الموضوع: الخطوط الجوية الكويتية

السلام عليكم ..

اخواني ما عليكم امر

عندي استفسار عن مقاعد الدرجة الاولى في الكويتية

شلونها ؟ و هل اهي مريحة ؟

و ياليت اذا في صور للدرجة الاولى اكون شاكر لك ..

:24:

مواضيع عشوائيه ممكن تكون تعجبك اخترناها لك:

• مبروووووووووووووووووووووووك عودة المرام
• افضل سينما بالكويت لو سمحتو؟؟؟؟
• بنات الكويت استفسار ظروري
• فزعتكم يالاجواد
• ميناء مبارك الكبير ترانزيت اسيا على اوروبا
• مساعدة يا اهل الكويت بليز
• رحلتي للكويت والجو مطر بس كيف انزل الصور
• كم الوقت للسفر من الخبر الى الكويت
• استفساار بخصوص موفنبيك البدع
• جزيرتي وربة و بوبيان معلومات صور مشروعات بيئة
• بليز اتمنى مساعتكم يالغالين
• استفسار جوازي ينتهي بعد اقل من شهرين هل يمكن دخول الكويت ام لا ؟
• مستشفيات دولة الكويت
• آستفسآر عن آسعآر آيجآرآت آلسيآرآت بآلمطآر
• اول زياره للكويت
• ممكن مساااعده
• لاهل الكويت الحبيبة
• ضروري لزوار الكويت بالسيارات؟؟؟
• تكفون فزعتكم لاخوكم
• احسن رهش بالكويت

هلا اخوي


كراسي الدرجه الاولى وايد مريحه



وللاسف ماعندي صور

مشكورة اختي روان بنت الكويت ..

يعطيج الف عافية ..

بعني المقاعد بتكون مريحة الى لندن ؟

العفو اخوي



بإذن الله بتكون مريحه انا جربتها وكانت وسيعه ومريحه




وعلى فكره اذا معاكم مريض ومايقدر يقعد على الكرسي الافضل تاخذوله سرير


تقدر تكلم الكويتيه نفسهم لمن تحجز وانشالله يوفرولك اللي تبيه

مشكورة اختي روان ..

ريحتيني الله يريحج دنيا و آخرة ..

ان شاء الله بكلمهم ..

مشكورة يا اختي روان ..

العفو اخوي واي خدمه ثانيه لاتتردد



بس ضروري تكلمهم قبلها بفتره علشان لا يوهقونك والافضل انك تحجز من الكويتيه نفسها ولمن تحجز تبلغ الموظف ان معاكم مريض ومايستحمل يقعد بالكرسي الافضل يوفروله سرير

مقاعد الدرجة الاولى تختلف من طائرة الي طائرة يعني على حسب الطراز ولكن اعتقد الافضل بالكويتية بوينج777 وايرباص 340 و 330

ما تشوفون شر والله يشافي مريضكم اخوي كويتي


كل الشكر للاخ العزيز رحال والاخت العزيزة روان على عطائهم وبارك الله فيهم

تقبلوا تحياتي

اخواني من واقع تجربة قديمة ومن باب الشكر والعرفان

انا كنت مسوي عملية وجاي على الخطوط الكويتية قبل سنوات على الدرجة السياحية
وكان الوضع طبيعي وعادي انا متحمل رغم ان الرحلة حوالي 6 ساعات
اول ما اقلعت الطائرة لاحض احد المضيفين حالتي ولزم وحلف الا اغير مقعدي للدرجة الاولى بدون ان ادفع الفرق
قلت لة ان اقدر اتحمل لا تحرج نفسك لكن الله يجزاة خير ما رفض وفعلاً جلست كل الرحلة بالدرجة الاولى

ادري ان موضوعي مالة دخل وتراة قديم شوي
لكن حبيت اوجة شكري لذاك المضيف عبر سرد القصة في موضوعك
واسف على الاطالة
وجوزيتم خيراً

لانغير الموضوع فالموضوع هو استفسار عن المقاعد بالدرجه الاولي وليس ذكر سلبيات او ايجابيات الخطوط


وشكرا

المشاركة الأصلية كتبت بواسطة رحــــال
http://www.arabtravelersforum.com/tr...8/#post1330308

مقاعد الدرجة الاولى تختلف من طائرة الي طائرة يعني على حسب الطراز ولكن اعتقد الافضل بالكويتية بوينج777 وايرباص 340 و 330



الي اعرفة ان الطيرات الصغيرة ماتروح رحلات بعيدة اتوقع البوينج 777 وعني انا دايما اطلع على السياحية وبالمطار ادفع 30 دينار واحول على رجال الاعمال وافضل الكويتية لسبب واحد اذا جيت تغير حجزك تقدر تغيره مايخلا الامر من معرفة بس لو طالع على الماليزية او التايلندية او الالمانية معصي تغير حجزك