المشاركة الأصلية كتبت بواسطة هاوي_01
http://www.arabtravelersforum.com/tr...0/#post1432370
ما شاء الله عليك أختي
كفيتي و وفيتـــــي
بصراحة شجعتيني على الروحة لها بس
ما دري اشلون جوها هالأيام
مثل جو الديرة ولا أبرد اشوي عشان
ما نروح ونموت من الحر
ويضيع الوقت على القعدة بالفندق !!!!
متعكم الله بكل خير
الله يسلمك ويخليك .
لا ما اانصحك تروح في هالوقت جوها نفس الكويت حر
لكن بالليل الجو بارد شوي ..
جوها الحين يصلح لـ:
اذا كنت من هواة البحر والسباحه :surf
في وقت النهارعندكالبحر تتسبح وفي رحلات بحريه لجزيرة مسكان وفي تأجير الجت سكي على البحر ..
او تقدر تتسبح بحمام السباحه التابع لفندق
فأفضل الصراحه فصل الشتاء ..
لان اقدر اطلع فيه بالوقت اللي ابيه والجو من اروع ما يمكن ..
هذا رأيي ..
وميرسي
المشاركة الأصلية كتبت بواسطة يم الدريشة
http://www.arabtravelersforum.com/tr...2/#post1449232
ماشاء الله ماشاء الله ماشاء الله
تقرير رااااااااااااائع
وشوقتينا لفيلجا وانا خبري فيها من ............ من .. والله ماذكر بس رحت مرتين منزماااااااااااااااااااااان
بارك الله فيج
اهلا فيك ..
مروورك الأروع تسلم وما قصرت عالكلام الحلو
وان شاءالله تروح لها الحين وتشوف التطورات ..
افتخر اني كويتي
اشوه انك من مؤيدي فيلجا ..
زعطوطه:
هلا حبيبتي .. اصلا فيلكا كبيره نسبيا تقريبا تعادي 6 مناطق من مناطق الكويت الكبيره ..
واكثرها بر .. يعني مستغلين مكان بسيط منها بس المكان كافي للسياحه ..
ولا تنسين ان البحر حواليج .. بس مو يعني بينج وبينه متر لااا .. مسافه كيلوات ..
وحياج الله
pink girl q8
اي صح انصحك تروحين لها في الشتاء افضل من الصيف .. وميرسي عالرد
المشاركة الأصلية كتبت بواسطة abdullah q8
http://www.arabtravelersforum.com/tr...1/#post1466381
تسملين احلى كيميائيه وجد موضوع تحسدين عليه تدرين على بالي انها جزيرة مهجورة بس تقريرج غير فكرتي عنها والصور مو طالعه عندي بس مبين انها روعه خاصة من تفاعل الاعضاء معاها :24:
لا بالعكس مو مهجوره ولا شئ..
بس ياليت تغير الشركه اللي مشترك فيها .. عشان يتغير معاك السيرفر وتشوف الصور بعيوونك ..
وتسلم ..
المكان عائلي لدرجة 100 % وانا كل ويك اند اهناك وعندنا بيت واهناك تفتيش من الميناء والمخفر اسوي جولات في الجزيرة انصحك فيها حتى القرية التراثية ممنوع يدخلونها شباب بس عوايل ويعني راح تاخذ راحتك ولا تحاتي واذا بغيت اي استفسار انا موجود واي خدمة حاضرين بس انصحك اتروح معاك سيارة عشان اتعيش جوك اهناك وتستانس لانة ماتحلى الا بالسيارة عشان تفتر بالجزيرة وتروح المشاتل وتشتري هالطماط والماجلة :109: والحلوى الفيلجاوية والطرشي والمنتجات الفيلجاوية مثل الفخار روح ودعيلي ولا تحاتي اخوي وانصحك اتروح بالعيد الوطني لانة المسيرة اهناك عجيبة عجيبة عجيبة وترى اتكون وناسة تبي معلومات اكثر انا حاضر :24::surf
شوف اخوي اول ماتنزل من الميناء روح على اليسار بعد برج الماء راح تطلع من الميناء بعد ماتطلع راح الف فيك الشارع راح تلقة على يمينك بقالة الحبايب ويسارك مركز شباب فيلكا سابقا بعدة على اليسار راح تشوف بيت مجدد في شقق غرفتين وصالح وعزك الله حمامين ب50 دينار لليلة واذا كملت الشارع في لفة على اليسار اتشوف فيها البحر لفها راح تطلع على البحر كمل اشوي جدام راح اتشوف مبنى على اليسار لونة اخضر هذا مطعم البالم بيش ويمة بقالة ومظلات على البحر واذا كملت اشوي راح اتشوف على اليسار كشك داخل البحر اشوي هذا حق تاجير الطراريد رحلات حق جزيرة مسكان واذا كملت راح اتشوف القرية على اليمين والقرية تحتوي على الاتي اول شي الرسبشن وعلى اليمين محل صناعات يدوية كراسي طاولات كله من سعف النخل ويمة محل اواني فخار وزجاج كل هذا من صنع فيلكا وبعها راح اتشوف قهوة بو ناشي وبالويه المتحف واليسار اللعاب اليهال وخيام وبيت شعر والقرية فيها بعد عيادة 24 ساعة ومطعم ورد وهيل ومطعم ومقهى ومطعم بيتزا ومحل حلويات وصاج انصحك بالحلوى الفيلجاوية عجيبة ومطافي 24 ساعة واذا طلعت من القرية راح اتشوف الفندق اسمة ايكاروس ويمة المطعم واذا فريت الصوب الثاني راح اتشوف شارع الوناسة يمينك القرية ويسارك بحيرة فيها قوارب اتحركهم بريلك وحديقة حيوان عزك الله مصغرة واسطبل خيل كبير واذا رحت صوب المسيد الكبير راح اتشوف على يمينك محطة البانزين ويسارك جدام المسيد تاجير البقيات واذا كملت سيدة راح اتشوف مشاتل فيلكا ومحطة الماء واذا رحت البر راح اتشوف البعارين ونسيت اقولك جدام القرية عند مطعم البالم بيج في تاجير هاليكوبتر بس سعرها والله مادري وانصحك اتروح اذا برد الجو خاصة بالاعياد او راس السنة او العيد الوطني المسيرة اهناك عجيبة وانصحك اذا عندك يهال خلهم بالعبارة السريعة نص ساعة واهم بالميناء اما البطيئة ساعة ونص طريج ومافي مكان تقعد بس تقعد بالسيارة وبالنسبة للجزيرة بس القرية والفندق والي قلتة لك وفي ناس ساكنين بالبيوت بس مو وايد يعني فيرجنا اهناك احنى 2 بيوت بس وانصحك ياخو اتروح لها ترى اسمونها الجزيرة السعيدة واي استفسار اخوي انا حاضر لاتستحي ترى اعين وعاون وانصحك اتروح بالسيارة لانة ماتحلا الا بالسيارة وناسة عائلية 100 % وناسة جو نظيف راحة وانسجام وهدوء بعيدا عن الضوضاء والزحمة مو مثل منتزة الخيران زحمة وسيارات وهرنات
ملاحظة :- يبعد مطعم البالم بيش عن القرية تقريبا 600 متر او اقل بقليل :surf:24::109::106::115::113:
المشاركة الأصلية كتبت بواسطة أحلى كيميائية
http://www.arabtravelersforum.com/tr...8/#post1514668
F9y
هلا فيك
بس شلون صاروا 9 ؟؟؟؟ وشنو اساميهم
الاخت احلى كيميائية تحية طيبة وبعد
الجزر التسعة هى :-
1 وربة 2- بوبيان 3- مسكان 4- فيلكا 5-عوهة 6-كبر 7- قاروه 8-ام المرادم 9- ام النمل
ايضا هناك جزيرة صغيرة عند ميناء الشويخ تسمى عكاز تحتوى على مواقع أثرية
المشاركة الأصلية كتبت بواسطة djomdd
http://www.arabtravelersforum.com/tr...7/#post1516837
الاخت احلى كيميائية تحية طيبة وبعد
الجزر التسعة هى :-
1 وربة 2- بوبيان 3- مسكان 4- فيلكا 5-عوهة 6-كبر 7- قاروه 8-ام المرادم 9- ام النمل
ايضا هناك جزيرة صغيرة عند ميناء الشويخ تسمى عكاز تحتوى على مواقع أثرية
والله فشله كويتيه وما اعرف انهم تسعه
ميرسي عالتوضيح وما قصرت
المفضلات