الموضوع: سؤال للبنات الكويتيات وخاصة روان بنت الكويت

اخواتي الغاليات بغيت اسألكم عن مجمع العربيد ...سمعت عنده جلابيات كويتية حلوة بس اللي اريد اعرفه هل بأمكاني اشتري دراريع من عنده والا لازم اخيط...؟؟

ثاني شيء ياليت تعطوني اسامي اماكن تبيع دراريع كويتية حلوة ورخيصة..

مواضيع عشوائيه ممكن تكون تعجبك اخترناها لك:

• طيران الـجـزيـرة الكويتي تـطـلق درجـة لايــت الـجـديـدة
• هدية لمشتركي زين مبروووووك وتستاهلون
• سؤالى عن المعيشة بالكويت ؟
• طيران الجزيرة تضيف رحلة
• استفسارات بخصوص السياحه في الكويت
• استفسار عن المسرحيات وكيفية الحجز
• صور من منتجع وفندق النخيل الجديد بالكويت
• سؤال عن وضع الاسواق التجارية في عيد الحج
• موقف سياره في الكويت
• ماهي أيام الاجازة الاسبوعية الويكاند وطريقة شراء سيارة في الكويت
• استفسار
• دلوني يا اهل الكويت و لكم الشكر
• فيدوني اذا ممكن
• حفلات فبراير؟ سكن ؟
• محتار؟
• ممكن خدمه اسأل عن احسن طريق من الرياض الى الكويت الحبيبية؟
• طلب من أهل الكويت
• السفر من الامارات للكويت برا
• صور من دولة الكويت اللي مصورة فنان
• سؤال يا اهل الكويت

السؤال خاص لبنات الكويت والاخت روان لكني من ساعه مالقيت رد قلت اتليقف وارد عليج اختي

مجمع العربيد في الفروانيه شعله من النشاط وتشوفين الاخوات من الخليج عندهم بالهبل وعنده دراريع جاهزه لكن الناس اذواق والكل يبي يسوي موديل على كيفه خصوصا ان الاسعار رخيصه وانصحج انج تخيطين عنده خصوصا اذا كان فتره تواجدج بالكويت من ثلاث ايام او اكثر شويه

طبعا اول يوم توصلين الكويت تروحين له وتفصلين وبعدين تفاصلينه بالسعر للاخر يعني مو يقول السعر على كيفه وشغلهم نظيف وحلو وياكثر ما اروحله ويا المدام الله يخليها تنقعني بالساعه والساعتين

والمجمع موجود بالفرواينه خلف الجمعيه لانه مجمعات العربيد كثيره في الفروانيه بس قولي للتكسي اللي خلف الجمعيه وهو يعرف

هلا اختي واسفين على التأخير

اختي الغالية انا مارحت العربيد ولا مرة لكن شفت شغلهم، تطريزهم روعة لكن خياطهم مو ذاك الزود دايما صوب الكتف قصتهم يسونها غلط، انا بالنسبة لي دايما اخيط دراريعي بالجابرية في مجمع مليان خياطين موجود في قطعة 7 شارع 8 بجانب مدرسة عاتكة بنت زيد الخياط اللي اتعامل معاه اسمه أحمد، شغله لا يعلى عليه ويبدع لما اطلب منه شي على ذوقة يسويلي شغل ممتاز

اذا عزمتي تروحينله قوليلي وانا اعطيج معلومات أكثر

ترى شغله ممتاز وأكثر من ممتاز وقوليلة من طرف ام علي

هلا اختي احلا بنوته



سامحيني على التأخير



ماعندي شي اضيفه عن مجمع العربيد الصراحه اخوي ناصر كويتي ماقصر وعساه على القوه يارب



واذا بعد تبين جلابيات عندج مجمع الاوقاف



وعندج بعد المعارض بيت ديفا وكاريزما وبيت الشرق وبيت سدره مقابل سوق شرق بجانب المستشفى الاميري وعندج بعد بيت ديما وبدره ورا الكنيسه وعندج بعد بيت لوذان بجانب المارينا مول

بس مشكلة المعارض مو دايما تحصلين فيهم جلابيات يعني ساعات تحصلين جناط واكسسوارات ويكون محل واحد في جلابيات واغلبية المشاركين يكونون جناط واكسسوارات (يعني انتي وحظج بس تصدقين انا دايما اذا رحت احصل جلابيات)

وعلى فكره العربيد اسعاره ارخص من مجمع الاوقاف ومن المعارض


واي خدمه احنا حاضرين لاتترددين ؟

هذا خبري فيكم يا أهل الكويت ادري انكم ماتقصرووون ودايما حاضرين للفزعة..

الف الف الف شكر لكم..وعسااااااااااكم على القوة...والله يحفظكم

اخوي ناصر....تسلم وماقصرت .. اي جمعية يعني لها اسم او هي جمعية وحدة بس بالفروانية..لان انا عندي (جي بي اس ) وعن طريقة بدل المكان؟؟؟ :tongue:

ام علاوي...شكر خاص لج حبوبة ماشاء الله عليج بس انا ما أريد افصل ابا شيء جاهز..اريحلي..بس لازم اروح له هالخياط واقوله ترا ام علاوي تسويلك دعايا ..يعني لازم ترخص لها :24:

روان......تسلمين يا الغلا وربي يوفقج...

المشاركة الأصلية كتبت بواسطة أحلا بنوتة
http://www.arabtravelersforum.com/tr...4/#post1247359

هذا خبري فيكم يا أهل الكويت ادري انكم ماتقصرووون ودايما حاضرين للفزعة..

الف الف الف شكر لكم..وعسااااااااااكم على القوة...والله يحفظكم

اخوي ناصر....تسلم وماقصرت .. اي جمعية يعني لها اسم او هي جمعية وحدة بس بالفروانية..لان انا عندي (جي بي اس ) وعن طريقة بدل المكان؟؟؟ :tongue:

ام علاوي...شكر خاص لج حبوبة ماشاء الله عليج بس انا ما أريد افصل ابا شيء جاهز..اريحلي..بس لازم اروح له هالخياط واقوله ترا ام علاوي تسويلك دعايا ..يعني لازم ترخص لها :24:

روان......تسلمين يا الغلا وربي يوفقج...



في كل منطقه في جمعيه تعاوينه واحد في الكويت واذا عندد جهاز جب بي اس روحلي على شارع حبيب مناور وتشوفين الحجمعيه واظحه ومكتوب عليها جمعيه الفروانيه التعاونيه المجمع بالخلف بالضبط

وتشوفين الزحمه هناك لكن انصحج تروحين الصبح اخف وايد
وانصح بشده ان لاتنسون الجهاز ابد

اختي أحلا بنوتة
ياليت تذكرين لنا متى بتجين الكويت
لانه دايما يكون في معارض تفتح في بعض المناطق لمجموعه من المشاغل دراريع وملافع في عندهم الجاهز واسعارهم بين الرخيص والغالي
هذي المعارض يسوونها مجموعه مشاغل يجتمعون في مكان واحد يافي صالة افراح او في خيام افراح

واذا انتي بتجين هالاسبوع في معرض في العارضيه مقابل جمعيه العارضيه التعاونيه حلو ان شاء الله تلحقين عليه