الموضوع: الاخ الله يجزاك الجنة واللي حاب يساعد

السلام عليكم
اخي ali الصراحة من سنوات وانا استفيد من هذا المنتدى الرائع لكن ما مر علي في اي بوابة الى الآن مثل تعاونك اللا محدود فما اقول الا الله يجزاك خير ولا نملك لك افضل من الدعاء

استفساري
انا والعائلة قررنا نروح بعض مناطق المانيا وسويسرا طبعا قرارنا متأخر لكني قاعدة احاول ارتب باقصى سرعه ممكنة السفر بيكون ان شاءالله من ٣١ اغسطس الى ١٢ سبتمبر من البحرين الى ميونيخ وبناخذ سيارة من هناك قلت اونس لنا وافضل لأن عددنا ٦ كبار وطفله والى الحين محتارة نسكن بميونيخ ومنها نزور بقية المناطق مثل قارمش وبادن وغيرها من اللي ذكرتها في موسعتك الرائعه او نسكن بقارمش او نوزع مثلا ٣ بميونيخ و٣ قارمش علما ان معي الوالد والوالدة يعني افضل السكن بشقه بمناظر راائعه اكثر من فنادق بالازعاج والزحمة
١- فاتمنى تعطيني اقتراحاتك بالنسبه للخطه المبدئيه من حيث السياره وتوزيع الايام واذا ممكن السكن؟
٢- النصف الثاني فكرت اخليه بسويسرا انترلاكن وزيورخ ومنها نشوف مثلا جنيف هل تشوفها فكره جيدة او نغيرها؟

اعذرني عالاطاله والله يوفقك دنيا واخره
حاليا لقيت حجز بشقق city aparthotel اليوم ب ٣٠٠ يورو والمواقف ب ١٥ يورو لليوم تنصح فيها ولا اغير؟

مواضيع عشوائيه ممكن تكون تعجبك اخترناها لك:

• هل المواقع ديه حد تعامل معاها قبل كدة لتاجير الشقق
• افضل المطاعم في برلين
• شهر عسل الى اوروبا
• استأجرت عن طريق موقع هل هو موقع للنصب للحين ماجانى حجزى
• عاجل جدا اليوم مسافر لهذا الفندق مطلوب احداثياته
• استفسار عن اوت ليت
• سااااااعدوني بلييييز مليت والله من كثر ما ادور
• ارجووووووووكم عااااااااااااااجل
• ميونخ و الفزعة يااهل الذوووق
• مساااااعده عاجله من ذوي الخبره
• أين أجد مجمعات التسوق الرجالية
• استفسار
• تساؤلات بخصوص السيارة في ميونخ
• رحلتي بعد اسبوع ساعدوني
• مشورتكم في تخطيط رحلتي
• تكفون ساعدوني جزاكم الله خير عشان ابوي ياكويتين
• استفسار عن المصروف اليومي
• رسم جدول لشهر عسل
• ارجو المساعده من الاخوان والاخواة للاهميه ؟؟؟
• مساعدة الخبراء ورأيهم في مسار رحلتي

عندكم 12 ليله هل وصولكم وعودتكم ميونخ ؟؟

اذا كان الذهاب والعوده ميونخ ماينفع تروحون سويسرا خلوها النمسا احلى او غيروا العوده على الاقل اذا تبغون سويسرا

لعلمك انتوا عائله كبيره ماشاء الله واحسن لكم تروحون النمسا لانها ارخص لكم اما سويسرا غاليه جدا جدا في السكن والاكل والاماكن الترفيهيه والشقق متوفره اكثر شي في زيلامسي وباشكال مره حلوه

انتظر ردك وابشري راح اساعدك بالسكن وبكل شي

مساء الخير

اولا تعتبر بادن بادن نوعا ما بعيده عن ميونخ لهذا نستبعدها .. وخصوصا لو كانت العوده من مطار ميونخ

ثانيا ايضا سويسرا بعيده خصوصا ان انترلاكن لها مشابهه واراها اجمل وهي زيلامسي او كابرون للسكن بأفضل الشقق وافضل الاطلالت ,,

وجنيف اسم اكبر من حجمها ,, لهذا الجواب

اذا كان وصولكم نهارا لمطار ميونخ ناخذ السياره ومباشره الى غارمش 3 ليالي ثم كابرون او زيلامسي 5 ليالي و4 ليالي الاخيره بميونخ غرض التسوق والحدائق ..اكتفيت ب3 مدن حتى تخففون التنقل ..لو ما عنكم مشكله بالتنقل اقترح عليكم بعد غارمش ندخل سالزبورخ النمساويه .. وهذا يتتطلب تغير توزيع الايام


اما لو كان وصولكم متاخر في كل الحالات راحه يوم بميونخ

ودمتم بود

المشاركة الأصلية كتبت بواسطة دمـوع الوجـد
http://www.arabtravelersforum.com/tr...2/#post5870992

عندكم 12 ليله هل وصولكم وعودتكم ميونخ ؟؟

اذا كان الذهاب والعوده ميونخ ماينفع تروحون سويسرا خلوها النمسا احلى او غيروا العوده على الاقل اذا تبغون سويسرا

لعلمك انتوا عائله كبيره ماشاء الله واحسن لكم تروحون النمسا لانها ارخص لكم اما سويسرا غاليه جدا جدا في السكن والاكل والاماكن الترفيهيه والشقق متوفره اكثر شي في زيلامسي وباشكال مره حلوه

انتظر ردك وابشري راح اساعدك بالسكن وبكل شي




مشكووووووره ماتقصرين فرحتيني بالرد الله يفرحك دنيا واخره
عودتنا من مطار ميونيخ ان شاءالله
فعلا طلعت عيوني وانا ادور بشقق وفنادق سويسرا ولقيتها مو طبيعيه مدري يصادف عندهم مناسبه ولاوشو.

بنغيرها ان شاءالله انا الصراحه مو مره متحمسه للنمسا لأني رحت لها من قبل مانقدر نروح ايطاليا مثلا بالسياره ولا تعتبر بعيده؟

المشاركة الأصلية كتبت بواسطة ali_q8_77
http://www.arabtravelersforum.com/tr...4/#post5871044

مساء الخير

اولا تعتبر بادن بادن نوعا ما بعيده عن ميونخ لهذا نستبعدها .. وخصوصا لو كانت العوده من مطار ميونخ

ثانيا ايضا سويسرا بعيده خصوصا ان انترلاكن لها مشابهه واراها اجمل وهي زيلامسي او كابرون للسكن بأفضل الشقق وافضل الاطلالت ,,

وجنيف اسم اكبر من حجمها ,, لهذا الجواب

اذا كان وصولكم نهارا لمطار ميونخ ناخذ السياره ومباشره الى غارمش 3 ليالي ثم كابرون او زيلامسي 5 ليالي و4 ليالي الاخيره بميونخ غرض التسوق والحدائق ..اكتفيت ب3 مدن حتى تخففون التنقل ..لو ما عنكم مشكله بالتنقل اقترح عليكم بعد غارمش ندخل سالزبورخ النمساويه .. وهذا يتتطلب تغير توزيع الايام


اما لو كان وصولكم متاخر في كل الحالات راحه يوم بميونخ

ودمتم بود



ماقصرت اخوي وموفق دائما
اتفقنا على استبعاد بادن بادن.
ان شاءالله وصولنا بيكون ٧ صباحا وانا فكرت نفس الفكره اننا نروح غارمش على طول ليلتين اذا تكفي؟؟
بعدين ٥ ليالي نخليها كابرون او زلامسي او مدينه من مدن ايطاليا لو ممكن؟؟
والعودة لميونيخ ونقعد فيها الباقي ٥ ليالي
وياليت اخوي لو بامكانك تقترح علي فندق بغارمش وميونيخ مبدئيا عشان احجزهم والله يجزاك الفردوس

ايطاليا بعيده الا اذا بتخلون العوده منها ممكن

اذا ماتبغون زيلامسي رغم انه ما في زيها

يكون مخططكم الغابات السوداء والريف البافاري فقط


يعني ميونخ - بادن بادن وماحولها - قارمش وماحولها - ميونخ

وممكن نضيف بريغنز النمساويه ولندوا الالمانيه يقعون على بحيره كونستانس لوحبيتوا

المشاركة الأصلية كتبت بواسطة om ebraheem
http://www.arabtravelersforum.com/tr...2/#post5871692

ماقصرت اخوي وموفق دائما
اتفقنا على استبعاد بادن بادن.
ان شاءالله وصولنا بيكون ٧ صباحا وانا فكرت نفس الفكره اننا نروح غارمش على طول ليلتين اذا تكفي؟؟
بعدين ٥ ليالي نخليها كابرون او زلامسي او مدينه من مدن ايطاليا لو ممكن؟؟
والعودة لميونيخ ونقعد فيها الباقي ٥ ليالي
وياليت اخوي لو بامكانك تقترح علي فندق بغارمش وميونيخ مبدئيا عشان احجزهم والله يجزاك الفردوس



ممتاز المخطط

السكن بميونخ وغارمش هنا

http://www.arabtravelersforum.com/travel419288/

وبكابرون لي موضوع بموسوعتي النمساويه عن السكن بكابرون


تحياتي

[QUOTE=ALI_Q8_77;5873626]ممتاز المخطط

السكن بميونخ وغارمش هنا

http://www.arabtravelersforum.com/travel419288/

وبكابرون لي موضوع بموسوعتي النمساويه عن السكن بكابرون


تحياتي




مساء الخير مشرفنا واتمنى تعذرني على كثرة الأسئله
١- هل السفاره الالمانيه تطلب مقابلة جميع الافراد المسافرين ولا بس الوالد مثلا؟
٢- غارمش من رأيك الافضل لها يومين ولا ثلاث؟
٣- اذا سكنا بكابرون ماهي المناطق اللي تنصحنا بزيارتها؟ واذا فيه شي مكتوب من اول تنصحني اقراه مع العلم اني قريت معظم تقاريرك ببوابة المانيا
٤- اوربا بارك نقدر نروحلها ونرجع بنفس اليوم ولا نسكن هناك افضل؟
وشكرا جزيلا

مساء الخير

اولا اسئلي بدون تردد

الجواب

1- اذا انتي من المملكه راجعي هذا الرابط

http://www.arabtravelersforum.com/travel520160/

2- ممكن 3 ايام يعني ليلتين يوم وصول وراحه ثم يوم للاماكن السياحيه فيها ويوم ممكن نذهب الى الريف النمساويه مثل انسبروك النمساويه الجميله .. مدينه ريفيه جميله

3- اذا كنتم تحبون سنتر وبحيره وناس ومحلات اسكنو بزيلامسي اما اذا جبال واهدأ فكابرون هي الخيار خصوصا ان شققها اكثر واجمل والمواقف بالغالب مجانا .. بكابرون سوف تزورن الكثير من جمال النمسا مثال وليس حصر . جبال كابرون الثلجيه .. زيلامسي وبحيرتها .. قمة شمتين هويه ... زحلاقية سالفدين .. شلالات كريميل والخ

4- لا لانها بعيده ولو فكرتو تسكنو فيها لا بد من تغير المخطط بالكامل وتحمل المسافت الطويله نوعا ما

بنتظاركم

مشكور اخوي الله لايحرمك الأجر
١- الحين نفكر نخلي السفره المانيا فقط وممكن تتخللها زياره للنمسا للمناطق القريبه يعني نروح بنفس اليوم ونرجع لأنهم يعتقدون ان كابرون ماراح تفرق كثير عن جمال الطبيعه في مناطق المانيا فالافضل انا نشوف المانيا زين فشرايك؟
٢- اذا وافقتنا الرأي طبعا بتتغير الخطه. وزيارة اوربا بارك شي ضروري فياليت تدلني شالحل المناسب؟
٣- وشو المخطط اللي تقترحه في حال الايام كامله المانيا. بحيث ماتزيد عن ثلاث مناطق نسكن فيها؟
٤- عجبني مرره هذا الفندق وفكرت نسكن فيه بدل شقق غارمش الثانيه لكن حاولت افهم بالضبط شلون احجز من هالجدول الغير مفهوم. اتمنى تلقي نظره.
http://www.eibsee-hotel.com/rates-a-offers/rates
والله يجزاك الجنه

نصيحه،،، كابرون اجمل بكثير من قارمش حرااام تضيعون عليكم الفرصه

مساء الخير

الجواب

1- نعم ممكن جدا وممكن زيارة الريف النمساوي من ميونخ او غارمش بشرط توف السياره

2- اذا تريدون اوربا بارك اوفقكم الراي بسبب رغبتكم ويكون المخطط كالاتي

من المطار الى غارمش مباشره ( غارمش 3 ليالي -- روشت مدينة ملاهي يوربا بارك 4 ليالي وانزورما حولها مثل ستراسبورخ الفرنسيه لو ما معاكم اخوات منقبات . وزيارة بادن بادن الجميله والخ .. ثم 5 ليالي بميونخ وزيارة سالزبورخ النمساويه

3- شرحته بالاعلى ومخطط مثالي

4- الفندق معروف لدي لكن انا افضل لكم السكن بالقرب من السنتر الفندق الوجيد الذي يقع على بحيرة ابسي بالقرب من غارمش .. وهو موجود ببكونق

http://www.booking.com/hotel/de/eibs...6a&aid=1329869

الله يجزاك خير
١- قريت عن الفيزا كثير وحاولت اكثر من مره اكلم مكتب اليمامه ومايردون ومحتارين الوالد متقاعد من وين يجيب تعريف. فهل يصلح يكون اخوي هو اللي يقدم عالفيز لأنه موظف ويقدر ياخذ ورقه تعريف من العمل وبيكون معنا بالسفر ؟
٢- انا عارفه انه هو اللي لازم يروح المقابله لكن تقديم الاوراق لمكتب اليمامه هل نفس الشي لازم هو يحضر شخصيا او نرسلها مع اختي مثلا؟
٣- المنطقه اللي ذكرتها للسكن قرب يوربا بارك عندك فندق ترشحه او شقق وهل ٤ ايام زينه او ٣ تكفي عشان نضيف يوم زياده لميونخ؟
شكرا جزيلا وياليت ترد باسرع وقت ممكن عشان الفيز

بالنسبه للفيزا ما عندي علم كوني انا من الكويت

اما بخصوص المخطط الي ذكرته لكم جيد جدا

بالنسبه للسكن بروشت هنا

http://www.arabtravelersforum.com/travel442182/

والنعم اخوي
خلاص اتفقنا عالخطه اللي قلتها من 31 الى 3 غارمش
1-احترت بالشقق هذي 5 نجوم وتقييمها ممتاز
http://www.booking.com/hotel/de/frei...ml?aid=1329869
او هذي تقييمها ممتاز ومع الفطور
http://www.booking.com/hotel/de/olym...ml?aid=1329869

اذا ماعليك كلافه ترشحلي وحدة منهم

2- من 3 الى 7 روشت
وفي هذي الشقق مالقيت غيرها بنفس المستوى. اذا عندك بديل ياليت تدلني عليه؟
http://www.booking.com/hotel/de/elzp...ar&aid=1329869

3- من 7 الى 12 ميونيخ
وحصلت في شقق CITY

رأيك فيهم الله يجزاك خير يارب وان شاءالله يكون سؤالي الأخير

انا ارشح الاولى بغارمش 5 نجوم

طبعا وبدون تردد احجزي هذي الشقه الي حصلتيها بروشت هي من الافضل بالمنطقه

اما الي بميونخ تقصدون اي وحده. علشان ما يصير اخر سؤال



ومبارك عليكم الشهر

المشاركة الأصلية كتبت بواسطة ALI_Q8_77
http://www.arabtravelersforum.com/tr...2/#post5886792

انا ارشح الاولى بغارمش 5 نجوم

طبعا وبدون تردد احجزي هذي الشقه الي حصلتيها بروشت هي من الافضل بالمنطقه

اما الي بميونخ تقصدون اي وحده. علشان ما يصير اخر سؤال



ومبارك عليكم الشهر



علينا عليكم يارب بالصحه والعافيه والله يتقبل الطاعات
اللي بروشت حجزتها الحمدلله مع ان كان بخاطري الحجز مع الفطور عشان امي وابوي يحبون الفطور بالفندق.
اللي بميونيخ http://www.city-aparthotel.de/ar/buchung.php

بس قالولي مافي الا الكبيره اللي ل ٨ اشخاص ب ٣٠٠ يورو الليله والموقف ب ١٥ يورو الليله حسيت لو احجز فندق احسن ولا شرايك؟

اللي بغارميش ركزت على المناظر اللي يطل عليها الفندق عشان امي وابوي يستانسون فيها الصبح. فهل اللي رشحتها مطلها حلو؟ وفنادقهم تسجيل الدخول فيها متأخر عن العاده تتوقع بيتعاونون ويعطونا الشقه بدري؟

السياره بحجزها من الوصول الى العودة ان شاءالله هل تأيدني ولا في ايام نقدر نستغنى عنها؟

وشكرا الف مره

السلام عليكم
غيرت رايي عن شقق ميونيخ مدري ماعجبتني طريقة الحجز ارسلهم الفيزا بإيميل فقعدت ادور فنادق وطلعت عيوني وانا ادور لقيت اخر شي
http://www.booking.com/hotel/de/muen...ml?aid=1329869

وهذا قريت عنه بالمنتدى
http://www.booking.com/hotel/at/ansi...02&aid=1329869

وهذا يمشي الحال
http://www.booking.com/hotel/de/topc...ml?aid=1329869

ادري ان الخيارات مو شي بس مالقيت غيرهم. انقذني الله يعافيك

مساء الخير واعذرني عالازعاج
عجبني هذا الفندق نوعا ما وحجزته مبدئيا
ترتيبه ب trip advisor ٢٢

http://www.booking.com/hotel/de/olym...2011-9&lang=ar
رايك وشكرا

اختي شوفي هالشقق بميونخ انصحك فيها روعه


http://www.booking.com/hotel/de/cita...ml?aid=1329869


تقدرون توقفون السياره خلف المبنى مجانا والشقه حقت اربعه اشخاص تقدرون تضيفون سرير لشخص بالغ بدفع مبلغ اضافي

شقه قارمش الاولى ممتازه جدا

وشقق رست

http://www.booking.com/hotel/de/gaes...16&aid=1329869


هذي حلوه

المشاركة الأصلية كتبت بواسطة دمـوع الوجـد
http://www.arabtravelersforum.com/tr...6/#post5890766

اختي شوفي هالشقق بميونخ انصحك فيها روعه


http://www.booking.com/hotel/de/cita...ml?aid=1329869


تقدرون توقفون السياره خلف المبنى مجانا والشقه حقت اربعه اشخاص تقدرون تضيفون سرير لشخص بالغ بدفع مبلغ اضافي

شقه قارمش الاولى ممتازه جدا

وشقق رست

http://www.booking.com/hotel/de/gaes...16&aid=1329869

هذي حلوه



هلا اختي ومبارك عليك الشهر
حتى لو اضفنا سرير مايكفي لأن حنا ٦ كبار عشان كذا استبعدت هالشقه. لو عندك اختيار ثاني الله يجزاك كل خير

انتوا 6 كبار اجل خذوا شقتين وحده حقت 4 اشخاص ووحده حقت شخصين اللي هي استديو تنفيذي وتراها افضل الشققق الموجوده هناك ولو معاكم اطفال اقل من 12 سنه غير السته البالغاين مجانا بدون سرر

اذا اخذناها بهالطريقه بتخرب الميزانيه وانا وعدت الوالد نخفف من ميزانية السكن للمشتريات وباقي الاشياء خصوصا ان معنا سياره فمو ضروري نسكن بالسنتر والمشكله انه مايبي اقل من ٤ نجوم فقاعده ادور اشياء ابعد شوي منها تكون احلا واقل ازعاج ومطلها حلو عشان يستانسون فيها الصبح

مشكور اخوي وماقصرت
الفندق اللي اخترته بميونيخ اللي هو هوليدي ان زين ولا يمشي الحال؟
عشان اذا ماهو زين بقعد ادور بالفنادق من هنا لين نروح ان شاءالله لأن في ناس يكنسلون كثير.
السياره تنصحنا ناخذها من يورب كار ولا سيكست؟

كمستوى فندق جيد وكمكان هادئه . كنظافه ايضا جيد جدا لكنه بحدود 10 دقائق عن السنتر

السياره الشركتين مجربتين وجيدين


تحياتي

مساء الخير اخوي
ادري اني ازعجتك بكثرة الأسئله واتمنى تعذرني للمرة الألف

ودي ندخل كابرون بالخطه فشنو رايك؟

مانقدر نروح اليوربا بارك بدون مانسكن بروشت حتى نقلل من التنقلات في الفنادق؟

لا وله يهمج

لو ادخلتي كابرون بدون ما تلغون يوربا بارك بتكون الرحله فيها كثير تنقلات ومسافات طويله


ومعلومه ملاهي يوربا بارك ببلدة روشت .. لهذا لازم تسكنون في روشت او فنادق الملاهي نفسها

سلام عليم اختي انا بالصدفة شفت موضوعك بس احب انبهك انه شقق ستي ابارتيل وايد صغيرة يعني حنا كنا قبل شهر نازلين بيها بس ماكانت تكفي صحيح هي نظيفة لكن صغيرة على العموم لو تحبين في مكتب وايد زنين فتعاملهم
رتبو لنا شقة كبيرة وسعر هم حلو وكمان سيارة بسايق ومترجم لانا كنا علاج على حسابنا..ايضا انتبهي فايجار السيارة على الكيلومتراج حرصي يكون مفتوح لانهم يدفعونك بعد القدر المحدد وايد على كل كيلومتر..
ولو تبين نصحتي نزلو بميونخ لانه غارمش او زلامسي بعد المغرب ما فيها شي ينشاف

المشاركة الأصلية كتبت بواسطة فتاةفتاة
http://www.arabtravelersforum.com/tr...2/#post5907192

سلام عليم اختي انا بالصدفة شفت موضوعك بس احب انبهك انه شقق ستي ابارتيل وايد صغيرة يعني حنا كنا قبل شهر نازلين بيها بس ماكانت تكفي صحيح هي نظيفة لكن صغيرة على العموم لو تحبين في مكتب وايد زنين فتعاملهم
رتبو لنا شقة كبيرة وسعر هم حلو وكمان سيارة بسايق ومترجم لانا كنا علاج على حسابنا..ايضا انتبهي فايجار السيارة على الكيلومتراج حرصي يكون مفتوح لانهم يدفعونك بعد القدر المحدد وايد على كل كيلومتر..
ولو تبين نصحتي نزلو بميونخ لانه غارمش او زلامسي بعد المغرب ما فيها شي ينشاف




مشكورة اختي ماقصرتي
وكل عام وانتي بخير

المشاركة الأصلية كتبت بواسطة ali_q8_77
http://www.arabtravelersforum.com/tr...6/#post5907186

لا وله يهمج

لو ادخلتي كابرون بدون ما تلغون يوربا بارك بتكون الرحله فيها كثير تنقلات ومسافات طويله


ومعلومه ملاهي يوربا بارك ببلدة روشت .. لهذا لازم تسكنون في روشت او فنادق الملاهي نفسها




مساء الخير والله يتقبل طاعاتكم
شرايك لو نشيل غارمش من الخطه ونروحلها من ميونخ ونرجع بنفس اليوم لأنها قريبه
يصير اول مانوصل نروح كابرون اعتقد المسافه 3 ساعات صح؟ نقعد فيها 5 ايام
وبعدين نروح روشت يومين واخر شي ميونخ 5 ايام ومنها نزور غارميش يوم او حتى يومين؟؟

تفكيرج وتخطيطكم ممتاز كذالك

بس المسافه طويله من كابرون الى روشت .. ولو مشينا على المخطط يومين مو كافي لروشت خليها 3 ايام فيها و4 بميونخ


تحياتي

المشاركة الأصلية كتبت بواسطة ali_q8_77
http://www.arabtravelersforum.com/tr...2/#post5908922

تفكيرج وتخطيطكم ممتاز كذالك

بس المسافه طويله من كابرون الى روشت .. ولو مشينا على المخطط يومين مو كافي لروشت خليها 3 ايام فيها و4 بميونخ


تحياتي



مساء الخير
ان شاءالله نعتمد هالخطه
1- بالنسبة للشقق والفنادق اللي كتبت عنهم بكابرون قريت عنهم كلهم والصراحه احترت اذا ممكن ترشحلي منهم كم واحد اكون شاكرة

2- اذا تذكر تقرير يفيدني عن الاماكن السياحية بكابرون ياليت تذكره لي.

وجزاك الله الف خير

عطيني التواريخ بالنسبه لكابرون اشوفلج على اختياري

اما الاماكن السياحيه فحدثي ولا حرج عن التقارير تفضلي هنا

http://www.arabtravelersforum.com/travel434002/

والله حيروني اهلي ناس تأيد اضافة النمسا وناس ترفض بحجة ان جمال المناظر والطبيعه متقاربة نوعا ما والاماكن اللي نزورها متشابهه ان كانت شلالات او الزحاليق او المرتفعات وبحجة ان ايامنا قليله نوعا ما فما ودنا يروح علينا الوقت بالمشاوير
فأنت شرايك تأيد النمسا أو لا؟؟

اكيد النمسا جميله

بالرحله توجد اجمل الاماكن بالنمسا كابرون .. زودي فيها ليله ونقصي من ميونخ

ما فهمت عليج بالظبط اختي الكريمه

المشاركة الأصلية كتبت بواسطة ali_q8_77
http://www.arabtravelersforum.com/tr...0/#post5915030

اكيد النمسا جميله

بالرحله توجد اجمل الاماكن بالنمسا كابرون .. زودي فيها ليله ونقصي من ميونخ

ما فهمت عليج بالظبط اختي الكريمه



ماتنلام اخوي صجيت راسك
اقصد ان اهلي حيروني يقولون خلينا على خطتنا الأولى اللي هي المانيا فقط ميونخ وغارمش وروشت
لأن برايهم ان جمال الطبيعه والاماكن اللي بنزورها سواء بالمانيا ولا بالنمسا متشابهه فيقولون ليه يضيع علينا الوقت بالطريق نخليها المانيا وبس

لا ابد اختي والله بالنسبه لي عادي اسئلي كما تشائين

الجواب لو ما عندكم مشكله بالمسافه بين كابرون ورشت تقريبا 6 ساعات .. اختاري الجدول الاول

ولو احببتي ان يكون المخطط الثاني ميونخ وغارمش وروشت ايضا ممكن بالنسبه لي كلهم جميلين

لكن انتو تحبون الملاهي ..؟؟ ااذا نعم وبخاطركم كثير اذهبوا على المخطط الثاني .. واذا لا وخاطركم بالارياف المخخط الي في كابرون وسالزبورخ وزيلامسي

تحياتي

المشاركة الأصلية كتبت بواسطة ali_q8_77
http://www.arabtravelersforum.com/tr...4/#post5919154

لا ابد اختي والله بالنسبه لي عادي اسئلي كما تشائين

الجواب لو ما عندكم مشكله بالمسافه بين كابرون ورشت تقريبا 6 ساعات .. اختاري الجدول الاول

ولو احببتي ان يكون المخطط الثاني ميونخ وغارمش وروشت ايضا ممكن بالنسبه لي كلهم جميلين

لكن انتو تحبون الملاهي ..؟؟ ااذا نعم وبخاطركم كثير اذهبوا على المخطط الثاني .. واذا لا وخاطركم بالارياف المخخط الي في كابرون وسالزبورخ وزيلامسي

تحياتي



الله يجزاك خير حنا نبي نجمع بين الاثنين المدن والملاهي والسوق عشان اخواني والريف عشان امي وابوي.
فالملاهي لابد منها اخواني متحمسين لها حيل فشكلي بتوكل على الله ونخلي خطتنا القديمة مثل ماهي (ميونخ - غارميش - روشت) لأني قريت كثير بتقارير كابرون وزلامسي وماحسيت في فرق كبير بين الاماكن السياحية فيها والاماكن اللي بألمانيا وانا شخصيا رحت من قبل النمسا والمانيا والطبيعه بالدولتين راائعه ماحسيت في فرق كبير بين ريف النمسا وريف المانيا. صح؟

ولما قريت بتقريرك عن الاماكن السياحية بميونخ بس تحمست لها هذا غير غارميش والملاهي وباقي الاشياء حسيتها اكثر ومتنوعه اكثر من النمسا.

الحين احاتي الجو اخاف ان الايام تكون كلها مطر ولا يمدينا نروح الملاهي ولا الزحليقه.

بالنسبة للزحليقه الصيفيه في اكثر من وحده كاتبين عنها بالمنتدى بس اللي فهمته ان اجملهم اللي هي قريبه من روشت صح؟

اوت لت سكادا انت كاتب ان الافضل نروحله بالتاكسي. تقصد للي ماعندهم سياره صح؟

غير المنطقه الفرنسيه اللي اسمها ستراسبورغ. شنهي المناطق بالدول المجاورة اللي نقدر نروحلها بنفس اليوم ونرجع سواء من ميونخ او غارميش او روشت؟

ان شاء الله الاجواء حلوه ومقبوله واحيانا ممطره لكن ما زالت تعتبر صيفيه

مخطط جيد جدا

الجواب نعم بالنسبه للزحلاقيه
وايضا نعم بالنسبه للاوت ليت اسكادا

من ميونخ في مثل سالزبورخ النمساويه ساعه ونصف وبنفس التقرير يوجد بحرة تنجرسي .. من غارمش ممكن زيارة فوشن .. وكذالك ممكن زيارة اقليم تايرول النمساوي الجميل وخصوصا نسبروك وعالم الشوارفسكي

من روشت الملاهي وستراسبو خ وبادن بادن والزحلاقيه

تحياتي

مساء الخير اخوي
ان شاءالله نروح سالزبورغ بالنمسا وستراسبوخ بفرنسا. واذا في مناطق ترشحهم بعد اكون ممتنة لو في منطقه قريبه بسويسرا فكرت بزيورخ وشفت المسافه ساعتين تقريبا بس مدري تستاهل ولا لأ؟
اذا تعرف بعد مزارع ممكن نزورها؟
قريت عن مزارع الفراولة بس لقيت ان وقت الحصاد خلص من فتره.
ومصانع مثل اللي بالتقرير مصنع الجبن والكاكاو بس تكون اقرب من اللي بسويسرا؟
والله يجزاك خير ويوسعلك

من بادن بادن ايضا ممكن زيارة بحيرة وبلدة تيتسي .. ممكن ايضا زيوريخ لو احببتم .. اما المصانع فهي بالجانب السويسري وممكن السؤال عن اقرب مصانع بالبوابه السويسريه .. ممكن ايضا زيارة فرايبورغ الالمانيه

اما من ميونخ بالتقرير المرفق لكم بالاول مدن بافاريا وقراها الجميله مثل بادو ويسي وتنجرسي وغيرها

السلام عليكم
قريت عن منطقة فرايبورغ Freiburg واللي فهمته انها منطقه اكبر من روشت وانشط وقريبه من الملاهي واغلب الاشياء فشرايك مين الاحسن نسكن فيها ولا برشت؟؟

السلام عليكم ابوعمر. عساك بخير

احترت بالسكن فرايبورغ جدا صعبه من ناحية توفر السكن مالقيت شي للحين وروشت حسيتها هاديه بزياده وممله. مدري شرايك؟؟

ابي رايك بهالخطه

الوصول بيكون 31/8 الساعه 7 الصباح يعني ان شاءالله نوصل غارمش قبل الساعه*10
اليوم الأول 31/8 نرتاح وبعدها الخوانق المائيه والقمة
اليوم الثاني 1/9 قلعة الملك المجنون واذا ممكن جزيرة الزهور
اليوم الثالث 2/9 نطلع من غارمش الى فرايبورغ وبالطريق نمر شلالات الراين
اليوم الرابع 3/9 الزحليقه*
*اليوم الخامس 4/9 اوربا بارك
اليوم السادس 5/9 المصانع في سويسرا
اليوم السابع 6/9 ستراسبوغ فرنسا*
اليوم الثامن 7/9*نروح ميونخ وبالطريق نمر الاوتلت
اليوم التاسع 8/9 الحديقه الاولمبيه وتوابعها
اليوم العاشر 9/9 ملعب مارين والسوق
اليوم الحادي عشر 10/9 سالزبورغ النمسا
اليوم الثاني عشر 11/9 نكمل التسوق*
اليوم الثالث عشر12/9 العودة بإذن الله*

فكرت اضيف يوم لغارميش ونلغي سالزبورغ
يوم الأحد اللي بميونخ هل بيكون كل شي مسكر شتقترح نسوي؟؟

اعذرني عالاطاله والله يجزاك خير *

التخطيط جيد لا تلغين سالزبورخ زوريها وتسوقي فيها وزوري معالمها الداخليه

ركزي على الملاهي ما يكون سبت او يوم احد

بميونخ يوم الاحد كل الفعاليات السياحيه مفتوحه ما عدى الاسواق

فكرة السكن ياريت لو تضحينها اكثر

في سؤال نسيته

الملاهي تقصد اوربا بارك ؟؟
انا قريت ان الملاهي تفتح الأحد

مساء الخير

الجواب

1- نعم جيده جدا ..

2- ممكن اتزيدون يوم من ايام روشت وخصوصا يوم زيارة المصانع بسويسرا .. لكن اذا حجزتي السكن اجعلي اليوم المقصود لزيارة المصانع يكون بداله زيارة بادن بادن الالمانيه

3- اسكادا اوت ليت مو بسالزبورخ .. الي بسالزبورخ اوت ليت سالزبورخ وممتاز بوجهة نظري .. وايضا اوت ليت ميتشغن افضل من اسكادا او ليت

4- جمعتي اغلب الاشياء المهمه


الشق الثاني من السؤال

الجواب

اعلم ان الملاهي تفتح يوم الاحد .. لكن اقصد تجنبي زيارة يوم الاحد والسبت لو استطعتي.. كون الملاهي اكثر زحمه من الايام الاخرى

الله يجزاك خير ومشكور اخوي على المعلومات المفيدة والله يتقبل طاعاتكم

اذا ماعليك كلافه تساعدني بالسكن في فرايبورغ لأني ماحصلت شي. الشقق اللي انت حاطها بالموسوعه كلها غير متوفرة.
من 3 سبتمبر الى 7

لو انت مكاني تسكن وين؟؟

نبهتني لزحمة الملاهي الله يعافيك بس شرايك استبدلها بشنو؟

مساء الخير

لو تذكري لي مره اخرى بعد اذنك الاعمار لو في اطفال وكم شخص . .


على فكره ما يمنع انكم تسكنون بروشت طالما السياره موجوده كون السكن بها ارخص وتوفر عدد كبير من الشقق ؟

اما بخصوص الملاهي انا اقصد لا تكون الزياره يوم السبت او احد لو استطعتي .. يعني شوفي التاريخ الي ذكرتيه اي ويوم وقومي بتدوير الايام لو في مجال

الله يعافيك اخوي
حنا 4 كبار واختي 17 سنة واخوي 14 وبنتي 5 سنوات.

اي اخوي قصدي لو استبدلتها مثلا بالزحليقه اللي ب todenua هل بتكون الزحليقه مسكره بعد؟؟

بعد بسئلك اخوي بعض الايام احس اذا زرنا مكان واحد بيبقى وقت طويل من اليوم مثل اليوم اللي خصصناه للقلعه مانقدر نضيفلها مكان ثاني؟

ونفس الشي الزحليقه ما اعتقد بتاخذ يوم كامل فهل نقدر نجمعها بشي ثاني؟؟

الله يجزاك الجنة*

مساء الخير اخوي واعذرني على كثرة اسئلتي

بالنسبة للسيارة بميونخ بما انها مدينة مزدحمه
هل السياقه فيها سهله والمواقف موجودة في كل مكان. خصوصا ان اخوي اللي بيسوق السيارة اول مرة يروح اوربا؟؟

كم تتوقع تكلفة البنزين او الديزل ل 13 يوم حسب خطتنا؟؟ لو تعطيني اقصى تكلفه ممكنة مثلا
وشكرا لسعة صدرك*

مساء الخير ام ابراهيم

الجواب على الشق الاول

الخيار الافضل لكم روشت وشقق الا اذا بغيتي فنادق والميزانيه ممتازه نتجه الا فرايبورغ او بادن بادن

الزحلاقيه مو مسكره بأيام العطل . وممكن جمعها مع جوله ببحيرة تيتسي ..

الشق الثاني الجواب

نعم لا تأجرونها بميونخ سلميها اول يوم وصول ..والعكس صحيح استلميها اخر يوم خروج منها .. بشرط ان تكون زيارتكم داخل ميونخ ..

اما بخصوص السعر التقريبي ما عندي رقم محدد الا ان سوف يكون ارخص لكم من التنقل بالقطارات مقارنة بعددكم

دمتي بود

الله يبيض وجهك اخوي
حنا ميونخ اخر محطه لنا بالسفره
لكن بالخطه عندنا من ميونخ يوم نزور سالزبورغ. يصير بعد مانزور سالزبورغ نرجعها.
لكن بهالحاله لازم اغير الفندق اللي انا حجزته لأنه يعتبر بعيد عن مركز المدينة وحتى المترو مو قريب منه*

ممكن تحتفظون بها بعد رحلة سالزبورخ او حتى غارمش ايضا

اما بخصوص المسكن ممكن ايضا اتغيرون لو احببتي

تحياتي

اخوي ابو عمر الله يعافيك
حالة طوارئ الأهل باخر اللحظات غيروا رأيهم واصروا يبون كابرون والتعب والتخطيط اللي من شهر احوس فيه تغير

طبعا المانيا حفظتها تقريبا بس الحين كابرون مايمديني اقرا كل شي فيها. عندي جدول فيه اسماء اغلب الاماكن واحداثياتها بس ينقصني ترتيبهم على ست ايام في كابرون ياليت الله يخليك تسعفني باسرع وقت ممكن بس اللي ابيه منك توزع الاماكن اللي بكابرون والقريبه منها على حسب الايام؟؟

بخلي يوم لسازبورغ ان شاءالله بس الباقي بانتظارك والله لايحرمك الاجر

اولا كيف صار الترتيب ..

وشنو بالظبط في بالج او ماذا جمعتي

تحياتي

المشاركة الأصلية كتبت بواسطة ali_q8_77
http://www.arabtravelersforum.com/tr...6/#post6049936

اولا كيف صار الترتيب ..

وشنو بالظبط في بالج او ماذا جمعتي

تحياتي




الله يفرج همك ويجزاك الفردوس الاعلى بهالليله الفضيله يارب
الترتيب 6 ايام كابرون
3 روشت
3 ميونخ

روشت وميونخ جدولهم رتبته من اول الحمدلله

باقي كابرون اللي جمعته من الاماكن الحلوة
تلفريك قمة شمتين هوية
قمة كابرون الثلجية
شلالات كريمل
الزحليقه في سيلفيدين
الخوانق المائية (شلالات كلام)

يوم كامل بنخصصه لسالزبورغ*

أنا الان باالمانيا ولا انصح بالذهاب لليوروبارك حيث زحمه والانتظار على اللعبة 90 دقيقة . الدخول غالي ولعبنا فقط 3 تعبات ومل الاطفال من الانتظار و الزحمة..وفعلا ضاع يوم علينا في الوصول اليها ثم العودة منها.. فهى بعيدة عن ميونخ..ثم تفاجانا بالزحمة.. ماتسوى

المشاركة الأصلية كتبت بواسطة angelaghost
http://www.arabtravelersforum.com/tr...0/#post6052850

أنا الان باالمانيا ولا انصح بالذهاب لليوروبارك حيث زحمه والانتظار على اللعبة 90 دقيقة . الدخول غالي ولعبنا فقط 3 تعبات ومل الاطفال من الانتظار و الزحمة..وفعلا ضاع يوم علينا في الوصول اليها ثم العودة منها.. فهى بعيدة عن ميونخ..ثم تفاجانا بالزحمة.. ماتسوى



ما هي بشارة
اي يوم من ايام الاسبوع زرتوها؟؟*

كل عام وانتم بخير

1- سالزبورخ

2- شلالات كريميل مع بحيرة زيلامسي والقوارب

3- جبال كابرون الثلجيه

4- الزحلاقيه الصيفيه مع قمة شمتين هويه

5- الخوانق المائيه مع زيلامسي نفسها

تحياتي

عيدكم مبارك أخواني رواد البوابة الألمانية
الله يجزاج خير أختي أم أبراهيم على الموضوع المفيد
دائما أستفيد من هالمواضيع الأستفسارية لأنه تفيد المسافر
وإن شاءالله الحين مستااانسين بربوع أوروبا

بسأل مشرفنا الكريم علي سمعت إن ورا فندق جراند هوتيل بزيلامسي مكتب إستعلامات للسياحة وهو يتوفر فيه تأجير سيارة مع سايق ليوم كامل مثل تركيا 8 ساعات 200 ،، 300 دولار
لأنه جربناها بتركيا صيف 2011 وأرتاح لها الوالد حتى كانوا يوصلونا من المطار إلى البورصة ومن البورصة إلى إسطنبول ومن أسطنبول للمطار شغل على الراحة
لأنه سنتين بروح فيهون الوالد
لأنه يبي مكاتب سياحية توفر سيارة مع سائق