الموضوع: زيارتي إلى منتجع كمبنسكي الكويت من تصويريي

السلام عليكم ورحمة الله وبركاته

يا احلى اعضاء العرب المسافرون

هذا أول موضوع لي .. وان شاءالله يحوز على رضاكم

بما ان الحر زاد .. والسفره توه الناس عليها قررنا نروح نكسر الروتين ونروح هالمنتج :101:

واليوم يبت لكم مجموعة من صور رحلتي

لشالية كمبنسكي الجعليعه بالكويت

kempinski Hotel Julai`a

وهذا المنتجع روووعه وهو من سلسلة فنادق ومنتجعات كمبنسكي



طبعا سعر الشاليه لمدة 3 ايام 280 دينار كويتي

سعر مناسب ..:24:

وهذا رقم تلفونهم 844444

وحبيت انقل لكم صوري الخاصه لهذا المنتجع الراائع ..



http://www.3adany.com/up
هذي الصورة واحنا بالطريق إلى المنتجع .. طريق الخيران ..



http://www.3adany.com/up
لوحة تبين اننا وصلنا للمنتجع .. يا سلااام



http://www.3adany.com/up
لحظة دخولنا للمنتجع ..


http://www.3adany.com/up
الصاله من الداخل .. مع غرفة الطعام ..


http://www.3adany.com/up
منظر آخر للصالة .. مع البلكوونه



http://www.3adany.com/up
غرفة النوم الرئيسيه ..

http://www.3adany.com/up
غرفة نوم أخرى..


http://www.3adany.com/up
طبعا بيت الراحه


http://www.3adany.com/up
صورة عامه للشاليهات ..

ي
ت
ب
ع

لــــ رحلة البحر .. وللحديث بقية ..

مواضيع عشوائيه ممكن تكون تعجبك اخترناها لك:

• من مطاعم الكويت
• لو سمحتوا حبايبى لاهل الخبره طريق الكويت؟؟
• سارة بلازا الجمال والروعة وحسن الضيافة بالكويت
• السلام عليكم ممكن مساعده ضرروري؟
• أخي الباب العالي مطلوب للأهمية
• اقرب فندق للافينوز
• رأيكم بمجمع
• عدة قرقيعان ؟؟؟
• الطريق الى العمره والمدينه ؟؟
• سؤال بخصوص السيارة الايجار
• سؤال عن فندق
• مساعده في سكن يااهل الكويت
• ماركة كويتية
• بلييييييييييييييييز
• الى الديناصورات اللي مثلي من احبابنا اهل الكويت ؛احد يذكر جزيرة الشعار ؟
• الكويت بعيوني
• الدنانير الكويتية
• ابي وصف بعض الاماكن شارع الحب صالة المبارزة
• اريد اسماء فنادق معقولة الاسعار بلييز الفزعه
• سوال عن متطلبات اقامة سيبر مقهى انترنت فى دولة الكويت

السلام عليكم و رحمة اللة



جزاكي اللة خير علي هذا الموضوع و الصور:24: . بس لو تعدلين الصور بدل ما نلف الرقبة:108: حتي نشوف الصور اللي مأخوذة بزاوية. و لا تنسين موضوع فيلجا حصلنا وعود بالسابق عنها و لا شفنا شيئ وأذا ما راح تحطين عنها خبرينا حتي أنزل موضوع عنها ومشكورين يا أهل فيلجا.

صور جميله حقيقه تستاهلين كل شكر عليهم

يعطيج العااااااااافيه حبيبتي
بانتظار باقي التقرير

يعطيج العافيه

صور عاديه جدا

يعطيج العافية
بانتظار البقية

المشاركة الأصلية كتبت بواسطة الوطن
http://www.arabtravelersforum.com/tr...2/#post1392102

السلام عليكم و رحمة اللة



جزاكي اللة خير علي هذا الموضوع و الصور:24: . بس لو تعدلين الصور بدل ما نلف الرقبة:108: حتي نشوف الصور اللي مأخوذة بزاوية. و لا تنسين موضوع فيلجا حصلنا وعود بالسابق عنها و لا شفنا شيئ وأذا ما راح تحطين عنها خبرينا حتي أنزل موضوع عنها ومشكورين يا أهل فيلجا.

اهلا الوطن .. نورت صفحتي ..

للأسف انا كنت مصوره عشان براوي اختي ما كنت حاطه ببالي اني راح اشترك وياكم بالمنتدى او اسجل
طبعا كنت فقط ضيفه على كل مواضيعكم

وبالنبسه لفيلجا افا عليك لا تحط موضوع انطر موضوعي ان شاءالله بس اخلص من هذا الموضوع راح انزل موضوع فيلجا ...

والله يسلمك ..

كل الشكر لكل من نور صفحتي بإضافه رد ..

Old man

المرام

7 حسن

ياناسينا ..

مسافرة كويتيه

.... ثانكس جميعا ..

تابع ... التمتع بالبحر ..:surf


طبعا يتميز منتجع الكمبنسكي بإطلاله جميله على البحر .. وإدارة المنتجع حطت الكثير من وسائل الحمايه على الشاطئ حتى لا يتعرض احد من نزال الفندق بالغرق ..:surf

وكانت هناك الكثير من الطفاحيات البحريه .. كنوع من الترفيه لزوار المنتجع ..

ولا ننسى بعد كرة الطائرة الشاطئية .. برمال الشاطئ .. للرجال فقط

شوفوا معاي الصور ..

http://www.3adany.com/up
هذا نوع من الطفاحيات بالبحر ..


http://www.3adany.com/up
صورة اخرى للبحر ..


http://www.3adany.com/up
ولليهال = الاطفال دور بعد بالبحر والتمتع فيه ..


http://www.3adany.com/up
مكان العايلات .. ولاحظوا كرة الطائرة الشاطئية ..


http://www.3adany.com/up
وطبعا في مكان لتأجير الجت سكي .. بالساعه وممكن بنص ساعه ب 8 دنانير بالساعه ..


وجذي تنتهي جولتي البحريه ..

آسفه لرداءة الصور لان جد ما كنت حاسبه حسابي اني بنزلهم بالمنتدى .. + كاميرا موبايل مستخدمتها بالتصوير:105: ...

طبعا يتميز كمبنسكي .. بالكثير من المرافق

مثل سكند كب (( كافيه ))

محل لتأجير القواري = الدراجات

محل لتأجير الجت سكي

سويمنج بول كبير وصغير

وللأسف ما صورت هذه المرافق ..

وللعلم في غرف ستاندرد اذا حابين تسكنونها سعرها بالصيف يكون 39 د.ك اي ما يعادل 115 دولار للغرفة

وتقدرون تستمتعون بكافه المرافق للمنتجع ..

واللي حاب يشوف المنتجع اكثر تقدرون تزورون السايت الخاص فيهم

(( منتجع وفندق كمبنسكي جليعه ))

هذا السايت
http://www.kempinski-kuwait.com/en/home/index.htm


واختم موضوعي بهذه الصور الضريفه ..

http://www.3adany.com/up
صورة للمنتجع بالليل .. مع الاعتذار للعضو (( الوطن )) الحين بيقول كل صورج عوياان



http://www.3adany.com/up
للأكل ايضا نصيب .. (( مع الاعتذار لسوء الترتيب بالصوره ))


http://www.3adany.com/up
وللهمبرجر ايضا نصيب ..


واتمنى اكون قد وفقت في جمع المادة .. اللي كنت ترضى اعضاء المنتدى

ويزورون المنتجع .. ويستمتعون فيه ..

هلا والله باختي احلا كيميائيه مع اني ما احب الكيميا يالمره وكانت سبب لسقوطي في ثانويه ثانوي كذاينااناس مره والحمدلله تخرجت من الادبي بدون كيميا ولا فيزيا

المهم رحله سعيده وانشاء الله استمتعتوا على الاقل اخذنا فكره طيبه عن المنتجع والصور بين كل شي ومثل ما تفضلتي انتي صورتي صور خاصه فيج وقدرتي تنزلينها لنا والكل استفاد جزاج الله خير وارجو من الاخ ياناسينا ان يهدي شويه الاخت ما قصرت نورتنا وجزاها الله خير

شكل البورجر مترورس كوليسترول اختي خففي الدهن شويه مو زين للكيميائيين ا

مشكوره على التقرير
وننتظر تقرير فيلجا

امون

سايح في البلاد ..


اهلا فيك .. ميرسي عالمرور والرد ..

اي صراحه من افضل وأرقى المنتجعات السياحية اللي زرتها بالكويت ..

هذي وجهة نظري

ناصر الكويتي

اهلاااا فيك نورت صفحتي .. صراحه

بالنسبه للكيمياء صدقني حلوه بس لو تفهم اساسياتها خلاص تصير تغرد فيها

ويالله الحمدلله دامك تخرجت .. مبرووك مؤخرا

والهمبرجر ملك الرحلات صراحه بالنسبه لي .. يعني لازم اشريه لكل رحله

وطبعا للاسف المنتجع ما زودنا بشوايه للشوي لان لازم احجز من الصبح

وكانوا كل الشوايات مخلصين يعني طالبينهم ناس غيرنا

بس يالله هم القلى حلو ويأدي المهمه

شاكرتلك اهتمامك بموضوعي ..

am@@an

اهلا فيك .. ان شاءالله راح احاول انزل موضوع (( فيلكا)) اليوم

لعيونكم

مشكووورة اختي ما قصرتي فعلا المنتجع رااائع واكثر من رائع من مرافق وخدمات

مشكورة عى الموضوع
بصراحة انا رحتلة المنتجع قبل يومين
جدا راقي بس على فكرة الاسعار غير عن الي ذكرتيها
سعر الغرفة مع العرض بالصيف لليلة الوحدة اب 75 دينار
قوليلي وين حصلتي اب 39 دينار
بالنت ولا اتصلتي فيهم؟
يعطيج العافية

ALrashed q8اهلا فيك نورت صفحتي ..

وان شاءالله تروح له وتعطيني رايك ..

المشاركة الأصلية كتبت بواسطة attractive149
http://www.arabtravelersforum.com/tr...9/#post1397419

مشكورة عى الموضوع
بصراحة انا رحتلة المنتجع قبل يومين
جدا راقي بس على فكرة الاسعار غير عن الي ذكرتيها
سعر الغرفة مع العرض بالصيف لليلة الوحدة اب 75 دينار
قوليلي وين حصلتي اب 39 دينار
بالنت ولا اتصلتي فيهم؟
يعطيج العافية




ولو العفوو ..

اي صراحة حلو وراقي وايد ..
سعر 39 دينار شفته كان محطوط بلوحة عرض بالريسبشن
لما كنت هناك قبل 3 اسابيع وكان العرض غرفة مفرد لشخص واحد ..


والله يعافيك

رااااااااااااائع مشكوووووووووووور جددددددددددددداً

يعطيج العافية يا أحلى كيميائية

منتجع كمبنسكي جميل جداً لكن العيبب فيه صغر الغرف قليلاً

يعطيج العافيه
صورج حلوه
و ما شاء الله شكل الماي نظيف....عمري ما رحت الجليعه

والله كشخه :")

واهم شي انكم استانستوا وغيرتوا جو ..

وتسلم أيدج وماقصرتي ..

مشكورة على الموضوع

هقيته احلى من جذي!!!

مشكوووره شوقتينا نروح الشاليه

يعطيج العافية حبيبتي

كمبنسكي روعه انا رايحتله مرتين وحاجزين حق شهر 8 ان شاء الله اوافيكم بتقرير مفصل

honey Mooner

بالعكس كفايه انه 5 نجوم .. ثانكس عالرد


eljoori

ثانكس عالمرور والرد ..

pink Girl Q8

هلا حبيبتي .. ثانكس عالرد العسل مثلج .. انشاءالله نشوف منج احلى تقرير ..

ورحله موفقه مقدما

مشكورة أحلى كيميائية.........للأمانة أنتي نشيطة بارك الله فيك....وستمري للأمام ومن نجاح إلى نجاح!!!!

المتفائل جدا ..


ثانكس على اهتمامك بمواضيعي ..

وعلى مدحك لي ..

نورت صفحتي ..

[quote=أحلى كيميائية;1400910]المرام:

لازم تروحين وتشوفين بنفسج عن نفسي وايد استانست وللعلم اغلب زوار هناك اجانب نادر ما تشوفين كويتين ..


ان شاء الله حبيبتي اجربه عن قريب :101:
و الحمد لله انج استانستي :106:

المشاركة الأصلية كتبت بواسطة دُرَر الكويت
http://www.arabtravelersforum.com/tr...3/#post1407413

يعطيج العافيه اختي الكيميائيه
زين عطيتيني فكره عن كمبنسكي لان زوجي حجز اخر شهر 8
بس ابي اعرف لو سمحتني شنو ناخذ من اغراض المطبخ علشان لا نتوهق??
سلام




الله يعافيج ..

المطبخ جاهز 100% من الألف إلى الياء

كل شئ فيه ..

إلا إذا كنتي حابة تودين اغراضج الشخصيه مثل جدرج وأقلاصج فبراحتج ..

عموما انا ما وديت شئ .. من أغراض المطبخ

إلا الأكل ..

وديت ماجلة بو 3 ايام ..

من مثلجات كالهمبرجر والستيكات مع الصلصات الحاره (للعشاء) ..

وعصاير وشبس وككاو .. مع شاي وسكر وبسكويت (وقت العصاري)

وخبز وصمون وتوست وجبن وقيمر وعسل وشوية طماط وخيار مع كرواسون ..( للريوق)

اما الغدى احنا ما نتغدى لا بهالوقت نكون بالبحر ..:surf

فغدانا اهو العشا ..

لان احنا شخصين ..:106:

فإذا كنتوا اكثر من شخصين اكيد الماجله بتزيد ..

هذا بإختصار ..

ورحله موفقه يا درر:115:

الف شكر على التقرير شكلنا راح نطلع الاهل هناك

الله يسلمك .. يا عافور الهندسه ..

وانشاء الله تطلع الاهل وتستمتع ..

نورت صفحتي ..

هلا والله احلى كيميائيه مشكوره على التوضيح
احنا عددنا 10 اشخاص 7 اكبار و3 يهال
الله يستر شكلي باخذ الاولي والتالي من البيت

هلا درر..

شوفي اذا جذي ..

انصحج بس إخذي الماجله معاج

اقصد بالماجله = الأكل الأساسي .. مثل عيش ودياي ولحم ..

+ الفاكهه + العصاير والككاو ..

وميرسي .. وان شاءالله تستانسوون

يعطيك العافية اختي على التقرير
الصراحة اول مرة اسمع عن هالمكان
لاعت جبودنا من منتزة الوطنية كل سنة نروحله وماكوفيه شي كله زحمة ونفس السعر

نحاول نغير هالسنة

مشكورة مرة ثانية

brr

هلا فيك ,,,

اي التغيير حلو ..

وان شاءالله تروح لكمبنسكي وتعطيني رايك ..

منتجع كمبنسكي
راقي جدا جدا
وخصوصا القعدات الي على الحمامات السباحه
والله يعطيج العافيه

هلا .. دبدوبه حلوه ..

ميرسي ..

مشكوره لإضافه الكثير لموضوعي

فكلامك .. يعطي نفس الطابع اللي بينته للأعضاء

جد المنتجع ممتاز ..

المشاركة الأصلية كتبت بواسطة أحلى كيميائية
http://www.arabtravelersforum.com/tr...7/#post1417247

هلا درر..

شوفي اذا جذي ..

انصحج بس إخذي الماجله معاج

اقصد بالماجله = الأكل الأساسي .. مثل عيش ودياي ولحم ..

+ الفاكهه + العصاير والككاو ..

وميرسي .. وان شاءالله تستانسوون



مرحبا احلى كيميائيه:101:
مشكوره وايد ويعطيج الف عافيه

عليكم بالعافيه هالرحلة الحلوه .. وانا قبل كل يوم اغوص يم كمبنسكي

درر الكويت

حياج الله ..

منوره صفحتي ..

المشاركة الأصلية كتبت بواسطة يم الدريشة
http://www.arabtravelersforum.com/tr...7/#post1447437

عليكم بالعافيه هالرحلة الحلوه .. وانا قبل كل يوم اغوص يم كمبنسكي





اهليييييين

صدقني

الروحه ماراح تتحسف عليها ..

صج مكان راقي ..

بس الله يعينك عالجوو.. والرطووبه ..

منور صفحتي

مشكور كيميائيه على التقرير الاكثر من رائع تحياتي لك وردودك على الاعضاء مثل العسل تسلمين ما

تقصرين نبي نشوف شي جديد من تقاريرك الحلوه تحياتي لكم ابوسمره السكره 0000اصل التميز

مشكوره اختي على الموضوع الحلو وصور حلوه ماقصرتي

اهلا ابو سمره

وثانكس على الرد.

kuwait airways

الله يسلمك وماقصرت ..

اختي كيميائيه ترى دخت مع الصور يبا شلون اشوف الصور ترى انقهرت وحاشني احباط ما اقدر اشوفهم كله يطلعلي تحميل الصور عدني دوت كوم وانه ريال عزوبي وتدرين العزوبيه اكثر ناس مظلومين بالكويت ما نقدر نروح لا فيلجه ولا كيمبينيسكي عفيه ديره عيالها ما يقدرون ياجرون لافندق ولا شاليه انه بس شفت كيمبينيسكي من بره خوش مكان من بره بس المشكله صغير اي جان كبرو المساحه وعطوهم مكان اكبر مشاريعنا بالكويت كله حده حده شلون اشوف الصور يا كيميائيه اشوه مو فيزيائيه لاني ما اواطن الفيزياء غصب نجحت

[/font][/color][/size][/I][/QUOTE]

الصور غير ظاهره

شكرا لـ :

stay at home


انتر ناشيونال


kuwaity8

ثانكس عالمرور ..

والله المشكله من السيرفر عندكم

الصور طالعه عندي وطالعه عند كل الاعضاء

حاولوا تغيرون سيرفركم وان شاء الله تطلع لكم

[QUOTE=علي السويدي;1480505]




[اي للأسف الفنادق في فيلكا فقط للعائلات ..

وايضا الكمبنسكي فقط للعائلات

ولكن..

ممكن تاخذ غرفة مفرده وتتمته بكل مرافق ال منتجع ..

/quote]
لا يبا اخت كيميائيه مو بس فنادق فيلجه كل فنادق الكويت ممنوع منعا باتا مو دولارا باتا العزاب ياجرون فيجميع فنادق ومنتجعات وشاليهات الكويت مو غرفه مفرده حتى دجه ممنوع





والله ما ادري ان ممنوع حتى العزاب ما ياجرون غرفة بفندق

الللي اعرفه ان عادي .. بعد اذا غيروا القوانين الله اعلم :108:

وثانكس عالرد

شكرااا عالتقرير الاكثر من رائع

ماكو صور؟؟

كويتيه وافتخر

وkuwaity

انا مسويه الموضوع من زمـــــــــــــــــــان

يعني قبل ما اعرف تحميل الصور عن طريق المنتدى

وكنت محمله الصور عن طريق موقع عدني وكانت الصور طالعه ( ظاهره)

والحين اعتقد سكرووه:

فما اقدر اعيد حمل الصور

لازم اسوي تقرير يديد

بس الاعضاء ما قصروا بمواضيعهم عن هذا المنتجع

وارجوا ان تتطلعون عن هذا المنتجع عن طريق الاعضاء وآسفه جدا

ولا صوره طلعت معي ؟؟..

امبي حده يعقد رحت له من فتره وايد حلو ومره سويت فيه معرض للملابس الكاجول والاكسسوارات

ثانكس على الموضوع

JaNa