الموضوع: يا أهل الكويت نبي منكم مساعده

السلام عليكم ..

اخواني مواطني دولة الكويت الكرام ..

انا ان شاء الله بجي للكويت .. يعني تقريبا على الاسبوع الجاي اذا الله يسر:113::113:
طبعا حنا شخصين عزاب :110:

طبعا الغرض من زيارة الكويت .. اول شئ تمشيه بالكويت .. والشئ الثاني .. انا ادور على سياره
طبعا السبب اللي خلاني اخصص الكويت عشان اشتري سياره ..
لاني عارف ان مواصفاتها اقوى من مواصفات اي دولة خليجيه ..
وميزات كثيره فيها ... ولا ننسى نظافه السياره بشكل عام لان اهل الكويت ما شاء الله عليهم سياراتهم مثل عيالهم :106: يعني يهتمون فيها مره

انا بسئل وين افضل مكان لمعارض السيارات ؟
يعني ابي مستعمل .. وابي وارد .. وكيف اقدر احصل على سياره بس من مالكها مباشره
يعني مثلا فيه حراج معين ؟
او فيه مكان يكونون اصحاب السياره يصفطون فيه ويبيعون ؟؟

هذا بالنسبه للسبب الزياره ..

طبعا ماراح تكون كل سفرتنا عشان ندور سياره .. يعني لازم نتمشى وناكل اكل سنع ونستانس شوي:11ight:

يعني فيه اماكن ترشحونها لشباب عزاب ؟ يعني حدايق وكذا ..

وين احصل محلات تبيع قطع قماش الثياب الكويتيه .. بس تكون جمله يعني يبيع طاقه ثنتين ..

واخر شئ ..

وين احصل مثلا فندق .. او غرف ..
تكون نضيفه ورخيصه مرره ..
يعني تصلح لناس ميزانيتهم على قدهم ..
يعني مثلا من 150 الى 200 .. وهل فيه فنادق بنفس الاسعار هذي ؟
او خلونا نقول اكثر شئ ندفعه 250 الى 300 ..
يعني بقولكم شئ .. لو غرفه فوق السطوح عادي . نسكن فيها . اهم شئ فيها مكيف وفرش ..
لاننا بيكون معنا فرش نوم




سياره فورد موديل 2002 مطلوب للتمويل - فوق الطلب 100 - شرط الفحص



وبعضها يقول مطلوب للتمويل مثلا 1200 .. وقسط 80 .. وفوق الطلب 100 ..؟؟

يعني ايش الفرق وايش معنى الكلام هذا

ياليت تشروحون بالتفصيل ..

واخر سؤال .. هل جو الكويت الايام هذي يساعد ؟؟

مواضيع عشوائيه ممكن تكون تعجبك اخترناها لك:

• شقه لثلاثه رجال بالغين بالكويت
• الريال السعودي كم يساوي بالنسبه للدينار والفلس
• روبى تيوزداى
• الفزعة بزورالكويتاربع ايام اختكم من الامارات
• اهل الكويت ساعدوني بسرعه ابي سوق رخيص
• ماذا عن عروض فنادق الكويت في أبريل؟؟؟؟
• جايكم الكويت الاسبوع الجاي وبغيت جدول ليومين او
• كوكيزكريم للحلويات وين القاه تكفون ياهل الكويت الطيبين دلوني
• اكسسوارات جهاز قامون مقدمارمن
• استفسار عن الكويت
• فندق كورت يارد ماريوت
• حلويات أوبرا يا أهل الكويت
• البرستيج السوق مطعم اوليف غاردن
• رايكم شباب احسن خدمة نت من شركات الإتصالات
• الست هانم وملامح كويتية
• كلمة شكر وعرفان في حقكم لاتكفي يالطبين
• ابي اطير من الكويت الى وارسو؟ ارجو المساعده
• رحلة عائلية إلى منتزه الخيران مع الأحباب حياكم شاركونا
• الكويت تقيم أول مهرجان للتمور في تاريخها
• ابي موقع مطعم ريوق وحليب وهيل

حياك الله بالكويت اولاً

عندك هالسايت فيه معلومات عن السيارات بالكويت.
http://www.q8car.com

اذا حاب سيارة مستعمله عندك معرض بيت التمويل للسيارات المستعمله :101:

و بعد في بعض الناس يعرضون سياراتهم على الدائري الثاني
في منطقة الدعية ! (مع ان ممنوع لول :115


كـ شباب كل الاماكن بالكويت تقدرون تروحونلها..
عندكم الاسواق (مارينا +الافينوز +سوق شرق .. الخ)

اذا حابين تسبحون عندكم (الاكوا بارك + قرية المسيله المائية)




بالنسبه للاقمشة
عندك سوق الاقمشة بالديره جنب المباركية
عندك محلات ابو الحسن و كاكولي:24:






باالنسبه للفندق والله ماعندي اي فكره

و ان شاء الله تلقى اللي اييبلك سيارة على مزاجك :11ight:













وعندي استفسار ...
انا لما دخلت موقع الوسيط
حصلت اعلانات عن سيارات ..
يعني مثلا هذا


وبعضها يقول مطلوب للتمويل مثلا 1200 .. وقسط 80 .. وفوق الطلب 100 ..؟؟

يعني ايش الفرق وايش معنى الكلام هذا

ياليت تشروحون بالتفصيل ..



مطلوب بيت التمويل..
يعني شاريها من بنك بيت التمويل بالاقساط

قسط يعني يدفع ثمنها على دفعات كل شهر

فوق الطلب مادري :115:







واخر سؤال .. هل جو الكويت الايام هذي يساعد ؟؟



الصبح حررررررررررررررر لما الساعه 5

بعد الساعه 5 الجو لطيف

بس مع المكيف يمشي الحال

و بعدين كل مكان مكيفّ يعني عادي الوضع :24:


























ان شاء الله غطيت ولو بالجزء البسيط على استفساراتك :x1:

و البركه ابـ باجي الاخوان و الخوات :24:








اختك Hambka :surf

ماشاء الله الاخت همبكا كفت ووفت


واى استشفار لا يردك الا كيبوردك

المشاركة الأصلية كتبت بواسطة عام جديد
http://www.arabtravelersforum.com/tr...2/#post1409584

السلام عليكم ..


انا بسئل وين افضل مكان لمعارض السيارات ؟
يعني ابي مستعمل .. وابي وارد .. وكيف اقدر احصل على سياره بس من مالكها مباشره
يعني مثلا فيه حراج معين ؟
او فيه مكان يكونون اصحاب السياره يصفطون فيه ويبيعون ؟؟
افضل مكان هو بيت التمويل الكويتي للسيارات المستعمله .. راح تلقى جميع انواع السيارات وجميع المديلات والاسعار وطبعا بيت التمويل الكويتي قبل لا يشتري السياره المستعمله من اي شخص طبعا يفحصها فحص تام وشامل واسعارهم حلوه ومناسبه للكل ..
هذا بالنسبه للسبب الزياره ..

طبعا ماراح تكون كل سفرتنا عشان ندور سياره .. يعني لازم نتمشى وناكل اكل سنع ونستانس شوي:11ight:

يعني فيه اماكن ترشحونها لشباب عزاب ؟ يعني حدايق وكذا ..
في مولات= مجمعات .. مثل مجمع المارينا مول اهو سوق + فيه كافيهات كإستراحه + مطاعم
مجمع سوق شرق نفس مواصفات المارينا مول ..
في صالة التزلج + النافورة الموسيقيه + ابراج الكويتوين احصل محلات تبيع قطع قماش الثياب الكويتيه .. بس تكون جمله يعني يبيع طاقه ثنتين ..
سوق البلوكات = سوق الخام فيه محلات خاصه لبيع الأقمشة الرجاليه
واخر شئ ..وين احصل مثلا فندق .. او غرف ..
تكون نضيفه ورخيصه مرره ..
يعني تصلح لناس ميزانيتهم على قدهم ..
يعني مثلا من 150 الى 200 .. وهل فيه فنادق بنفس الاسعار هذي ؟
او خلونا نقول اكثر شئ ندفعه 250 الى 300 ..
يعني بقولكم شئ .. لو غرفه فوق السطوح عادي . نسكن فيها . اهم شئ فيها مكيف وفرش ..
لاننا بيكون معنا فرش نوم







ان شاءالله تيي الكويت وتستمتع فيها ..

وان اكون قد وفقت في الرد ..

الخوات ماقصروا

وحياك الله في الكويت

هههههههههههههه:109:

رسالتك حلوه ودمها خفيف ....

بس معناها إنك جاي الكويت لأجل بزنس .... وهو شراء سياره ...وليس بغرض السياحه فلا يهمك الفندق ولا وين تسكن حتى لو كان [ غرفه فوق السطوح ] ......وفراشك في صندوق سيارتك منذ الشتاء الماضي كما تقول ....فالله يعينك ....لذلك أترك طلب الفندق لأني لا أعرف فنادق بالكويت بأسعار ومواصفات صندوق السياره :101:

أما عن السيارات فلدي خبره فيها قد لا تكون كبيره ولكنها طويله

وإذا أحببت أن تأخذ بمشورتي لك فهي طويله ولكن أختصرها قدر الإمكان بالآتي :

هناك ثلاث درجات للسيارات المستعمله منها :

1- ما يكون مستعمل لدى وكالة السياره أقصد من يستوردها ويطلقون عليها إستعمال مدراء ....فهذه يكون ممشاها قليل واستعمالها نظيف ومكفوله وسعرها يفرق تقريبا ألف دينار أو ألفين على حسب نوع السياره ونظافتها وغالبا ما تكون سيارات نوع الصالون أو الجيب .....

2- مستعمله لدى معرض بنك بيت التمويل بمنطقة الشويخ الصناعيه ومنطقة الفروانيه بمنطقة الضجيج تلقى سيرات مستعمله استعمال أمريكا أو ألمانيا أو أوروبا استعمالها خفيف ومكفوله ويمكن شراؤها بالأساط أو كاش ......

3- السيارات المعروضه على الرصيف من يوم الأربعاء حتى يوم الجمعه عند حديقة جمال عبد الناصر بمنطقة الروضه وعلى شارع الدائري الأول بمنطقة الدعيه ........وكذلك السيارات المستعمله التي تباع بمحلات بيع السيارات المستعمله بمنطة شرق شارع خالد بن الوليد وبمنطقة السالميه عن دوار الجمعيه التعاونيه [ السوبر ماركت ]



أضيف لك موقع لبيع السيارات المستعمله وهو موقع سوق حراج السيارات بمنطقة أم غره ....وهو يفتح يوم الجمعه من الساعه الرابعه عصرا وحتى أذان المغرب ....ولكن إحذر إحذر إحذر الغش بالأسعار والمظهر فبعض الناس يرفع قيمة سيراته عن طريق من يزيد دون أن تتوافر له نية الشراء وبعضهم يلمع سيارته فيعجبك ظاهرها وباطنها عفن ......ولا أأيد البيع ولا الشراء في سوق حراج السيارات لأنه يفتقد التنظيم والأمانه بوجه عام ......وذلك من وجهة نظري


أخيرا أخي المحترم حاول أن تشترط على البائع فحص السياره قبل دفع الثمن وليكن الفحص في أحد المحلات الآتيه :

1- كراج [ورشة ] الرمال الذهبيه ....بمنطقة الشويخ

2- كراج [ورشة ] النجم الثلاثي ......بمنطقة الشويخ الصناعيه أو بمنطقة حولي خلف مجمع الرحاب ....

3- وكيل السياره نفسها إن كانت وارد الوكيل .....

أنصحك بالصحف الإعلانيه فهي تعطيك نظره عامه وشامله عن أسعار السيارات المستعمله بدولة الكويت وهي...... جريدة الصفاة ....التي تصدر مع جريدة الوطن ومقرها الشويخ الصناعيه شارع الصحافه .....وبجانبها جريدة 808080 وهو رقم هاتفها وفيها إعلانات ياكثرها ....وجريدة الوسيط .......على نفس الشارع وكلهم لديهم موقع على الأنتر نت ......وأنصحك أن تختار السيارات المستعمله من قبل أهل محافظة العاصمه لقربها ويغلب على أهلها إستعمالها بالمدينه .....وهذا غالبا ......

نصيحه أخيره لا تفوت على نفسك فرصة أن ترجع بنقودك إذا لم تجد مرادك ....حتى لا تخسر الإثنين ......:11ight:

الله يوفقك والكويت وأهلها يرحبون فيك

نسيت لا أقول لك

معنى مطلوبه للتمويل : يعني مازال صاحبها يسدد قيمتها على أقساط شهريه لدى بيت التمويل الإسلامي .....ولكن إذا إشتريت سياره مطلوبه راح تضطر بصفتك أجنبي أن تأتي بكفيل أو تسدد بقية قيمتها كامله حتى تأخذها لبلدك غير مطلوبه لأي جهه .......وبما أن البنك إسلامي

فلن يسقط من قيمة السياره شيء في حال تعجيل قيمتها ولا حتى الفوائد المستحقه على الأقساط [المرابحه ]

أما لو كانت السياره مطلوبه لشركه غير إسلاميه مثل [التسهيلات] فهنا ممكن أن يسقط جزء من قيمة الفوائد عن تعيجل السداد أو بمعنى آخر [التكييش]

معنى فوق الطلب : يعني يريد صاحب السياره فوق المبلغ المطالب بسداده للشركه أو البنك ....وهنا قد يكون صاحب السياره قد دفع دفعه مقدمه لسيارته حتى تخف عليه قيمة الأقساط الشهريه ....أو قام بسداد أقساط لمدة سنه أو سنتين ويريد منك أن ترد له ذلك المبلغ أو جزء منه ......

وأنا حاضر بأي خدمه .....ودون أي عموله .....لأن المشوره والنصيحه واجبه على كل مسلم ...والحمدلله كلنا أهل خير ونعمه .... والله لا يحرمنا من الطيب

عندنا مثل يقول [الطيب مع الطيب تجاره .....والطيب مع الردي خساره ]