الموضوع: التقديم للمرحلة الثالثة من البعثات وش سالفته؟

السلام عليكم
يا أخون وش السالفة
اعلنت وزارة التعليم العالي في يوم 13/1/2007 وقالت:
"كشف وكيل وزارة التعليم العالي الدكتور عبدالله المعجل عن زيادة مقاعد الطلبة المبتعثين في برنامج خادم الحرمين الشريفين للابتعاث، وذلك خلال المرحلة الثالثة القادمة والتي سيبدأ القبول بها بداية العام الأكاديمي القادم. " http://www.alriyadh.com/2007/01/13/article215919.html
وبعدين يقولون في يوم الثلاثاء 4 المحرم 1428هـ - 23 يناير 2007م - العدد 14092
إعلان اسماء "4000" طالب مبتعث الشهر القادم
وبيّن ان وزارة التعليم العالي ستعلن نهاية الشهر الحالي اسماء الطلبة المرشحين للابتعاث الخارجي للمرحلة الثالثة
http://www.alriyadh.com/2007/01/23/article218885.html
يعني يقولون بالاول ان التقديم بعد فترة وبعد عشرة ايام يقولون ان النتائج بعد شهر ما ادري بس احس انه فيه لعب وعلى المكشوف

ممكن احد يفيدنا
وسلامتكم

مواضيع عشوائيه ممكن تكون تعجبك اخترناها لك:

• ارجو المساعده
• ابغا واحد فاهم الله يخليكم للمساع
• الدهاب إلى الوزارة
• ماذا بعد خطاب السفارة
• استفسار عن معدل قبول ماجستر في اي جامعه امريكية
• متى نتائج اختبار القدرات
• ارجوا افادتي عن هذا المعهد
• كيف اجيب قبول غير مشروط من جامعات أمريكا ؟
• عندي استفسار بخصوص نيوكاسل
• سفاره بريطانيا والتأشيره انجنيييت
• هل صحيح انة من ضمن الشروط الجديدة مقابلة ؟
• متخرج من دبلوم أشعه وأرغب في الاكمال في امريكا عندي بعض الاسئله مهم وعااااااااجل
• استفسار عن دبل فيزا
• السيفيس مو ضروري
• الى ملبوووووون خاصة والى اهل الماستر عامة
• شبااب تكفون الفزعة عجزت القى لي معهد في بريطانيا
• الملحقية تستقبل المبتعث في المطار؟
• ماجستير ادارة اعمال أو تسويق ارجو الإفادة
• عندي سؤال
• يالله يا اهل الحاسب تكفون استفسار

اخي ناصر
خذ مني العلم عن تجربة ، لا تسمع لتصاريح الوزارة لأن اغلبها وللأسف غير صحيحه ولكن تابعهم من بعيد بحيث اول مايفتحون برنامج ثالث تكون من اوائل المتقدمين والله يعينك
بالتوفيق،،،

مشكور اخوي
لكني مني من الرياض فكيف اعرف اخبارهم؟

الحين خلهم يخلصون هالمساكين

بعدين فكرو بالبرنامج الثالث


انا اتوقع انه يطرح في شهر 6 الصيف المقبل باذن الله

وبالتوفيق

اخي ناصر
هذا موقع الوزارة ومتى مايكون عندهم برنامج ابتعاث راح يكون اعلان من خلاله
بالتوفيق،،،

شكرا على المرور
لكن هل الدعوة فيها لعب
يعني لو تدقق بالتصريح تحس فيها إخفاء أمر أو محاولة تمرير

يارجال تراك في السعودية كل شيء فيها لعب عالدقون

ناصر ابو ابراهيم
تراني دخت وتعبت وانا ادور الي قلته للمعجل على حسب كلامك الي قلته في موضوع سابق لك







المشاركة الأصلية كتبت بواسطة ناصر أبو ابراهيم
http://www.arabtravelersforum.com/tr...6/#post1076299

اخوي اللنكاوي

المهم تابع موضوعي حق المرحلة الثالثة للتقديم للبعثات لاني دخلت على المعجل والا اقول لك هناك



يوم دخلت على المعجل وش قلت له ووش قالك ؟

السلام عليكم ورحمة الله وبركاته:
اولا أنا اسف على التأخر في الرد على ما حصل لي يوم دخلت على المعجل لاني رحت للرياض في وسط اختباراتي ويوم رجعت انشغلت بالاختبارات وما امدى الاختبارات تقضي الا وانا كاشت عاد الحين اللي وصلت فهذا ما حدث:
سألت عن اللي صاير لكن ما لقيت رد من كل من سألته بالإضافة الى أن الخبر تم ذكره مرتين يعني يمكن يكون خطأ من الجريدة لكن صعبة شوي يتكرر الخطأ مرتين فقلت اروح للرياض وكتبت خطاب للمعجل يوم رحت لمكتبه قالوا لي يقابل الجمهور الساعة 12:30 صليت عندهم كان ذا في يوم 9محرم1428 رجعت بعد الصلاة و تأخر شوي بفتح الباب وبعدين فتح الباب مسيكين السكرتير وكل سكرتير مثله اذا تأخر المدير بفتح الباب لو دقايق يبدأ يروح ويجي ويدور له على شغلات تبعد عنه نظرات المراجعين الحارقة وتلقاه دايم بذا الوقت ما عنده شغل "لاني كنت سكرتير في يوم من الايام"..
المهم اول ما فتح الباب دخلت عليه اول واحد سلمت عليه وقلت له وش القصة تعلنون عن فتح باب التقديم وبعدين تعلنون عن النتائج بعد شهر قال انا المعجل قدامك "شايف رويحته" اقول لك ما فيه اي تقديم تم والتقديم على المرحلة الثالثة ما فتح وسيعلن عنه بعد فترة في الصحف. قلت له والاعلان قال ما علي فيه هذا اللي اقولك هو الصحيح.
عاد انا اقول ممكن احد يدخل على الوزير ويبلغه بالكلام هذا لاني مني من الرياض والا كنت رحت له
واذا ما لقى فائدة من الوزير او كان رده مثل المعجل يتم تقديم شكوى على جريدة الرياض بأنه تصدر تصاريح غير صحيحة وفي هذي الحالة يطلع الصادق من الكاذب.
ومرة اخرى أنا آسف على التأخر في الرد.
وتقبلوا خالص تحياتي

مين يجيب لنا الاعلان عن المرحله الثالثة ياشباب

للتذكير فقط .. برنامج الإبتعاث المرحلة الثانية كان في البداية سيتم التقديم عليه في شهر 4/ 2006 .. وبعدها تم تأجيله إلى 15/7/2006 ولكن وبسبب الضغوط تم فتح التسجيل قبل الموعد ، بالنسبة لي ما سجلت إلا في يوم 25/6/2006 وبعدها إنتظرنا الترشيحات المبدئية بصراحة كانوا كويسين شهرين تقريباً وطلعت الأسماء ، وبعدها قطعت القلب خمسة شهور ونصف حتى يتم ترشيحنا نهائياً والآن لنا في حدود الشهرين ولا حياة لمن تنادي .. حقيقة احس الوزارة مو مهتمه بمشاعر الطلاب وإنه في ناس عندها إلتزامات وناس ثانية فاتحة بيوت وتشوف البعثة بالنسبة لهم فاتحة خير .. لكن ما نقول إلا الله يسامح من كان السبب .....

المتوقع فتح باب الإبتعاث للمرحلة الثالثة بعد إنتهاء إختبارات طلاب الثانوية العامة ويمكن بوقت أيضاً وحياخذوا كمان 7 أو 8 أشهر مثل حالاتنا .. بس أتمنى تتلافى الوزارة مصايبها في البعثتين الأوليتين



وشكراً