الموضوع: استفسار بخصوص فنادق نحوم و نجوم بالبحرين

اسعد الله اوقاتكم بكل خير

انا ان شاء الله قريب بسافر البحرين وعندي استفسار
عن افضل فندقين خمس نجوم
وكذلك افضل فندقين 4 نجوم
وابغى ارائكم للي مجرب
طبعا السفره عزاب موب عوائل
ياليت تفيدوني وياليت بالصور
وتحياتي لكم

مواضيع عشوائيه ممكن تكون تعجبك اخترناها لك:

• احتاج معلومات عن منتجع البندر
• استفسار ضروووووووووووووري وبســـــــــــــرعة
• لطرح استفساراتكم عن فنادق وشقق البحرين تفضلوا هنا
• بطاقة الاحوال الملونة
• شقق رخيصة بالبحرين
• حجز شاليه
• ارجو المساعده للشباب البحريني فقط
• ما هي افضل اماكن في البحرين
• كيف الأوضاع في البحرين
• قريه حلبه البحرين في فبراير
• ماكولات خفيفة و سندويشات لذيذة و رخيصة في البحرين
• أهل البحرين ممكن مساعدة
• ૈॐਊૐ¸¸• تـقـريـر زيـارتـي للبحـريـن يـونـيـو ـ•¸¸ૐਊॐૈ
• أنا مسافر للبحرين بالسياره مين يقدر يساعدني ؟؟؟
• ابي جوواااااب سررريع
• مطعم الصواني
• أبس اسافر للبحرين
• البحرين فنادق وعناوين
• عاجل كم سعر التاكسي من جنة الدلمون إلى شارع المعارض؟
• ادا ماعليكم امر دشو واقروا

ياهلا فيكم بالبحرين ..


بالنسبه للفنادق فهذا الرابط فيه اغلب الفنادق والشقق الفندقيه النظيفه والراقيه ,,




http://www.arabtravelersforum.com/travel224975/




واي استفسار الكل حاضرين لك ..

مشكورة وماقصرتي
وش رايك بفندق المرادور وفندق ارادوس
واحد من الاصدقاء قلي عليهم
ياليت الافاده عنهم وكم نجمة هالفنادق
وكذلك شقق الدوحة بلازا هل كويسه ومناسبة؟؟

يفداك الكذب والله ماعندي فكره عنهم ..


لكن افضل لكم تاخذون بمكان معروف مثل مجموعة اليت ومنها شقق بالجفير والمعارض ..


او شقق الفارس او سحاب سويتس او اجنحة الجابريه ..

اختي مزون
مجموعة اليت هل هو مناسب للعزاب وهل هو ممتاز ولا عادي؟؟ وياليت لو فيه صور اشوفه
وابغى رايك بشقق برامي؟؟ وكذلك ياليت لو فيه صور

السلام عليكم
هل الدخول للبحرين ببطاقة الاحوال فقط او لابد احضار الجواز
وهل السكن في الفنادق او الشقق ببطاقة الاحوال السعودية او لابد من الجواز كذلك؟
ارجوا الافاده

وعليكم السلام


لازم الهوية الوطنيه الجديده

واذا كان معك بطاقة احوال قديمه لازم تجيب الجواز او تجددها


والسكن وكل شئ بالبطاقه

هلا اخوي رامي ما انصح فيه ..


واليت نظيف ومحترم ..


هذا رابط لمجموعة اليت .. http://www.elitegroup4u.com/

انا معاي الهوية الوطنية الجديدة يعني الجواز ماله اي دور ابداً ؟؟

اختي مزون بالنسبه لمجموعة اليت هل هو عوائل او عزاب لان احنا رايحين رحله عزاب

عادي اليت يقال انه عوايل لكن عادي يسكنون عزاب ..


عالعموم عندك خيارات غير كثيره ..


مثل شقق الفارس واجنحة الجابريه وشقق السحاب وهذول كلهم بمنطقة الجفير ..


وفي قريب من مركز رامز فندق وشقق ايوا واسعارهم جدا معقوله ونظيف ويبعد عن المجمعات 5 دقايق


واذا حبيت قريبه من المجمعات عندك شقق محمود بلازا والريان عند مجمع الدانه ..

ابغى اسالكم عن فندق بيسان هل هو 5 نجوم؟؟
وش رايكم فيه وياليت لو فيه صور وتقارير عنه واسعاره

انا انصحك بفندق الريتز كارلتون


وكان ودي يكون معي وقت عشان انزل تقريري عنه

بس برفق لك بعض الصور

ماشاءالله اختي قطر كفت ووفت ..


الله يعطيج العافيه يالغلا

المشاركة الأصلية كتبت بواسطة مـزون
http://www.arabtravelersforum.com/tr...3/#post3871143

ماشاءالله اختي قطر كفت ووفت ..


الله يعطيج العافيه يالغلا




قصر عنك الشر يالغلا
تحياتي وتقديري لك

مشكورة اختي قطر ماقصرتي
عارف هالفندق من افخم الفنادق في البحرين ماعليه كلام بس كم الاسعار خذيتيه؟
بس الفندق حيل غلي

ياليت لو عندكم صور وتقرير عن فندق بيسان

اخوي فعلا الرتز غالي يعني مايقل عن ال100 دينار بحريني ..


اما بخصوص بيسان فهو قديم جدا ومحد يمدحه ابدا وهو معروف بالازعاج ..


من قبل رشحت لك فندق وشقق ايواء جدا نظيف وموقعه قريب من المجمعات والاهم ان سعره ممتاز ..


هذا موقعهم وفيه ارقام الاتصال للحجز


http://www.ewa-ha.com/

المشاركة الأصلية كتبت بواسطة رفيق الخير
http://www.arabtravelersforum.com/tr...9/#post3873049

مشكورة اختي قطر ماقصرتي
عارف هالفندق من افخم الفنادق في البحرين ماعليه كلام بس كم الاسعار خذيتيه؟
بس الفندق حيل غلي

ياليت لو عندكم صور وتقرير عن فندق بيسان





تحياتي وتقديري لك
احنا اخذناه سعر خاص للطابق التنفيذي بسعر 1850 ريال لليلة
والله ياخوي الخدمات كلها تسوى ومرتبة ...