروحه
لان بيني وبينك انا ادا رحت البحرين اروح العصر افرفر في تاسيف وفي الليل اطالع فلم في السينما وامشي

منتزه عذاري / مدينة ألعاب ملاهي / عطه من وقتك ساعة على الأقل.

مجمع البحرين سيتي سنتر / عطه من وقتك 6 ساعات على الأقل إذا كنت تحب تحضر فيه فيلم قاعاته الأكبر في الشرق الأوسط مصممة على شكل مسارح / وفيه مدينة مائية داخلية مغلقة ومفتوحة هي الأول من نوعها بالشرق الأوسط ومضبطة على درجة حرارة 30 طوال السنة / وفيه مجموعة كبيرة من المطاعم الفخمة والسريعة / وفيه 350 محل تجاري يعني تتسوق لما تقول بس / المجمع نفسه فيه سلسلة من المقاهي وواحد من أكبر السوبرماركت في البحرين "كارفور" / طبعاً السيتي مجمع تجاري بس هو الأفضل في البحرين حتى الآن.

عندك بعد مجمع مودا مول في مركز البحرين التجاري العالمي اذا كنت من محبي الهدوء والفخامة.

لا تفوت فرصة زيارة جزر أمواج بالتحديد مجمع ذا لاغون الي كل محلاته خارجية تطل على البحر بس المجمع فتح بشكل جزئي وبالإمكان الجلوس في مقهى الفرندا بجانب البحيرة والاستمتاع بالأجواء الساحرة وعطه من وقتك على الأقل نص ساعة.

اذا كنت بتزور البحرين في الفترة ما بين 8 الى 13 مارس راح تكون احتفالات وفعاليات سباق الفورملا واحد في كل مكان وهو مهرجان "يلا بحرين".

تحب المتاحف والاماكن التراثية والاثرية ؟؟ البحرين تحتضن خامس أقدم حضارة انسانية في العالم وأكبر مقبرة أثرية في العالم و4 قلاع أثرية وأول مسجد أثري خارج أراضي شبه الجزيرة العربية ومجموعة كبيرة من المتاحف على راسها متحف البحرين الوطني الي تعيش داخله عالم ثاني. وهناك معالم دلمونية يعود تاريخها إلى 4000 سنة مضت من الآن وأبرزها يقع على شارع البديع.

تحب الرحلات البحرية ؟؟ بشكل عام الرحلة البحرية بروحها لازم تخصص لها يوم كامل.

تحب الأسواق الشعبية والمنتزهات المفتوحة على البحر ؟؟

أوقات سعيدة واذا عندك استفسار يا الله تفضل.

يعطيك العافية بصراحة مافي شي ماقلته
ههههههه
عالعموم ادا رحت البحرين ان شاء الله راح اروح كل هالاماكن بس ان شاء الله مايصير زحمة