مرحبا بأهل الكويت ...
أحنا عيلة من الشرقية جايين يوم الاربعاء في رحلة قصيرة لمدة يومين من مغرب الاربعاء الى مغرب الجمعة بإذن الله
و عندي بعض الاستفسارات ياليت تجاوبوني
أهم شي عندنا اننا ننبسط و نروح الاماكن اللي تستحق الزيارة و ما ودنا بشي يعطلنا أو يأخرنا لأن رحلتنا قصيرة و ودنا نستمتع بكل لحظة فيها
أنا سويت بحث و عندي بعض المعلومات ... بس ودي أحد فيكم يسوي لي جدول لهاليومين لأننا خايفين يفوتنا شي أو يغلبنا الوقت خصوصا ان معنا أطفال و جايين بسيارتنا ..
و هاذي الاماكن اللي ودنا نزورها .. و لو عندكم أي ملاحظة على أي مكان أو بديل ثاني قولوا .. ..
حاولنا نحجز في مارينا علشان المول يكون جنبنا أريح و أوفر للوقت بعد ما سمعت هنا انه رخيص بــ30 دينار .. بس تفاجأنا بالاسعار 250 دينار لسويت غرفة وحدة ؟؟؟؟
حجزنا مبدئيا فندق ثاني شامل الفطور و الغدا و السعر جدااااا رائع 90 دينار سويت غرفتين .. هل فيه عروض في فنادق أخرى أفضل ؟ أم هذا العرض يعتبر رخيص ؟
ما ودنا نلف و ندور بالسيارة و يضيع الوقت في المشاوير ودنا السكن و كل شي يكون قريب من منطقة السالمية أو الواجهة البحرية
المجمعات اللي ودنا نزورها : مارينا – شرق – الكوت .. بس الكوت عرفت انه بعيد و شطبته من اللستة
المدينة الترفيهية ... كم تبعد عن الفندق ؟؟ و هل هي الافضل في الملاهي ؟؟
المركز العلمي ... متى أوقات عروض الافلام و الدوام حقهم و كم اسعار الدخول للكبار و الصغار ؟؟ اذا ممكن رقمهم أو اذا عندهم موقع الكتروني
مسرحية طارق العلي .. أوقات العرض و اسعار التذاكر و هل يدخلون أطفال صغار تحت السنة ؟؟ و مين الممثلين اللي معاه ؟؟ و هل المسرحية اساسا تسوى الواحد يروح لها ؟؟
مطعم ميس الغانم ... وين مكانه بالضبط و كم أسعاره ؟؟ هل لازم حجز قبل ؟؟
فريج صويلح ...اللي أعرف انه شعبي بس كيف أكله تمام ولاّ ؟؟ وين مكانه و كيف اسعاره ؟؟ و هل قعدته مفتوحة أو داخلية ؟؟
سوق المباركية وينه بالضبط... أبغى المحلات العادية اللي فيه مو الشعبية , فيه محل سمعت عنه اسمه شكيرا ودي أروحه ... وين الاقيه و هل السوق كبير و يضيّع ؟؟
و أخيرا من وين أجيب البقصم الكويتي ؟؟
ألحين عرفتوا الأماكن و أنتظر منكم الجدول في أسرع وقت السفر بعد بكرة... و اعرف أهل الكويت ما يقصروا ان شاءالله ...مواضيع عشوائيه ممكن تكون تعجبك اخترناها لك:
- معرضي الخريف للعطور والساعات بالكويت
- جآية زيآرة ل دانة الخليج وعندي كم استفسار ؟
- فندق Hotel ibis Sharq
- شنو أحسن مطعم لبناني أو شامي ؟
- ورطتي في الكويت
- اهل الكويت الكرام فضلا لا امرا
- الكويت معرض للعطور والاخر للساعات
- فزعه يا اهل الكويت
- هدايا الكويت المميزه
- حفظ الله الكويت واهلها الكرام لدي بعض الاستفسارات اعزائي
- استفسار عن رحلة سياحية للكويت
- الجو في الكويت
- استفسار عن أوقات العمل
- ¸¸❝ الـــكــويــت الحبيبه اكثر من صوره❝¸¸
- شلون الجوووووو ؟؟
- افضل محل لشراء احذية اديداس بالكويت
- محتار بين إيبيس شرق و إيبيس السالمية
- إستفسار عاجل ياأهل الفزعات
- إزاحة الستار عن فندق الكورنيشالسالميه خلال أيام
- ممكن مساعدة
المفضلات