وعليكم السلام ورحمة الله وبركاته ..
حياكم الله يااهل المدينة وألف مبروك مقدما ..
ما قصروا أخواني الأفاضل كفوا ووفوا كعادتهم ويسمحوا لي بإبداء رأيي ..
اولا : ماشاء الله توفقت جدا في سعر التذاكر الدولية , بداية خير يارب
ثانيا : بالنسبة لجدولك رائع ومرتب ومريح ما شاء الله لكن لو تسمع نصيحة أخونا الفاضل ( طارق )
وتلغي مسألة كل يومين في فندق خصوصا في بينانغ أما في كوالا خلي جدولك مثل ماهو
لأن رحلتك اقتصادية نوعا ما , وراح يكون مرهق عليك قراند حياة 4 أيام فلا تغير نظامك في كوالا
لأني أنصحك أيضا من تجربة شخصية في لنكاوي وندمت ..
بالنسبة للفنادق .. البيراميد .. ممتاز من جميع النواحي ..
فرنجيباني .. اقتصادي نظيف وممتاز ..
بينانغ .. أنصحك تغير البارك رويال واختار شانغريلا جولدن ساندس فهو أفضل بكثير
أنا جربت الاثنين في عامين متتاليين وكان فرق بصراحة
وإذا مصر على توزيع المدة خليها يومين باي فيو ويومين جولدن ساندس
الباي فيو ممتاز وسعره أقل وعليه ملاحظة وحدة فقط انو أثاث الغرفة نوعا ما قديم
ولكن تقدر تتغاضى عنها دام الفندق مريح ونظيف وشاطؤه جميل
لكن البارك رويال عيوبه تتعدى اثاث الغرفة حسب تجربة كثير من الأعضاء
وللأمانة فيه ناس ارتاحوا فيه وهي مسألة أذواق والخيار لك استاذي ..
فنادق كوالا .. هوتيل رويال .. اقتصادي جيد وموقعه ممتاز لو لم يكن في شارع العرب
ونصيحة لوجه الله ابتعد عن شارع العرب ( بوكيت بنتانغ ) قدر الامكان
لأنه لن يسرك ما سوف تراه هناك وخصوصا ليلا خليه فقط للتسوق والمطاعم
وإذاحاب تغير بنرشح لك فنادق مناسبة ..
قراند حياة .. شهادتي مجروحة فيه ..
بالنسبة للمطاعم والخصوصية للأسف هي قليل جدا هناك
لكن في كوالا .. يوجد مطعم حضرموت المقابل لوكالة اودي وليس مندي حضرموت اللي في شارع سلطان اسماعيل
هذا يوفر عوازل ساترة للسعوديين وكل اللي يبغون الخصوصية طبعا بتلاقيها على يسارك وانت داخل المطعم
اطلبهم بدون احراج وفورا يجيبونها ويغطون جلستك بالكامل , والستاف كامل من اليمن الشقيق وعارفين عاداتنا ..
وبصراحة هو أفضل وألذ مطعم عربي في كوالا ..
النسبة ما قصر استاذنا القدير النهر الجاري
تمنياتي لك برحلة ممتعة وشهر عسل سعيد بإذن الله ..
اختك .. شموخ
المفضلات