بسم الله الرحمن الرحيم00
السلام عليكم ورحمة الله وبركااته00
حيــــــــــــاكم الله
قبل عشرين يوم تقريبآ كنت والعائله في زياره لأول مره لدوله الكويت الشقيقه 00
أحببت أن أشيد بدايه بجهودكم هنا في بوابه الكويت حيث أنني تعرفت على الدوله قبل زيارتها
من خلال تقاريركم وإجاباتكم الشافيه لتساؤلات الأعضاء 00
ودونت برنامج رحلتي من خلال اقتراحاتكم والحمدلله كانت الرحله رائعه :113:
فبارك الله جهودكم وشكر لكم 00
واسمحولي ان أضيف لبوابتكم تقرير مبسط لرحلتي متضمنآ صوري الخاصه للرحله
-----------------------
بسم الله00
السفر كان عن طريق البر من مدينتي الرياض00اتجهنا للمجمعه (حوالي 200 كيلو ) ثم اكملنا
المسير لحفر الباطن 00والحمدلله كان طول الطريق مسارين 00 ثم بعدها جانا مسار واحد
لمده ساعه أو أكثر بقليل
بعدها وصلنا لمنفذ الرقعي00 وكانت الإجراءات سهله جدآآآ وسريعه والحمدلله 00
المنفذ اسمه الرقعي ومن جهة الكويت اسمه السالمي 00
دخلنا الكويت وكنت :108: لأني أول مره أزور الدوله ومتحمسه لرؤيتهاااا :101:
مشينا تقريبآ ساعه أو أكثر الى ان جاءت لوحه مرحبآ بكم في الجهراء :106:
أول مالفت نظري بالدوله هو اعلانات الأعراس كل شوي شايفين لوحه ونقرأ واتاريها دعوه لزواااج
ماشاء الله تبارك الله الله يهنيهم ويبارك عليهم ويجمع بينهم بخير 00
كملنا السير الى ان دخلنا مدينه الكويت وكنت وقتها :115: الدنيا مو شايلتني من الفرحه
أخيرآآآآآ زرناااك ياكويت :110: كان وقت وصولنا تقريبآ الساعه تسع ليلآ بعد مسير 8 ساعات
تقريبآ تخللها توقف للصلاه واستراحه للأكل وللأطفال 00
جاء الآن دور البحث عن سكن 00 لأننا ماحجزنا قبل:110:
كنت جايبه معي ارقام مسجلتها من هنا عن فنادق ومنتجعات وكلمناهم لكن بعضها مارد
والبعض قال لنا مافيه شاغر الا بعد يومين 00
قلت لزوجي نشوف أي سكن حتى نرتاح اليوم ,,وبكره نشوف لنا منتجع مرتب نكمل فيه ايامنا00
توكلنا على الله ومشينا وشفنا بخط سيرنا شقق اسمها المارينا 00وقف زوجي يسأل ويشوف
رجع قالي الشقق حالتها وسط تبين نشوف غيرها قلت لاااا احنا تعبااانين خل ناخذها وبكره يحلها ربك
سبحان الله بعد مااخذناها ريحنا وصلينا ونزلنا بنطلع نتعشى لأن خلاص تعبانين وجوعانين
بنتعشى ونناااام 00نزلنا للسياره وجدنا شابين ببداااايه سن الشباب شافونا وقالولنا حياكم الله بديرتكم
تبسم لهم زوجي وحيااااهم (الله يصلحهم ويحفظهم ) ركبنا ومشينا شوي الا وأشوف مطعم فريج صويلح
قلت بس 00هذاااا بالمنتدى يتكلمون عنه :101: وقف 00وقفنا ونزلنااااا
وأستقبلتنااا وحده آسيويه بلباس شعبي كويتي :106: وندخل ونلاقي المطعم زحمممه
لقينا طاوله الحمدلله ماطولنا وطلبنا عشاء سمك ورز والحمدلله العشاء كان حلووو وسعره أظن زين
مااتذكر زوجي هو المسؤول :109:
طبعآ بعد تعب طريق السفر وزحمة المطعم كانت أجسادنا بحاجه لنوووم عميق
رحنا للفندق ونمناااااااا
(للأسف اليوم الأول يوم الوصول لم أصور نتيجه التعب ولأن وصولي كان ليلآ ولم يتبق لي من ذكرياته
غير منديل لمطعم فريج صويلح احتفظت به ابنتي )
يتبع باقي أيام الرحله :11ight:
مواضيع عشوائيه ممكن تكون تعجبك اخترناها لك:
- شقق فندقية اكثر من رائعة للعائلات
- دورة الشيخعبدالله آدم الألباني في الدسمةحياكم
- ساعدوني يااهل الكويت
- قرية المسيله ضروري
- تطوير فندق إنتركونتيننتال جديد في الكويت
- معرض الفنان التشكيلي الصغير
- صور و مواصفات الشالية الرئاسي بفندق هيلتون المنقف
- مساعدة منكم في الكويت؟؟
- ابي محلات توزيعات حلويات و كاكاو غريبه وحلوه فزعتـــــكم ياهل الكويت
- اسعار تذاكر السينما
- عاجل مستشفى الأمراض الصدرية
- الشاليهات بالكويت
- ساعدوني في احسن مكتب سياحي احجز منه
- فنادق قيد الإنشاء
- ملابس المحجبات والسفر والحجابات أين أجدها؟
- وش ارخص فنادق بالكويت
- اقدر استخدم مواقف مطار الكويت وانا من السعودية
- تاريـــخ الكــويت
- محافظة الفروانية في مجمع الشيخ سالم منطقة الضجيج
- من مكة المكرمة شديت الهمه للكويت
المفضلات