الموضوع: رحم الله والدي من قرأ موضوعي عن تخطيط رحله لصيف

السلام عليكم ..

بدأت في ترتيب رحله لالمانيا و النمسا للاهل من حوالي الاسبوع و تم حجز الطيران (رياض - ميونخ - رياض) من تاريخ 17 جولاي الى 29 جولاي , و كان ترتيب مخططي كالاتي :
محطه الوصول ميونخ و منها الى سالزبورغ 3 ايام - زي لامسي 5 ايام - قارميش يومين - ميونخ 3 ايام

طبعا خرجت الاعتراضات من الاهل بخلو المخطط من اماكن ترفيهيه للصغار علما اننا 3 كبار و 3 صغار !!

و جاءت الاقتراحات بالغاء قارمش و جعل فيينا المحطه الاخيره و منها العوده للوطن ..

و جاء الاقتراح الاخر بجعل زيورخ المحطه الاخيره من اجل الذهاب ليوروبا بارك ..

فما اعرف صراحه هل اعتمد جدولي الاساسي او تشوفون اني اغير لاحد الاقتراحين الجديدين ؟؟ علما انه لم يسبق لنا زيارة المانيا او النمسا ..

سؤال جانبي ... انا عندي شينقن ايطاليه تنتهي في 18 جولاي اي بعد يوم واحد من وصولنا هل يسمح لي بالدخول؟ او يجب علي استخراج فيزا جديده ؟

و جزاكم الله كل خير ..

مواضيع عشوائيه ممكن تكون تعجبك اخترناها لك:

• أحد جرب موقع لتأجير السيارات أشوفه الارخص
• رحله عائليه الى أوروبا تحتاج المشورة والرأي
• مالقيت معلومه عنها
• خطوط الترام
• ثلاثيه براغفييناميونخ
• ايام فقط
• كيف اقضي نص يوم في آخن
• ارجوووو المساعدة من اهل الخبرة
• السفر اكثر من مرتين في شهرين لالمانيا
• المسافة من فرانكفورت الى زيلامسي؟؟؟
• مزارع الفراااولة
• محتاج لأهل الخبرة ضروري
• استفسار
• ساعدوني في ترتيب رحليتي؟؟؟
• اللهم لك الحمد ... سؤال عن مبلغ مطلوب
• رفيقكم بالقليب :: الفزعه ::
• شهر عسل الى اوروبا
• اتمنى مساعدتي الله يجزاكم الجنه
• سوال خاص حق الي يعرف الجو في اوروبا في شهر مارس
• مسافرة الى المانيا و اريد تخطيط للرحله

اول شي الفيزا لازم تغيرها انتبه لهالنقطه لانها لازم تشمل وقت جلوسك هناك


ثانيا انت مده رحلتك بسيطه جدا 13 يوم يعني 12 ليله فقط يعني حرام تضيع في التنقل

ثالثا هل توجد سياره اولا؟؟

مهم وجودها عشان تروحون كل الاماكن اللي تبغونها



نصحيتي لك خلي جدولك

ميونخ وصول - 3 ليالي سالزبورغ - 6 كابرورن - 3ليالي ميونخ

خليت ثلاثه ليالي في سالزبورغ لان فيها مدينه ملاهي تبعد 28 كلم عنها

مدينة ألعاب
Erlebnispark

في
Strasswalchen

http://www.erlebnispark.at/

ويوم تروحون للبحيرات القريبه من سالزبورغ الرائعه وهالشتات
ويوم تقضونه داخل سالزبورغ بين النهر وحديقه الميرابيل وممكن تروجون للمجمع الموجود في سالزبورغ



وفي زيلامسي موجود الزحليقه الصيفيه هذي زي الالعاب وكمان قمه كابرون

وفي ميونخ فيه العاب كثير


سكاى لاين بارك تبعد عن ميونخ 80 كلم

http://www.skylinepark.de/



ليغو لاند Lego Land تقع في مدينه GUNZBURG وتبعد 100 كلم عن ميونخ

جزاك الله خير اختي .. و مشكوووره ماقصرتي

طبعا ان شاء الله السياره بنستاجرها ..

يعني نكنسل قارمش .. كويس ريحتيني من ناحيه تواجد اماكن تسليه للصغار

ان شاء الله نعتمد الجدول و بعدها ما راح تقصرين لو احتجنا اي مساعده

شوف قارمش ممكن تروح لها يوم من ميونخ بس اذا الالعاب اهم بالنسبه للاطفال مو لازم تروحون لها

لان الايام قليله بصراحه

يعطيك العافيه

في كابرون حجزت في
Avenida Mountain Resort

وش رايكم فيه ؟

و لكن حصل في
Familienappartements Eder


بنصف السعر تقريبا

هذي الشقق توقعي انها جديده وهي مجموعه شقق تابعه لشركه واحده

وعندهم مبلغ للتنظيف النهائي يعني ما في تنظيف يومي


باختصار اقرا شروط الالغاء زين اذا ناسبتك احجز عليها لانها ممتازه

انا اقصد هذي الشقق الممتازه Avenida Mountain Resort

اما الثانيه اثاثها مش ولابد وما في اي مقارنه بين الاثنين


عندي فكره وش رايك بما انكم 6 اشخاص نبحث لك بمواقع اخرى غير بوكنج احتمال تلقى خياارت حلوه وارخص

وراح نحجز لك بالاسبوع وليس بسته ليالي لان اغلب المواقع حجوزاتهم بالاسبوع

وانت تشوف وش اللي يناسبك

اذا موافق اعطيني التواريخ وابحث لك ان شاء الله القى لك شي حلو وسعره مناسب

طيب انا حجزت احتياط فيها
التواريخ زي ما خططنا الوصول 17 جولاي 3 ليالي في سالزبورغ (لسى ماحجزت فيها)
و من تاريخ 20 لحد 26 في زيلامسي او كابرون (6 ليال)
و من 26 الى 29 ميونخ 3 ليال(لسى ما حجزت)

هذي الخياارت في زيلامسي

http://www.holidaylettings.co.uk/ren...l-am-see/74947

http://www.holidaylettings.co.uk/ren...l-am-see/26165

http://www.holidaylettings.co.uk/ren...-am-see/142522

http://www.holidaylettings.co.uk/ren...l-am-see/74950

http://www.holidaylettings.co.uk/ren...-am-see/124482

اما في كابرون:

http://www.holidaylettings.co.uk/rentals/kaprun/74949

http://www.holidaylettings.co.uk/rentals/kaprun/89178

ومن موقع ثاني

زيلامسي

http://www.arabtravelersforum.com/Al...1;showUid]=177



http://www.arabtravelersforum.com/Al...1;showUid]=129


http://www.arabtravelersforum.com/Al...91;showUid]=38



http://www.arabtravelersforum.com/Al...91;showUid]=24




من كابرون

http://www.arabtravelersforum.com/Al...#91;showUid]=1

طبعا ممكن تلقى اشياء مكرره في الموقعين بس شوف اللي يعجبك

ان شاء الله تعجبك وحده فيهم طبعا انا حطيت التاريخ عىل اساس سبعه ليالي عشان يقبلون الحجز بس انت شوف السعر وقارن وشوف المميزات الموجوده

يعطيك الف عافيه ..

انا في وحده اعجبتني اللي هي موديرن ابارتمنت و بنص سعر الشقه اللي حجزت عليها في كابرون لا و زياده يوم!! بس مادري من ناحيه الامان بحكم انه سكن خاص حتى مافيه سيفتي بوكس .. هل هي مريحه و امنه للسكن بحكم ان كل اللي معي صغار ؟

شوف انا بقولك عن تجربتي سكنا مرتين مره في زيلامسي ومره في كابرون وكمان مره في رست الالمانيه وحجزنا من هالمواقع بصراحه احجز وانت مغمض وترى اوروبا كلها امان

اخر مره بالصيف اخذنا فيلا وكانت الموظفه عند المالك عندها مجموعه عماير فلل وشقق وتخيل لما اتصلنا علهيا وقلنا لها احنا بنتاخر بالوصول قالت لنا اوكي اذا وصلتوا تلقون المفتاح عند الباب

وتخيل وصلنا قريب المغرب وفعلا لقينا مفتاح الشقه تحت الفرشه اللي عند الباب

ودخلنا الفيلا وبدون حتى ما تتاكد مننا عندهم ثقه وامان بالناس احسن من عندنا

وحتى لما جينا نترك الفيلا يعني اخر يوم تخيل اتصلنا عليها وقالت انا مشغوله حطوا المفاتح تحت الفرشه اللي عند الباب

تخيل ما قالت اروح اشوف وش عفسوا في البيت

يعني تعامل راقي جدا والله انهم يحرجونا والمفروض الواحد يخليهم ياخذون فكره ممتازه عننا ويحسن التعامل معاهم

حتى اخواني كانوا مستاجرين سياكل واحنا في كابرون تخيل يوقفون السياكل عند باب الفيلا وننام ونقوم الصبح مكانها ما تحركت

انت راح تروح اوروبا ومامعاك لاذهب ولاشي ما عدا ملابس

الفلوس خلوها معاكم وقسمها بينك وبين زوجتك والشخص البالغ الثالث وتوكل على الله ولاتشيل هم ابد

والله لابتوباتنا بالفيلا ولاصار شي

وممكن لو معاك لاب توب وخايف تاخذه بالسياره معاك

تصدق برى الواحد يخاف من العرب اللي هناك مو من الاوربيين

اللي يسكن في ميونخ عند شقق العرب هو اللي ينظلم اما الشعب الاوروبي راقي


انتوا برنامجكم راح يكون من الصبح بدري وقبل المغرب ارجعوا الشقه اوا لفيلا الوقت طويل جدا تقريبا اكثر من 12 ساعه

انا واهلي اخر مره يوم سكنا في كابرون كنا نرجع قبل المغرب بساعه وشوي ونطلع انا والبنات الكبار نمشي الى السنتر ونقابل الحريم هناك ونسولف وننبسط واذا قرب المغرب نرجع الفيلا وما قد قابلنا اي مشكله الحمدالله



وترى هالسكن تكون شقق او فلل غالبا لاشخاص بريطانيين يسوونهم وياجرونها بالصيف وبالشتاء يجون يسكنون فيها


يعني هما اصلا مو من سكان النمسا او المانيا يعني تجاره



وترى مرات تلقى بهالمواقع شقق تكون موجوده في بوكنج بس يعرضون بعض الشقق بهالمواقع


على فكره فيه فيلا سكنا فيها بزيلامسي قبل 3 سنوات وكانت لسه ما اكتمل الحوش والسونا اللي برى بس عادي استاجرناها من واحد بريطاني استقبلنا اول ما جينا واعطنا اغراض التنظيف كامله واللي موجود اشتراه وسافر بريطانيا وبعدين كلمناه نساله عن المكواه قال انا ساف نسيتها اشتروا واحده وقولوا لي كم سعرها وانا اخصمها من سعر الفيلا تخيل

وحتى لما جينا نبغى نسافر قال انا ببريطانيا اعطوا المفتاح لجاري اللي بالفيلا اللي جنبي

يعطيك العافيه اختي والله ماقصرتي
انا صراحه صور الماونتين ريسورت اعجبتني بس يوم اقارنه باسعار البقيه هو اعلى منهم يعني حجزي 6 ليال بـ 1800 يورو هذا اللي خلاني افكر في غيره و زياده على كذا انه جديد و مو مجرب لا من ناحيه الخدمات او الموقع ..
و انا للحين مادري ايش افضل لنا نسكن في كابرون او زيلامسي , اعرف انهم جنب بعض بس وش اونس و اشرح ..







المشاركة الأصلية كتبت بواسطة بنت حواء1429
http://www.arabtravelersforum.com/tr...6/#post4911986

الفلوس خلوها معاكم وقسمها بينك وبين زوجتك



الله يرزقني الزوجه الصالحه
مودي الوالده و اخواني الصغار و ان شاء الله تكون اخر سفره و انا عزوبي :P

مشكووره تعبناك معنا هذا و تونا ما دخلنا في سكن ميونخ و سالزبورغ

الله يرزقك بالزوجه يارب

اذا معاك اولاد اسكن في كابرون حلوه وجوها عائلي وفيها محلتا تاجير سياكل والمكان مافيه سيارات كثيره وفيه مساحه كبيره للعب وفيه ملاعب كوره قدم كل يوم العيال يروحون يلعبون هناك مع الاجانب كمان

الجو عائلي في كابرون اكثر وحتى عشانها منطقه جبليه اجوائها احلى بكثير وكنا واحنا بالفيلا نفتح اشلباك والسحاب يكون قريب مننا ومرات اذا الجو صحو نشوف الثلج اعلى الجبل في قمه كابرون

نصيحتي لك اسكن في كابرون فيه سوبرماكت بيللا كبيره في كابرون

ونصيحتي لك اللي يعجبك من الخياارت اللي فوق راسلهم واحجز على طول وحول من المبلغ ترى لو ما حولت فيه غير يدفع وتروح عليك

العام تعبنا الين ما حصلنا شي يعجبنا

واما السكن في ميونخ وسالزبورغ باذن الله بكره نتكلم فيها


ما في احد جرب السكن في كابرون وما عجبه


والامر لك اولا واخيرا

و يرزقك انتي بعد و يسعدك يا رب

مشكووووره ماقصرتي تعبتك معي .. بشوف الخياراات مع الوالده و بنقرر

سلام

حصلت حجز في هذا الشالييه و ردوا علي

http://www.holidaylettings.co.uk/ren...l-am-see/74950

هل موقعه كويس ؟ و افضل هو او اللي حجزته في كابرون

هذا الكوخ مره حلو

شوف هذا نفس الكوخ من موقع ثاني

ادخل على هذا الموقع

http://www.alpen-apartments.com/Zell-am-See.15.0.html

واختار اللي اسمها

Ski-Chalet "Jim" (4-6 Persons)

وفيه صور اكثر وممكن تقارن بين الاثنين يمكن تلقى فرق بالمواصفات او الاسعار

اختيار رائع جدا لايفوتك ونصيحتي لك ادفع وخلص لاتعتمد على كلامهم لك انه موجوده لانه ممكن باي لحظه يروح عليك

هذا عنوان الكوخ ويبعد 2كلم عن السنتر بالسياره يعني 5دقايق واما مشي على الاقدام نص ساعه

ويقع في منطقه Schmitten وهي غرب زيلامسي والمنطقه مرتفعه عن زيلامسي يعني مو عند السنتر والازعاج

بهالرابط تشوف موقع الشاليه هو رمز a والرمز b هو سنتر زيلامسي

http://maps.google.com/maps?f=d&sour...9&ie=UTF8&z=15

شوف هالخريطه لاخوي رائع جدا وشوف الحي اللي فيه الكوخ رقم 2

هذا عنوانه بالضبط:

Georg-Rendl-Strasse 19, Top 2
5700 Zell am See
Austria

انا اقترح عيك ابعد فينا وزيورخ كون انها حسب الجدول متباعده نوعا ما لذا انصحك بجدول الاخت بنت حواء واشف ان قارمش تدخل في الجدول يكون افضل لان مغامره الثلج والنزهه في قارمش لاتعوض

تروحون وترجعون بالسلامه

الله يعطيكم العافيه ماقصرتوا والله

اختي بنت حوا ادري تعبتك معاي بس نفس الشركه ارسلوا لي عرض عن شقه و بوريكياها عشان خلاص اقرر بينها و بين الكوخ

http://www.alpen-apartments.com/Alpe..._cnflatmgr_pi1[showUid]=181

Apartment Eichenhof 2

هذي الشقه مافي صوره بالموقع الا عن البلكونه وبعدين اقرب للسنترالا اذا ارسلوا لك صور لها وممكن تطلب منهم يرسلون لكانا الكوخ اللي فوق عجبتني صوره وموقعه انه بمنطقه مرتفعه يعني بارده

هل التواريخ هذي هي

17 يوليو - 20 يوليو سالزبورغ

26يوليو - 29 يوليو ميونخ


اذا فيه غلط صحح لي عشان ابحث لك واحط لك الخيارات

اي نعم بس بعد ماخلينا الشقه في زيلامسي اسبوع باضطر اشيل يوم من سالزبورغ و تصير من 17 - 19

و ميونخ نفسها من 26-29 ان شاء الله

اخوي الله يعطيك العافيه بسألك على اي طيران حجزت وكم قيمة التذاكر؟؟

سالزبورغ ليلتين من 17 يوليو - 19 يوليو




فندق بدون مكيف وموقعه بعيد عن السنتر


http://www.booking.com/hotel/at/post...r_month=2011-7






فندق موقعه ممتاز وفي السنتر وفيها مكيف


http://www.booking.com/hotel/at/rena...r_month=2011-7





هذا فندق بدون مكيف وبعيد عن السنتر


http://www.booking.com/hotel/at/gtau...r_month=2011-7






فندق مع مكيف وممتاز قريب من السنتر


http://www.booking.com/hotel/at/crow...r_month=2011-7






هذا الفندق سكنا فيه الصيف اللي فات ولكن بدون مكيف وتعبنا من هالشي رغم وجود مروحه بس برضو ولكن موقعه ممتاز


http://www.booking.com/hotel/at/anne...r_month=2011-7





فندق جديد وبمكيف راح يفتح في شهر مايو وموقعه ممتاز جدا


http://www.booking.com/hotel/at/mein...r_month=2011-7






هذي شقق بدون مكيف وبعيده عن السنتر وتبعد عن سنتر سالزبورغ 10 كلم ويوجد محطه باصات قريبه جدا من الشقق تركبه وربع ساعه وتوصل للسنتر


http://www.booking.com/hotel/at/pens...ml?aid=1329869




انا افضل في سالزبورغ يكون الفندق او الشقق بمكيف وفي السنتر ومع الفطور خصوصا انكم رايحين ليلتين فقط وما يحتاج تطبخون موجود برجر كنج وماكدونالدز في السنتر والامر راجع لك

بما انه صارت ليلتين في سالزبورغ حاول تختار رحله توصل بدري الى ميونخ يعني الظهر او قبل عشان اول ماتوصلون ميونخ تستملون السياره من المطار وتواصلون الى سالزبورغ وترتاحون شوي بالفندق وبعدين اطلعوا تمشوا في السنتر وروحوا نهر السالزاك وحديقه الميرابيل واقطعوا النهر من الجسور اللي فوقه وروحوا للجهة الثانيه هناك المدينه القديمه
بس مطعم ماكدونالدز وبرجرز كنج جنب راديسون ورمادا والفندق اللي سكنا فيه
وعشان ثاني يوم تخلونه للبحيرات القريبه من سالزبورغ

في ميونخ هذي الشقق جديده لاتفوتك الحق احجز عليها موقعها ممتاز


http://www.booking.com/hotel/de/adag...ml?aid=1329869


خذوا شقه حقت 4 اشخاص وشقه حقت شخصين



اما الشقق اللي سكنا فيه لقيتها فل بوقتكم





شوف هذا الفندق سكنوا فيه اهلي عام 2007 وفيه مكيف ويبعد نص كيلو عن كارل بلاتز بس ما عندهم الا غرف ثنائيه


http://www.booking.com/hotel/de/merc...ml?aid=1329869



وفي توقيعي فيه تقرير عنه



هذا فندق بدون مكيف


http://www.booking.com/hotel/de/einh...ml?aid=1329869




فندق بدون مكيف


http://www.booking.com/hotel/de/helv...ml?aid=1329869

المشاركة الأصلية كتبت بواسطة حبرالعيون
http://www.arabtravelersforum.com/tr...0/#post4927400

اخوي الله يعطيك العافيه بسألك على اي طيران حجزت وكم قيمة التذاكر؟؟



الله يعافيك .. اخذت المصريه ب 2300 للشخص

اختي بنت حواء شيكت على الاوتيلات اختيارات موفقه مشاء الله عليك و لقيت هذا وش رايك فيه ؟؟

http://www.booking.com/hotel/at/bwim...ml?aid=1329869

موقعه حلو وتقدرون تاخذون الغرفه الرباعيه وتضيفون شخصين بدفع مبلغ اضافي بس عيبه انه بدون مكيف

والامر راجع لكم

^

فيه تكييف

اسفه معليش ما انتبهت له ايوه فهي مكيف خلاص توكلوا على الله وخذوه خصوصا انكم تقدرون تضيفون الطفلين معاكم بالغرفه

طبعا انت شوف الصور زين هل مناسبه لكم او لا

هو مقبول الفندق كاثاث ولكن اذا ما يهمك الا النظافه جميع فنادق اوروبا نظيفه

ايه هو يا هذا يا الاوتيل الجديد اللي بيفتح في مي

الحين السنتر و المنطقه الحيه هي اللي عند النهر؟

النهر جنبه فيه حديقه اسمها حديقه الميرابيل هذي منطقه ممتازه والمنطقه اللي فوقها طبعا يمين النهر

اما يسار النهر توجد المنطقه القديمه وكل هالمنطقه قريبه من بعض

انا واهلي لما كنا ساكنين بالفندق اللي قلت لك عليه كنا نروح للنهر مشي والمسافه قريبه


شوف هالخريطه واخترت فندق رمادا الموجود في السنتر وعنده مول وجنبه ماكدونالدز وبرجر كنج ومحطه القطارات

واخترت كمان الفندق اللي انت اخترته قبل شوي والمسافه بينهم بالسياره كيلو ونص يعني 4 دقايق اما مشي على الاقدام 700 متر يعني 8 دقايق


اخترت لك من قوقل ماب الطريق مشي للاقدام لو سكنتوا بهالفندق وحبيتوا تروحون لماكدونالدز او برجر كنج اللي جنب رمادا او المول الملاصق فيه طبعا ممكن يكون فيه فروع اخرى في سالزبورغ بس انا هذا اللي شفته لانه كان قريب من فندقنا


http://maps.google.com/maps?f=d&sour...9&ie=UTF8&z=16



طبعا انا يوم رحت سالزبورغ لس اخذنا ليله هناك وما امداني اروح للمدينه القديمه بس زي ما ذكرت لك اقطع النهر وروح للجهة المقابله هناك في محلات والمدينه القديمه



اما الفندق الجديد اللي بيفتح في مايو راح يكون ابعد عن السنتر ولن قريب جدا من احد الحدايق في سالزبورغ

يعطيك العافيه

بالنسبه لشقه زيلامسي قالوا انهم يشتغلون فيها من جوا و ما راح يوفرون صور الا بعد 3 اسابيع بس انها نفس سعر الكوخ و نفس العدد تشيل
هذا موقعها

http://maps.google.com/maps?q=Bergst...ed=0CBYQ8gEwAA

محتاااااااااااااااااااااااااااار لانهم قالوا حدد اي وحده نحجزها لك

انا شفت موقعها ولكن انت احجز الاضمن اللي موجود الصور

واشوفها حلوه ورائعه كمان لاتفوتها احجزها وادفع المبلغ اللي يطلبونه مو بس تطلبها لانهم ما يحجزون الا بالفلوس

وموقعها احلى لانها في منطقه جبليه وجوها راح يكون اروع ومطله على الجبال

احجز اللي صورها موجوده وخصوصا انه السعر نفسه

تعرضت لمشكله الحين انا حولت قيمة الشقه كامله عن طريق حواله بنكيه و لي الحين يومين يقولون مانقدر نعرف حوالتك و اني مفروض احط رقم الفاتورة مع الحواله و انا ما حطيتها !! ما اعرف ايش اسوي

راسلهم وشوف ايش الحل

او روح للبنك اللي حولت منه واطلب ورقه تثبت الحواله وارسلها لهم

هذا اللي بسويه ان شاء الله

السلام عليكم

رجعنا بعد ما انقظعت عن الموضوع بسبب ظروف قاهره و الحمدلله على كل حال ..

بالنسبه للرحله تقريبا محتار في سالزبورغ بين اوتيلين اللي هم :

Ramada Hotel Salzburg City Centre

Hotel Stein


و في ميونخ عجبني :
Mercure München City Center

Hotel Metropol munich



و ما نستغني عن اقتراحاتكم لاني ناوي اخلص موضوع السكن اليوم باذن الله

في ميونخ Mercure München City Center


في سالزبورغ اذا تبغى فندق عند السنتر اختار رمادا واذا تبغى قريب للنهر والمدينه القديمه اختار الثاني

مشكوووووره اختي متواصله معي من البدايه ماشاء الله عليك

تم اختيار رامادا في سالزبورغ مع ان في نقطه اللي هي قربها من المحطه و اخاف من الازعاج ..!

بالنسبه لميونخ ليش رشحتي ميركيور على الاخر ؟ مع انهم تقريبا قريبين من بعض ؟

الاول فيه مكيف واقرب للسنتر عشان كذا اخترته لك

هي قريبه من المحطه بس ما اعرف والله اذا فيه ازعاج ولالا ممكن تشوف التقرير الموجود عنه بالبوابه وتسال اللي سكن فيه

http://www.arabtravelersforum.com/travel430288/

قرأت موضوعك بس عشان دعوتك الطيبه

يعطيكم العافيه

تم اعتماد رامادا في سالزبورغ باذن الله .

في ميونخ مدحو لي eurostar central و احترت بينه و بين ميركيور خصوصا انه نفس الاسعار بس انه ابعد شوي عن السنتر
وش رايك؟

eurostar central هذا ممتاز جدا واجدد وقدامه محطه الترام وكم محطه وانت بالسنتر

انا العام الماضي سكنت بشقق



http://www.booking.com/hotel/de/cita...ml?aid=1329869


وكان بيننا وبين هالفندق 700 متر تقريبا وعندهم محطه واحنا عندنا محطه وفيه مخبز قريب ومغسله ملابس حقت اتراك وفيه سوبرماركت يبغي لها كم دقيقه مشي

الحلو بهالمنطقه انها هاديه

يعطيك العافيه

طيب التنقل للسنتر و اماكن الشوبينق سهله ؟؟ و هل لو سكنت في ميركيور لازم استخدم الترام بعدد للسنتر او اقدر اروح مشي ؟

والله مدري محتار .. طيب لو خيروك بين الاثنين ايش تختارين ؟

معليش تعبتك بس انا اشيل هم السكن مره

اختار هذا


eurostar central

تم حجز الاوتيلات ... يعطيك الف عافيه اختي والله ماقصرتي بيض الله وجهك

بالنسبه للسياره اعتقد الافضل تسليمها عند القدوم من زيلامسي و الوصول الى ميونخ او راح نحتاجها خلال اقامتنا هناك ؟

الرحله راح تكون كالتالي / 17-19 جولاي : رامادا سالزبورغ
19-26 شقه في زيلامسي
26-29 يورو ستار سينترال في ميونخ

يبقى عاد تخطيط الرحله و النشاطات الله ييسرها

انت عندك 3ليالي في ميونخ اذا تبغاها كلها بالسنتر كارلزبلاتز ومارين بلاتز وماكسيميليان بلاتز سلم السياره اول ما توصل
ولو بغيت تروح يوم الى قارمش افضل ماتسلم السياره عشان تروح فيها الى قارمش

انا اتذكر يوم كنا نبغى نروح لمول ريم اركادن والاولمبي وقالت لنا الحرمه اللي بالاستقبال انه فيه تغير يعني مو مباشر ورحنا بالسياره

بصراحه احنا ورى مبنى الشقق حقنا كنا نوقف سيارتنا مجانا واستخدمناها لما رحنا لمول ريم اركادن والمول الاولمبي

وحتى لوحبيت تروح للحديقه الاولمبيه والانجليزيه

بس لو حبيت تروح بالمترو وعادي عندك التغير عادي

واحنا دايم نفكر بالرجعه لانه التكاسي غاليه

انا اشوف خلي السياره معاك واذا وصلت الفندق اسال عن مواقف مجانيه قريبه من الفندق ووقف سيارتك فيها احسن شي