الموضوع: سؤال عن مدينة هان

السلام عليكم ورحمة الله
سؤال لاعضاء منتدانا الغالي
سؤالي عن مدينه هان
هل هي مدينه كبيره ام صغيره
وهل مستشفى st josef في نفس المدينه
وهل يوجد بها شقق للايجار لان موعدي صار في هذا المستشفى وابغى اخذ بناتي معي
لاكن يقولون مافيه الا موتيل
ياااليت اللي عنده اي فكره عن هذه المدينه يساعدني جزيتم جنه الفردوس ووالديكم *

مواضيع عشوائيه ممكن تكون تعجبك اخترناها لك:

• استفسار بخصوص المترجمين في ميونخ
• الى ارجوا الرد
• استفسار
• هل توجد رسوم لاستئجار السياره في حالة تغيير مكان التسليم داخل المانيا فقط
• تأجير سياره من ايفيس فى الكويت؟
• اليوم رجعت التذاكر وبسوي حجز جديد ساعدوني
• ماهو الحل زحمه في كل الفنادق ؟ في ميونخ بعد العيد ارجو المساعده في الحجز
• اتمنى ارشادي في مخططي
• خرائط ميونخ اندرقراوند سوباوربان ترام
• استفسار عن الشحن في خطوط لوفتهانزا الالمانية
• مدن الملاهي و الالعاب بميونخ
• سؤال عن الأكل
• الشنغن الالمانية؟
• مدينة
• ارجو المساعدة من اصحاب الخبرة تخطيط للسفرة
• ساعدوني بمخطط رحلتي
• ممكن فندق نجوم في قارمش ؟
• الفيزا الالمانيه
• السفر بالسيارة من الخليج الى اوروبا
• قادماً من سالزبورغ الى ميونخ ليلتين فقط وراح ازور قارمش ثاني يوم من ميونخ

يااااااااريت اللي عنده اي معلومه يساعدني
جزيتم الجنه

يااااعالم تكفون اي معلومه
جزيتم الجنه

والله كان ودي افيدج لكن لا اعرف عن هذه المنطقه شي ..
الله يشفييج ان شااء الله .. واتمنى الربع اي احد يفيدنا ..
تحياتي والسموحه اذا ما فدت اب شي ..

الله يجزاك خير ويسر امرك شااااكره مرورك

الاخت العزيزه ابشري بالخير
انشاء الله كل اسالتج بتلاقين الاجابه عنها
ولكن كل اللي ابيه منج شي بسيط وهو
اكتبيلي اسم المدينه هان بالحروف الاتينييه حتى اتاكد اكثر لان هني في المانيا يوجد اكثر من مدينه باسم هاان

على كل حال انا عملت بحث واتصور المدينه اللي فيها المستشفى المذكور لقيتها St. Josef Krankenhaus

وعنوان المستشفى يا اختي بيكون ان شاء الله Robert-Koch-Straße 16
D-42781 Haan, Rheinl

وهي مدينه صغيره تقع ما بين مدينتين كبار ( دوسيلدورف و فوبرتال )
عن دوسيلدورف تبعد حوالي 22 كيلو متر يعني ان كثرت بين العشرين دقيقه والنص ساعه بالسياره وعن فوبيرتال 15 كيلو متر يعني بحدود اكثر شي عشرين دقيقه وعندك الاختيار اتعيشين في وحده من المدينتين الكبار هذيل ان كنتي مصره على مدن كبار وفيها سنتر كبير المستشفى تقع في مدينه مهي صغيره مثل تصوريها او مثل ما قالولك ولكن المدينه هي سكنيه اكثر شي يعني فيها بيوت وسكن كثيره والسنتر التسوقي حقها او سنتر المدينه صغير شوي يعني باختصار هي مدينه يسكنوها سكان البلد الالمان وغيرهم وماهي من المدن السياحيه

وهذي صوره للمستشفى وبنايتها وبتتذكريني انشاء الله يوم توصلين بالسلامه وتشوفينها حقيقي



الان رديت لمشاركتك وشفت الاسئله الباقيه بالنسبه للشقق فيها بصراحه ما عندي فكره ولكن اضن الان المهمه اصبحت سهله لباقي الاخوه المختصين بايجاد الحجوزات المناسبه وعندهم خبره فيها مثل الاخت دموع الوجد واخونا بو عمر ان بغو يضيفون مشاركتهم لان عنوان المدينه والرمز البريدي حقها اصبح الان معلوم بس مبدائيا اتصور ان السكن في مدينه مثل مانا شايفها الان بيكون سهل يعني ممكن تحصلين شقق من النوع الرخيص والى فترات طويله شوي يعني مهي ايجارات حقه اسبوع او اقل لانها مدينه سكنيه اكثر شي او هذا الانطباع اللي وصلني عنها

على كل حال اختنا العزيزه انا مستعد لاي سوال او استفسار اقدر افيدك انتي والاخوه الباقين فيه انا حاظر ومستعد

الاخت مشتاقة لامي قسم بالله اكثر شي شجعني اجاوب هو الدعوه اللي كنتي داعيتها فوق في السوال والان وربي يوم قريت جوابك والدعوه الاحلى منها ياختي بقوووووووووووووول لك يااااااااااااااااااااااااارب ييسرلك امورك كلها وقسم بالله لو في شي اقدر اقدمه واساعدك ورب الخلق ورب السماوات الاورض ماني مقصر

بالنسبه لسوالك عن النقاب اختي الحمد لله هنا في المانيا لحد الان ما قدرو علينا احنه المسلمين يعني النقاب بتدخلين عادي فيه ومنقبه ومافي اي قانون يقدر يمنعك نهائيا عن النقاب وفي المطار ان كان موظف الجوازات عند الدخول رجل فاطلبي منه في حاله طلب منك كشف الوجه للتاكد ومطابقه الجواز اطلبي منه ان ينادي على ضابطه اتكون مراة وهي موجوده معاهم وهم اساسا في عندهم تعليمات ان العرب والمسلمين المنقبال ما يصير الرجل هو اللي يطابق جواب المنقبه ولازم تكون ضابطه جوازات المانيه وايظا في غرفه او كابينه صغيره بتشوفينها اتكون خلف الكاونترات يعني هالشي عادي واذا ما هو بنفسه عرض عليكي ان ينادي الظابطه اطلبيها انتي بنفسك

والالمان الاغلبيه متعودين على النقاب خصوصا المناطق اللي بتسكنون فيها لانها مناطق غرب المانيا وهي اساسا سكانها منفتجين على الاجنبي شوي وخصوصا الاجيال الجديده يعني الشباب
لا قدر الله ان كان في مضايقات فتوقعيها من الكبار بالعمر اللي فوق السبعين هذيل اللي شوي معقدين ولكن تطمني المضايقه اللي اقصد عنها هي جدا خفيفه ان حصلت لا تتعدى انهم بيبقون يطالعون فيج لا اكثر ولا اقل
يعني تطمني انشاء الله ما بيقدرون على المسلمين هنا بالمانيا ودعواتك لنا اختي العزيزه
الاشياء اللي بتاخذيها معك ماني عارف وش بالضبط مثلا الاشياء الضروريه عندك ياريت تكتبيلي على سبيل المثال بعض الاشياء وانا بقول لك هل هي موجوده في المانيا واسعارها مناسبه او مثلا موجوده ولكن غاليه والافضل تجيبيها معك وعلىبيل المثال التمر هنا متوافر ولكنه غالي شوي ونوعيته مهي مثل اللي في بلدانا وايضا ان كنتي من عشاق القهوه العربيه الشقره فهاتيها معك والهيل واللوازم لان صعب الحصول على القهوه الشقره هنا
اما الرز البسمتي اختي موجود وبانواع كثيره وراقيه بعد ولكن اسعارها احتمال عن البقالات العربيه اتكون مرتفعه جدا تصل تبدا من 15 يورو للخمس كيلوات يعني الكيبلو بيكون 3 يورو ولكن مع هذا حنا المقيمين هنا بنعرف في انواع رز بسمتي بجوده المانيه وجدا راقي وسعر الكيلو ما يوصل 1 وستين سنت

مثل ما قلت لك اختي فكري انتي وش هي الامور المهمه واللي تفكرين تجيبيها معك وانا بقولك هي تسوى تحملينها وتجيبينها معك او لا وبقولك وين بتلاقينها وبالضبط باي محل او سوبرماركت وحتى سعرها بعطيكياه وانتي ساعتها قرري بالنسبه للامور هذي

وبالنسبه للمدينه هل يوجد فيها عرب فان كنتي تقصدين العرب السياح فما بضن ان بيكون في مدينه مثل هذي موجودين سياح عرب ولكن في دويسلدورف وفوبرتال بتلاقين العرب فيها اكثر من الالمان في ايام الصيف والسياحه اما ان كنتي تقصدين عرب مقيمين دائميين فمئه بالمئه بيكونون فيها عرب ولكن صعب انك تعثرين عليهم لانهم بيكونون مندمجين بالمجتمع ومشغولين باعمالهم ووضايفهم اليوميه يعني قليل بيتواجدون في سنتر المدينه او محلات التسوق ولكن مع هذا بيكونون موجودين

قول معي آآآميييين
اسآل الله العظيم الحليم ان يجعل لك من كل هم فرجا ومن كل ضيق مخرجا ومن
كل بلاء عافيه ومن كل ضلال هداية وثبات وان يرزقك من حيث لاتحتسب
والله ثم والله اني دعيتها من قلب خالص اسآل الله الاجابه
ماقصرت الله يحفظك
طيب فيه ناس قالوا خذي بطانيات وملابس شتويه
طمنتني من ناحية الحجاب الله يحجب وجهك ووالديك عن النار ياااارب ياكريم
نسآل الله التوفيق والشفاء

آآآآآآآآآآآآآآآآآآآآآآآممممييييييييييييييييييييييي ييييييييييييييييين

ربي يخليج يا رب ويطول بعمرج ويعطيج الصحه والعافيه يا رب
بالنسبه للبطانيات
انتو متى ناوين تجون المانيا في اي شهر ؟؟؟

ترا بالصيف والايام هذي صحيح تسمعين من الاخوه في امطار ولكن الجو حار او معتدل مع حروره مثلا الان انا اكتبلك الكلمات هذي والشمس في الخارج اتصج صج يعني لازم تعرفين في المانيا صحيح درجات الحراره مهي مرتفعه ولكن شمسهم عموديه يعني ان خرجت تضرب في الراس لانها اتكون عموديه فوق الراس

الجو الايام هذي وطيله ايام الصيف جدا جميل وبيبقى انشاء الله لين شهر تسعه

اما مساله انو اتجيبين بطانيات الى المانيا فيا اختي هالكلام لا تصدقينه انتي مسافره المانيا مو الصومال يعني هني البطانيات اساسا قليلين اللي بيستخدموها واغلب شي اللحاف هو الرائج هنا واسمه بالالماني (ديكه) ياء خفيفه مثل الكسره

وموجود منها في اي فندق او في اي قه بتستاجرونها وان اضطريتو واحتجتو زياده بعلمك على سوبرماركتات تلاقين فيها اللوازم هذي باسم Real ; Toom هذين السوبرماركتات حوايزهم مناسبه الاسعار لان اللحاف ممكن يوصل سعره هنا فوق 100 يورو ولكن في الاسواق هذي ممكن تحصليها باقل من 20 هنا لازم تنتبهين للشغله هذي ان البظايع والاسواق في المانيا تقريبا مقسمه لنوعين نوعيه للغريب او للسايح اللي ما يعرف البلاد عدل في له اسواق عاده تكون بسنتر المدينه واسعارها حارقه خارقه يعني مضروبه بخمس مرات على الاقل وايضا في اسواق لاهل البلد ومواطنيها وتكون عاده في نواحي المدن الاسعار هناك كثير كثير ارخص وبنفس الجوده والماركه في بعض الاحيان
اذا بالنسبه للبطانيات هالموضوع هذا انسيه تماما واما بالنسبه للملابس الشتويه فان كانت جيتكم لالمانيا من بعد شهر تسعه يعني عشره فما فوق فبلوفرات شتويه خفيفه بتحتاجونها نعم وكذلك ركزي على الاقل معاطف مطريه او على الاقل قطعه وحده من الثياب المطريه لان الجو هنا في المانيا ما ينحزر كل ساعتين فصل معين او مظلات مظلات مطريه ماني موصيج عليها لان اساسا تقدرين تشترينها من هنا متوفره ورخيصه

اما اذا كانت زيارتكم بتستمر لشهر 11 او 12 فنعم ساعتها الكلام بيختلف وهاتو معكم ملابس شتويه

وانا بانتضار اي استفسار اختي العزيزه

جزاااك الله خير ومتعك بصحة وعافيه وانزل عليك من بركات السموات والارض
اما سفرنا لم يتحدد بعد لان الفيزا لساء ماطلعت وننتظر موعد المستشفى ربي يسهله
لاكن احتمال خلال اسبوع او اسبوعين باذن الله
ماقصرت الله يحفظك ويوفقك ياااارب

ان شاء الله رب العرش العظيم يسهل امورك يا اختي ويمتك بتمام الصحه والعافيه

وبما ان السفره بتكون انشاء الله خلال الشهرين القادمين على اكثر الاحتمالات يعني بتكون في شهور الصيف والجو بيكون حار معتدل وهذا الشيء جميل لان بهذي الشهور هي اكثر الشهور اللي تكون فيها الشمس مشرقه خلال ايام السنه وتقدرون تستمتعون بزياره المانيا وما راح اتعيق حركتكم الامطار الغزيره او الثلوج
اختي اتمنالك كل خير وجزاكي الله خير الجزاء على دعواتك الصادقه
واكرر واقول لك صدقيني اي سوال او استفسار اي معلومه واي خدمه اقدر اقدمها والله ماني مقصر باذن الله

اللهم آآميين ان شاء الله تتسهل الامور
بس توضح الامور ونعرف موعد سفرنا باذن الله ارد اسآلك عن اسماء السوبر ماركت
اللي انت تعرف انه رخيص
ولا نستغني عن مساعدتك والله انك فرجت عني هم كبير فاسآل الله ان يجعلها في ميزان حسناتك
من فرج عن مسلم فرج الله عنه كربة من كرب يوم القيامه فيااااارب يفرج عنك كل هم وغم
لاني موعارفه ايش اسوي لاكن ربك كريم فجزاااك الله الفردوس الاعلى من الجنه

ان شاء الله الامور كلها تتسهل لك اختي العزيزه والامور تمشي على احسن ما يرام ولا تشيلين هم السفر والغربه انشاء الله الامور كلها بفضل الله اولا واخيرا تتيسر

وبالنسبه للسوبرماركتات والاسواق وحتى اجور النقل وتذاكر الباص او الترين ومحطاتها من المستشفى للسكن انشاء الله بيكون لنا حديث في وقتها عنها وعهد امام ربي وامام الموجودين ما تسافرين الا تكون كل المعلومات التفصيليه والدقيقه عن هالبلاد عندك وكانك من سكان المانيا

الله ييسر امرك ويحفظك ويجزاااك كل خير ويثقل بها
ميزان حسناتك
اقسم بالله اني تذكرتك وانا في الصلاة ودعوة لك
دعوة صادقة مخلصه فاآسال الله القبول
جزيت الجنه ونعيمها

السلام عليكم
سؤال اذا كانت الرحله من الرياض الى فرانكفورت ومنها الى ديسلدولف duesseldorf كم المسافه
بين المدينتين وهل يمكن بدل الطياره نروح بالقطار
كم المسافه وكم التكلفه جزاك الله نعيم الدنيا والاخره

وعليكم السلام والرحمه والاكرام
اكيد اختي العزيزه في رحلات بين فرانكفورت وديسلدورف وبالقطار وعلى مدار الساعه خلال النهار الواحد وبمعدل اربع رحلات خلال ساعه واحده من ساعات النهار ولكن تختلف من رحله لاخرى من ناحيه السعر اللي تعتمد على نوع القطار سريع او عادي وكذلك عدد التحويلات هل توجد تحويله في القطار او رحله مباشره بين محطه قطار مطار فرانكفورت والمحطه الريسيه للقطارات في ديسلدورف وهذي على السبيل المثال الان فتحت صفحه حجوزات القطارات وطلعت الرحلات بين هالمحطتين حتى اعطيكي مثال توظيحي واقعي واخترت على سبيل المثال الرحله بتكون يوم 31.07.2011 من بعد الساعه الواحده ظهرا على تقدر ان الطياره بتوصل قبل هالوقت لمطار فرانكفورت
المهم المعلومات اللي حصلتها عن الرحلات واللي هي امامي الان هي كالتالي
خلال ساعه واحده توجد اربع رحلات للقطار متوجهه من محطه مطار فرانكفورت الى محطه ديسلدورف
الاسعار تتراوح للشخص الواحد بين 73 يورو اذا كانت الرحله على القطار السريع ice وبدون تحويله يعني تركبون من فرانكفورت وبتنزلون في ديسلدورف والرحله تستغرق تقريبا 1:22ساعه وبين سعر اخر وهو 51 يورو لرحله من نفس المحطتين ولكن بتحويله قطار اغلب الاحيان اتكون في كولن والرحله في اطول الاحتمالات مدتها توصل 2:30 ساعه

ولكن هذا سعر التذكره اللي بتشترينا يوم السفر ومن الشباك ولكن اهل مكه ادرى بشعابها في موقع الانترنت وكما مبين امامي وهذا اللي انسويه احنه عادتا هنا نحجز على هذي الرحله قبل فتره طويله مثلا اسبوعين حتى نحصل على تخفيض جدا كبير ونشتري نفس التذكره وعلى نفس الرحلات باسعار كما مبينه امامي الان تعتمد على وقت الرحله من النهار هل وقت انتهاء العمل لان يكون ضغط ساعتها بتكون سعر التذكره 44 يورو او باوقات عاديه مايكون فيه ضغط ومسافرين كثار ممكن توصل التذكره 29 يورو فقط ولكن اكرر هالعرض هذا فقط في حاله شراء التذكره قبل فتره طويله من موعد السفر وملاحظه هالتذاكر هذي لازم الشخص يكون متاكد من موعد سفرته لان مافيها مجال تاجيل السفر او الغائه

وبحاول انزلك صوره من الموقع نفسه حق القطارات والحجزات اللي فيه صحيح هو باللغه الالمانيه ولكن اعتقد مع الشرح الموجود بيسهل عليكي قرائه المعلومات اللي فيه


ولكن مع هذا اقول لك الامور غير كافيه وابيكم تحصلون عروضات ارخص بعد ولكن بعد ان اعرف كم شخص انتو لان هنا في تذاكر يسموها تذاكر عائليه يعني ممكن لخمس اشخاص تقريبا يستقلون القطار فيها وبتكون مخفضه بعد اكثر

ونصيحتي لكي انو اتكون سفرتكم على القطار المباشر حتى لو كان مكلف قليلا عن الباقين ولكن بترتاحون في القطار وما تضطرون تنزلون الحقائب عند تغيير القطار في محطه معينه

وايضا توجد طريقه اخرى اذا كانت العائله كبيره يعني عدد التذاكر بيكون غالي جدا ساعتها ممكن تستاجرون سياره مع السايق ويوصلكم للمكان اللي بتكونون حاجزين فيه
كل هذي الامور تعتمد على عدد الاشخاص اللي بكيونون معاكي وايضا اعمارهم لان في خصومات كبيره للاعمار الصغيره هذا بالنسبه لحجوزات القطارات

لا بالعكس اختي العزيز لا تقولين هذا الكلام ومافي اي تعب كلها معلومات بسيطه تقدر تفيدك باتخاذ قرارات خطوات السفر حتى اتكون صحيحه ميه بالميه
طبعا اكيد تقدرون تسكنون في فرانكفورت قبل موعد المستشفى بمده وفرانكفورت فيها اشياء تستحق الزياره تقدرين اتحصلين كثير معلومات هنا وصور وتقارير من المنتدى هنا
ولكن بالنسبه للشقق والسكن فيعتمد على موعد الوصول واي اسبوع بيكون لان فرانكفورت معروفه بمعرضها العالمين اللي يقيمون على ارضه بين فتره وفتره معرض لمنتجات معينه وقتها بتكون فنادق فرانكفورت تقريبا مليانه على اخرها والسكن اكيد بترتفع اسعاره خلال هذي الفتره والان لحضه ابفتح موقع معرض فرانكفورت واشوف جدولهم للاشهر القادمه
اختي العزيزه الان تاكدت من جدولهم في شهر سبعه كامل ولحسن الحظ ما في عندهم اي معراض ستقام وحتى شهر ثمانيه لاواخره من يوم 26 الى يوم 30 شهر ثمانيه معرض Tendence او بالعرابي معرض الاثاث الديكورات وقتها انا متاكد ان اسعار الفنادق والشقيق بتزداد فتجني الوصول لفرانكفورت خلال هذي المده

بالنسبه لرحله السياره بتاخذلها تقريبا ساعتين ونص لان المسافه بين فرانكفورت وديسلدورف حوالي 300 كيلو متر

هذي الامور كلها اختي العزيزه خليها بنضر الاعتبار وسجليها عندك المعلومات هذي كلها وساعتها وحتى الاسئله القادمه وانا اشجعك وانا اللي اطلب منك تسالين اكثر واكثر حتى تتكون عندك صوره كامله وصحيحه قبل السفر حتى يكون قراركم صحيح بكل خطوه تخطوها في هالبلد ولا تقولين انك اتعبتيني انا اخذت عهد على نفسي وامام الاخوه كلهم اني ما بقصر باي معلومه او خدمه ربي يقدرني عليها وان شاء الله اقدر

الله يجزااك الخير ويبرك فيك
طيب سعر السياره كم يطلع علينا

بصراحه ما عندي فكره موكده عن سعر السياره ولكن من قرائتي لمشاركات سابقه في هذا المنتدى قريت مره موضوع عن سعر السياره تقريبا 300 يورو او بهذا الحدود ولكن كانت لمدينه اخن وديسلدورف وكانت بمشاركه لاحد الاخوان ونصائح عن مدينه اخن
لذلك فعلا ماني متاكد من السعر ميه بالميه اعتقد في ارقام سواقين موثوقين من قبل الاخ علي مشرف قسم المانيا ان حان موعد السفر تقدرين بفتره تتصلين فيهم وتساليهم مجرد سوال عن الرحله لسياره خمس نفرات من مطار فرانكفورت لديسلدورف او لعنوان الفندق او الشقه اللي بتحجزوها وساعتها واحد يقدر يقرر اي طريقه انسب للنقل من فرانكفورت لديسلدورف
بصراحه لو رحلتكم كانت لغرض السياحه فقط كنت انصحك بالقطار لان الجلسه في القطار كثير احسن وامتع بكثير ناهيك انكم بتستمتعون بالمناظر الطبيعيه الجميله اللي بيمر فيها القطار ولكن في حالتك وانك قلتي شوي تعبانه شافاك الله الامر مختلف لان القطار يجب انتضار موعد انطلاق الرحله والوصول بيكون لمحطه الرئيسيه للقطار يعني بعدها بتكون رحله تكسي من المحطه للسكن
على كل حال ان شا الله بتتيسر الامور لوقتها ولا تشيلين هم المساله هذي لتوفر اكثر من اختيار

الله يسهل امرنا وامركم ويجزاك خير الجزاء يااااارب

أختنا الكريمة أسال الله العظيم رب العرش العظيم ان يشفيك شفاء لايغادر سقما وجميع مرضى المسلمين...

ما قصر اخونا بابل ورحم الله والدية على فزعته ...

للمشاركة معكم حول سفركم العلاجية اسمحي انبهك الى نقاط هامة للسفر ::::

*النقاب مثل ما قال اخونا الكريم بس نؤكد انه عادي جدا وفي المطار ساعات يطلبون الكشف وساعات ما يطلبون
ولو طلبوا ينادون لك امراة تتاكد فعادي جدا ولا تشعرين بالحرج نهائي واعتزي بحجابك لانه باذن الله من يحرم جلدك على النار اذا فعلته المسلمة احتسابا....
*الخدمات متوفرة بالكامل هناك من نقل واتصال وغذاء ومسكن فلا تحملي هم نهائيا..
*مكائن الصراف في كل محل بس اقترح تصرفون مبلغ نقدي من الرياض لايتجاوز 500 يورو عند نزولكم للمطار والاشياء الضرورية بعدين كل ما احتجتوا تصرفون من المكائن المنتشرة بكل مكان ...
* اللباس الصيفي حاليا هو السائد في هذة الفترة ولكن تطرأ تحول في الجو بشكل سريع وبرودة مفاجئة وامطار لذا
وجود ملابس اخرى في حقيبة او جاكيت مهمة اضافة الى المظلات طبعا التشييك من النت عن الاجواء يفيد بعد الله لانهم يعتمدون كثيرا هم في خروجهم ورحلاتهم واعمالهم على التوقعات العامة للطقس.
* اهمية وجود بوصلة صغيرة لمعرفة اتجاه القبلة للصلاة وكذلك سجادة صغيرة البلاستيكية التي بحجم علبة الشوكلاته
بحيث يؤدى المسلم عبادته متى ما دخلت الصلاة...ولذلك يمكن ان تقوموا بالدخول لمواقيت الصلاة وتدخلون اسم المدينة الالمانية وتطبعون توقيت الصلاة لمدة شهر ويكون معاكم لان هناك غفلة لامساجد ولااذان يذكر بالصلاة..
*يوجد تخفيضات باوقات للقطارات وتكون عادة بالاجازات الاسبوعية لهم ..
* قللوا العفش ما استطعتم فحمل الحقائب وكثرتها تتعب اثناء التنقل والسفر..
* الطعام مشكلته كبيرة باروبا فغالب الاكل يحتوي على دهون للخنزير او كحول في الشوكلاته مثلا او الايسكريم
او الفطائر والكيك والبيتزا والاطعمة عموما وهناك اطعمة نباتية يستخدمها بعض الاروبيين هي من تناسب المسلمين
بحيث لاتستخدم الدهون الحيوانية وبالتوفيق يارب ويوجد محلات السوبرماركت في كل مكان وفيها انواع واشكال لما يحتاجه المسافر مع الانتباة ان الماء المستخدم عندهم للشرب في كل مكان في الغالب حتى الفنادق والشقق
والمياة المعباة احيانا والتي تباع في الاسواق احيانا طعمها اساء من طعم البزبوز او الصنبور من المنزل وانتبهوا للماء الغازي فاغلب العرب يشترية وكانه ماء عادي وبعد فتحه لايمكن ان يستسيغه الانسان .

وبالتوفيق يارب وترجعون بالسلامة والعافية والمعافاة الدائمة في الدين والدنيا يارب
ولاتنسون كتب بالالماني عن الاسلام فيمكن يسلم احد يكون له الاجر عن طريقكم لكن توزع بطريقة هادئة ولمن يتقبل هذا الشي بعد حديث وتودد ...

جزاااك الله اعلى الجنان ورضى الرحمن اخوي المثنى ماقصرت
انت والاخ ابابيل الله يحرم وجوهكم عن النار وييسر امرنا وامركم ويعيننا
واياكم على طاعته ويثبتنا واياكم على دينه
شااااااااااكره الله يحفظك اخي على مشاركتك لاتنسون اخت لكم في الله من دعوة
بظهر الغيب بالشفاء

ربي يشافيكي ويعافيكي من كل مكروه ويجعل لك بكل لحظه من لحظات المرض اجر ومغفره وعتق من النار
ويسخر لك اولاد الحلال في دربك اين ما سرتي وهذي هي سنه ربنا
وانا مامن بيها وشايفها شوف العين
انتي يا اختي ولو اني ما اعرفك شخصيا ولا قد تلاقينا ولكني متاكد ميه بالميه انك على طول الحياة كنتي تساعدين الاخرين اللي كانو بحاجه لمساعده واليوم ربك بيقول لك جاء وقت سداد الدين فوالله سبحان ربي جعلني كل يوم وعند وصولي اجلس افتح الموقع اشوف ان كنتي طارحه اي سوال او استفسار واكون سعيد جدا باني استطيع ان اجاوب عليه
ولكن اليوم بالذات كانت سعادتي اكبر لما شفت الاخ المثنى طرح مشاركته والموضوع جلب انتباهه وسخره الله ايضا بان يضيف بعض المعلومات اللي قد تفيد هالشي خلاني اتاكد يقيناً انك تستاهلين كل خير

اللهم آمين الله يامن يتقبل الدعوات ويجيب الداعي ويكشف الضر ان ترفع الضر عن اختنا وجميع مرضى المسلمين

وجزاك خير ياخونا الكريم ابابيل ويكتب لك الاجر والمثوبة ....

احنا حاضرين لاي طلب وتقديم خدمة وراح نسوي اللي نقدر عليه ان شاء الله المعلومات والتوجيهات اللي كتبناها

اقل شي وشي واجب لكن اذا تنتظرون منا خدمة اكثر فاطلبوا وابشروا وربي يفرجها عليكم وعلينا وعلى كل مسلم

اسآل الله العلي العظيم ان يجعلنا واياكم من الذين يتعاونون
على البر والتقوى وان يرزقكم سعادة الدنيا والاخرة
وان يسخرنا واياكم لطاعته
اسعدتوني اخواني الكرام بكرمكم فياااارب
اكرمهم برؤية وجهك الكريم واعنهم على كل خير واصرف
عنهم كل شر وانفع بهم الاسلام والمسلمين اللهم آآآمييين
اللهم آآآمييين

السلام عليكم ورحمة الله وبركاته
الى الان ماطلعت التاشيرات لاكن احتما خلال عشرة ايام سفرنا لان الموعد قرب
السفر طيران الى مدينة duesseldorf
نريد شقه في مديتة wuppertal لانها اقرب مدينه لمدينة haan حسب ماسمعت
هل تنصح بشقق شركة home campany في مدينة Wuppertal
ابغى شقه ل6 انفار وكيف اسعارها
الله يجزاكم كل خير الان لو تكرمتوا اسماء السوبر ماركت واي معلومه عن اي شئ

اسآل الله ان يرفع ذكركم ويضع وزركم وييسر امركم
*

السلام عليكم
وييييييينكم يالربع

الاخت العزيزه
اسف لانشغالي باليومين اللي فاتو في العمل
ولكن انشاء الله الامور تمشي معاج على خير ما يكون وتتم اجراءات الفيزه والسفر بكل سهوله
خبر مفرح ان حصلتو طيران مباشر لدزلدورف لان بيكون المطار كثير اقرب من فرانكفورت
بالنسبه للكسن فالاخوه يمكن عندهم خبره اكثر مني بموضوع حجوزات السكن وخصوصا اخونا علي والاخت دموع الوجد ارجو انهم يضيفون مشاركتهم ونصايحهم
ولكن بصوره عامه حسب ما فهمت منك انتي بتكونين انتي والبنات يعني احتمال كبير ما راح يكون تستاجرون سياره وفي هذي الحاله انصحك اختي حاولي اتكون الشقه قريبه من محطه اسبان S Bahn وهو اسم الترين او قطار تحت الارض للتنقل في ارجاء المدينه وبين المدن القريبه وساعاتها بنصحك تشترين بطاقه شهريه وهناك معلومه ممكن اتغيب عن كثير من الاخوه البطاقه الشهريه للشخص الواحد تصلح ان اتكون لشخص اخر يصطحبه معه يعني ممكن اتكون لاثنين ولكن يجب على الشخص اللي يحمل البطاقه ان يقول لرجال التذاكر ان سالوهم ان الثاني معاه بهي البطاقه يعني يجب عليه ان يصرح علنا بهالشي هذي هي شروطهم هنا التصريح الفعلي وبهالطريقه ان كانو يبون يزورونك في المستشفى او ان كنتي تبين تراجعين المستشفى تقدرين بكل سهوله تستخدمين المواصلات من باصات والاسبان بهذي البطاقه الشهريه
وان كنتو اكثر من اثنين تقدرون تشترون بطاقه شهريه او حتى اسبوعيه لعائله وهي طبعا اغلى قليلا

ثاني شي بالنسبه للاسواق اللي بتتوفر فانشاء الله ان استقريتي على شقه وقررتو تاجرونها فقط اعطيني اسم المنطقه اللي فيها الشقه وانا برسلك خارطه بكل الماركتات القريبه والرخيصه وحتى البضاعه اللي فيها من مواد غذائيه ممكن تفيدكم
ALDI
LIDL
PENNY
NETTO

هذي مبدائيا ماركتات او جمعيات تلاقون فيها جميع متطلبات ومستلزمات الحياه اليوميه من مواد غذائيه ومستلزمات المنزل وحتى المستلزمات الشخصيه للنساء والرجال


توجد ماركتات على مستوى اكبر شوي وهي كل من
REAL
TOOM

هذي ماركتات اتكون فيها البظائع نفسها ولكن بشكر اكثر وانواع اكثر واوسع وباسعار متفاوته

طبعا انشاء الله ان قرب السفر ارجو ان تفكرين وتحددين انواع محدده تخطر في بالك من مواد غذائيه او مستلزمات شخصيه وتساليني عنها حتى اجاوبك بدقه عنها واللي ما عندي فكره عنها ابسويلي لفه على الاسواق القريبه وهي على فكره نفس سلسله الاسواق اللي قريبه مننا واللي بتكون نفسها قريبه من سكنكم لانها منتشره في جميع المناطق السكنيه في المانيا فان كانت متفوره بقول لك عنها وساعتها ما تحتاجين اتجيبونها معكم وتخففون الحمل وان كانت لا وبنفس الوقت كانت مهمه بالنسبه لكم ساعتها ايكون من الافضل ان تجيبين منها كميه اللي بتكفيكم

الله يجزاك عني خيري الدنيا والاخره ويوفقك لكل خير يااااارب ياااااكريم

المشاركة الأصلية كتبت بواسطة مشتاقه لأمي
http://www.arabtravelersforum.com/tr...0/#post5812440

الله يجزاك عني خيري الدنيا والاخره ويوفقك لكل خير يااااارب ياااااكريم



السياره ممكن نستاجر سياره لان زوجي وولدي رايحين معي اذا كانت انسب السياره

ياختي العزيزه ان شاء الله ربي يسر اموركم ويشافيكي ويعافيكي ويمدك بتمام الصحه والعافيه
بالنسبه للسياره اكيد ميه بالميه طول ما زوجك وابنك بيكونون معك فاكيد السياره بتكون حلاله لكثيييييير من المشاكل وتكون اسهل وارخض للتنقلات فضلا عن انه بتتيحلكم انكم تحصلون سكن ممكن بشقه او ممكن حتى في بيوت سكنيه صغيره في ضواحي المدن الكبيره ساعتها بيكون اريح لكم وحتى السياره بتلاقون لها بارك او موقف في نواحي المدن لان تخف الزحمه
وكذلك بتتيحلكم حريه الحركه وقت ما بغيتم

وتقدرون من الان تسجلون عناوين واحدائيات المستشفى مثلا او الاسواق اللي انشاء الله ان حصلتي الشقه بعطيكي عناوين الاسواق والماركتات القريبه منكم وحتى الاماكن السياحيه الجديره بالمشاهده تسجليها بورقه او من الان تقدرون تدخلوها بجهاز النافيكيشن او الملاحه حتى يسهل استخدامه حال وصولكم المانيا

طبعا اوصيكي بملاحظه صغيره يجون تغيب عغيب عن كثير من الاخوه ولكنها قد تكون مفيده جدا
لكي ولجميع افراد الاسره تكتبين قصاصات ورقيه فيها جميع العناوين مثلا السكن والمستشفى وكذلك ارقام التلفونات اللي انشاء الله بتشترونها هنا للتواصل وطبعا ااكد انها لازم اتكون مكتوبه بحروف لاتينيه حتى ان حصل لا سامح الان في السوق واحد ضاع منكم في الزحمه او حصل اي ضرف طارء مباشرتا يقدر يقدم الورقه اللي معاه وبالعنوان لاي شرطي او اي شخص اخر وهو يدله على الطريق او وسيله الوصول هذي النقطه جدا مهمه وخصوصا للصغار بالعمر يكون معهم الشي هذا

على كل حال انشاء الله تتيسر الامور وما تشوفون اي صعوبات
وان حصل واحتجتو اي مساعده تذكري ان لكم اخ بهالديره

اسآل الله العلي القدير ان يفرج همك ويجزاك ماتتمنى من خيري الدنيا والاخره
الان حصل شوي لخبطه في الموعد الله يسهل الامر يااااارب لما هو خير
بالنسبه لشرايح الجوال كيف ومن وين نشتريها ايفون ونوكيا مع بطاقة نت
جزاك الله خير وثقل بها ربي ميزان حسناتك

اختي العزيزه دايما اقرا هنا من الاخوه الزوار لالمانيا انهم يمدحون وبكثره شركه المانيه اسمها O2 لانها اتقدم ارخص الاسعار ولكن الحقيقه انها من الشركات الكبيره اللي دعائتها جدا واسعه وبالنسبه للشركات الكبيره هي ارخص اسعارها ولكم هذا لا يعني انها هي ارخص شي هنا في المانيا
ولكن اللي لازم تنتبهين له هو ان هنا في المانيا يوجد تخصص يعني توجد شركه اتوفر مثلا خط اتصالات مو رخيص وبس ولكن يكون مجاني بالكامل ولكنها الانترنت فيها غالي
وتوجد شركه ثانيه اتوفر انترنت رخيص ولكن الاتصال عن طريقها غالي
بكل حال من الاحوال بما انكم عددكم سته فاكيد بتحتاجون اكثر من خط على اقل تقدرين حتى يسهل الاتصال بينهم
بالنسبه للاتصالات وخصوصا معك انتي لان احتمال اتكونين في المستشفى لفتره من الزمن راح تحتاجين اتكلمين البنات والاهل فترات طويله فارشحلك خطوط مزدوجه يعني تشترين خطين مع بعض من محلات تجيبو Tchibo
وبخليلك الرمز حقها عشان تتعرفي عليها بسهوله هي بالحقيقه محلات يبيعون القهوه او البن وكذلك في عندهم عروضات اسبوعيه لمواد مختلفه
المهم اللي يفيدنا هو خطوطهم الهاتفيه لان عندهم خدمه اللي ياخذ رقمين منهم ويفهلهم يكون الاتصال ما بين هذيل الرقمين بلاش مجاني هذا الخط افضل ان تاخذين منهم ويكونون واحد معك والثاني مع الاهل وقت ما احتجتي لاي شي تقدرين تكلمينهم وتسترسلون بالكلام لان اساسا المكالمه بتكون مجانيه

اما خدمه الانترنت في الموبايل سواء ايفون او نوكيا يسموها هنا في المانيا سيرفن اي ابحار يعني الابحار في الانترنت عن طريق لوح الموبايل وهذي اعتقد افضل شركه تقدمها هي فعلا شركه O2
ولكن ان كان معكم لابتوب وتبين تشبكون فيه الانترنت في هذي الحاله تشترون مودم بيكون صغير حجمه مثل حجم الميموري ستيك وهنا في تنافس كبير بين الشركات وايضا ممكن تستخدمون نوع الدفع المسبق وبيكون الاسعار تتراوح بين ال 15 يورو الى 25 يورو في الشهر



رمو شركه او تو

السلام عليكم اخي ابابيل
مأوفيك جميلك الا بالدعاء
فأسآل المولى القدير ان يجزيك خير الجزاء وييسر امرك ويساعدك في كل امر ياااااارب
الظاهر ان السفر راح يكون بس انا وزوجي لانه حصل لخبطه في المستشفى وتغير
المستشفى فنسآل الله ان ييسر الامر لما فيه خير
دعوااااااااتكم
جزاك الله ووالديك الفردوس الاعلى من الجنه

الاخت العزيزه ربنا يقدملك كل اللي فيه خير يا رب
وخلي ايمامك بالله قوي على ما هو وانشاء الله تتيسر كل الامور وما تلاقون اي صعوبه وان حصل فان شاء الله الحلول بتكون موجوده
في هذي الفتره ابقو تابعو امور المستشفى وبكل رويه وتاني
واذا اتضحت الامور وتم اختيار المستشفى حتى لو في مستشفى اخرى او مدينه اخرى فايضا لا توجد اي مشكله انشاء الله كل المعلومات والاستفسارات اقدر اجاوبك عليها من خصوص طبيعه المكان وعنوان المستشفى اما بخصوص طرق النقل والمعيشه فهي بصوره عامه نفسها في عموم مدن المانيا

بانتضار اي تطورات لحين تحديد الموعد اختي العزيزه تقدرين تسالين اي سوال او استفسار عن هالبلد وطريقه المعيشه فيه فلا تترددين هنا كلنا اخوان ولكي اكثر من اخ في هذا المنتدى وعلى الاقل اخ واحد في هالديره

الله يجزااااك كل خير ويحرم جسدك عن النار ووالديك
ماقصرت ربي يحفظك