الموضوع: ملابس المحجبات والسفر والحجابات أين أجدها؟

السلام عليكم ورحمة الله ...

أود السؤال عن عن ملابس المحجبات والسفر ( البلايز الطويله والبنطلونات الواسعة أو الفساتين )وكذلك حجابات الشعر .. أين أجدها في الكويت ؟ وكيف هي أسعارها ؟؟ :114:

أرجوا منكم ذكر المحلات بالتفصيل ( مع الموقع إذا أمكن ) واسعارها التقريبيه

مع كل الشكر والتقدير :106:

مواضيع عشوائيه ممكن تكون تعجبك اخترناها لك:

• ابغى رايكم الله يخليكم
• الكويت الذي كلما زرتها احتجت إلى العودة إليها
• جميع اسواق الكويت
• ابي افصل جوتي
• ايام في الكويت الحبيبه
• النخيل ولا الموفنبيك؟
• حابه دأ مشروعي الصغير من الكويت
• افتتاح متجر فيلا مودا
• مقتطفات مصًـــــورة من رحلة نسيم نجد وأبو سلطان للكويت
• منتزه مرح لاند الصباحية الترفيهي
• واخيرأ برووووووووووووووووح للكويت
• رأيكم في هذه الشقق الفندقية في السالمية و حولي لمن جرب السكن بها
• استفسار لأخواني وخواتي الكويتيين
• بيان من وزارة الداخلية بخصوص حادثة حريق العيون
• فندق المارينا الكويت
• نبارك للأعضاء بوابة الكويت دخول شهر رمضان المبارك
• شقق ميامي المفروشه من يعرفها ؟
• عاااااااااااجل جدااااااااااااااااا
• ادخل واكسب حسنات
• أهلي أهل الكويت جئتكم غدا زائرا

اهلا فيج..

في الكثير من المولات فيها محلات للمحجبات والأغلبيه

روحي مجمع الفنار ( محل أنوتا)

وبالمارينا مول ( محل برومودا )

صراحه اكثر المحلات اللي اشتري منهم

البلوزات الطويله .. وصراحه سعرهم غالي شوي بس جودته عاليه ..

عندج مجمع المهلب في منطقة حولي اهو مول وفيه محلات اتبيع قمصان و بالسرداب محلات اتبيع لفات ومحل اسمه نوران هذا مشهور بالملافع والحجابات في كل مجمع موجود تقريبا

حبيت اضيف بعد عندج

سوق السالمية (المعلم)

مجمع السندس بحولي

مجمع الايوب بحولي

مجمع كويت ماجيك في بوحليفة

المعلم بحولي

وفي بعد محلات في الفروانية والفحيحيل

اذا تبين اسعار رخيصه سوق المعلم في سوق السالميه ويسمى سوق سيتي سنتر


اسعاره رخيصه ومتنوعه واغلبها للمحجبات

هلا حبوبة

بالنسبة للملابس الخاصة بالمحجبات
اغلب المحلات التجارية في المجمعات فيها ملابس محجبات ومنهم

- مجمع الافنيوز برومود - دبنهامز - h&m - نيو لوك - مونسون
- مجمع الايوب محلات كثيرة تبيع ملابس بأسعار بسيطة
- مجمع السندس مقابل للايوب وفيه محلات ايضا تبيع ملابس بأسعار بسيطة
- مجمع النقرة الشمالي والجنوبي
- مجمع سوق السالمية فيه العديد من المحلات (المعلم)
- سوق شرق دبنهامز - انوتا - مونسون وغيرهم الكثير
- اسواق الفروانية
- مجمع كويت ماجيك


اما بالنسبة للحجابات

اسعار رخيصة
- سوق السالمية فيه كثير من المحلات تبيع ملافع
- المعلم بحولي
- سوق المباركية

اسعار متوسطة
- نوران ولة العديد من الافرع عندج مجمع النقرة الشمالي - سوق شرق - سوق السالمية - السالمية القديمة وغيرهم
- مجموعة من المحلات الخاصة بالعبي والملافع في الفروانية في مجمع العربيد وغيره من المجمعات التجارية
- مجموعة من المحلات الخاصة بالعبي والملافع في الفحيحيل
- عبايات المشعل في حولي
- السعيد للعبايات في سوق المباركية
- مجمع الايوب بحولي فوق في محل يبيع ملافع ستراس ناعمين

اسعار غالية
- محل الملفع وله فرعين ويبيع حجابات سيدتي الجميلة - مجمع العثمان بحولي ومجمع المثنى
- محل نسيت شسمة في مجمع الراية
- محل فولار وله عدة افرع منها مجمع الفنار والافنيوز والصالحية وكويت ماجيك
- معظم بوتيكات الماركات في الصالحية يبيعون ملافع ماركات

اتمنى اني اكون فدتج وحياج الله في الكويت :106:

ماشاء الله عليكم ...

والله يوم سألت عرفت ان ظني ماراح يخيب فيكم :113:

-------------------------------------

أحلى كيميائية

مشكوره ياقلبي ويعطيك ألف عافيه ..

السعر مو مشكله المهم الجوده والتميز :24:

-----------------------

attractive149

مشكور ( أو مشكوره :101: ) على الرد ..

وابغى اسألك السرداب هذا مول ؟ ولا اسم محل ؟

---------------------

ناصر كويتي

يعطيك العافيه وإن شاء الله أحصل فيه الي ابغاها :101:

-----------------------

Pink GirL Q8

مشكوره وتسلمين ياقلبي على ردك المفصل ... تعبتك معي :101:

بس فيه بعض المحلات الي ذكرتيها موجوده عندنا .. أنا احتاج محلات متخصصة في ملابس الحجاب لأني اشوف ما شاء الله الكويتيات دائماً متميزات في ملابسهم خصوصاً المحجبات في السفر علشان كذا ابغى محلات خاصة في هالنوعية من الملابس تكون فيها اشياء غريبة ومميزة عن المحلات العادية :101:

عموما انا سجلت كل المحلات والله يعيننا على اللف عليهم :109:

رمال العفو حبيبتي
عيل روحي المحلات اللي مو موجودة عندكم وان شاء الله بتلقين كل اللي تبينه
وعلى فكره احنا بالكويت نحب نركب يعني ماناخذ بدلة كاملة الا حق المناسبات اما بدل الطلعه والسفر اغلبها تركيب علشان جذي يطلع مميز فأنصحج بهالشي حبيبتي

المشاركة الأصلية كتبت بواسطة رمال الرياض
http://www.arabtravelersforum.com/tr...0/#post1432890

------------------------------------
attractive149
مشكور ( أو مشكوره :101: ) على الرد ..
وابغى اسألك السرداب هذا مول ؟ ولا اسم محل ؟
---------------------
عموما انا سجلت كل المحلات والله يعيننا على اللف عليهم :109:

يقصد السرادب الي في مجمع المهلب
بس اذا تحبين توفرين بالوقت انا ملاحظ اغلب المحلات العبي والشيل والملافع في الفروانية خلف الجمعية الكبيره مجمع العربيد والى جنبة وعندج سوق الفحاحيل

Pink GirL Q8

مشكوره على ردك مره ثانيه .. اسعدتيني :101:

والحقيقه انا احب اعمل تركيب واطلع بحركات بالملابس .. لكن قلت ابغى شي جديد مو عندنا تخبرين عاد البنات يحبون الاشياء الغريبه والي مو موجوده بكثره

---------------------------------------

abdullah q8

اشكر لك توضيحك ... وانا اسمع السرداب والسرداب على بالي محل :109:
وإن شاء الله اخذ بنصيحتك

اذا تبين شى مميز وحلو تقدرين تروحين هالمعارض الى يسوونها البنات فى بيت ديفا وكاريزما وسدرة وحتى فى بيوتهم...فى اشيا حلوة وستايل ومميزة... طبعا مو كل المعارض تستاهل

توليب30

إن شاء الله اذا معاي وقت امر عليهم .. بس يرضى أبو العيال :109:

مشكوره ويعطيك العافيه على ردك

ــــــــــــــــــــــــــــــــــــــــــــــــــ ـــــــــــــــــــــــــــــــ

Bent al kuwait

خلاص هذا كتبناه في القائمه وبأذن الله رايحين له ...

شكرا على ردك :101:

رمال حببتي كل سوق فيه بلات المحجبات