منذ مده طويله وأنا أفكر انا وزوجتي في زيارة دولة الكويت والهدف من هذه
الزياره عندنا شوق اننا نشوف دوله خليجيه نسمع عنها بس ما زرناها قبل,
والسبب الثاني والمهم بالنسبه لي أنا الأطلاع على محلات الأزياء والملابس
النسائيه في الكويت وخصوصا بعض المحلات المتخصصه في الأسبورات
النسائيه - صنع الكويت - وذلك بحكم طبيعة عملي ( املك عدد من محلات
الأزياء في السعوديه ) ... لأني كنت أشوف العوائل الكويتيه برى يكشخون
ويتميزون بأناقه واضحه ...وعرفت ان هناك عدد من المحلات ( الماركات)
وتصنع في الكويت بموديلات إيطاليه واقمشه فرنسي وإيطالي !!!
وفعلا وصلت الكويت عن طريق الخطوط السعوديه..وكانت الرحله مليانه (( شغالات ))
لأنه كان آخر اسبوع امتحانات في السعوديه وبداية إجازه في الكويت..
وفي مطار الكويت تفاجأت أنا وزوجتي بمعامله مميزه جدا حتى اني
كنت أستغرب !!! لا يكون انا أشبه أحد مشهور عندهم :101: ؟؟ أقسم بالله
قمة الأخلاق في التعامل خصوصا من ظابط الجوازات الي شافنا واقفين
بسرى (( خطأ مو حق الخليجيين )) وجانا بكل أدب وابتسامه عريضه وطلب منا
أننا نجي عند شباك فاضي وفعلا رحت وختمت وألتفت عليه أشكره وكان رده
الي ماراح انساه أبد (( يوبا إحنا ما نعتبركم إلا أهلنا ونخدمكم بعيونا !!!))
فقلت في نفسي (( هذا أول الخير ويبشر بخير))..
بعده توجهت إلى فندق كنت قد حجزت فيه وهو فندق مارينا و يقابله
سوق مارينا من الجهه الأخرى ويربط الجهتين جسر خاص بالمشاه ويقع
على البحر في منطقة السالميه ( منطقه تجاريه وحيويه في الكويت ..
وعند وصولي للفندق أخبرني موضف الأستقبال بأن السعر تم تخفيضه
إلى75دينار بعد ان كنت قد حجزت بالفيزا بسعر 88دينار ( سعر صرف
الدينار حوالي 13.25 ريال) وذكر لي ان هذه أسعار الصيف الجديده
المخفضه ... فشكرته وقلت في نفسي (( هذه الثانيه ))
* أتوقف عند هذه النقطه وأكمل زيارتي لدولة الكويت لاحقا وإنطباعي
وزوجتي عن الكويت وأهلها...مواضيع عشوائيه ممكن تكون تعجبك اخترناها لك:
- مطعم سفن سييز اللي فوق برج الحمام
- موقع حلويات هيل وزعفران
- فديتكم ياهل الكويت ابي جدول سياحي
- لاهل الكويت الحبيبة
- زيارتي لدوله الكويت الحبيبه بتاريخ
- ممكن إحداثيات مطعم ريوق ؟
- وين خبراء الكويت أبي شقق تكفينا وأسعارها معقوله
- قررت اجرب هلا فبراير بالكويت وش رايكم؟
- دليل هواتف كويت لووك
- تفضلوا بزيارة للبيت الكويتي اهلا وسهلا
- محلات للميني دراعه والجلابياتلوتكرمتوا
- استفسار هام جداا
- الى اهل الكويت الكرام
- مطعم قيصر طلبنا و المنيو
- سؤال عن فندق السالمية
- فيزا من الكويت ومهم
- استفسار مهم
- وين اهل الكويت ابي افضل فندق من حيث الشكل والموقع ومشكورين
- مساعدة
- استفسار عن شقق بلازا
المفضلات