الموضوع: خبراء فرانكفورت دوسلدورف ممكن مساعده؟

اولا ً : - السلام عليكم ورحمة الله وبركاته

ثانيا ً : - صباح / مساء الخير للجميع

انا عندي رحلة علاجية لألمانيا شهر 9 ميلادي وبالعربي ميح سواء فاللغه او في إلمانيا

الوجهه إلى فرانكفورت والى مدينة اسمها ميربوش بالقرب من مدينة دوسلدورف
هذا اللي فهمته المهم الرابط عندكم وسنعوا وزارتكم
هذا رابط المستشفى شيكوا على عنوانه يمكن ماعرفته خبركم (نو سبيك خواجاتي)
http://www.stmtk.de/index.php?id=539&L=2

اللي حبيت أعرفه كم تبعد ( ميربوش عن دوسلدورف ) ووسيلة التنقل من فرانكفورت إلى السكن اللي بتشوفونه لي ومنه إلى المستشفى

/ خيارات السكن لأننا 3 اشخاص بالغين و2 أطفال وياليت شقه 3 غرف تكون نظيفه وأسعارها معقوله وقريبه من الدكاكين والمحلات المهمه والأهم اماكن فيها خليجيين عشان ما أضيع مع العنقليز

لأن الإقامه ممكن تطول ... ومحلات تبيع اكل حلال // لأني ماعرف شي وممكن أدخـَـن في لحم الخنزير وانا مادري

ولاتنسون التنقل وياليت اماكن فيها خليجيين اسكن قريب منهم عشان مايضيق خاطري هناك
وشيء أخير انا مدمن قهوه
فيه قهوه هناك يعني (قهوه خليجيه قناد ,هيل) والا اشحن معاي

بصراحه ماحب قهوتهم اللي كنها آيــل بطبطه

وفي الختام الله يبيض وجيهكم جميع حتى اللي مر ولارد علي
والله يجزاكم خير جزاء ويشفي جميع مرضى المسلمين

مواضيع عشوائيه ممكن تكون تعجبك اخترناها لك:

• رأيكم في مخطط الرحلة
• رحلتي الاوربيه من اين ابدأ؟
• شباب بليز مسااعدة عند سفر تدريب يوم ابي مساااااااااعده بليز
• ياليت حد يقدر يساعدني في مخطط رحلتي؟؟
• افضل الفنادق فى برلين ؟ مع بعض النصائح لو سمحتوا
• استفسار عن الشحن في خطوط لوفتهانزا الالمانية
• مساعده لللسياحه في اوروبا المانيا بلجيكا سويسرا
• من ميونخ الى سالزبورغ او زيلامسي
• استفسارات قبل موعد رحلتي
• كيف هي الأجواء في وسط نوفمبر في دسلدروف ؟
• السكن حول ميونيخ
• إستخرجت فيزا شنغن وذهبت إلى سويسرا
• شرايح الجوال بالمانيا والكونكت
• إستفساري عن المانيا الأخير لو سمحتو
• فزعتك ياقايد
• هذا جدول رحلتي بحول الله أضعه مع كم سؤال بين أيديكم نظراً لوجود كم مدينة ألمانية
• استفسار هام.........
• ساعدوني باختيار افضل الاماكن في فرانكفورت و برلين
• بخصوص تأشيرة الدراسه لالمانيا
• انتقذوني

upppp

help him

اي والله هيلب هم

بيكوز ايام متوهق أويد شي خخخخخ

ماقصرتي ياسيدة الامارات وهذي عوايدكم

لاهنتي

من 7 - 7 إلى اليوم 13 - 7

ولا واحد رد على إستفساراتي !!!!

الله المستعان

أول شي .. الله يشفي مريضكم

بالنسبة للمسافة بين ميربوش ودوسلدورف حوالي 8 كيلو

بالنسبة لوسيلة التنقل من فرانكفورت إلى السكن ومنه إلى المستشفى .. هذا يعتمد عليك أنت وين تبي تسكن

وعموماً المسافة بين فرانكفورت ودوسلدورف حوالي 225 كيلو
وعلى فكرة الخطوط الأمارتية عندها رحلة مباشرة من الأمارات إلى دوسلدورف دون المرور على فرانكفورت

بالنسبة للسكن في دوسلدورف ممكن يفيدونك الأخوان أكثر مني

وللمعلومية .... مدينة بون (74 كيلو عن دوسلدورف) يكثر العرب والخليجيين على وجه الخصوص وذلك لوجود مكاتب صحية لبعض الدول الخليجية فيها كونها العاصمة السابقة لألمانيا .. وتنتشر محلات الحلال .. لكن قد تجدون صعوبة أن تسكنوا فيها في حالة إنه مريضكم منوم بالمستشفى في ميربوش أو لديه مواعيده كثيرة.

بالنسبة للقهوة ما أعتقد .. لذلك خذ معك

وأتمنى أكون أفدتك يا الغالي

مساء الخير

في رقم الاخ ياسر هنا

http://www.arabtravelersforum.com/travel393205/

تتصل عليه ويوصلك من فرانكفورت الى المدينه واسئله عن توافر الشقق السكنيه هناك عندهم خبره بالمنطقه هذي

وما تشوفون شر

المشاركة الأصلية كتبت بواسطة شاب الرياض
http://www.arabtravelersforum.com/tr...2/#post5775720

أول شي .. الله يشفي مريضكم

بالنسبة للمسافة بين ميربوش ودوسلدورف حوالي 8 كيلو

بالنسبة لوسيلة التنقل من فرانكفورت إلى السكن ومنه إلى المستشفى .. هذا يعتمد عليك أنت وين تبي تسكن

وعموماً المسافة بين فرانكفورت ودوسلدورف حوالي 225 كيلو
وعلى فكرة الخطوط الأمارتية عندها رحلة مباشرة من الأمارات إلى دوسلدورف دون المرور على فرانكفورت

بالنسبة للسكن في دوسلدورف ممكن يفيدونك الأخوان أكثر مني

وللمعلومية .... مدينة بون (74 كيلو عن دوسلدورف) يكثر العرب والخليجيين على وجه الخصوص وذلك لوجود مكاتب صحية لبعض الدول الخليجية فيها كونها العاصمة السابقة لألمانيا .. وتنتشر محلات الحلال .. لكن قد تجدون صعوبة أن تسكنوا فيها في حالة إنه مريضكم منوم بالمستشفى في ميربوش أو لديه مواعيده كثيرة.

بالنسبة للقهوة ما أعتقد .. لذلك خذ معك

وأتمنى أكون أفدتك يا الغالي




جزاك الله خير احوي شاب الرياض

انا ابغى اسكن في دوسلدورف هل تنصحني بالسكن فيها ؟

وكم اسعار الشقق هناك اللي تكون نظيفه وقريبه من الاماكن الخدميه

وهل تنصحني بالقطار او أأجر سياره من دوسلدورف الى المستشفى

وياليت لو حد يفيدني في مترجمين هناك ثقه

والله يجزاكم خير

المشاركة الأصلية كتبت بواسطة ALI_Q8_77
http://www.arabtravelersforum.com/tr...2/#post5775728

مساء الخير

في رقم الاخ ياسر هنا

http://www.arabtravelersforum.com/travel393205/

تتصل عليه ويوصلك من فرانكفورت الى المدينه واسئله عن توافر الشقق السكنيه هناك عندهم خبره بالمنطقه هذي

وما تشوفون شر




الف لاباس وماتشوفون شر ان شاء الله الاخ علي ماقصر اما انا والله ماعندي سالفه ولا ادري عن شي ولا اعرفها بس لقافتن مني قلت مداك ماشفت هالرد ولا شي