الموضوع: زيارتي إلى جزيرة فيلكا التابعة للكويت من تصويريي

السلام عليكم ورحمة الله وبركاته

إلى احلى منتدى .. العرب المسافروون:101:

هذا ثاني موضوع اضعه بين ايديكم

وان شاءالله ألقى الرضى عندكم ..

موضوعي عن :

جزيرة فيلكا .. التابعة لدولة الكويت

http://www.3adany.com/up
فطبعا الكل يعرف ان الكويت لها 7 جزر بس الجزيرة الوحديه المأهوله بالسكان هي جزيرة فيلكا
كانت فيكا جزيرة مأهوله بالسكان وبعد الغزو العراقي على الكويت تم طرد جميع أهاليها منها لجعلها قاعده عسكريه عراقيه .. والحمد لله ان تم التحرير .. ولكن بعد التحرير تم تثمين جميع البيوت لماليكها وشراء بيوت بالكويت .. وبعد مرور سنين .. تم عمل القرية التراثيه بواسطه فندق السفيرالكويتي ..

وكانت لي زيارات عديده للجزيره ..

تقريبا من بعد التحرير إلى الآن ... يعني وااايد

وهذه الزياره اللي الحين بين ايديكم كانت بتاريخ 4-1-2007م

بواسطه سفينة أم الخير

وكان سعر التذكره للسخص الكبير 7 دنانير كويتي ذهابا وإيابا وللطفل 5 دنانير شامله وجبة غداء أو عشاء .
بس الحين تغير السعر صار الشخص الكبير 12 دينار والصغير 8 دنانير (( وكل سنة تغلى وتغلى :112)

بالنسبه للسكن .. راح زوجي فندق السفير بالكويت وحجز لنا غرفة مطله عالبحر لفندق اسمه فندق ايكاروس في جزيرة فيلكا وسعر الغرفة 35 دينار كويتي أي ما يعادي 130 دولار .

وطبعا رحنا انا وزوجي .. وشرينا بعض المأكولات الخفيفه كالتوست والجبن كرافت (( أساس الرحله)) والعصاير وغيرها .. استعدادا للرحله ..

توجهنا قبل الرحله بيومين إلى مكتب حجز التذاكر للسفينه (( العباره)) اسمها أم الخير الموجوده في مرسى المارينا مول مقابل ستاربكس مارينا كريسنت فتم حجز تذكرتين والرجعه بعد 3 ايام .. لان حجز غرفتنا 3 ايام أي ليلتين ..



بداية الرحله بالصور ..

http://www.3adany.com/up
هذي صورة تبين موعد الرحلات القادمة والمغادرة لاحظوا التكنولوجيا باللوحه المغناطيسية:108:


http://www.3adany.com/up
التذكره .. ويكتب بها عدد الأشخاص


http://www.3adany.com/up
الصورة تبين السفينة ( ام الخير )


http://www.3adany.com/up
عند بداية دخولنا السفينة .. وكل واحد ماسك اغراضه بيدة ..


http://www.3adany.com/up
واضح البحر ... قبل ما نحرك ...


http://www.3adany.com/up
من الداخل .. طبعا تختار الكرسي اللي تبيه .. وأفضل مكان يم الدريشه :24: وتقريبا آخر الكراسي لسهوله النزول .


http://www.3adany.com/up
هذا مكانا في السفينة كرسيين بجانب البحر لاحظوا البحر بالدريشه اللي يمنا ..


http://www.3adany.com/up
جانب آخر من داخل السفينه ولاحظوا حداثة الأثاث :24:


http://www.3adany.com/up
قرر الكابتن ان تمشي السفينه وبالمكرفون نسمعه بالبداية سلم علينا .. وقالنا no SMOKING please ومعلومات بسيطه عن فيلكا وموعد الرحله الثانيه (( لان اغلب الناس ايوون يقعدون في فيلكا 3 ساعات ويرجعون :112: )) المفروض يحجزون عالأقل ليله عشان يستمتعون بالجزيرة ومرافقها 3 ساعات ما تسوي شئ !!!



http://www.3adany.com/up

اول ما وصلنا وكان القطار(( قطار الوطنيه )) بإنتظارنا .. يوصلنا ليه الفندق .. مع اغراضنا ..


(( تم الوصول بحمدلله إلى جزيرة فيلكا بالتحديد القرية التراثية التابعه لفندق سفير الكويت ومدة الرحله 25 دقيقة ))



ي
ت
ب
ع


عند وصولنا للجزيره ..

مواضيع عشوائيه ممكن تكون تعجبك اخترناها لك:

• افضل فندق في الكويت خمس نجوم وقريب من الأسواق والمجمعات
• ممكن طلب
• دول الخليج في يوم استفسار
• تقرير شمال الكويت
• مجمع الصالحيه
• ممكن جدول وفعاليات هلا فبراير
• الرياضة للجميع
• سؤال وارجو الرد عليه
• من حايل الى الكويت مرورا بأم رقيبة صور
• استفسار ضرووووري
• استفسار عن محلات الاحذية كنادر اكرمكم الله
• شقق الفروانية
• استفسار
• يوغرتينو للآيس كريم
• عندي استفسار من أخوكم رحال الإمارات
• ارجو المساعده اخوواني الله يجزاكم خير
• مطـــاعم وكــافيــهــــات الكــــويت متجــدد
• طلب بسيط على أهل الكويت
• برنامج سياحي ل ايام
• سؤال عن بعض المحلات

روووووووووعه متابعين معاج شوقتينا

ماشاء الله اخيرا موضوع شامل عن فيلجا


الله يعطيج العافيه يا بنت فيلجا يا الكيميائيه على التقرير ومتابعين معاج للاخر لاحلى الجزر

بانتظار باقي التقرير

zainna

اهلا فيج تابعيني وراح تشوفين اكثر ..

ناصر الكويتي

ان شاءالله يكون تقرير كامل ومتكامل ..

الله يسلمك ..

alrashedq8

تابعني .. واهلا فيك ..

والله روووووووووووووعة
يعطيج العافية
بالانتظار
ولاطولين علينا
التقرير مشوق

مسافرة كويتية

مروورج الأروع .. تسلميييييييييين

واااااااااااو

فيلجا اللي مارحتها :109:

اخيرا بشوفها في تقرير ,,,,,,,,,, كنت ناوية علية في سفرة جديدة وسبقتيني :115:

الله يذكر اختنا الباحثة بخير كان عندها بعد تقرير عن فيلجا


تسلمين يا أحلى كيميائية على التقرير اللي واضح من بدايته انه زين:24:


:113:ومتابعين:113:

تابع اليوم الأول تاريخ 4-1-2007م

حركنا الساعه 4:30 عصرا ووصلنا الساعه 5 بالضبط ..

اي استغرقت 25 دقيقة ..

مثل ما قلت لكم اول ما وصلنا للجزيرة كان باستقبالنا باص الوطنيه يوصلونا للقرية الرتراثية اللي فيها فندقنا

مع شوية هنود يشيلون الأغراض بس للأمانه ما قصروا شالو كل اغراضنا ووصلوهم للفندق واحنا كنا بالقطار

مستمتعين بالمناظر اللي نشوفها والجو البارد ..

صور من المناظر اللي شفتها ..



http://www.3adany.com/up
منظر عالشاطئ البحر ..


http://www.3adany.com/up
منظر آخر ..


http://www.3adany.com/up
منظر .. يوضح انواع شبك الصيد ..

http://www.3adany.com/up
نوع آخر من انواع طرق الصيد ( القرقور )

وعلى فكره كل هذي الشغلات موجوده جدام الريسبشن:24:



بما ان الليل قرب .. :112:

والشمس على وشك الغروب ..


رحت بسرعه التقط الصور بس من الناحية الثانيه

للفندق ناحية السفاري والبحيره الصناعية ..:108:



http://www.3adany.com/up
منظر ناحية البحيره .. وهذي البحيره فيها بط وتقدر تأجر قارب صغير سعره 0,500 فلس للشخصين لمدة ربع ساعه ..


http://www.3adany.com/up
منظر البط .. روعه



http://www.3adany.com/up
منظر ثاني...


http://www.3adany.com/up
مكان لقعدة العايله ..


http://www.3adany.com/up
ومع العرفج مادري شسمه


http://www.3adany.com/up
فوق البوووم ..


http://www.3adany.com/up
السفاري .. بجانب البحيره .. يحتوى على سطبل .. وممكن تأجير الحصان مع مدرب او مدربه .. الساعه 10 دنانير كويتي ..


http://www.3adany.com/up
صورة اخرى للأسطبل


وطبعا فيه (( قرود + نعامه + شوية طيور + الحصن ))

بس للأسف ما صورتهم ..


http://www.3adany.com/up
منظر آخر للبحيرة ..

http://www.3adany.com/up
البحيرة ايضا ..


بما ان عم الليل .. شوفوا الكويت من بعيد تبين ..
http://www.3adany.com/up



ي ت ب ع

مع الفندق والقرية التراثية



تابعوني ..

هلاوغلا بالكيمائية ""الله يستر من الاسم "":109::113:

سرد جميل وصور جميلة ورائعة

يعطيج الف عافية

دمتي بكل ود:smile125:

ماشالله اول مرة اشوفها...
بدعتى فى التقرير
شكراااا

رووعه .. ولا مره رحت لها من عقب الغزو ... ان شاء الله بروح بالربيع

بنتظار التكمله

مشكورة على الموضوع الحلو
انا ولا مرة رحتلها
مادري الحين تصلح انروحلها ولا حر؟
ولا احلى بالشتا؟

ناطرة موضوعج شوقتيني

رااااااااااااائع مشكوووووووووووور جددددددددددددداً

يعطيج العافيه اختي كيميائيه
بانتظار باقي الصور

شئ طيب ونادر على المنتدى
شكرا

روووووووووووووعة والله
انا مارحت لها ولا مرة بس بعد هالتقرير لازم نروح
واحنا بالانتظار

كل الشكر لـــــ المتواصليم معاي :

المسافره من قطر

deerpy

سايح من البلاد

q8tya

attractive149

طير المدينة

المرام

hamad123

مسافرة كويتيه


صراحة اللي ما زار فيلكا لازم يزورها ..

انا عن نفسي احس براحة نفسيه مو طبيعيه ..

حلوه بالصيف وحلوه بالشتا ..

بس انا افضل بالشتا .. وخاصه بتاريخ

1-يناير من كل سنه يعني براس السنه

او

تاريخ

25 فبراير عيد استقلال الكويت

لان تقام هناك المسيرات والحفلات الراقيه من قبل الفندق

تابعوني وراح اراويكم كل شئ ..

الفندق والقرية التراثية


واخيرا وصلت الفندق

(( اسمه ايكاروس فيلكا )):24:

وسعر الغرفة 35 كويتي يعني 125 دولار تقريبا بالليله


تابعوا الصور ..

http://www.3adany.com/up
لوحة تبين وصولنا للقرية التراثيه اللي فيها فندقنا ..


http://www.3adany.com/up
داخل الريسبشن ..


http://www.3adany.com/up
بوابه الفندق الرئيسيه

http://www.3adany.com/up
داخل اللوبي بالفندق المطل عالبحر


http://www.3adany.com/up
منظر آخر للوبي .. على فكره في غرف تكون بالدور الارضي وغرف بالدور الاول والافضل اللي بالدور الاول لانها مطله عالبحر ..

http://www.3adany.com/up
داخل الغرفة ..


طبعا حسافه ما صورت سرير غرفتنا :112:


وبعدين نمنا .. في سبات عميق ..:106:

وقعدنا من الصبح صلينا ونزلنا للريوق ..:24:

ولا تنسون ان مع الغرفة فطور= ريوق مجاني ..

http://www.3adany.com/up
المطعم من الخارج .. تابع للفندق وبجانب الفندق


http://www.3adany.com/up
باب المطعم للفطور


http://www.3adany.com/up
شكل المطعم من الداخل .. طبعا قعدنا من الصبح الساعه 6 وكنا اول الناس


http://www.3adany.com/up
صورة لبداية البوفيه.. بس ترى بوفيهم حلو وكل شئ فيه بس ما صورت الا هذا الجزء ..


http://www.3adany.com/up

الاكل ... تفضلوا ..

وبعد الفطور الشهي ..

انتقلنا للقرية التراثيه لنغوص فيها


http://www.3adany.com/up
صورة عامه للقريه التراثيه .. لاحظوا فندقنا بعيد

http://www.3adany.com/up
الدائرة اللي باللون الاحمر تبين الفندق من بعيد ..


تابعوني ..

يعطيج العافيه

يعطيج العافية على الموضوع بس بصراحة اتوقعت احلى من جذية
يعني الفندق عادي المفروض يعدلون جزيرة فيلجا صار لها اكثر من 15 سنة مهجورة والله تصلح جزيرة سياحية بس شكلها احلى بالشتا لان بالصيف راح ننشوي بالشمس

مشكورة على الموضوع و معاج ليه النهاية

حقيقه ماقصرتي وبرافو علي صور المميزه

يعطيج العافية عالصور الروووعة
واحنا متابعينج

تقرير روعه

وبصراحه ماقصرتي ..

الله يعطيج العافيه وتسلم ايدج

ومتابعين معاج ..

يعطيج العافية

نحن متابعين

دمتي بكل الود

شكرا لكل متابعيني .. واخص بالذكر :

( كويتيه)

Attractive149

Old Man

مسافره كويتيه

Un6be3y

Deerpy


ثانكس عالتواصل والمتابعه معاي ..

تكملة اليوم الثاني :

مشاهد من القرية التراثيه + المحلات الموجوده فيها

في خدمه في الفندق وهي تأجير سياره نوع جيب سوزوكي 2006

بس واايد غاليه الساعه اب 10 دنانير كويتي .. :112: بس قلنا يالله عشان نشوف الجزيره كلها

بس حسافه ما صورت الجيب .. ما عليه

المهم افترينا بالجزيره من اولها ليه اخرها حتى البر رحنا ..

شفنا هذي المحلات ..

http://www.3adany.com/up
بقالة الحبايب .. صج انها اسم على مسمى .. كل شئ فيها اللي ببالك واللي مو باله فيها يعني سوبر ماركت بس صغير ..


http://www.3adany.com/up
محطة بنزين .. شوفوها على ناحية اليمين ..



http://www.3adany.com/up
محل لتأجير الجواري = الدراجه .. الساعه اب 5 دنانير ..

http://www.3adany.com/up
بحيرة اللي حطيت لكم صور عنها .. فيها تأجير قوارب الربع ساعه اب نص دينار ..

http://www.3adany.com/up
شارع من شوارع فيلكا ..


http://www.3adany.com/up
الميناء = راس الارض .. هذي سفينه = عباره .. تنقل الركاب وبسيارتك الخاصه تنقلك من الكويت إلى فيلكا والعكس وقيمة التذكره للشخص ذهابا وإيابا 2,500 د.ك( دينارين ونصف) يا بلاش:24: وقيمة السياره ذهابا وإيابا 25,000 د. ك ( خمسه وعشرون دينار ).. هم سعر حلو ...


http://www.3adany.com/up
طبعا سفطنا السياره ونزلنا نآخذ لقطات عجييبه



http://www.3adany.com/up
صورة اخرى للبحر ..

http://www.3adany.com/up
مكان تأجير البجيات= الدباب (( ملاحظه لاحظه ان المظلات فاضيه لان الكل مأجر بجي ))


http://www.3adany.com/up
هذا المكان الخاص بتأجير البجيات = الدباب

http://www.3adany.com/up
نوع من انواع سيارات التأجير هذي تأجيرها بالساعه 15د.ك ..

والحين رجعنا للقرية التراثيه شوي ..

نشتري لنا شوية شغلات وإلا اشوف محل الحلوى ..

وادخل واصور ..

http://www.3adany.com/up
محل للحلوى .. بس ترى موجود بالقرية التراثيه يعني ما يحتاج سياره .. ويسوي الحلو جدامك وتآخذها طااازجه ولذيذه ..

http://www.3adany.com/up
طبعا شوي وصار المحل زحمه من الناس .. تتفرج + تتذوق + تشتري وعلبة الحلوى 2,500 د.ك ..

تابعووني

رحلتي للبر + البعير

طبعا تختار الكرسي اللي تبيه .. وأفضل مكان يم الدريشه






تقرير جميل جدا

وتوني ادري ان في عبّاره ازقرت مثل هذي ...
متعود على القديمه ام السيايير : )


وشكرا

الله يعطيج العافيه اختي الكيميائيه
صراحه ما توقعت فيلجا جذيه كنت احسبها خرابه
شوقتينا لزيارتها انا ما رحتلها من ايام الطفوله قبل الغزو
ناطرين باجي التقرير الحلو

المشاركة الأصلية كتبت بواسطة يم الدريشة
http://www.arabtravelersforum.com/tr...1/#post1405531

تقرير جميل جدا

وتوني ادري ان في عبّاره ازقرت مثل هذي ...
متعود على القديمه ام السيايير : )


وشكرا




احلى شئ اني كاتبه نك نيمك وانا مادري

يم الدريشه

خوش نك

تدري مرات انا وزوجي نتهاوش منو يقعد يم الدريشه ..

في أغلب السفر ات

ثانكس على متابعتك ..

واكيد تغيرت وايد فيلجا .. وفيها عبارتين ( ام الخير ) و( بنت الخير )

خاصين لفيلجا ..

هلا درر الكويت

صح فيلجا ايام الغزو خربوها وايد ..

بس الحين عدلوا جزء منها ..

بس بشكل عام تستحق الزياره ..


وشكرا لمتابعتج ..

تابع لليوم الثاني ..

طبعا مثل ما قلت ان تم استأجار سياره .. من قبل الفندق ..

ولفينا فيلجا كلها .. وصلنا لبر فيلكا ..

واحنا نفتر بالبر .. وإلا نشوف كومة بعران من بعيييييييييييد

واقول له روح خل نشوف .. يضحك علي يقولي شنو ياهل مو شايفه جمال من قبل

اقوله لا ودي اشوف عن قرب .. (( شفيها !!!! )):109:

المهم قربنا حيل منهم .. والا اشوف الراعي يأشر بيده ..

يقولنا نزلوا تعالوا ..

ما صدقنا خبر

نزلنا .. نشوف شعنده ..

وقعد يقص لنا قصه كل بعير وناقه

وسوالفه حلوه

واهو سوداني الأصل ..

اهو وولده ..

وقال ان هذا الحلال (( قصده الجمال كلهم )) خاص بولد الشيخ صباح الله يحفظه ..

وصراحة استمتعت وايد وما ودي اوخر عنهم ..

اول مره بحيااااتي وعن جد المس بعير وأوكله بيدي :109:

صج حسيت بمتعته ..

شوفوا الصور ..


اكتشفنا هالبحيره بالبر
http://www.3adany.com/up
وطبعا ناتجه من ماي المطر .. اكيد ..


http://www.3adany.com/up
الراعي وولده ..

http://www.3adany.com/up
صورة معبره


http://www.3adany.com/up
الراعي والناقه والله وانشهرت يا الراعي صورك بالنت


http://www.3adany.com/up
كنت اعطيهم خبز وشوفوهم شلون تيمعوا صوبي ..:24:


http://www.3adany.com/up
متيمعين صوبنا ..

http://www.3adany.com/up
اوكله بيدي

http://www.3adany.com/up
منظر اعجبني ...


بالاخير الراعي ماقصر قال ما تروحون إلا لما اشربكم من حليب الناقه

وانا وريلي قعدنا نطالع بعض :108: ...

نشرب وإلا لاء ...

بالاخير قررت وقلت بشرب وانت وكيفك ..

بديت انا .. طعمه حلو .. بس شربت شويه ..

وبعدين اهو شرب شوي ..

وما قصر الراعي .. جدامنا حلب الناقه وربط ريلها وبثواني وإلا الطاسه مترووسه

http://www.3adany.com/up


ويعطيه الف عافيه عالضيافه ..:113::113::113:


http://www.3adany.com/up
تفضلوا حليب الناقه



http://www.3adany.com/up
صوره معبره ...


بهذي الصورة اختم تقريري مع البعران


طبعا رجعنا الفندق ..

بعد يوم حافل بالمغامرات ..

وردينا السياره ..

تابعوني باليوم الأخير ..

يوم الطيران العالمي..

ما شاء الله
تقرير جميل ورائع

وتبقى فيلكا احلى الجزر

انا عن نفسي زرتها مرتين .. مره بالصيف ومره بالشتاء
وزيارة الشتاء كانت اجمل

وبالنسبه للقريه التراثيه فيها بيوت كويتية قديمة للتاجير تتبع الفندق
بالنسبه لي هي اجمل كثيرا من الفندق .. تخلي الواحد يعيش الجو

وطبعا زرنا بيت واحد من الربع بفيلكا وكان يشغل الكهرباء فيه عن طريق مكينة = موتور كهرباء

جو الهدوء والانقطاع عن حياة المدينة جميل جدا ويعطي شعور رائع بالرائحه والسكينه ويعيد النشاط من جديد

تحياتي

يعطيج العافية روووووووووووعة التقرير

ماشاءالله حلوة فيلكا:24:

بس ياليت يهتمون فيها اكثرررررررررررررررررررر:112:

فارس الكويت ..

ميرسي على اضافتك المزيد لتقريري ..

وكلامك صح اكثر اهل فيلجا يقعدون في بيوتهم الأساسيه

ويحطون لهم مكينة كهرباء ..

ومثل ما قلت راحه نفسيه مو طبيعيه ... (( هذا اللي انا قلته وانت الحين اثبتلي هالكلام ))

وكل الشكر لك ..

مسافره كويتيه

شاكرتلج اهتمامج ومتابعتج لي ...

المسافره من قطر...


تسلكمين حبيبتي على الرد .. والمتابعه

على فكره ترى كل ما ازورها سنة عن سنه تتغير وايد بنظري

والعمال يشتغلون فيها 24×24 ساعه

ويعطيج الف عافيه

ماشاء الله كفيتي وفيتي

اختي أحلى كيميائية
انا انشاء الله راح ازورها في عيد الاضحى هل الوقت مناسب

بس ابي اسالك سوال وش صار بعد ماجربتو حليب هههههههههههههه

تابع لليوم الثاني ..

بعد ما رحنا عند البعران


ولمسناهم وسولفنا معاهم وشربنا حليب الناقه


رجعنا الفندق وكلنا شوق لهم ..


طبعا رجعنا واخذنا شور وريحنا شوي .. وقررنا ان نتغدى في مطعم اسمه (( ورد وهيل))

تابع لفندق سفير .. وموجود بالقرية التراثيه .

رحنا المطعم .. والحلو فيه ان كل غرفه تكون بروحك قاعد فيها واييب لك طلبك الخاص

يعني كأنك قاعد بكبينه .. المهم طلبنا ..

http://www.3adany.com/up
صوره من احد غرف المطعم .



برياني دياي وهذي صورته
http://www.3adany.com/up


وكان الحساب لشخصين مع مقبلات بس للأسف ما صورت 9 دنانير كويتي ..


وبعدها رجعنا الفندق وصلينا العصر وريحنا شوي ..

قعدنا نخطط وين نروح .. لان في اشياء على البحر وايد ما قربنا صوبها مثل البرشوت والهوليكوبتر وسفينه صغيره تمرين حول فيلكا وانت فيها لمدة ساعه ونص ..


المهم لبسنا .. وطلعنا .. تمشينا على ريونا لان المسافه مو بعيده .. بين الفندق والبحر ..

ورحنا عند مكان على البحر اسمه الحامي ..

http://www.3adany.com/up
وللعلم هذي مو من تصويري .. من تصوير اخوي لما راح فيلكا .. فحطيتها بموضوعي عشان تشوفون شكل الحامي اللي صورنا فوقه ..


http://www.3adany.com/up
هذا اللي اقصده .. مثل ممر طويل تمشين فيه وحوالينكم البحر .. واهوا قبال فندقنا بالضبط .

http://www.3adany.com/up
صور للبحر يعني حركات (( حريفة تصوير ))


فمشينا على البحر تقريبا 4 كيلو .. لين وصلنا لمكان .. خاص بالهيلوكبتر ..

فقربنا صوبه .. ونشوف عامل هندي واقف سألناه .. شسالفة الهيلوكبتر

قال ممكن تستأجرها من الفندق وتشوفون فيلكا كلها من فوق ..

ياسلام خوش فكره ..:24:

بعد تشاور دام 5 دقايق ..

قررنا ان نركبها ..

بس العامل الهندي ما رضى إلا اول شئ نروح الريسبشن وندفع التذاكر

وبعدين نرجع له ..

قلنا اوكي..... وما في احلى من الهوليكوبتر نتعنى لها ..

ونرجع للريسبشن وبعد مشارورات دامت دقايق ,.

قال ان سعر الشخص 15د.ك ( خمشة عشر دينار كويتي اي تعادل 50 دولار )

ومدة الرحله ربع ساعه فقط ..

وان لازم نلتزم بشروط الطيار اللي معانا ومن هالكلام

وطبعا وقعنا على ورقه ان احنا نتحمل مسؤلية نفسنا

في حالة تعرضنا للضغط او غيره

وهات يا قلم ووقع

رجعنا للهيلوكبتر ..

وللعلم اهي فقط لشخصين .. الهيلوكبتر + الكابتن ومساعده ..

رحنا الهيلوكبتر وعلى ما قعدنا داخل الطياره ولبسنا ملابس الوقايه + سماعات للإذن

وبعد دقايق وصل الكابتن + مساعده (( جنسيتهم ايرلنديه ))

وبعد ما قال الكابتن شرووطه .. من ضمن الشروط اللي ما اعجبتني

ان لازم اسكر الموبايل :112: عشان لا تأثر على اجهزة الملاحة الموجوده بالطياره

قلت له انا بصور .. قال ممكن اي كاميرا عاديه بس من الموبايل Not allowed

صراحه كنت مقرره ان انزل وشالفايده اروح فوق فيلكا وما اصور

قالي زوجي قعدي شوفي بعينج كافي ..

قعدت وكلي عصبيه :110:

المهم قرقت وايد شوفوا الصور ..

http://www.3adany.com/up
هذا الهندي اللي قلت لكم عنه ..

http://www.3adany.com/up
صورة ثانيه

http://www.3adany.com/up

هذي صور الهيلوكبتر .. حدها صغيره بس توفي بالغرض

صراحه على كثر سفراتي .. إلا إنني استمتعت واااااااايد

بهذي الدقايق فوق سماء جزيرة فيلكا ..

وانصحكم فيها ...


وبعدها .. رحنا قعدنا بالقرية التراثيه ..

في الكافيه ..

وطلبنا السحلب الدافي

والجاي ..

بس للأسف ما صورت الكافيه ..

تابعوني باليوم الأخير ...

المشاركة الأصلية كتبت بواسطة mhsin
http://www.arabtravelersforum.com/tr...7/#post1412467

ماشاء الله كفيتي وفيتي

اختي أحلى كيميائية
انا انشاء الله راح ازورها في عيد الاضحى هل الوقت مناسب

بس ابي اسالك سوال وش صار بعد ماجربتو حليب هههههههههههههه




اهلاmhsin

عيد الأضحى راح يكون في فصل الشتا ..

نصيحتي نروح لها وقت الشتاء .. افضل من الصيف ..

لووووووووووووووووول .. بالنسبه للحليب .. ما اقدر اقول غير اننا حرمنا نشرب منه بعد

ميرسي عالمرور ..

هلا وغلا باحلى

منابعين

ما شاء الله مخلتي شئ ما صورتيه حتى الجمال

لا تتاخري

دمتي بكل الود والتقدبر

عشرة على عشرة ..
تسلم الأيادي على هالموضوع المرتب
فيلجا من اجمل الأماكن بالنسبة لي لما تحمله هذه الجزيرة من ذكريات وطفوله عشتها في تلك الجزيرة .
فيلجا بالنسبة لي وطن بكل ماتحمله هذه الكلمه من معنى ... فهي من عبق الماضي وإشراقة المستقبل بإذن الله ...

رحلة موفقة :x1:


اسمحيلي ببعض الصور الأخرى عن معشوقتي فيلجا..
شكراً :101:


هذه خريطة جزيرة فيلجا المعروضه عند مدخل الفندق
https://travel.maktoob.com/photo/upl...7472/5_131.jpg


دائما الهدف الأساسي من الرحلة للجزيرة يكون بهدف الحداق (صيد السمك ) وهذا قرقورنا مع حصيلة الصيد البسيطه لذلك اليوم ....

https://travel.maktoob.com/photo/upl...N0042_copy.jpg


وهني بأحد برجان الجزيرة ( الفندق ) ....
قلت لازم امر اسلم على الخطابه
https://travel.maktoob.com/photo/upl...47472/7_51.jpg

:109:

deerpy

هلا فيك .. اي لازم اصور كل شئ عشان تشتاقون لروحة فيلجا ..

وميرسي على التواجد والمتابعه

إيكاروس ..

اهلا فيك .. ميرسي على المجامله الحلوه

والمداخله الأحلى ..

بس حسافه ما طلعوا لي كل الصور .. بس صورة السمج بالقرقوور (( خوش حصييله ))

واذا انت من عشاق الجزيره انا اكثر ..

وللعلم :
نك نيمك .. معناه اسم جزيره فيلكا ..لما الأسكندر الاكبر سكن بفيلجا سماها ايكاروس ومعناها ارض الجمال والخضره .


ميرسي يا الغالي ..

السلام عليكم


تقرير ممتاز وصور جميله , احنا تونا رادين منها قبل يومين بس اتصدقين مالقينا القطار , يمكن يستخدمونه بالشتاء فقط !؟

judo

هلا فيك ..

زين حلو انك توك راد منها ..

يمكن يستخدمونه بس بالشتاء .. ما عندي هالمعلومه والله

ثانكس عالرد

مادري شسالفة الصور معاي ماتفتح !!
لا هني وله بموضوع نزلته وخربت السالفه !

محاوله اخرى علشان مدرسة العلوم :101:


خريطة فيلجا عند مدخل الفندق




انا في احد فرجان الفندق ..وعند باب الخطابة مكيه













وللعلم :
نك نيمك .. معناه اسم جزيره فيلكا ..لما الأسكندر الاكبر سكن بفيلجا سماها ايكاروس ومعناها ارض الجمال والخضره .



سبب الأسم اعرفه ,, ولكن الجديد بالموضوع هو ما يحمله الأسم من معنى ..
شكرا على هذه المعلومه الجديدة .

اهلا ايكاروس ..

زين اشوه عرفت معنى نك نيمك


تابعني مع آخر صفحه ..

اليوم الاخير

ويعتبر اليوم الثالث لي بالجزيره ..والاخير:110:

كلي حزن لفراقي لهذه الجزيره

الراقيه بشعبها .. وبرقة نسيم هواها .. وبقوة شده بردها ليلا ..

ومطرها الندي .. وبحرارة شمسها نهارا ..

قعدت من النوم .. وجهزت اغراضنا .. من ملابس وغيره ..

ونزلنا تريقنا ( تفطرنا ) ..

وهذا آخر ريوق لنا..

ورجعتنا للكويت كانت الساعه 5 عصرا ..

ولازم نطلع من الفندق الساعه 1 ظهرا ..check out

فاليوم خليناه بس تمشي بالقرية التراثيه ..

وشراء بعض الهدايا ..

كالحلوى .. والطرشي ..

اكتشفت ان فيها حمام سباحه بس للاسف ما ينفع السباحه فيه لاننا كنا بفصل الشتا.. واحنا ندور الدفا

شوفوا معاي بعض الصور المتفرقه من الجزيره ..
http://www.3adany.com/up
صورة للساحه الخاصه بالقريه التراثيه ولاحظوا المطر ..



http://www.3adany.com/up
صورة للساحه الأساسيه للقريه التراثيه ..
ولاحظوا ان نشف المطر ..

http://www.3adany.com/up
رحنا نتمشى بالقريه .. طبعا نسيت اصور في ملعب للكره مجهزة بالكامل وفي حديقة صغيره للعب الصغار ..
وفي بقاله ( سوبر ماركت صغير ) داخل القريه في جميع ما لذ وطاب . .


وفي محل الحلوى يسوي سندويتشات عالصالج .. سعر السندويشه = الصمونه ,500فلس نص دينار يعني ..


http://www.3adany.com/up
صورة من شاطئ الجزيره ..

بعد ما تغدينا سندويتشات حلوم بالصاج .. مع الشاي الساخن ..

قررنا نروح هالمكان ..

عند تأجير البجيات ..= الدباب ..
http://www.3adany.com/up
بس اخذنا للي شخصين .. سعره بالساعه 8 دنانير ..كويتي ..


http://www.3adany.com/up
وبعدين البانشي .. سعر الساعه 6 دنانير ..


http://www.3adany.com/up
هذي الصوره للقرية التراثيه بس بالليل ..


واختم موضوعي .. البسيط بهذه الصوره
http://www.3adany.com/up



واتمنى اني كنت كفيت ووفيت بموضوع فيلكا ..

لان والله عندي يمكن اكثر من 800 صوره ..

اخترت الافضل .. والانسب لكم

واتمنى لكم رحله سعيده


واذا حابين تتعرفون اكثر عن الجزيره

تقدرون تدخلون هالويب سايت الخاص بالقرية التراثيه ..

وتشوفون يديدهم ..صراحه شفت وايد شغلات يديده مثل :




صور توضح الكافيهات اليدد + المطاعم ..
صورة توضح كافيه هذا قعدت فيه .. وفي عامل اسمه ( عصمت) مصري ما يقصر معاك


وللأطفال نصيب ..


صورة للريسبشن ..



هذا اللي قلتلكم عنه ..بس ما صورته ..
MASKAN ISLAND CRUISES

MASKAN 1 : 8 passenger capacity, KD 16

MASKAN 2 : 10 passenger capacity, KD 20

MASKAN 3 : 12 passengers, KD 24

مكتوب عدد الأشخاص + السعر .. طبعا يوديكم لجزيرة مسكان مع وجبه او بدون وجبه

ويكون سعر الشخص 2,500 د.ك ..

عموما كله مشروح عندكم بالسايت ..

وكلي رحابة صدر بالرد على اي استفسار ..
http://www.failakaheritagevillage.com



مع ألف سلامه

اهلا فيك

..

الله يسلمك وميرسي على مروورك وردك بصفحتي ..

ماشاء الله عليج اختي همه ونشاط الحين عرفت شنو سبب النشاط عبالي في خلطع سريه تسوينها لكن من شربتي حليب الناقه وانتي شعله من النشاط ماشاء الله كثري منه لانه اول مره يسوي بلاوي وبعدين عادي

الحقيقه التقرير روعه ويشرح كل شي وان شاء الله لي زياره لاحلى الجزر فيلجا الحبيبه والله زمااااااااااان


عندي في الدوام فيلجاوي ماراح لفيلجا من الغزو وما يبي يروح اقوله خلنا نروح تصير لي مترجم يرفض ههههههههههههههههههههه



لكن ان شاء الله رايح لها بعد رمضان وباخذ سيارتي معاي اعتقد احسن الواحد يكون معاه سيارته ولا اشرايج

المشاركة الأصلية كتبت بواسطة ابن القويعية
http://www.arabtravelersforum.com/tr...4/#post1423054

رحلة رائعة بكل ماتحمله هذه الكلمة من معنى

استمتعنا كثيراً بالرحلة
وان شاء الله ستكون لي زيارة لجزيرة فيلكا فالتقرير مغري جداً لزيارة هذه الجزيرة ، وسأخطط لذلك عند زيارتي للكويت الحبيبة

وفيلكا بداية للسياحة المتميزة و ستكون محطة للسياحة العالمية ، إذا طورت واستثمرت سياحياً

وأشكرك كثيراً أختي أحلى كيميائية على هذا التقرير الأكثر من رائع والمتميز جداً




[mark=FF3300]اهلا فيك ..

شرفني حضورك في موضوعي ,,

واكيد جزيرة فيلكا من الجزر المهتمه فيها الدوله من ناحيه السياحه

ويوم عن يوم نشوف اليديد فيها ..

وان شاءالله تروح لها وتنور قسمنا بتقريرك ..[/mark]

المشاركة الأصلية كتبت بواسطة ناصر كويتي
http://www.arabtravelersforum.com/tr...4/#post1423414

ماشاء الله عليج اختي همه ونشاط الحين عرفت شنو سبب النشاط عبالي في خلطع سريه تسوينها لكن من شربتي حليب الناقه وانتي شعله من النشاط ماشاء الله كثري منه لانه اول مره يسوي بلاوي وبعدين عادي

الحقيقه التقرير روعه ويشرح كل شي وان شاء الله لي زياره لاحلى الجزر فيلجا الحبيبه والله زمااااااااااان


عندي في الدوام فيلجاوي ماراح لفيلجا من الغزو وما يبي يروح اقوله خلنا نروح تصير لي مترجم يرفض ههههههههههههههههههههه



لكن ان شاء الله رايح لها بعد رمضان وباخذ سيارتي معاي اعتقد احسن الواحد يكون معاه سيارته ولا اشرايج





[mark=FF6666]:109::109::109: لا حرمت اشرب حليب الناقه بعد


اي انصحك تروح بسيارتك ..

وان شاء الله اذا قررت تروح لها بس قولي عشان اقوولك وين تروح وشنو الإجراءات اللي تسويها حق سيارتك ..

ويفضل تروح لها بوقت الشتا افضل من الصيف .. [/mark]

هلا وغلا باحلى كيمائية وانا اقول احلى فيلجاويه

يعطيج ربي الف عافيه على هذه الصور الجميلة والتقرير الجميل الرائع

دمتي بكل الود والتقدير

Dreeby

اهلا فيك مره ثالثه ..

ميرسي على متابعتك لي ..

بكل صفحة من صفحات موضوعي ..

الله يعطيج العافيه اختي كيميائيه بنسبه لجزيرة فيلجه انا اخر مره زرتها فبراير وبتحديد بلعيد الوطني
بس رحتلها على طرادي الخاص ومريت مسكان وكانت الرحله حلوه
بس بعرف شلون ركبتي اطياره 15 دينار وانا ركبتها 30 دينار :110:
يعني خصم للعائله ولا شلون
ونشائالله تكرير الزياره لفيلجا وتكررين شرب حليب النياق هههههههه
للعلم حليب الناقه اذا مانفع لا يضر
وملاحظه انا قصيت التذكره انا والربع من كشك صغير لحجز الطائره مو من الفندق
بس كان بيومها زحمه والعيد الوطني ووناسه ورقوه وبانشيات
وشباب الكويت مايقصرون كل واحد شايل سيكله بلعباره وفراره بلجزيره :109:
ماعلي انشالله نكرر الزياره لحبيبتنه فيلجا
مشكوره اختي كيميائيه على التقرير والصور الرائعه

المشاركة الأصلية كتبت بواسطة kwuait_ Airways
http://www.arabtravelersforum.com/tr...2/#post1426322

الله يعطيج العافيه اختي كيميائيه بنسبه لجزيرة فيلجه انا اخر مره زرتها فبراير وبتحديد بلعيد الوطني
بس رحتلها على طرادي الخاص ومريت مسكان وكانت الرحله حلوه
بس بعرف شلون ركبتي اطياره 15 دينار وانا ركبتها 30 دينار :110:
يعني خصم للعائله ولا شلون
ونشائالله تكرير الزياره لفيلجا وتكررين شرب حليب النياق هههههههه
للعلم حليب الناقه اذا مانفع لا يضر
وملاحظه انا قصيت التذكره انا والربع من كشك صغير لحجز الطائره مو من الفندق
بس كان بيومها زحمه والعيد الوطني ووناسه ورقوه وبانشيات
وشباب الكويت مايقصرون كل واحد شايل سيكله بلعباره وفراره بلجزيره :109:
ماعلي انشالله نكرر الزياره لحبيبتنه فيلجا
مشكوره اختي كيميائيه على التقرير والصور الرائعه







احلى شئ بالعيد الوطني ..

انسب وقت وانا بعد كنت هناك ..

وكانت المسيره شئ مو طبيعي ..

وعندي وايد من صور المسيره ..

بس مو وقتها الحين احطها ..

وبالنسبه للشباب اكيد كل واحد يايب بانشيه او سيكله

بالعباره ام 2،500 .. ارخص واوفر .. ويتحملون الساعه ونص لعيون فيلجا ..

والطياره والله قصينا اب 15 دينار ...

الله الحين 30 ؟؟؟؟؟ وااااي ؟؟؟

يعني حتى في الطياره زادو السعر ؟؟؟

ياربي ..

واحسن شئ تروح بطرادك الخاص لا تذاكر ولا عوار راس وثلث ساعه وانت واصل احلى الجزر

منور صفحتي ..