مرحبا بأهل الكويت ...
أحنا عيلة من الشرقية جايين يوم الاربعاء في رحلة قصيرة لمدة يومين من مغرب الاربعاء الى مغرب الجمعة بإذن الله
و عندي بعض الاستفسارات ياليت تجاوبوني
أهم شي عندنا اننا ننبسط و نروح الاماكن اللي تستحق الزيارة و ما ودنا بشي يعطلنا أو يأخرنا لأن رحلتنا قصيرة و ودنا نستمتع بكل لحظة فيها
أنا سويت بحث و عندي بعض المعلومات ... بس ودي أحد فيكم يسوي لي جدول لهاليومين لأننا خايفين يفوتنا شي أو يغلبنا الوقت خصوصا ان معنا أطفال و جايين بسيارتنا ..
و هاذي الاماكن اللي ودنا نزورها .. و لو عندكم أي ملاحظة على أي مكان أو بديل ثاني قولوا .. ..
حاولنا نحجز في مارينا علشان المول يكون جنبنا أريح و أوفر للوقت بعد ما سمعت هنا انه رخيص بــ30 دينار .. بس تفاجأنا بالاسعار 250 دينار لسويت غرفة وحدة ؟؟؟؟
حجزنا مبدئيا فندق ثاني شامل الفطور و الغدا و السعر جدااااا رائع 90 دينار سويت غرفتين .. هل فيه عروض في فنادق أخرى أفضل ؟ أم هذا العرض يعتبر رخيص ؟
ما ودنا نلف و ندور بالسيارة و يضيع الوقت في المشاوير ودنا السكن و كل شي يكون قريب من منطقة السالمية أو الواجهة البحرية
المجمعات اللي ودنا نزورها : مارينا – شرق – الكوت .. بس الكوت عرفت انه بعيد و شطبته من اللستة
المدينة الترفيهية ... كم تبعد عن الفندق ؟؟ و هل هي الافضل في الملاهي ؟؟
المركز العلمي ... متى أوقات عروض الافلام و الدوام حقهم و كم اسعار الدخول للكبار و الصغار ؟؟ اذا ممكن رقمهم أو اذا عندهم موقع الكتروني
مسرحية طارق العلي .. أوقات العرض و اسعار التذاكر و هل يدخلون أطفال صغار تحت السنة ؟؟ و مين الممثلين اللي معاه ؟؟ و هل المسرحية اساسا تسوى الواحد يروح لها ؟؟
مطعم ميس الغانم ... وين مكانه بالضبط و كم أسعاره ؟؟ هل لازم حجز قبل ؟؟
فريج صويلح ...اللي أعرف انه شعبي بس كيف أكله تمام ولاّ ؟؟ وين مكانه و كيف اسعاره ؟؟ و هل قعدته مفتوحة أو داخلية ؟؟
سوق المباركية وينه بالضبط... أبغى المحلات العادية اللي فيه مو الشعبية , فيه محل سمعت عنه اسمه شكيرا ودي أروحه ... وين الاقيه و هل السوق كبير و يضيّع ؟؟
و أخيرا من وين أجيب البقصم الكويتي ؟؟
ألحين عرفتوا الأماكن و أنتظر منكم الجدول في أسرع وقت السفر بعد بكرة... و اعرف أهل الكويت ما يقصروا ان شاءالله ...مواضيع عشوائيه ممكن تكون تعجبك اخترناها لك:
- استفسار بسيط
- ممكن ترتيت الاماكن القريبة من بعض
- استفسار بسيط؟
- زياره الي كويت ماجيك منتزه ترفيهي مهم لزائر الكويت
- فاكس عاجل للاحبة والغوالي اهل درة الخليج
- نزهة ثلاث أيام في الخيران
- رأيكم يهمني محتار بين فندق الواحة و فندق كويت حياة سويتس
- المركــز العـلـمـــي
- فلاش جميل ورائع عن ماضى الكويت
- إنجاز عالمي للخطوط الوطنية
- استفسار يا أهل الكويت
- يأهل الكويت وسياحها فزعتكم بلييز رشحوا لي اي فندق من ها القائمة اختار
- كيف الطريق إلى الكويت بالبر من الإمارات ؟
- ممكن القى جواب
- رابط لخريطة الكويت
- عدة استفسارات ياأهل الكويت الحبيبة
- ابغى مساعده من اهل الكويت؟
- استفسارات خاصة بالكويت سفري بعد يومين
- سجل ياتاريخ اول زياره لي للكويت ۔ ترا ماعرف شي عن الكويت اتمنى المساعده
- من وين اقدر استخرج رخصة القيادة الدولية
المفضلات