* اطلع على الخطوط السعودية الرياض جدة كم ساعة تنتظر فيها وبعدها تطير على كازا التذكرة تقريبآ 2200 ريال أفضل عشانها ما فيها ساعات إنتظار كثير أما على الأمارات أفضل طائرات لكن تبي تروح من الرياض لدبي وبعدها كازا والعودة من كازا دبي الرياض والسعودية أفضل لأنها الرياض جدة كازا أقل ساعات للإنتظار
* ومن المطار اطلع على محطة القطار واحجز على مراكش
* أفضل لك بمراكش اسكن مثل ماقال الأخ بشقق مراكش بلازا قريبة - الظاهر إنها بمنطقة قليز - من كل شئ المطاعم والأماكن السياحية والسوق نسيت اسمه مثل العثيم وهايبر بنده بالرياض
* ضروري تاخذ لك لفة بالساعات للبحث عن المعلومات بالمنتدى عن مراكش واقادير والأماكن اللي تستاهل الزيارة
*ونصيحتي لك خل سفرتك 4 ايام بمراكش و 6 ايام باقادير
* أكيد كان يقصد 1500 ريال والله أعلم لكن احسها شوي واجدة ممكن 1000 ريال وأيام أقل من كذا بشوي على حسب صرفك
* بكيفك إذا تبي تسافر لوحدك أنت وجوك لكن أفضل إذا معك خوي وعادي جدآ إذا كنت لوحدك الأكيد إن شاء الله إنك تبي تنبسط طبعآ إذا عرفت وين تتمشى
ولي عودة إن شاء الله الحين وقت صلاة العصر
رد مع اقتباس
المفضلات