الموضوع: الفزززززززعه يااهل الكويت

باختصار شديد
انا مسافره للكويت خلال الايام الجايه ان شالله
كلها يومين بغرض التسوق
ودي اسأل عن احسن المجمعات وموقعها بالضبط
سمعت عن مارينا والفنار مدري هل هم الافضل فعلا؟
او فيه غيرهم؟؟؟؟؟؟؟؟؟
ابي ملابس سهره وين القاهم؟؟؟؟ مجمع معين ولابشارع معين؟
احتاج بعد محلات جلابيات فخمه للمناسبات
مشالله دايما الكويت متميزه بهالشئ
وحده قالتلي عن عمارة الحمرا انتم وش رايكم؟
بعد ابي اعرف وين تنصحوني اسكن؟؟
وافضل المطاعم على الاطلاق؟؟؟؟؟؟؟؟
انتظر فزعتكم يااهل الكويت وعارفه انكم ماراح تقصرووووون ابد
اجواد ونعم فيكم

مواضيع عشوائيه ممكن تكون تعجبك اخترناها لك:

• في الكويت
• ساعدوني ياكويتيين
• الكويت عزيزة على الاماراتيين
• محل الهام الفضاله ووووين
• استفسار عاجل عن فندق
• بغيت خدمة من اهل الكويت
• انطباعات رحلة مابعد العيد للكويت بعين السائح
• شقق مفروشه بالفروانيه
• أسعار الأكسبديشن أكسبلورر ماركيز
• فنادق الكويت
• الفززززعه شقق ميررراج
• مستشفيات دولة الكويت
• شقه لثلاثه رجال بالغين بالكويت
• صور لمطار الكويت الدولي
• التخفيضات في أسواق الكويت
• زيارتي الاولى للكويت استفسار
• رحلتي السعيدة للكويت الجميلة
• الى العاصمه الكويت
• حابه أزور الكويت لمدة يومين ممكن مساعدة؟
• استفسار عن مطار الشيخ سعد الله يرحمه ،، والخدمات المتوفرة

السلام عليكم وأهلين هلا بأهلي وزوار ديرتي

سمعي يا بنت الأجاويد

أولا : عندي مشاركه بعنون الأسواق الرخيصه والشعبيه بالكويت بينت فيها الأسواق والمطاعم من الرخيص وحتى الغالي :24:

ثانيا : إذا إنتي راحيه يومين أنصحج باختصار الأسواق في ثلاثة أسواق أو أربعه وهي سوف تكفي وتوفي

1- سوق مجمع الأفينيوز وهو أضخم سوق بالشرق الأوسط للماركات الأجنبيه والملابس الأوربيه
يقع على خط الدائري الخامس خلف منطقة العارضيه

2- سوق مجمع شرق يقع بمطقة شرق على شارع الخليج .

3- سوق مجمع المارينا وهو لا يختلف كثيرا عن مجمع الأفينيوز لأن مجمع الأفينيوز يحوي كثير من الماركات الموجوده في سوق شرق والمارينا يقع مجمع المارينا على الواجهه البحريه بمنطقة السالميه شارع الخليج .

4- مجمع الكوت وهو يقع بمنطقة أبوحليفه الملاصقه لمنطقة الأحمدي أول المناطق الحيه بالقرب من الحدود السعوديه إذ تبعد نصف ساعه تقريبا .

:106:

بالنسبه للجلابيات وهي تسمى بالكويت دراعات أو [دراريع ] ومفردها [ دراعه ]

فمن المجمعات المميزه فيها مجمع الأوقاف بالكويت العاصمه بمنطقة شرق .

وكذلك يوجد مجمع يتم فيه خياطت الجلابيات وهو مجمع الرجعان بمنطقة الفروانيه خلف الجمعيه التعاونيه تجدين فيه الجلابيه بنصف سعرها بمجمع الأوقاف ، وكذلك ستجدين العبايات والملافع أقصد غطاء الرأس .


ولكن ضيفتنا المحترمه ودي أنصحك نصيحه ترى البياعين بالكويت متعودين على المساومه بالأسعار يعني إذ قال لكي البياع دينار قولي له نصف دينار ولا تستحين وإسألي أكثر من محل عن نفس البضاعه خاصه الجلابيات ، ويجب أن تشرطي على البياع إمكانية إسترجاع أو تبديل السلعه ويكتب ذلك بالفاتوره


وخفي إشوي على نفسج وعلى أبو العيال :109:

وفي أمان الله .

تصحيح مجمع الكوت بمنطقة الفحيحيل

ومجمع كويت ماجيك بمنطقة ابو حليفه

والمسافه بيننهم اقل من عشر دقايق

والله يوفقكم

منطقة الفروانيه مميزه بالجلابيات (دراريع) مجمعات مجمع زهره مجمع المهلب مجمع النقره عندك البلوكات مشهوره بالاقمشه للجلابيات

بالنسبه لسكن ادخلي هذا الرابط ويوجد فيه جميع الفنادق

http://www.arabtravelersforum.com/travel91391/

وانا احب اتكلم عن المطاعم
والله ماشاءالله
المطاعم السريعه
في كل مكان موجوده
مثل
هارديز وكنتاكي و بركر كنق و ماكدونالدز وغيرها وايد
وفي شارع المطاعم هذا معروووف
بالسالميه
وفي المطاعم العالميه على خط البحر
مثل
فرايديز
جليز
ابل بيز
وهالسوالف
ومطعم ابراج الكويت
والكفيهات الي فيه
انصحج تروحين ريوق في ابراج لكويت
لان يكون رووووووعه والبحرررر اينن

وبالنسبه حق الدراريع
عندج مجمع الايوب فيه محلات دراريع حلوه
والفرواانيه ماشاءالله ماتقصر
ومجمع السنام جدام النقره الشمالي

وبالنسبه حق الهدوم الحلوه والي اسعارها مو وايد غاليه
السالميه اليديده
مجمع العثمان
مجمع بيروت
مجمع البحر وايد حلو وهادئ
وعندنا مجمع اسمع
المعلم
وايد رخيص وايد وايد
وسوالف حلوه وصغيره

وان شاء الله تستانسين بالكويت وتشوفين اهلها الطيبين

:24:

شكرا يا راي على التصحيح فعلا الخطأ مني خلطت بين الفحيحيل وأبوحليفه

وبعد فعلا منطقة الفروانيه شارع المخفر فيه مجمعات مثل الحمرا مول فيه دراعات حلوه

عفيه عيال الكويت ما يقصرون

هلا اختي روزماري حياج الله بالكويت



انشالله تقضين وقت ممتع عندنا



الصراحه ماعندي شي اضيفه بس اي خدمه ثانيه احنا حااضرين لاتترددين

حياج الله عندنا بالكويت

عندج مجمع الدبوس اللي بالفراونية فيه دراريع وااااااااايد حلوة وراقية وعندج مجمع الاوقاف وعندج المشاغل اللي بالبيوت

وبالنسبة حق الملابس ما قصروااا الاعضاء وكفو ووفو واذا بقيتي شي احنا بالشوفه

حياج الله اختي المجمعات اللي لازم تزرينهم :
سوق وشرق
المهلب
الافنيوز ( الاحدث)
المارينا مول
الفنار وبجانبه العديد من المجمعات واسمه الشارع شارع سالم المبارك
الصالحية والراية ( للماركات)

ملابس السهرة
المهلب
ليلى جاليري ( بالسالمية)
مجمع النقرة الشمالي

الدراريع
مجمع الاوقاف
العربيد ( بالفروانية)

المطاعم:
ميس الغانم
برج الحمام
قيصر
محل مغل
على شارع الخليج سلسلة من المطاعم العالمية
فريج صويلح

السكن:

كوت يارد
ريترز شرق
سفير البستكي

اختي المجمعااات وااايد

مثل سوق شرق

الكـــوت

المنشر الجديد

المهلب

اجيال

البستان

واااااااااااااااايد


اما ملابس السهره تشوفينها عند كويت ماجيك لان أمس رديت منه وحلوات

بس احنا ماناخذ الفساتين الا من مصمم هذا طبعي


الجلابيات تلاقينها في سلمان الدبوس تحت او الظاهر اول ماتدخلين تلقينه يمج على اليمن صراحه انا اخذت جلابيه للحج علشان العيد هناك وانصحج حلوه

اسم المحل دراعات شحليله

الاخوه والاخوات

kow80
راى
old-man
*دبدوبه حلوه*
روان بنت الكويت
الدبلوماسية123
مسافرة كويتية
Q8tya
ناصر كويتي
لـــنـــدنـيـه

بصراحه اخجلتوني بسرعة تجاوبكم وردودكم الطيبه
وهذا مو غريب على اهل الكويت
انا حصرت تقريبا اهم الاماكن اللي ذكرتوها
وسجلتها عندي وان شالله امر عليها كلها
مشكوررررررررين وماقصرتوا على هالمعلومات
الله يعطيكم الف عافيه

شوفي حبابة خليك من المطاعم لأنها مقدور عليها مو صعبة


لملابس الأفراح عندك مجمع ليلى جاليري رووووعة بملابس الأفراح ومنوع في المحلات تحير .









وفي المهلب في أكثر من محل وأهمها أزياء الأميرة روووعة بس غالية لأنها تعرض آخر صرعات الموضة حسب الكاتالوج .والاميرة له فرع في مجمع النقرة .





للجلابيات : أول شيء عندك مجمع الأوقاف فيها محلات روعة ومنوعة وتحير واللي بعده العربيد فيه دراريع




يخيطون على مقاسك أو جاهز(أنا مره شقت فيه امرأة سعودية تأخذ منهم بالجملة كي تبيعها في السعودية بالدبل )








وعندك باقي المجمعات اللي قالوا عنها الاخوان وفي بعض المجمعات فيها محلات دراريع هندية مثل محلات سارة وشتيل







وتعبت بس




سلام عليكم