الموضوع: محتار بين هالفنادق

السلام عليكم
محتار وين اسكن في ميونخ من 17 -6 الي 20-6
اولا ..
Mercure Hotel München Neuperlach Süd

غرفه ثلاثيه ب 1569 ريال ..

ثانيا ..

Novotel München City

غرفه ثلاثيه ب 1656 ريال

ثالثا ..

هولدي ان 1809 غرفه عائليه

رابعا ..
Eurostars Grand Central


غرفه ثلاثيه ب2689 ريال

خامسا ..

Citadines Arnulfpark Munich


2408 ريال شقه فندقيه

ياليت رايكم في اقرب فرصه لكي اتم الحجز ولكم مني جزيل الشكر والعرفان

مواضيع عشوائيه ممكن تكون تعجبك اخترناها لك:

• بادن بادن قارمش او فوشن
• ايام في ميونخ ابو عمر اقتراحاتك
• مساعدة لخط سير الرحله لألمانيا ارائكم واقتراحاتكم
• ما أفضل الطرق للذهاب من مطار فرانكفورت الى ميونخ
• بسافر المانيا لشراء شاحنه
• طلب الفزعه
• ممكن تعطوني رايكم بالفندق هذا ؟
• ما هو افضل السكن في اليورب بارك والتنقل منها أو السكن في فرايبورغ
• جدول ايام في ميونخ
• انا بكرة ان شاء الله في ميونخوعندي كم سؤال
• مساعدة في التخطيط اذا ماعليكم امر
• لــيــنــداو
• إستفسار هـآآآم عن أرخص مكاتب الإيجار في ألمانيا و خصوص ميونيخ و فارليسنق
• لاهل الخبرة والتجربة مكان مختلف مميز ممتع
• استفسار عن افضل موقع للسكن في ميونخ
• ‏ احد جرب هالفندق بميونخ؟؟؟
• محتار ثلاث ايام في رست فين اروح فيها
• شهر العسل في المانيا
• خبراء المانيا وفرنسا ساعدوني ولكم المفطح
• ميونخ النمسا لقضاء شهر العسل في شهر ديسمبر ساعدوني بليز

هلا فيك رقم 5

ان شاء الله بتعجبكم

تحياتي

رقم 4 و 5 قريبه من بعض جدا وكلهم قدامهم محطه للترام

ولكن رقم 4 الفندق افخم من الشقق قليلا ومايميزهم جميعهم فيهم مكيف

بس رقم 4 فندق يعني مافيه مطبخ

واما رقم 5 شقق فيها مطبخ وفيها غساله ونشافه ملابس تحت

واللي اعرفه في رقم 5 بما اني جربتها الصيف اللي فات انه فيها ماكينه تحت لانواع القهوه كلها والشاهي مجانا وما

انصحك تدفع زياده للفطور لان فيه مخبز قريب منهم ممكن تشتري منهم الكروسون والخبز الالماني لايفوتك

بس الشقق فيها بانيو ومغسله لوحدها مقاسها ممتاز جدا

ودوره المياه منفصله لوحدها والعيب انها ضيق قليلا والتنظيف يومي وتغير المناشف (رغم انهم حاطين مناشف بالدولاب تكفي شهر)

بمبلغ اضافي لان عندهم التنظيف بالاسبوع

واذا تحب الجو الخليجي اسكن فيها لان كل السكان فيها عوايل خليجيه
والحلو فيها لغير المدخنين

بس الفندق ما اعرف وش فيه وما فيه

وترى ما في جنبهم سوبرماركت كبير احنا كنا نقضي بحكم اننا نطبخ بالشقه من كارل بلاتز هناك عند محطات المترو تحت الارض فيه سوبرماركت نشتري منهم واحنا راجعين

اخيرا .. الفرق بالسعر بينهم ليس كبير واذا ما يهمك المطبخ افضل تسكن بالفندق

رقم 5 و عن تجربة اقولك انها شقق ممتازة وفي سوبرماركت قريب خلف البناية المقابلة (Hostel ) فندق الشباب

اختي الله يسعدك علميني بالضبط وين موقع السوبرماركت لان انا واهلي تعبنا ندور على بقاله قريبه منها

ياليت تشرحين لي اكثر الله يجزاك خير

جزاكم الله الف خير الله يسهل ان شاء الله العصر راح احجز وراح اطرح هنا الشقق الي رسيت عليها

بنت حواء .. بحكم سكنك فيه هل يعتبر فخم رقم 5 لاني يهمني الفخامه ..

ليش ماتشوف شقق adagio الجديده الا راح تفتح بعد كم شهر
في موضوع عنها وانا حاجز فيه ان شاء الله

الشقق في ميونخ قليله ونادره واكثرها مكروفه واما الشقق الحلوه فقط

رقم 5 وشقق ماكسيمليان والحين شقق adagio اللي راح تفتتح في شهر مايو

اذا تبغى الافخم اختار رقم 4

اما اذا يهمك وجود المطبخ كما ذكرت سابقا اختار رقم 5

الاثنين فخمين بس اتوقع الفندق افخم

ترى فيه تقرير لي عن الفندق ممكن تبحث عن طريق قوقل وان شاء الله تلقاه كل شي صورته

الف شكر بنت حواء على ردك الطيب انا خلاص حجزت على رقم 5 لان المطبخ مهم بس مادري عن الاسعار احس انها غاليه
حجزه في ميونخ .رقم 5 ثلاث ليالي
وفي الكابرون Residenz an der Burg by Kaprun Rentals ست ليالي
وفي سالزبورغ Hotel Auersperg Salzburg ليلتين مع الافطار

السعر للكل ب7800 ريال ... هل السعر مناسب علم ان الشقق والقنادق كلها اربع نجوم وعدد الليالي 11 ليله ..

حق ميونخ وكابرن ممتازين جدا وانا عارفه انه شقق ميونخ غاليه والسبب انها مميززه واغلب الشقق الاخرى مستواها مدمور وقديمه اما هذي جديده في عام 2009 وكمان الفنادق والشقق اللي فيها مكيف دايم اسعارها اغلى من البقيه لانها نادره والطلب كثير عليها

اما في سالزبورغ الفندق مجدد قريبا بس بعيد عن السنتر واقرب للنهر ومع الفطور بس بدون مكيف على ما اعتقد

اذا كنتوا شخصين ويهمك وجود المكيف خصوصا في سالزبورغ ما تضمن الجو شوف رمادا

لا احنا اكثر من شخصين معنا طفلين .. بس كيف حق سالزبورغ فخم ويستهال سعره
اما بالنسبه للكابرون غيرت الحجز الي شقق
Avenida Residenz an der Burg by Alpin Rentals.com ان شاء الله تكون افضل ووفرت 500 ريال عن الحجز الاول بس مدري هل فيها كرت تبع التخفيض للاماكن السياحيه ؟؟؟

اي فندق قصدك اللي في سالزبورغ ؟؟

اما اللي في كابرون ممكن ترسلهم وتسالهم وفيه بعض الفنادق والشقق بكون التخفيض جزئي وليس كامل انا واهلي اخذنا فيلا في كابرون وكان التخفيض 10 او 20% فقط
وفيه بعضها الدخول مجاني لاغلب المناطق

الشقق اللي اخترتها في كابرون رائعه جدا وموقعها حلو

بنت حواء ... تقصدين الشقه الي في كابرون الاولي او الثانيه الروعه جدا


فكرت اني اغير حجزي في سالزبورغ انا مخليها ليلتين مع الافطار في Hotel Auersperg Salzburg
لو اخليها ليله وحده فقط يوم الوصول ومن اليوم الثاني اسوي تشيك اوت ونتمشا بالسياره في سالزبروغ وبعد مالفها اتوجه الي الكابرون وازيد ليله على الكابرون بدل ست اخليها سبع كذا افضل !! وش رايك ؟؟

وراح يطيح مبلغ حلو لان في سالزبورغ الفندق اغلا من شقه الكابرون ب400 هذا غير ان سياسه الشقه في الكابرون اذا كانت اقامتك سبع ليالي واكثر تطيح الضرائب ال 50 يورو حسبتها تصير تقريبا فرق 700 ريال توفير رايك يهمني في التخطيط ..

وبالنسبه لسالزبورغ وش رايك افضل فندق
Hotel Auersperg Salzburg غرفه رباعيه مع افطار اليوم ب940 ريال او
فندق
Radisson Blu Hotel & Conference Centre غرفه لشخصين مع الافطار ب892 ريال


ومكتوب ان الاطفال دون 12 سنه الاقامه مجانيه .. انا اطفالي 8 و 4 سنوات
اي الخيارين افضل
اتمني الرد باسرع وقت حتى يمكن الغاء الحجز والتغيير قبل لا يفوت الفوت ...
اسف اتعبتكم معي بس وش اسوي ابي الرحله تكون موفقه بعد توفيق الله ثم مساعدتكم الله يجزاكم الف خير

الخيارين اللي في كابرون ممتازين وقريبين من بعض شوف اللي

يناسبك سعره والاحلى بالنسبه لك واحرص على وجود شرفه واختار

الدور الثاني عشان تتستفيدون منها


اذا بتخليها ليله واحده في سالزبورغ لازم تطلع بدري من المدينه اللي

بتكون فيها سواء ميونخ او فيينا عشان توصلها بدري وتقدر تتمشى فيها

وتستفيد من هذا اليوم بالتجول داخل سالزبورغ وتام ذيك الليله

واليوم اللي بعده الصباح تفطر وتسلم الغرفه وتروح للبحيرات اللي

حول سالزبورغ وممكن كمان تمر على هالشتات لانها على الطريق من

البحيرات الى كابرون بس اعطي خبر لصاحبه الشقه اوصاحبها انكم بتتاخرون بالوصول

ويصير سبعه ليالي في كابرون احلى




اما فادق سالزبورغ هذا Hotel Auersperg Salzburg الغرفه الرباعيه مافيه مكيف ومع افطار ومواقف السيارات بسعر 10 يورو لليله وبعيد عن السنتر



اما فندق Radisson Blu Hotel & Conference Centre الغرفه الثنائيه فيه مكيف ومع افطار ومواقف السيارات 16 يورو لليله وداخل السنتر واما اطفالك لازم تطلب لهم سرر اضافيه لهم سعر الشخص 15 يورو بالليله


بالنسبه لي مهم جدا وجود المكيف ولو بختار راح اختار الثاني لوجود المكيف


اذا عادي عندك بدون مكيف فيه غرفه رباعيه اللي سكنا فيها انا واهلي والمواقف مجانيه ومع فطور وبصراحه نظيف

قارن السعر وشوف وقريب من السنتر


[url]http://www.booking.com/hotel/at/annex-der-salzburger-hof.html?label=gog235jc%3Bsid%3D8e0b02806fd885c678 07d847b1f52486%5B%2Furl%5D&aid=358324

المشاركة الأصلية كتبت بواسطة بنت حواء1429
http://www.arabtravelersforum.com/tr...4/#post4835134

اختي الله يسعدك علميني بالضبط وين موقع السوبرماركت لان انا واهلي تعبنا ندور على بقاله قريبه منها

ياليت تشرحين لي اكثر الله يجزاك خير



هلا اختي حواء علشان توصلين للسوبرماركت لما توقفين عند الاشارة اللي قدام الشقق بيقابلك بناية مكتوب عليها hostel لونها اصفر + ازرق السوبر ماركت يوجد خلفها

بنت حواء .. انا ماني حريص على التكييف لان الوقت الي بنروح فيه بدايه يونيو واعتقد راح تكون الاجواء حلوه ولا كيف ؟؟
اما قدومي الي سالزبورغ راح يكون من مطار ميونخ يوم الوصول وراح اكون تعبان بحكم السفر وماراح استفيد من اليوم الاول يادوب نريح وننام بس من اليوم الثاني ان شاء الله راح نتمشي في سالزبورغ ونشوف اهم المعالم نهرالسلزاك والمدينه القديمه بعدين نطلع على الكابرون ....
بالنسبه لشرفه لا توصين حريص ماوجع قلبي لهديار الا هالشرفه بس كيف اطلب الدور الثاني اخاف يحطوني في الارضي ويخيب الظن هل اراسلهم ولا كيف ؟؟؟
اما بالنسبه لسنتر مايهمني لان راح يكون معي سياره ان شاء الله
بالنسبه للفندق الي اقترحتيه سعره حلو والمواقف مجانيه مغري بس كيف الفخامه تهمني الفخامه يعني هل هو بسيط ومتواضع ؟؟ الصوره ماعجبتني ؟؟ وش افخم الفنادق الثلاث الي اقترحتهم والي سكنتو فيه ؟؟
واذا كان الفندق فخم وحلو لو طلبت غرفه ثلاثيه لانها ارخص ومكتوب سياسه الغرفه الطفل دون السادسه مجاني يعني طبيعي يدخلون عيالي كلهم ولا ياخذون ضريبه لطفل الثاني ؟؟؟
اسف على ازعاجك ومشكور على تعاونك معي جعله الله في موازين حسناتك

الجو ما تضمنه ابدا الا في كابرون الجو حلو لانها منطقه جبليه اما

سالزبورغ في بدايه يونيو ما اعرف بصراحه بس لو حجزت بدون مكيف وطلع حر راح تاكلها عدل

اما موضوع السفر انا واهلي كانت رحلتنا من المدينه المنوره الى

اسطنبول وساعه ونص ترانزيت وبعدها الى ميونخ ووصلنا المطار

حق ميونخ الساعه 10 الصباح ومباشره طلعنا من المطار الى

سالزبورغ وتغدينا وريحنا ساعه وطعلنا تمشينا داخل سالزبورغ للسنتر

والنهر وبالليل نمنا وصحينا الصباح بدري فطرنا وسلمنا الغرفه ورحنا

للبحيرات القريبه من سالزبورغ ومنها الى كابرون

واما الشقه سمعت انه تقدر تطلب الدور الثاني

الفندق اللي جربناه مو فخم لكن نظيف جدا ودورات المياه رائعه جدا وفخمه

بنت حوواء ماقصرتي .. تو راسلت الشقه الي في كابرون بزياده يوم وان شاء الله اذا ردو لي خبر بالموافقه راح الغي يوم من سالزبورغ .. وبعد كذا راح ارسل لهم طلب ان تكون الشقه في الدور الثاني او الثالث ..
وبصراح عجبني ترتيب يومكم بس اني راح تكون رحلتي على الخطوط المصريه والترنزيت بيطول اكثر من خمس ساعات ومعي اطفال فراح يكون التعب اكثر
وبخصوص الحر الله يستر ... وشكلك من النوع الي يحترررر كثير ..طيب بالنسبه للفندق الي سكنتوه كيف الافطار وجلسات الافطار ....
لان اذا كان السكن يوم واحد عادي اخذ الاغلا
اما اذا يومين راح يدبل السعر واظطر اخذ الاقل سعر ...

الفطور في اوروبا غالبا ما تاكل منه الا المربي والكروسون وانواع الخبز الموجوده والكورن فليكس واحيانا يحطون نوتيلا وكمان فواكه

اما الاشياء الثانيه غالبا ما تقدر تاكل منها وحتى البيض مايكون مستوي كثير

وبما انه الفطور دايما كذا اشوف انه ممتاز واحنا ناكل زبده مع مربى ونوتيلا وفواكه ومع قهوه

انا واهلي ما نحب الحر ابدا وبالليل اتذكر فتحنا الشباك على الاخير وكان فيه مروحه شغلناها وبرضو احترينا لان الجو كان مكتوم من الغيوم يعني ما فيه نسمه هوا