الموضوع: اذا كان عندك استفسار عن الاسكندريه تفضل

الحمد لله انا مصري ومحب وعاشق لعروس البحر المتوسط مدينة الاسكندريه
الأسكندرية أول عاصمة للسياحة العربية لعام 2010

لاحظة فيه ناس كتير ليها تعليقات عن مدينة الاسكندرية
منهم من زارها وخرج منها بزكرى جميله
ومنهم من لم يعرف كيف يتمتع بجمال هذه المدينه الساحره
ومنهم من استغل ابشع استغلال
ومنهم من كان قريب من مكان جميل في الاسكندريه ولكن لم يكن يعرفه او لم يخبر عنه
في نظري اسكندريه مش بفنادقها الفخمه ولا حتى مارينا في الساحل
اسكندريه بكورنشها الجميل اسكندريه بشورعها القديمه اسكندريه بمبانيها العتيقه اسكندريه بمحلتها التى شهد عليها التاريخ منها من مر عليه ما يقرب من 100 عام وهي الى الان مفتوحه
اسكندريه بشوظئها الجميله بموجها العالى في فصل الشتا اسكندريه في موسم النوه والمطر الفظيع
على فكره اجمل ايام تعشها في الاسكندريه في فصل الشتاء

علشان كده هحاول باذن الله الى عنده استفسار عن مدينة الاسكندريه اجاوبله عليه ..... علشان على قد ما نقدر الى يزور المحافظه الجميله دي يتمتع بيها

مواضيع عشوائيه ممكن تكون تعجبك اخترناها لك:

• أسعار الفنادق
• مبروك لشعب المصري ع الفوز
• فنادق الاسكندرية
• إجراءات شحن سيارة الى مصر
• فنادق شرم الشيخ ملحوسة من موقع بوكينج ؟
• كل شم نسيم وانت طيبة يا مصر
• استفسار عن شرم لاصحاب الخبره
• استفسارات ياخبراء شرم الشيخ
• اقدر ارووح مصر عن طريق الاردن؟
• ممكن مساعده اخويه لاختكم اللي نازله علاج
• بعض الاستفسارات حول القاهرة وشرم الشيخ
• سؤال بخصوص فندق النبيله
• بخصوص شرم الشيخ
• شقه في الاسكندريه
• الرجاء الدخول شرم الشيخ ضروري جدا ً
• قرب موعد السفر لشرم الشيخ وباقى كم استفسار
• السفر الى مصر
• الأخوه للسياحه
• استفسار عن دريم بارك ومدينة الانتاج الاعلامي
• ضروري الرجاء الدخول الصرف و النقد الخ

أسعد الله صباحك سيدي الكريم بكل خير وموده ، بحق موضوع شيق وجاء بوقته فلك شكري وتقديري

اود نصحك وتوجيهي اخي الكريم فالقليل والقله جداً من عندهم خلفيه عن مدينة الاسكندريه عن فنادقها او الاماكن السياحيه او مطاعمها او اسواقها او مراز ترفيهيه فالاخوه في مدينة القاهره اعدو لنا الكثير من البرامج السياحيه الرائعه من فنادق و مراكز تسوق وملاهي واسواق شعبيه والقناطر والاهرامات ومن حدائق ومتاحف ومقاهي وسينما وخلافها سنقضي بها عدة ايام من شهر العسل دون ضجر او ملل ، ولكن ارجو من شخصك الكريم بتزويدي بكل ما تستطيع عن الاسكندريه كسكن فنادق واسعارها ومطاعم فاخره و اسواق وملاهي واماكن تستحق الزياره فيها من الترفيه الشي الكثير وكل ما يحلو لك ولا تنسى بأننا عرسان بعد عيد الفطر مباشره وسنمكث في الاسكندريه اربعة ايام ، والمارينا ان استطعت اخبارنا بمقتطفات عنها وباسعار فنادقها ان وجدت لديك

عظيم الوجد والتقدير جلًه لشخصك قبل سمو حرفك

اخى الكريم (http://www.arabtravelersforum.com/user341994/) الف الف مبروك على زواجك وربنا يكرمك ويرزقك الزريه الصالحه انشاء الله
واتمنا من الله ان يتم عليك زواجك المبارك انشاء الله بكل خير

طبعا انت تنور مصر كلها بس خليني اوضحلك شي انا هانصح حضرتك على اساس انك مصري زينا يعني هعتبر نفسي بنصح نفسي
يعني انا مش عاوز الاماكن الغليه جدا الى مش هستفيد منها بشئ يعني مش هروح احجز في فندق غالى جدا
يعني 7 نجوم وكل الى هعمله انى هنام فيه بينما انا رايح الاسكندريه علشان اتفسح ده بالنسبه للفندق
اما غير الفندق ده شئ يرجع لراحتى
فاذا حضرتك تحب ارشحلك فنادق جميله وممتازه جدا وغير مكلفه فانا تحت امرك
واذا اردة هناك فنادق فخمه جدا بل هناك فنادق ملكيه في الاسكندريه
وبجد انته اخترت معاد رهيب جدا ميعاد اسكندريه انشاء الله هتكون فيه مش زحمه زي ايام الصيف الى فاتت
منتظر ردك لكي اكمل

عذراً للتاخير سيدي واخي العزيز لانشغالي بتصفح كل ما يثري فضولي عن مصر العزيزه

لجل تكون بالصوره أستاذي ، انا سعودي ومن الفئة الكادحه يعني من عامة الناس الحال مستوره ولله الحمد
ابي فندق من اختيار سيادتك يكون على قدر عالي من النظافه والرحابه بداخل غرفه وسعر كما تفضلت معقول ومناسب جداً وغير مكلفه ، وربي يبارك فيك حبيبي والف شكر ياغالي على تلبية طلبي وانا لك من الشاكرين أخي الفاضل

اخي الفاضل الكريم
ما رايك في Hotel TRANSIT Alexandria
هل هو جيد ما هو افضل وارخص فندق في اسكندرية
انا قادم ان شاء الله خلال هذه الاسبوع

المشاركة الأصلية كتبت بواسطة GoDubai
http://www.arabtravelersforum.com/tr...4/#post4156164

اخي الفاضل الكريم
ما رايك في Hotel TRANSIT Alexandria
هل هو جيد ما هو افضل وارخص فندق في اسكندرية
انا قادم ان شاء الله خلال هذه الاسبوع



اخي الكريم (GoDubai) هذا الفندق تقريبا ايضا من الفنادق المتواضعه وموقعه في مكان جميل وتقريبا هوا ارخص من فندق سيسيل الى بجواره
انا لا اراه فندق به عيوب
موقعه جميل جدا وانت لفت انتباهي ليه بصراحه
وتحت امرك في اي استفسار

المشاركة الأصلية كتبت بواسطة متزوج نيووو
http://www.arabtravelersforum.com/tr...4/#post4156118

عذراً للتاخير سيدي واخي العزيز لانشغالي بتصفح كل ما يثري فضولي عن مصر العزيزه

لجل تكون بالصوره أستاذي ، انا سعودي ومن الفئة الكادحه يعني من عامة الناس الحال مستوره ولله الحمد
ابي فندق من اختيار سيادتك يكون على قدر عالي من النظافه والرحابه بداخل غرفه وسعر كما تفضلت معقول ومناسب جداً وغير مكلفه ، وربي يبارك فيك حبيبي والف شكر ياغالي على تلبية طلبي وانا لك من الشاكرين أخي الفاضل




نرجع للعريس الى هينور مصر بعد العيد انشاء الله
شوف يا باشا بصراحه اقدر انصحك بفندق الحرم هوا فندق متواضع وانا اعرفه
وبصراحهه الفندق الى سال عنه الاخ (http://www.arabtravelersforum.com/user338389/) فندق متواضع ايضا بس انا لاسف ما عندي خلفيه عنه
بس بجد مكانه جميل جدا
وهوا بجانب فندق مشهور جدا انا اعرفه عز المعرفه لان افراح عائلتنا بتقام فيه وهوا فندق سوفتيل سيسيل
لكنه بصراحه غالى جدا ده في نظري بتاع حد عاوز رفاهية بس
او ليله وحده بس
وهناك فنادق اخري بس انا ارشح لك فتدق الحرم مكانه جميل جدا يعتبر في منتصف الاسكندريه وهوا على الكونيش على طول

دي صوره ليه






المشاركة الأصلية كتبت بواسطة بحب السفر












طبعا الصور من مشاركات احد الاعضاء
بس بجد فندق محترم
انا رشحته لناس كتير قبل كدا والحمد لله كان جميل
وايضا فيه غيره كتير ارخص و فيه اغلا

مبادرة طيبه منك اخوي رحال مصري

اشكرك من كل قلبي على تزويدك بالمعلومات الطيبه

::

عندي استفسار عن اسعار الشقق والشاليهات بعد العيد بشهر

وهل الذهاب في القطار مريح اما اخذ سيارة ؟


وشكرا مقدما

المشاركة الأصلية كتبت بواسطة جوازي جاهز
http://www.arabtravelersforum.com/tr...4/#post4157968

مبادرة طيبه منك اخوي رحال مصري

اشكرك من كل قلبي على تزويدك بالمعلومات الطيبه

: :

عندي استفسار عن اسعار الشقق والشاليهات بعد العيد بشهر

وهل الذهاب في القطار مريح اما اخذ سيارة ؟


وشكرا مقدما




اولا لو انت هتيجي اسكندريه بعد العيد بشهر
يبقا انته بجد اخترت وقت جميل جدا
اه كده بجد تعرف تشوف اسكندريه بجد وتعيش جو عروس البحر المتوسط
يا اخي دحنا اهلها بنتركها في الصيف ونروح نصيف في الساحل من الزحمه والناس الكتير الى فيها
طبعا المصيفين فيها كتتتتتتتير
انته بجد اخترت ميعاد جميل جدا تقريبا هيكون في شهر 10 او 11
بس عندي ليك نصيحه
بلاش موضوع الشاليهات في الشتا عموما دي نصيحه من مجرب
شقه او فندق افضل
والشقق وبعض الفنادق في الوقت ده بتحطم الاسعار بجد اسعار اقل من سعر الصيف يمكن النصف
علشان كدا انا مقدرش احددلك مبلغ
بس طبعا الفنادق الكبيره زي فلسطين وهيلتون وسوفتيل وسان استفانو والفنادق الغاليه دي شي تاني
بس الى انا متاكد منه ان اسعار تاجير الشقق في الوقت ده بتكون في الارض

بالنسبه لموضوع المواصلات خد التربيني ده قطار بيطلع من القاهرة الى الاسكندريه مباشرة تقريبا بياخد ساعتين او اقل
واخر مره ركبته كان بحوالى20 جنيه فيه اغلا وفيه اقل ده حسب الدرجه الى حضرتك تحجز فيها
واسال عن القطار الى بطلع من القاهرة الى الاسكندريه مباشرة
مش القطار الى بيقف في منتصف الطريق او القطار الى بيقف في بعض المراكز
اما لو حضرتك مش بتحب القطار ففيه في ميدان التحرير السوبر جيت ودي شركة سياحه مشهوره في مصر
وده هيكون باص جميل جدا
وكمان فيه هناك شركة لاجون دي برده عندها اتوبيسات جميلة وهيا ارخص من السوبر جيت بس خليك في السوبر جيت
بس في راي اركب القطار لان القطار هيوصلك الى قلب الاسكندريه او تنزل محطة سيدي جابر
اما الاتوبيس او الباص هينزلك في موقف محرم بيك وده خارج الاسكندريه جنب كارفور يعني بعيد عن قلب الاسكندريه
او تطلب من سائق الباص انه ينزلك في سموحه
وتحت امرك في اي استفسار اخر

اخي الرحال المصري ..
جزاك الله خير علي مساعدة الاعضاء ..


علي فكرة الصور اللي حضرتك ادرجتها لفندق الحرم هي من تصويري من تقريري عن الاسكندرية العام الماضي ..
ولكني لا انصح اي شخص بتجربة الفندق ابدا
الكهربا بتقطع في الفندق , في الشتي زجاج الغرفة كان غير صالح للغلق تخيل في الصيف اكيد المكيف غير صالح للعمل , الاثاث ردئ جدا , كمان الفطور سئ جدا ..

الحقيقة انصح بهذا الفندق فقط اللي عايز فندق للنوم كام ساعة فقط وطوال اليوم خارج الفندق ولكن في فصل الشتي ..
لانه مش هيحتاج مكيف ولكن في الصيف لا انصح بالفندق لاحد ..

لمساعدة الاعضاء هذا الموقع الالكتروني لسكك حديد مصر
ويوجد جداول توقيت القطارات بجميع درجاتها و انواع القطارات ومباشر او لا وكل شي ..
ويمكنكم الحجز ايضا من خلال الموقع الالكتروني

http://www.egyptrail.gov.eg/adocs/online/online.html

القطار الدرجة الاولي المكيفة اللي هي ثمن التذكرة 50 جنية هو افضل شي ..
وبياخد تقريبا ساعتين وتلت ..