تحياتي للجميع
الحمدلله رجعنا من الاجازه واللي فعلا كانت احلى اجازه يمكن عشانها عائليه, في البدايه كنت محتار بين الطريق
الدولي القديم ( الرياض- حفر الباطن-عرعر - القريات ) والخط الدولي الجديد ( الرياض - حايل-الجوف -
القريات ) واخترت اخيرا الخط الجديد وبذكر تعليقي على شكل نقاط لاني متاكد كثير يبغى يعرف معلومات
عن الطريق:
1- المسافه الاجماليه من بيتنا في شرق الرياض الى موظف الجمارك السعوديه بالظبط 1345 كيلو
2- الطريق من الرياض الى حايل ماشالله تمشي وانت مغمظ بس تمشي في القصيم مسافه مي هينه
ويمكن هذي المسافه اللي زودت الكيلوات ومحد انتبهلها لان اكثر الناس تحسب المسافه بناءا على اللوحات
اللي على الطريق مو على عداد السياره
3- الطريق من حايل للجوف 3 مسارات وجديد لكن ما تقدر تمشي فيه اكثر من 120 كيلو بالساعه لان كل شوي
يجيك منعطف مع طلعه او منعطف مع نزله يعني بالعربي ما عجبني
4- الطريق من اخر السريع اللي هو دوار الرديفه الى النبك ابو قصر حوالي 120 كيلو ممتاز وسريع
5- الطريق من النبك ابو قصر الى طبرجل حوالي 50 كيلو صعب جدا كانك في الاردن طريق مكسر وبدون اكتاف
بس للامانه قاعدين يستغلون على الطريق يمكن كم شهر ويضبط
6- الطريق من طبرجل الى القريات حوالي 140 كيلو الناس خوفوني منه وقالو طريق واحد رايح جاي ومتعب ولكن
الحقيقه انه طريق ممتاز يعني فيه اكتاف يمين ويسار والطريق عريض يعني ما تتعب منه
لما رجعت من سوريا قررت اني اجرب الخط القديم عشان اشوف الفرق
1- المسافه الاجماليه من موظف الجمارك السعوديه الى بيتنا في شرق الرياض بالظبط 1485 كيلو
2- من القريات الى طريف حوالي 160 كيلو - اول 80 كيلو خط واحد بس حلو وما يخوف وفيه اكتاف
3- من طريف الى رفحاء مرورا بعرعر 520 كيلو ماشالله تمشي وانت مغمظ سريع وجديد
4- من رفحاء الى ما قبل حفر الباطن ب100 كيلو ممتاز وبعدين تجيك تحويلات كل 20 كيلو والطريق مكسر
قاعدين يشتغلون فيه
5- من حفر االباطن الى الرياض تمشي وانت مغمظ حوالي 490 كيلو
الفرق بين الطريق الجديد والقديم حوالي 140 كيلو فقط
حبيت اذكر الفروقات عشانالاعضاء و الزوار يستفيدو من هالتجربه
تحياتيمواضيع عشوائيه ممكن تكون تعجبك اخترناها لك:
- للاخون الذين لهم تجارب السفر لتركيا عبر مكاتب سوريا السياحية
- كهربة سوريا الله يعافيكم بسرعه لو سمحتو انا ماشيه بكره ان شالله
- دمشق
- قطارات الترين سيت الحديثه
- إذا كنت شامي أبا عن جد ،، بتاخد علامة كاملة
- كيف تصور اسرائيل سوريا للأجانبو كيف يراها من زارها منهم
- سؤال عن دمشق
- جمال الطبيعة في كسب الجزء الثاني
- المواطن عامر العتيبي لم يتعرض للخطف
- عدت من الزبداني بعد رحلة رائعة ولله الحمد
- ثلوج دمشق
- سفريات من زمن فات
- استفسار عن اماكن واسماء الشقق في دمشق
- الرخصة واستئجار السيارة
- توفر الإنترنت في شقق الشام
- سؤال عن بعض أحياء الشام
- الاذقية الى مصر
- أفضل مطعمين في سوريا لاتفوتكم
- سؤال الى رواد بوابة سوريا
- أزمة سياحية بين «الرياض» و«دمشق »
المفضلات