الموضوع: مطعم هندي عجييييييب

السلام عليكم ورحمة الله وبركاته ...

دعوت الى مطعم رااااااااااائع جدا وهو مطعم دعوات الي في أبوحليفة .

مطعم يستحق الزيارة وذلك لأن ، اولا :الإستقبال فالمهراجا ، يقف أمام الباب وبإبتسامة عريضة يفتح

لك الباب ويقول لك تفضل . أما بالنسبة للمطعم فهو عبارة عن طابقين ، الطابق الأول عبارة عن طاولات

أما الطابق الثاني فيوجد به كبائن عبارة عن جلسات أرضية . أكثر ما أعجبني بالمطعم هو الى جانب المنيو

يوجد ورق به كلمات لكي يتعلم الأجانب اللغة العربية :24: .

ثانيا : بالنسبة للطعام فكان عبارة عن بوفيه مفتوح وبصراحة الأكل كان لذيذ وشهي .

ثالثا: الإضاءة رومانسية و المكان جميل، وأعجبتني اللوحات المعلقة على الجدران وهذه بعض الصور

مواضيع عشوائيه ممكن تكون تعجبك اخترناها لك:

• كم سعر الصرف
• دلوني على محلات بيع توزيعات المناسبات مثل المواليد والاعراس
• الفزعة بزورالكويتاربع ايام اختكم من الامارات
• جاي الكويت بكره وعني كذا سؤال ؟؟
• بكره ماشي الكويت ابي خدمة
• وش الافضل موفنبيك او النخيل
• ابي جدول للسفر الي ماليزيا
• رحلتى الى كوانزو وشنده
• اول سفرة لي لجوانزو محتاجكم ياغالين
• افضل الفنادق القريبه من ابراج الكويت
• بليززززززز احسن فندق
• س ؤ ا ل
• لا ادري كيف شعوري
• تقرير شامل بأحدث الصور المذهله لبرج الحمراء السينما النادي المول
• رفاد» تعتزم تدشين مشروع فندق نجوم ومنتجع سياحي في الكويت
• ريوقنا في جوني روكتس
• كم تكلفة الدراسة في الكويت وما هي افضل جامعات وزارة التعليم العالي
• مطلوب جدول سياحي لمدة ستة ايام
• يا اهل الكويت فزعتكم
• فكره لفعل اي عمل خيري لاختنا احلى كيميائيه ولو نتذكرها بالدعاء

بارك الله فيك يا ام يوسف

وراح ازور المطعم بس اذا طلع المطعم مش ولابد الفاتورة عليج!!!
بس كلامك والصور تشجع علي الزيارة

تحياتي

تسلمييين اختي ام يوسف


انشالله اجربه


والله منوره البوابه بتقريرج



صارلنا فتره فاقدين كلاس الفرنسي

مشكوره على التقرير الحلوو بس للأسف المناطق هذي ا حنا مانروح لها ولاندل اصلا وين صايره للأسف الشديد يعني
تسلمين على المشاركه وياريت عندهم فرع بالعاصمه

انا من عشاق الاكل الهندي وانشالله بتكون لنا زياره لهذا المطعم بأذن الله شكرا ابو يوسف

يعطيج العااااااافية حبيبتي على الصور

يوجد أيضا فرع آخر للمطعم في منطقة بنيد القار خلف فندق انتركونتينيتال تقريبا

يعطيج العافية ام يوسف ولازم انجربة
ومشكور مسافر الجزيرة علمعلومة

هلا فيكم جميعا ومشكورين على المرور :

مشاري : أنا حاضرة راح ادفع الفاتورة ، غالي والطلب رخيص .

روان بنت الكويت : شلونج حبيبتي ؟ انا موجودة وحطيت لكم درس يديد بس الظاهر مانتبهتوا له.

الباخص : خسارة والله فاتك ، لو ادري كان خبرتك ، بس يللا الجايات اكثر من الرايحات

deshe1 : ليش ما تمر على تلك المناطق؟؟ غريبة؟

old-man : تروح وتستمتع ان شاء الله ، صحة وعافية .

المرام : الله يعافيج حبيبتي.

مسافر الجزيرة : تسلم على المعلومة .

مسافرة كويتية: الله يعافيج ولا تنسينا بالدعاء.

يعافيكي ربي
مشكوره

بصراحه مطعم دعوات حلو جدآ مجرب

اكلهم راقى جدآ ويذكرنى بمطعم مغل محل

[align=center]
[cell="filter:;"][align=center]
الله يعطيج العافية ام يوسف

نعم المطعم حلو واهو متفرع من اللي في بنيد القار اللي مقابل فندق سفير انتر ناشينول


[/align][/cell]
[/align]

[ALIGN=CENTER]
[CELL="filter:;"][ALIGN=center]








المشاركة الأصلية كتبت بواسطة deshe1
http://www.arabtravelersforum.com/tr...2/#post1235542

مشكوره على التقرير الحلوو بس للأسف المناطق هذي ا حنا مانروح لها ولاندل اصلا وين صايره للأسف الشديد يعني

تسلمين على المشاركه وياريت عندهم فرع بالعاصمه




انا ملاحظ عليك الذرابه ..
يعني انا ما اروح إلا العاصمة ؟؟؟ !!!

( ترى هالسالفة صارت صبه قديمة )

ما ادري انت كويتي او لا .... يعني ما تعرف ديرتك ؟؟
اخاف تكون المناطق الجنوبية فيها جرب
عيل لا تروح للشاليهات او الخيران او منتجع كامبنسكي . او منتجع الهيلتون .. او فندق روتانا .. او مجمع الكوت .

شنو اللي عندنا بالعاصمة صارت سكن هنود وهي العاصمة الوحيدة في العالم اللي ما يسكنوها أهلها ...

عموماً انت مشاركاتك تحت التفعيل من6 شهور وانا اللي افعلها لك .. مع الاسف كان بالامكان ما افعلها لك

لو عرفت السبب .... هو بسبب تهجمك على ديرتك .. والتعليق السخيف على اسامي بعض المناطق في الكويت ...


انا اعرف انك تعرف شوارع بتايا .. بس ديرتك دائما تسخر منها ...

قل خير او اصمت يا deshe1

تحياتي لج يا أم يوسف وسامحينا كان يجب الرد [/ALIGN][/CELL]
[/ALIGN]

الاخ الباب العالي اول شي انا كويتي اصيل وماده اولى بعد انزين ووين تهجمت انا شقلت يعني الحين قلت شي غلط عشان تعصب جذي؟؟!!!! تكفه يبلي كلمه وحده غلط كتبتها في ردي السابق شنو اللي حارك يعني اي نعم كويتي وماعرف هالمناطق ولا ادل وين صايره اصلا ماعندي لاربع ولا اهل ولا شغل هناك شلي يوديني لهم ؟؟؟؟!!!! ولا سايق تاكسي افرفر بهالمناطق ياخوي ليش معصب يعني انت الحين؟شنو اللي قاهرك يعني ومتى انا تطاولت على ديرتي وغلطت عليها ورني كلامي خلني اشوفه بعيني مستغرب فعلا يعني

[ALIGN=CENTER]
[CELL="filter:;"][ALIGN=center]يا ديشي 1

انا ماني معصب ولا فيه شي يخليني يعصب ..... ولا انت اللي تخليني اعصب

انت قلت متى غلطت متى قلت كلمة في حق الكويت ومناطقها انا راح اقولك ...

رقم ( 1)

http://www.arabtravelersforum.com/travel91533/


رقم ( 2)

http://www.arabtravelersforum.com/sh...ad.php?t=90988


رقم ( 3)

ردك عندما استفسر بعض الاخوان من المملكة عن الاشاعة التي كانت تدور عن وفاة الشيح عبدالرحمن السميط كان ردك ........ خير ان شاءلله توفى !!!!! وهذا الشيخ له فضل بعد الله على الافارقة في الدخول الى الاسلام حتى ان الفاتيكان استشط غضباً منه ... وكان يأخذ الاموال من الشيخ جابر رحمة الله وينفقها في افريقياعلى المسلمين الجدد ..........

كذلك موضوع كنت تسخر منه في اسم منطقة المهبولة عندما ذكر اسمها في الموضوع


انت تقول كويتي ومادة اولى .... ترا انت الوحيد اللي يحمل مادة اولى !! ...

اذا انت ما تدل هالمناطق ما فيه احد جابرك تتكلم وايضا ما نرضى تستخف بكلامك عندنا اهنيه

انت لك مشاكل مع الادارة فالرجاء اضبط نفسك وردودك

انا اعرفك عدل واعرف الاسلوب اللي تتكلم فيه

وانا اقول حق نفسي الشرهة على اني افعل مشاركاتك عندي في البوابة بالعلم ان الادارة حاطه عليك مراقبة

وعلى ردودك .......

ش[/ALIGN][/CELL]
[/ALIGN]

الأخ الفاضل ، الباب العالي

خذ راحتك ! أنا مثلك ما أرضى على ديرتي الثانية الكويت وخصوصا ان خوالي كلهم كويتيين وأي أحد

يسئ لها كأنه يسئ لي ، الله يهديك يا ديشي ، ما كان في داعي لهذا الإسلوب الي فعلا حتى انا تضايقت منه

الكويت كلها من شمالها لجنوبها حلوة وراقية . وسلامتكم .

خريطة مطعم دعوات في منطقة بنيد القار

تسلمين اختي ام يوسف على التقرير الحلوو ان شاء الله انزوره في اقرب وقت ممكن
و مشكوره على كلامج الطيب عن الكويت .. و الله ما قصرتي

و الشكر موصول لاخونا مسافر الجزيره على الخريطه .. عساك عالقوه

اختي العزيزه ام يوسف اولا احب اشكرج على الدعوه الجميله للمطعم الجميل انا ما اقول ما ادله الا ادله لكن امر عليه مرور الكرام وان شاء الله اذا مريت عليه المره اليايه اكيد راح اوقف عنده واتعشى

الاخ ديشي 1 ياليت تكون وجه مشرق لديرتك اللي تحبها وتحبك واحنا بالكويت كلنا اهل مافي فرق بينا ويعني من كبرنا الله يهديك ثلث ساعه وتوصل للاحمدي او الجهرا اللي بعيده جدا

ودي اعطيك نصيحه اخويه ليش ماتشوف الفحيحيل الحين ويا المنتقف وتشوف المجمعات الراقيه والمحلات الرخيصه جدا هناك وبعد الحين افتحوا المنشر بجانب مجمع الكوت ولا اروع ويحس الواحد انه طلع من جو السالميه المزدحم للاخر اقولك جرب وراح تدعيلي اكيد لاني شهريا لازم امر هناك واغير جو

ونتسوق ونتعشى مع العيال وامهم والكل راضي لا وبعد مستانس
ياليت تاخذ بنصيحتي وتشوف ديرتك وجمالها شنو خسران واذا في خساره احسبها علي وانا حاضر وممنون بعد

المشاركة الأصلية كتبت بواسطة Um Yousef
http://www.arabtravelersforum.com/tr...6/#post1241006

هلا فيكم جميعا ومشكورين على المرور :

مشاري : أنا حاضرة راح ادفع الفاتورة ، غالي والطلب رخيص .

.

الاخت العزيزه ام يوسف وام الكرم والجود جزاج الله خير لهذا الكرم اللي ابد مو غريب على اهل قطر وشعبها الطيب والاخ مشاري طبعا ما يقصد واذا كان من صجه بروح وياه اخليه يعزمني غصب مو طيب واذا طلع الاكل مو شي تعرفين شنو نسوي :115: :115: :115:

شفيكم ياعيال الكويت

والله فشله نجرتكم جدام خلق الله

خلاص يالباب العالي ماصار الا الخير والريال ماقال شي ولايقصد يشوف حاله على احد

مشكوره اختى ام يوسف على المعلومات عن المطعم الهندى وانا جربت المطعم من قبل واسعاره مناسبه مو غاليه لاكن مرات يكون مزحوم

الى فى منطقه بنيد القار مايكون مزحوم الا ايام عطلة نهايه الاسبوع لاكن الى فى ابوحليفه اكثر زحمه

الله يعطيج العافيه اختى

والشكر موصول للاخ مسافر الجزيرة على الخريطه وياليت لو تحط لنا خريطه الكويت كامله حق بعض الكويتين الى جنسيتهم ماده اولى ومايدلون الا العاصمه حتى يستفيدون منها

بعد اذن من الاخت ام يوسف

اختي ام علاوي شكراً لج
وين الفشله ؟؟!!
واذا تناجرنا ترى مصارين البطن تتهاوش وهذا امر عادي وصحي واحب اقولج شغلة انا اللي افعل مشاركات الاخ ديشي ... يعني انا انصحه او اناجره ... ما فيها شي .... ولكن انا بعد اوافق على مشاركاته على طول ما انتظر الادارة تفعلها له ....

فارجو ان المعلومة وصلت لج وكنت اتمنى عندج خاصية الرسائل علشان يكون الكلام على الخاص

تحياتي للجميع

وتحياتي الخاصه للاخت والضيفة علينا ام يوسف وترى هذا الامر عادي يا اختنا الفاضلة ام يوسف انا اعتبر نفسي والاخوان والخوات في بيت واحد ونتناجر للمصلحة واختلاف الراي قد يكون شي صحي .,...

المشاركة الأصلية كتبت بواسطة الباب العالي
http://www.arabtravelersforum.com/tr...4/#post1246894



انا اعتبر نفسي والاخوان والخوات في بيت واحد ونتناجر للمصلحة واختلاف الراي قد يكون شي صحي .,...



نعم احنا في بيت واحد و اسمه الكويت


انا.. و اعوذ بالله من كلمه أنا ....
انا احب جمله دايما اكررها

بان الاختلاف لا يعني الخلاف
================

تقبلو تحياتي

المشاركة الأصلية كتبت بواسطة ياخى افهم
http://www.arabtravelersforum.com/tr...7/#post1246707


والشكر موصول للاخ مسافر الجزيرة على الخريطه وياليت لو تحط لنا خريطه الكويت كامله حق بعض الكويتين الى جنسيتهم ماده اولى ومايدلون الا العاصمه حتى يستفيدون منها



تسلم حبيبنا ياخي افهم (العضو الجديد :109: )

هذا موقع الدليل الالكتروني الجغرافي لدولة الكويت إن شاء الله يكون مفيد لجميع الأخوان من داخل وخارج الكويت.

http://gis.baladia.gov.kw/

الا ما قلت لنا شصار على سفرتك لاستراليا :114:

المشاركة الأصلية كتبت بواسطة deshe1
http://www.arabtravelersforum.com/tr...2/#post1235542

مشكوره على التقرير الحلوو بس للأسف المناطق هذي ا حنا مانروح لها ولاندل اصلا وين صايره للأسف الشديد يعني
تسلمين على المشاركه وياريت عندهم فرع بالعاصمه




يمامي عليك إسمله على شبابوه ؛ إنت وينك من زمان وأنا أقول الكويتين خلصوا وأثريك حي ترزق

وليش ماتروح تغير مقر إقامتك إلى دار سلوى ترى يمكن الحكومه إذا درت إنك للحين تحمل الجنسيه الأولى

مع مرتبة الشرف يعينونك مندوب دائم للكويت في الأمم المتحده ممثلا للطبقه المخمليه اللي طردوك

منها لما شافوك بمظاهرة اسقاط القروض.

المهم ترى الكويتين شايفين خير ومستانسين ومسافرين بناتهم وعيالهم بمناطقهم الجميله جنوب وغرب وشمال الكويت وإذا عندك مشكله في التأفف الكثير البس شماغ وتلطم لأن علتك داخليه .

ماكان ودي يأم يوسف يصير هذا بموضوعك الجميل بس هالحشرات مزعجه؛ ولايهون أخوي بوعبدالعزيز

يعذرني بس ترى المشاركه فيها إساءه لأبناء المنطقه العاشره اللتى أفتخر أني ولدت فيها وللأسف لاأعيش

فيها الأن.