الله يعينك على الدرب وتحملو بروحكم
بالنسبه للشقق الاخت مزون ماقصرت شقق اليت من افضل الشقق عندنا في البحرين
واذا ماعندك تسكن في الزحمه فشارع المعارض الشقق اشكثرها
ومنطقه الجفير ايضا ولو ان زحمتها اقل من الجفير
لكن هالاسبوع عندنا الفورملا والحجوازت كلها Full والاسعار مرتفعه واااااااااااايد
وطبعا مافي على حلوى شويطر في سوق محرق الشعبي ومكانه بعد ماتنزل الجسر القديم اللي يربط المنامه بالمحرق على طول بتقابلك اشاره ضوئيه تدخل يسار وبتلقى المحلات مصففه يم بعض
وطبعا حاليا مروج المحرق مستواه نفس مستوى حلوى شويطر
بالنسبه للمجمعات بحريني وافتخر ماقصر
لكن انصحك بالمطاعم اللي لاتكون في المجمعات ومنها مطعم روما في ام الحصم صج غالي شوي لكن مطعم رااائع
وعندك مطعم نينو وهو بين مجمع العالي والسيف اكله اطالي جداا حلو
وفي مطعم يديد بصراحه ماتذكر اسمه لكن هم بجانب فندق الرتز كارلتون في السابق المطعم كان اسمه بلو ايليفنت
اللحين فتحوا مطعم ثاني مكانه وجفت اعلانه شكله وااايد حلو
واذا انتو تحبون اللعب والمرح بعيدا عن البرستيج والكشخه انصحك وبقوه تروح منتزه عين عذاري المكان وااايد حلو والالعاب احلى
واذا تحبون الطبيعه روحو محميه العرين بتنسى انك في البحرين لان الطبيعه اهناك والخضره شي رااااااائع
اذا تحبون السيارات والسباق عندك رالي تاون بجانب عين عذاري وتقدر هناك تسوق سيارات السباق اللي مثل الفورملا بس على احجام اصغر
على العموم هاذي اللي يحضرني حاليا واسمح لي عالقصور
المفضلات