الموضوع: ماهو أحسن مطعم فلافل بالكويت؟

السلام عليكم

بما اني من محبي سندويشات الفلافل حبيت تشاركوني برايكم عن أفضل المطاعم بالكويت

جربت أكثر المطاعم لكن ودي اشوف راي الناس يمكن استفيد منهم بشي جديد وماعرفه

اللي فلافلهم يعجبني

كناري
نوارة
99
زاد الخير بالمنصورية

تحياتي

مواضيع عشوائيه ممكن تكون تعجبك اخترناها لك:

• شلون الجوووووو ؟؟
• «الأشغال» وقعت اتفاقية تصميم الطريق الإقليمي بـ ملايين و ألف دينار
• فيزا من الكويت ومهم
• ماهو افضل مسجد لصلاة التراويح في الكويت
• أستفسار لأهل الكويت
• جولة مصورة لمطاعم شارع الخليج العربي الكورنيش
• مقولة السكن غاااالي؟
• كمن سؤال لو سمحتوا؟؟
• استفسار من اهل الكويت واصحاب الخبره
• افتتاح «دين ديلوكا» أكبر متجر للمنتجات الغذائية الفاخرة في «الأڤنيوز»
• معلومات عن فيلكا
• حياكم بتصويري فندق رجنسي بالكويت
• الطيران الأقتصادي على الكويت عندك معلومه نورنا فيها
• اليكم بعض الصور من دولة الكويت م تصوير هبوب الامارات
• إفتتاح فندق أول فرع في الشرق الأوسط
• أستجار سيارة
• مسرح المبارزه بالدعيه وين موقعه بالضبط ؟؟
• اسعار فندق المنشر
• عيد الفطر
• استفسار

في مطعم بحولي يبيع فلافل شغل عدل

اسمه نص القمر اعتقد مكانه عند التسجيلات الاسلاميه بحولي

جربوه لا يطوفكم

كل اللي اعرفهم قلتوهم :")

وقواكمـ الله .. :101:

مشكورين ويزاكم الله كل خير

أختي أم علاوي ،

في مطعم راح أقول لج عنه ، بس يمكن ما راح تصدقين ، مطعم متواضع جدا بس الصراحة أكله وايد لذيذ

وهو بدر البدور في منطقة بنيد القار . جربي فلافلهم وراح تدعين لي :101:

اذا فيه محل فلافل زين عند جمعية السالميه تكفون دلوني عليه

ام علاوي

شكلج من اللي الموظفات اللي اسلتمهم طارق العلي في احد مسرحياته

اللي طايحين بسندوتش فلافل والبطاط من وراء الشباك وكاشتيين بالمراجعين

عموما المشروع الناجح بالكويت بنسبه 90% مطعم سنتدوتشات فلافل وشباتي


و اللي اشوفه افضل مطعم فلافل


1- مطعم السعاده بالشويخ
2-مطعم كناري
3- في مطيعم صغير بزاويه بسوق المباركييه متخصص بس بالفلافل والسمبوسه عجيب

المشاركة الأصلية كتبت بواسطة daloolh
http://www.arabtravelersforum.com/tr...0/#post1244820

اذا فيه محل فلافل زين عند جمعية السالميه تكفون دلوني عليه



هناك فى السالميه ارقى مطعم فلافل فى الكويت على ما اعتقد هو مطعم الكلحه عند مدخل شارع البحرين

المشاركة الأصلية كتبت بواسطة مورسيدس بن بنز
http://www.arabtravelersforum.com/tr...6/#post1245116

ام علاوي

شكلج من اللي الموظفات اللي اسلتمهم طارق العلي في احد مسرحياته

اللي طايحين بسندوتش فلافل والبطاط من وراء الشباك وكاشتيين بالمراجعين




أصلا انا الصبح اكل مجبوس هههههه

المطاعم اللي أحب آكل منهم ساندويشات فلافل ..

مطعم شرف .. مقابل مجمع دسمان
مطعم دودو .. السالمية شارع بغداد
مطعم كناري .. حولي شارع تونس
حلويات الطيباوي .. حولي شارع العثمان

جربيهم وإنشاء الله تدعين لي ..

ام علاوي جربي مطعم الكلحه اللي بالسالميه اخر شراع البحرين وذا دخلتي من البلاجات يصير على اليسار عليهم فلافل وفول بالخلطه شي مو طبيعي وبعد المشويات
عليكم بالعافيه

واحلا رد من ام يوسف خبيره الكويت ماشاء الله بدر البدور فلافل وبطاط مدور هههههههههه عجيب

ماعندي شي اضيفه



كل المطاعم اللي اعرفها قلتوها

من وجهت نظري مطعم الشرف متميز بالفلافل موقع الطعم الديره بجانب شؤن القصر

مطعم الكلحة جربت اكلهم بس ما كان عندي فكرة عن الفلافل و الاكلات اللي اكلتها عندهم مميزة

نوارة : ذكريات من ايام الطفولة
زاد الخير بالمنصورية :سندويش الفلافل عجيب و ذكرى جميلة

مدحو لي فلافل بدر البدور و التباب
أحسن فلافل بالكويت بوجهة نظري : فلافل جميعة الدسمة بلا منازع مع بطاط مدور شي مو طبيعي

مشكورة على الموضوع الحيوي و الهام و اسمحي راح ارسله حق عشاق الفلافل أمثالي

المشاركة الأصلية كتبت بواسطة Almoravid
http://www.arabtravelersforum.com/tr...7/#post1246077

مطعم الكلحة جربت اكلهم بس ما كان عندي فكرة عن الفلافل و الاكلات اللي اكلتها عندهم مميزة

نوارة : ذكريات من ايام الطفولة
زاد الخير بالمنصورية :سندويش الفلافل عجيب و ذكرى جميلة

مدحو لي فلافل بدر البدور و التباب
أحسن فلافل بالكويت بوجهة نظري : فلافل جميعة الدسمة بلا منازع مع بطاط مدور شي مو طبيعي

مشكورة على الموضوع الحيوي و الهام و اسمحي راح ارسله حق عشاق الفلافل أمثالي



الله يستر من هالمطعم
جلحه وملحها

ا

أنا أكلت من مطعم على كيفك وأعجبني كثيراً ، وصرت أهوجس فيه وأنا في الرياض .

الله يجزى أبو محمد وأبو عمر خير هم من دلّوني عليه وبعدها نشبت في حلوقهم .

حتى مرة من المرات إللي رحت له نسيت محفظتي ، والله قال ما عندك مشكلة جبها بعدين .


مع خالص التحية والتقدير ،،،


أخوكم : ناظم

مرحبا حبيببتي ام علاوي
ما عندي اضافه يديده بس حبيت اشارك
كناري (الفلافل المحشيه عجيبه)
مطعم شرف
نوارة
ويعطيج الف عافيه

من صجكم قاعدين تتناقشون بعد

من المطاعم العجيبة بعمل الفلافل بالكويت هو مطعم شــرف

شغلهم نظيف وفلافلهم تاكلون صوابعكم وراها

تقبلوا تحياتي

الى الاخت أم علاوي
لقد ذكر الأخوان معظم مطاعم الفلافل الجيدة بالكويت ، ولكنك لاتزالين محتارة أي مطعم تختارين ، ولذلك أنت تحتاجين الى تصنيف twr1183 العشري لمستوى المطاعم :
1- سندويشات شرف ( يقع في مدينة الكويت بجانب مجمع دسمان وهو أحد أقدم مطاعم الفلافل في الكويت حيث انه متواجد من سبعينات القرن الماضي " على ذمة أخوي الكبير " يقدم الفلافل مع الصمون المدور وهو لذيذ ويستحق 9 من 10 بكل جدارة )
2- فلافل على كيفك ( يقع في منطقة حولي ويمتاز بخلطته السرية حيث يقدم الفلافل بصمون فرنسي بالاضافة الى سلطته الخضراء التي لا تحتوي على الطماط ويمكنك ان تطلبها مع المايونيز أو الطحينة التي أنا أفضلها ، سعر الصمونة 250 فلس وهي تستحق هذا السعر لكبر حجمها ، التصنيف 7 من 10 )
3- فلافل اللد والرملة ( يقع في حولي عند دوار صادق و يمتاز بطعمه الاصيل و صمونته المدورة الا أنه عند الطلب يستحسن بأن تخبر الجرسون بأن يحظرلك الفلافل طازج ، التصنيف 8 من 10 )
4- نوارة الأصلي ( يقع في حولي مقابل مجمع المهلب ، ويقدم الفلافل بخبز صغير مصنع خصيصا للمطعم وهو لذيذ ، التصنيف 8 من 10 )
5-مطعم دودو ( ويقع بالسالمية على امتداد شارع حلويات لاباجيت ويقدم الفلافل بالخلطة اللبنانية السرية والفلفل الحار حسب الطلب ، التصنيف 7 من 10 )
جميع المطاعم الأخرى تقع تحت 7 حسب تصنيفي فلا أجد ضرورة من ذكرها مع إن طعمها لذيذ جدا ولكن مستوى النظافة يكون بها متدني ،،،
مع الشكر

ما يبيله بعد مطعم دودو

الصراحه ما عندي خبره بمطاعم الفلافل
لكن ان شاء الله اجرب المطاعم اللي قلتو عنها
يعطيكم العافيه

للتشويق

بالترتيب وحسب الافضلية :

1- سندويتشات شرف (طعم ولا اروع ) وهو مقابل مجمع دسمان بس الجمعة الصبح ما يفتح .
2- مطعم الجولان بحولي ومكانه معروف
3- مطعم اللد والرملة وخاصة فلافل محشي روعة
4- مطعم العقل (اللي بحولي) .
وبعدين وبمستوى اقل من سابقيهم
مطعم نوارة ومطعم الكلحة ومطعم كناري

مطعم زيت وزعتر لا يطوفكم


في مرينا مول

سوق شرق

وكارفور

[quote=djomdd;1245240]هناك فى السالميه ارقى مطعم فلافل فى الكويت على ما اعتقد هو مطعم الكلحه عند مدخل شارع البحرين[/quot


اخوي حلو انا اسكن بشارع البحريم في شقق السالمية بلس الي مقابل ملك المانجو


ممكن توصف لي وينه بالضبط

مطعم شرف
مطعم دودو
وطبعا كناري

السلام عليكم احسن مطعم فلافل بالكويت
مطعم القاهرة بالمباركية
مطعم الرميح

كافتيريا الشويخ عند محمود السوري جانكم تعرفونه ؟ وكافتيريا الضاحيه ياحلو فلافلهم هذول الاثنين

يعطيك العافيه لاكن على فاكره فيه مطعم عنده فلافل مهي طبيعيه وهاذي مساهمه مني لمحبي الفلافل ليجربوه ويحكمو بائنفسهم ( مطعم الريف البناني بحولي ) شىء مهو طبيعي با الخلطه البنانيه . لاتقولون دعايه با الهنا والعافيه اذامرو على حولي

[QUOTE=daloolh;1254010]





المشاركة الأصلية كتبت بواسطة djomdd
http://www.arabtravelersforum.com/tr...0/#post1245240

هناك فى السالميه ارقى مطعم فلافل فى الكويت على ما اعتقد هو مطعم الكلحه عند مدخل شارع البحرين[/quot


اخوي حلو انا اسكن بشارع البحريم في شقق السالمية بلس الي مقابل ملك المانجو


ممكن توصف لي وينه بالضبط



مقابل مقهى ستار بكس شيخة سنتر اى انة عند مدخل شارع البحرين من عند شارع البلاجات و
هنى وعافية

مطعم العقل هممم زين :")

اللي موجود بالمباركية وبحولي ..

ماشالله الموضوع ماخذ حيز جيد ومشاركات عديدة !
أول مرة أدري إن الفلافل لها شعبية جارفة عندنا

مطعم الرميح الي كان يم دوار الشيرتون


بس شالوة حسبي اللة عليهم

مشكورين ياجماعة على المشاركات
والله احترت من وين اشتري الفلافل

على فكرة جربت مطعم على كيفك و ماعجبني لانه فيه مايونيز

وانا ماحب المايونيز :110:

أحب الفلافل العادي اللي مع طحينة واللي ماعليه اضافات

احب اللي بخبزة مدورة مثل اللي بالصورة

ام علاوي


حرقتي اعصابنا



يوعااااااااااااااااااااااااااااااااااااااااااااااا اااااااااااااااااااااااان

شهالصور ياأم علاوي ....... كلش مو وقته :")

يوعتينا ..

فيه واحد عنده فلافل مي صاحيه اسمه (فول وفلافل القدس)

المشاركة الأصلية كتبت بواسطة ssskkk
http://www.arabtravelersforum.com/tr...0/#post1263340

فيه واحد عنده فلافل مي صاحيه اسمه (فول وفلافل القدس)



وين صاير هالمطعم؟

المشاركة الأصلية كتبت بواسطة أم علاوي
http://www.arabtravelersforum.com/tr...3/#post1260973

مشكورين ياجماعة على المشاركات
والله احترت من وين اشتري الفلافل

على فكرة جربت مطعم على كيفك و ماعجبني لانه فيه مايونيز

وانا ماحب المايونيز :110:




بإمكانك أختي أم علاوي أخذ فلافل بالحمص أو سادة لكن ننظر إلى أصل الأكلة وهي الفلافل هل طعمها طيب أم لا .

بشارع الملك فهد بالخبر:109:

المشاركة الأصلية كتبت بواسطة ssskkk
http://www.arabtravelersforum.com/tr...3/#post1264643

بشارع الملك فهد بالخبر:109:



زين ما ذكرت لنا مطعم بنيكاراغوا :109:

المشاركة الأصلية كتبت بواسطة ناظم
http://www.arabtravelersforum.com/tr...9/#post1264579

بإمكانك أختي أم علاوي أخذ فلافل بالحمص أو سادة لكن ننظر إلى أصل الأكلة وهي الفلافل هل طعمها طيب أم لا .




الفلافل طيب لكن انا مادري انه معاه مايونيز ولا تخيل حتى :108:

انشالله في المرة الثانية نطلبه بدون مايونيز:109:

أم علاوي
ترا اخرتها بتطلبينلنا من كل مطعم فلافل
على كل أعضاء العرب المسافرون
يعني حسبي جم صمونه

ولو سمحتي انا مابي بالصمونه لا مايونيز ولا طمام و قوليله اكثر من الطحينة
الأعضاء الباجي سأليهم شنو يبون

ماشاء الله كويتيين وسألتيهم عن البلعة ماراح يقصرون معاج أما عن مطعم فلافل وبطاط وبيديان عندج مطعم اللد والرملة بدوار صادق بحولي( يعلو ولا يعلى عليه)

المشاركة الأصلية كتبت بواسطة زعطوطه
http://www.arabtravelersforum.com/tr...3/#post1267263

أم علاوي
ترا اخرتها بتطلبينلنا من كل مطعم فلافل
على كل أعضاء العرب المسافرون
يعني حسبي جم صمونه

ولو سمحتي انا مابي بالصمونه لا مايونيز ولا طمام و قوليله اكثر من الطحينة
الأعضاء الباجي سأليهم شنو يبون






حاظرين قوليلي وين دوامج وانا اطرشه لج

المشاركة الأصلية كتبت بواسطة سماااسم الكويت
http://www.arabtravelersforum.com/tr...7/#post1268577

ماشاء الله كويتيين وسألتيهم عن البلعة ماراح يقصرون معاج أما عن مطعم فلافل وبطاط وبيديان عندج مطعم اللد والرملة بدوار صادق بحولي( يعلو ولا يعلى عليه)



مشكورة سماسم على المشاركة والافادة

انشالله اجربه واقولج

المشاركة الأصلية كتبت بواسطة أم علاوي
http://www.arabtravelersforum.com/tr...5/#post1268895

حاظرين قوليلي وين دوامج وانا اطرشه لج





مشكوره ام علاوي
دام فضلج و ما تقصرين يا الغالية

[QUOTE=DJOMDD;1257450]





المشاركة الأصلية كتبت بواسطة daloolh
http://www.arabtravelersforum.com/tr...0/#post1254010


مقابل مقهى ستار بكس شيخة سنتر اى انة عند مدخل شارع البحرين من عند شارع البلاجات و
هنى وعافية




يعني يا اخوي عندي جمعية السالمية التعاونيه

أم علاوي تعالى عندنا بجمعية الفيحاء فلافل الهندي نفسه اللي يبيع سمبوسة صمونة الفلافل عنده عجييييييبة والبطاط وبيديان ....يم يم يم

تعال على الفيحاء شي خرافي فلافل الهندي مشكل عجيب عندة وية الببسي الساعة 12 ظهرا ما تشبع منة

السلام عليكم
تحية من القلب
في مطعمين
موجودين محد راح لهم
مطعم الصعيدي الجائع في خيطان
ومطعم ابلع ريجك في العباسية
احسن فلافل وفول مصري
في بق ميل وكدني ميل
وشباتي بنغالي اجاهي
زورونا تجدون مايرضيكم
اطلب مرة تطلبه كل مرة

فلافل على كيفك ..

الكحلة ..

هندي الفيحا.. هندي الفيحا.. هندي الفيحا ...
ياأم علاوي استاثمتي فينا !!!

المشاركة الأصلية كتبت بواسطة سماااسم الكويت
http://www.arabtravelersforum.com/tr...5/#post1275915

هندي الفيحا.. هندي الفيحا.. هندي الفيحا ...
ياأم علاوي استاثمتي فينا !!!



بجربه وبقولج رايي واذا طلع زين بادعيلج

السلام عليكم
اول مشاركه لي
للاسف كنت ادور اسم ابوجاسم بس محد ذكره...تدرون ليه
لانه مطعم قديييييم من ايام الثمانينات ومايبع الا مشكل بس وشوف الطابور اللي عنده
والى يومك هذا وهو مازال شغال وزحمه عنده وان دل يدل على توفيق الله له اولا ثم الفلافل المميزه اللي عنده
هو في ابوحليفه وكل واحد يعرفه في المنطقه العاشره بس اظن غير اسم المطعم من ابوجاسم الى البركه على ما اعتقد بس الى الحين ماشي عليه اسم ابوجاسم
جربوه وعطوني رايمكم...هذا اذا دليتوه

leeeesh.wesh gelna??just kidding with members