الموضوع: إستفسااار يا أهل الشارقه فديت قلوووبكم

السلام عليكم مرحبا شباب

هذي أول مشاركه لي في هذا المنتدى الرائع عندي إستفسار أتمنى ألاقي الإجابه عشان أرتاح

أنا إن شاء الله مسافر للإمارات تحديدا الشارقه بعد شهر من الحين طبعا أبروح على سيارتي الخاصه بنقعد

كم يوم بالشارقه وبعدين موعد السفر الى ماليزيا ( طيران العربيه )

سؤالي هل فيه مكان آمن أوقف سيارتي بالشارقه خلال فترة السفر حيث أن مدة السفر 15 يوم طبعا لحد

يقولي مواقف المطار لأنهم ياخذون فلوووس أبغى شي يكون مثلا عند مجمع أو مواقف الفندق بلااااش

بس هل هو مسموح أو لا وسمعت أن المواقف بالشارقه ياخذون بالساعة أرجوووا إفادتي



ولكم مني جزيل الشكر

مواضيع عشوائيه ممكن تكون تعجبك اخترناها لك:

• اسئله للخبراء في الامارات
• سؤال بخصوص الاكواريوم الي في دبي مول
• محلات جمله الاحذيه النسائيه
• اهل الامارات بخصوص شركة للضروره
• استفسار بخصوص خياط بدبي
• كم يبعد مطار دبي عن مجمع ابو الهيل
• كيف تسافر الى دبي وتتسوق وتتعلم من الاخرين؟
• هام وعاجل العوائل السعوديه الي معهم شغالات مهم قبل ماتدخل الحدودكرت الاقامه
• بسافر الي دبي بالسيارة
• الله يخليكم طالبة مساعدتكم
• استفسار عن المخالفات المرورية في الأمارات
• هدية زوجتي بعد اول مولوده سفره لدبي ارجو المساعده في التخطيط
• سوال لاهل الخبره في دبي
• ممكن مساعدة
• مسافر لشارقه وأبغى ارائكم تكفون لاتخلوني
• استفسار بسيط وخفيف الجو في دبيفي ديسمبر
• معهد لتعليم اللغه الانجليزيه في دبي
• عندي اسألة مالقيتها حل ورحلتي قريبة ممكن الفزعة
• وش رايكم ؟ ادفع واللا انتظر لخبراء دبي
• مساعدة

اول شي اخوي اهلا بك في بلدك الثاني الامارات

ولانيبه للمواقف فنعم حاليا اغلب المواقف برسوم

ولكن توجد بعض المواقف لا تدفع عليها رسوم

مثلا في الاحياء السكنيه

وانا برأيي انك توقف سيارتك في المسجد الموجود في الجهة المقابلة للمطار

****( ليس في المسجد الأزرق اللي يقع بجانب المطار وانما الذي يقع في الجهة الأخرى من شارع المطار) ****

واسم المسجد هو جامع السلف الصالح

وستجده عند ذهابك للمطار على يمينك (المطار سيكون على يسارك)

وبالنسبه للأمان فالحمدلله البلاد كلها امان ولكن الحذر واجب

الله يعطيك العافيه ولد زايد إقتراحك عند المسجد بالمطار راح أخليه آخر الحلول

طيب مواقف الفندق يصير عليه مشاكل لو أترك السيارة عندهم

والله شايل همها

على حسب الفندق

انت كلم الفندق وقول حقهم اني بخلي السياره 15 يوم لأني بسافر ماليزيا

وينكم عطونا من وقتكم شوي ياهل الشارقه ياحبايبنا

مافيه ردود الا من عضو واحد بس ؟؟؟

نعم أغلب المواقف في الشارقة بفلوس
ولو وقفتها في مركز تجاري .. ممكن يسحبون سيارتك .. لأنهم يشيكون على المواقف كل يوم في الليل

أعتقد في مواقف في المطار للفترات الطويلة برسوم مخفضة

أو ممكن توقفها في فندق .. بس يفضل انك تتفق معاهم على هالشي

وبعدين من ناحية ثانية .. العربية ماتروح ماليزيا!

المشاركة الأصلية كتبت بواسطة الحر بوشاهين
http://www.arabtravelersforum.com/tr...8/#post2120868

حياك الله أخوي ابومحمد

نعم هذا هو الرد الصائب

المكان هذا الحمدلله آمن

وأنصحك فيه

ربي يعطيك العافيه أخوي الحر بوشاهين

راح أحاول بالفندق إذا ماسمحوا مافيه الا المسجد

منور الصفحة يالغالي

المشاركة الأصلية كتبت بواسطة The Watcher
http://www.arabtravelersforum.com/tr...3/#post2121553

نعم أغلب المواقف في الشارقة بفلوس
ولو وقفتها في مركز تجاري .. ممكن يسحبون سيارتك .. لأنهم يشيكون على المواقف كل يوم في الليل

أعتقد في مواقف في المطار للفترات الطويلة برسوم مخفضة

أو ممكن توقفها في فندق .. بس يفضل انك تتفق معاهم على هالشي

وبعدين من ناحية ثانية .. العربية ماتروح ماليزيا!



هلابك يالغالي

بصراحة كان هذا تفكيري أول إني أوقفها عند مجمع تجاري 1000 شكر ع المعلومه

طيران العربيه مسويه رحلات ترانزيت من الشارقه إلى النيبال ومن النيبال إلى كوالالمبور وأنا حاجز من عندهم وتذاكرهم مره رخيصه بـ 2600 ريال بإمكانك تدخل موقعهم وتتأكد

شرفني مرورك أخوي

المشاركة الأصلية كتبت بواسطة ابو محمد 1429
http://www.arabtravelersforum.com/tr...0/#post2123060

هلابك يالغالي

بصراحة كان هذا تفكيري أول إني أوقفها عند مجمع تجاري 1000 شكر ع المعلومه

طيران العربيه مسويه رحلات ترانزيت من الشارقه إلى النيبال ومن النيبال إلى كوالالمبور وأنا حاجز من عندهم وتذاكرهم مره رخيصه بـ 2600 ريال بإمكانك تدخل موقعهم وتتأكد

شرفني مرورك أخوي



صحيح كلامك
تطلع من الشارقة وتروح كاتماندو .. ومن هناك تغير الطيارة وتطلع على طيران Fly Yeti اللي هو اصلا تابع للعربية

مشكور على المعلومة

رسوم مواقف المطار للفترات الطويلة

اليوم الأول: 80 درهم

الأيام الباقية: 20 درهم لليوم

المشاركة الأصلية كتبت بواسطة ولـــ زايـــد ـــد
http://www.arabtravelersforum.com/tr...7/#post2125037

رسوم مواقف المطار للفترات الطويلة

اليوم الأول: 80 درهم

الأيام الباقية: 20 درهم لليوم



ولد زايد الله يعطيك العافيه

الأسعار اللي ذكرتهم متأكد منهم لأنها مره معقوول سعرها بس هل 15 يوم تعتبر من الفترات الطويله اللي يشملها التخفيض إذا كذا خلاص انحلت مشكلتي

طيب إذا تقدر تتأكدلي إن هالأسعار تشمل الـ 15 يوم أو لا ... ربي يحفظك ياولد زايد

اخوي بو محمد اول يوم ب 80 والايام لي بعدها ب 20

واذا تبا توقفها عند المسجد مب مشكله فكره بعد

وفي مسجد صغير بجنب المطار لو بتوقفها وبالعموم اي مكان توقفها في الامارات كلها امان وماحد يتجرأ يلمس سيارتك

المشاركة الأصلية كتبت بواسطة ابو محمد 1429
http://www.arabtravelersforum.com/tr...9/#post2127049

ولد زايد الله يعطيك العافيه

الأسعار اللي ذكرتهم متأكد منهم لأنها مره معقوول سعرها بس هل 15 يوم تعتبر من الفترات الطويله اللي يشملها التخفيض إذا كذا خلاص انحلت مشكلتي

طيب إذا تقدر تتأكدلي إن هالأسعار تشمل الـ 15 يوم أو لا ... ربي يحفظك ياولد زايد



اخوي بالنسبه للباركنات انا حاليا اداوم في مطار الشارجة وان شا الله باجر بتأكد من الأسعار بالضبط

بس اللي انا اعرفه ان المواقف (A) هي الغاليه واسعارها كالتالي

اليوم الاول 120 درهم

الايام الباقيه 100 درهم لليوم


اما المواقف (D) فنفس السعر اللي عطيتك

اليوم الأول 80

باقي الأيام 20 درهم

وان شا الله بتأكد باجر

المشاركة الأصلية كتبت بواسطة سالم بن محمد
http://www.arabtravelersforum.com/tr...9/#post2127069

اخوي بو محمد اول يوم ب 80 والايام لي بعدها ب 20

واذا تبا توقفها عند المسجد مب مشكله فكره بعد

وفي مسجد صغير بجنب المطار لو بتوقفها وبالعموم اي مكان توقفها في الامارات كلها امان وماحد يتجرأ يلمس سيارتك




المسجد الصغير الوقوف مسموح فيه لمدة أقصاها 24ساعة وهو للمصلين فقط

وسيتم مخالفة السياره او سحبها

اخي الكريم اليوم قريت في احد المنتديات ان رحلات فلاي ياتي ستتوقف من تاريخ 16/7

والسبب هو المشكلات في النيبال

انت اتأكد من الحجز احسن لا تتوهق في ماليزيا

http://www.flyingway.com/vb/showthread.php?t=30481

خي الكريم خبر توقيف الشركة صحيح 100%

انا اتصلت على مكتب العربية واتأكدت

وهذا رقمهم اذا حبيت تتأكد

5580000 (6) 00971

[font="Comic Sans MS"][size="6"][color="DarkRed"]لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالا

والله حراام قسم مب مصدق أحس إني قاعد أحلم من زمان وأنا مرتب للرحله وآخر شي تصير مشاكل
ليش وش هالحظ قهر والله الحين منين ألاقي حجز يافرحة ما تمت طيب فيه أمل إنه تنحل مشاكلهم
أو خلاص أدور حجز ثاني تكفى ياولد زايد أنا في موقف لا أحسد عليه

بإذن الله رايح رايح لو أروح على سيارتي

اذا كنت حاجز فنادق فمالك الا انك تدور حجز ثاني

اما اذا لم تحجز الفنادق فأنا برأيي انك تقضي الصيف عندنا في الإمارات

وبالنسبه للحجوزات

طيران الخليج 3760 درهم (دبي -كوالالمبور - دبي) (ترانزيت في البحرين)

طيران الإمارات 3690 درهم - 4210 درهم - 4580درهم - 5110درهم - 5640 درهم

القطريه 8460 درهم (ترانزيت في الدوحه)

الخطوط السنغافوريه 4840 (ترانزيت في سنغافوره)


اما على الاتحاد والماليزيه لم اجد اي حجوزات

المشاركة الأصلية كتبت بواسطة ولـــ زايـــد ـــد
http://www.arabtravelersforum.com/tr...3/#post2128923

اذا كنت حاجز فنادق فمالك الا انك تدور حجز ثاني

اما اذا لم تحجز الفنادق فأنا برأيي انك تقضي الصيف عندنا في الإمارات

وبالنسبه للحجوزات

طيران الخليج 3760 درهم (دبي -كوالالمبور - دبي) (ترانزيت في البحرين)

طيران الإمارات 3690 درهم - 4210 درهم - 4580درهم - 5110درهم - 5640 درهم

القطريه 8460 درهم (ترانزيت في الدوحه)

الخطوط السنغافوريه 4840 (ترانزيت في سنغافوره)


اما على الاتحاد والماليزيه لم اجد اي حجوزات




الله يعطيك العافيه ياولد زايد والله تعبتك معاي

يقول تعالى ( عسى أن تكرهوا شيئا وهو خير لكم ) ربي ماكتب نصيب إننا نروح لماليزيا قررنا بنقضيها بالإمارات

الله يعينك ع الأسئله المرة الجايه عن الإمارات وين وين وين بس تحملنا شوي

الله يعطيك العافيه

نعم ونعم بالله

عسى ان تكرهوا شيئا وهو خير لكم

وانا تحت امرك

انت اسأل وانا أجاوب

انا يهمني ان كل زائر للإمارات ما يطلع زعلان

وفالك طيب

اخوي ولاتشل في خاطرك اذا تبي الامارات نسوي لك احلى برنامج بس انت أشر بيديك

ولد زايد

سالم بن محمد

الله يعطيكم العافيه وماقصرتوا رايتكم بيضاء

بس عندي سؤال أنا حاجز فنادق لماليزيا ودقيت أمس على المكتب وعلمته إن الرحله إتكنسلت قالي أتوقع الفلوس ماراح ترجع قالي أنا أرسلهم وأتفاهم معاهم وأرد عليك ولا زلت أنتظر الرد

مين المتسبب في خسارتي إذا فلوسي مارجعت مب طيران العربيه هل يتحملون خسارتي ويعوضوني أو خلاص تروح على هل أقدر أشكيهم وأطالب بالتعوض لأنهم خسروني

بالنسبه لأمارات يمكن أقعد فيها عشر أيام ياليت تدلوني على فندق حليو ورخيص يعني من 350 درهم وتحت عاد ماوصيكم سوولي برنامج حلو يبيض وجهي عند المدام الله يبيض وجيهكم والله عارف إني ثقلت عليكم لكن مالي الا الله ثم أنتم

اخوي اتصل على ادارة العربية وقدم شكوى

وان شا الله بيردون عليك

اما بالنسبه للبرنامج فأنت حدد شو اللي اتحبه وسو المدن اللي بتزورها وان شا الله فالك طيب