الموضوع: الطريق الجديد المختصر من الرياض الى الكويت

الطريق الجديد المختصر من الرياض الى الكويت .. يبدا بالخروج من الرياض والاتجاة لمفرق رماح (روضة خريم) على طريق الدمام ثم الاتجاه الى قرية رفيعة ثم تجد خط مستقيم يخترق الصمان باتجاه شمال شرقي الى محافظة العليا مرورا بمفرق طريق الشيط ثلاث اتجاهات وينزلك شرق الى الخفجي .
ويمكن عن طريق الرابط ادناه تتبع مسار الطريق .
ودمتم بخير.

http://www.wikimapia.org/#lat=27.434...&z=13&l=10&m=a

مواضيع عشوائيه ممكن تكون تعجبك اخترناها لك:

• اسواق الكويت وطبيعتها ومواقعها
• استفسار بسيط لا هنتوا
• مـــــــــــدينة الــــــــجهـــــراء
• لو سمحت ممكن تدخل وتعطينى خبرتك
• سؤال للبنات فقط
• مساعدتكم لو سمحتوا
• ممكن نجمع احداثيات اهم المناطق السياحية بالكويت
• استفسار عن سكن في الكويت
• استفسار عن فندق لي رويال الكويت واستفسارات أخرى
• إد هـاردي ؟؟
• طيران الجزيرة رحلات يومية الي دبي بسعر دينار شامل الضرائب اودرهم
• افتتاح مول الخميس
• عدنا لكم من جديد
• مكست معنا الكويت واحنا نشوف مسلسل كويتي هههههه شباب
• السكن بالكويت
• فنادق الكويت دينار
• اخواني اهل الكويت
• استفسار؟؟؟
• أرجوووو المساعدة بسرعة جدا
• ممكن مساعدة يا اهل الكويت؟

شكرااا على المعلومة

يعطيـــك العافيـــه

تسلم اخوي مسافر على المعلومه ماقصرت

يعطيك العافيه , بس هالطريق الجديد كم كيلو تقريبا

المشاركة الأصلية كتبت بواسطة judo
http://www.arabtravelersforum.com/tr...7/#post1443917

يعطيك العافيه , بس هالطريق الجديد كم كيلو تقريبا



السلام عليكم ..الله يعافي الجميع ...
الطريق هذا مشيته امس بالليل من الرياض الى مدينة الخفجي 606 ستمائة وستة كيلو متر فقط لا غير .

تفاصيل الطريق .. وفيه مطبات صناعية يحبها قلبك لازم تعرف مواقعها قبل تمشي من بيتكم تحفظها صمممم وبعدين تخلي واحد يسمعلك ..لانك اذا ماحفظتها معنها تبي تنعفط تندة الموتر من نافوخك ..:109:
ولا باقي الطريق يحبه قلبك امس ماشي فيه 200 كم بال 750 وكان وشيش العسيب مع صوت المحرك 12 سرندل يبدد صمت الليل..وقتها فيه سيارات تمشي ريوس مادري ليه. :36_7_14:
مواقع المطبات الصناعية المبهمة غير مصبوعة وبدون اي علامات تجيك ختله ..
1- محافظة رماح وانت طول الشارع العام (بين المطب والمطب مطب) من النوع الصغير النقازي. بودن اي لوحات او عيون عاكسه او صبغ.
2- تقاطع حرف تي بعد محافظة قرية العليا ب20 كم ..فيه بعير اصطناعي ..عفوا مطب اصطناعي منبطح .. بس الله حق قبله 3 امشط تحذيرية .. وان ماهديت دون 40 الله يعين التنده .. تشهد.

تفاصيل الطريق :
بعد الخروج من الرياض اسلك طريق الدمام يجيك بعد 90كم مفرق رماح (روضة خريم) ادخل معه يمين وراح تركب كبري يتجه بك دوران الى يسار طريق الدمام باتجاه الشمال.. بعدها مفرق روضة خريم استمر لا تلف لخريم الا كانك وقت ربيع وودك تزبطلك بريق قرقاص(قريص) من الروضة وبعد مفرق روضة خريم على طول تعبر جسر شعيب غيلانه ثم قرية غيلانه وفيها محطة بنزين وبقالة على طول سيده 25كم تقريبا رماح (دير بالك للمطبات بوسط رماح) استمر لا يمين ولا يسار بعدها قرية الرمحيه .. وهنا مربط الفرس اذا استمريت راح تفاجأ انه ينتهي الطريق الي يشق الرمحية ويوقف ببيوت (شكلها مصدومه لوحة المفرق) قبل نهاية الطريق ب 500 م فيه شارع صغير على يمينك (ماكنه طريق سفر) علامته اللمبات تميزه عن غيره . لف معه يمين ودوووووس لا يردك الا قرية الرفيعة ثم قرية العليا على بعد تقريبا 200 كم هذا الطريق يشق الصمان يعني كانك وقت ربيع تبي تشبع من المناظر الخلابه وبنهاية قرية العليا محطة بانزين عب منها لان اقرب محطات بالخفجي واستمر لا يمين ولا يسار..بعد اخر محطة بالعليا راح تمشي من 20 الى 22 كم راح يجيك تقاطع حرف تي يمين باللوحة الدمام ويسار حفر الباطن طبعا بالليل ماراح تلاحظ ان التقاطع مو حرف تي قدامك طريق لكن اول 100 م مائة متر ترابي (وهو الطريق الجديد) الى يوصلك بطريق الخفجي فستمر على طول لان هذا يختصرلك 50 كم .. وراح ينزلك هذا لخط الجديد على طريق الخفجي نهاية هذا الطريق فيه تحذير 3 امشاط مطبات صغيره وبعدها فيل منبطح ..حرف تي يسار الى الخفجي ويمين الدمام وهذا امتداد طريق ابو حدرية .. طبعا تسوي يوترن وتتجه شمال الى الخفجي . كله سيد واحد بس وسيع ولا زحمه ولا يحزنون ..ولا تريلات .. بس فيه واحد مخاويك طول الخط .. القمر لاصارت قمرا .. ويخاويكم الرحمان في حلكم وترحالكم.

جزاكم الله خير


والسلام،،،

يعطيك العافيه

طريق جيت معه في الربيع رائع جدا وخاصة بالنهار

يختصر حوالي 100 كلم من طريق جودة

لا انصح به للعوائل ليلا طريق شبه مقطوع

لازم تعبي بنزين من رماح او قرية حسب اتجاهك




نسال الله السلامه للجميع

ياولد خرعتنا من هالطريق:ranting2:
تسلم عالشرح الوافي :15: راح أجربه المره الجايه

لا مايخرع .. وفيه ناس يرون هدوء الطريق وقلة كثافة السيارات وعدم وجود تريلات فيه ميزه وراحه بال افضل من اسقط ولا تسقط وكبسله ويكبسلك وكل شوي رادار وبين الرادار والرادار نقطة تفتيش ..ولف عليك مانتبه !! ولا كبس العالي بوجهك !! الطريق سايد واحد بس وسيع واكتافه عريضه.. والحذر من الجمال في الوصلة التي تقطع عروق الدهنا مابين مفرق الحفنه و منتصف الطريق الى الحفنه نهاية النفود.

بالنسبة لي .. احب سفر السيارة .. والله اعلم يبي يكثر ترددي للكويت عقب ماطحت بهل خط .. وخلاصة القول ان الخط ونيــــــــــــــــــــــــس ولا ودك يقضي بالصيف فما بالك بالشتاء لا مشت الشغايا والشعبان وربعت الارض.

والله أنا مشيت في هذا الطريق أو قريب منه فعلا ممتع خصوصا بالربيع مشيت معه العام وقبل العام

الطريق اللي مشيت معه...الخفجي..قرية العليا...طريق رماح مفرق التنهات...الثمامة...(الرياض) ستي!!

الحمدالله على السلامة: الله يسلمك

لاتعبت: لاندمت.

سلامة الأسفار: الله يسلمك.

العشاء الليلة: بيض الله وجهك مرتبط

خروفين ما عليهم أحد: ما قدر والشك زايل...وياخي محنا جايين نجربكم خيركم سابق ياهل الرياض ومن ينسى تلك الايام العصيبة ايام الغزو بيض الله وجيهكم وكل السعودية وكل واحد شريف

*هكذا كرم وطيبت اهل المملكة.




فمان الله ياالشعب السعودي ياذرى الاســلام..نودعــكم بأمــان الله ولاودي نـودعـكــــــم

على أن نلـتقـي معكم على يـوم من الايـــــام...وحنا لو تركناكم تعيش قلوبنا مــعكــــــــم

كرمكم في ضيافتكم على جميع الصدور وسام...مثل مايصبح كف الكرم رهن اصابعكـــــــم

طبايـع والـطـبايع تـبـقـى لـو مـرت كثيـر اعــوام....عساها للعمر تبقى و لا تـفنى طـبايعـكم

متفئل جدا... الله لا يعيد الشر ..ويكفينا ويحفظنا واياكم من كل مكروه ..
من مفرق رماح يستحسن عدم الاتجاه للتنهات بل الاتجاه الى طريق الدمام لان من رماح الى طريق الدمام السريع سايدين وخط نظيف واقل كثافة سيارات .. بينما من رماح للتنهات يزود عليك شوي المسافة وكثير منعطفاته لا اقبلت على شعيب الطوقي .. وكذلك كثير فيه الوايتات والابل.والثمامة عجئه على قولت البنانيين.

سير ترا حرنا ابرد من حركم .. انتم بنكهة الرطوبة :109:

ولا بغيت عازه او شي او برطمان حر او مرقة ضبان او سكري منصف(نص فانيلا ونص شوكلاته) او برحي لا يردك الا الخاص. :101:

الله يعطيك العافيه

و عسى الله
ايسر على كل مسافر

لا تنسون دعاء السفر و ركوب السياره
و بالسلامه

http://www.wikimapia.org/#lat=27.708...&z=15&l=10&m=a
رابط اوضح يبين الفصله الترابية وقدرها 100 متر .. وهي التي تختصر اكثر من 50 كيلومتر .


ارجو من المشرف جمع الثلاثة ردود في رد واحد لفائدة زوار المنتدى ولا تنسونا من صالح دعائكم.

المشاركة الأصلية كتبت بواسطة مسافر على عسيب
http://www.arabtravelersforum.com/tr...2/#post1460822

http://www.wikimapia.org/#lat=27.708...&z=15&l=10&m=a
رابط اوضح يبين الفصله الترابية وقدرها 100 متر .. وهي التي تختصر اكثر من 50 كيلومتر .


ارجو من المشرف جمع الثلاثة ردود في رد واحد لفائدة زوار المنتدى ولا تنسونا من صالح دعائكم.



بس لو تلاحظ أخي هناك ايضا في الخط اللي يربط المفرق بخط الخفجي هناك وصله طويله ترابيه..
وليست في البداية فقط ...

ارجوا متابعة مسار هذا الخط عنطريق الرابط

http://www.wikimapia.org/#lat=27.866...&z=15&l=10&m=a

الافضل هو أن لا تطلع من رماح للرمحيه بل أن تشق رماح ثم تتجه شمالاُ لقرية شويه فالرفيعه فقرية العلياء فالخفجي - طريق مختصر وممتاز خصوصاُ بالنهار لأنك ستعبر الدهناء والصمان

مشكور علي المعلومات

بعد الاطلاح والتمحيص والتدقيق الطويل..
قمت قياس المسافات لجميع الطرق المتجهه من الرياض الى الكويت عن طريق برنامج جوجل وهذه القياسات دقيقة بنسبة 99 %
قمت ببداية حساب المسافه من كبري الفحص في الرياض ( طريق الدمام تقاطع طريق الشيخ جابر )
http://www.wikimapia.org/#lat=24.824...&z=17&l=10&m=a

بعد الاطلاح والتمحيص والتدقيق الطويل..
قمت قياس المسافات لجميع الطرق المتجهه من الرياض الى وسط الكويت عن طريق برنامج جوجل وهذه القياسات دقيقة بنسبة 99 %
قمت ببداية حساب المسافه من كبري الفحص في الرياض ( طريق الدمام تقاطع طريق الشيخ جابر )
http://www.wikimapia.org/#lat=24.824...&z=17&l=10&m=a

وكانت النتيجه كالآتي :

1- طريق الرياض الدمام ابو حدريه الخفجي
800 كم

2- طريق المجمعه الحفر الرقعي
765 كم

3-طريق جوده النعيريه ابوحدريه الخفجي
700 كم

4-طريق رماح شويه الرفيعه قرية العليا ابو حدريه الخجي
640 كم

وشكرا للجميع

تصحيح لموقع كبري الفحص
http://www.wikimapia.org/#lat=24.824...&z=17&l=10&m=a

المشاركة الأصلية كتبت بواسطة ShAfEeZ
http://www.arabtravelersforum.com/tr...8/#post1614548

الافضل هو أن لا تطلع من رماح للرمحيه بل أن تشق رماح ثم تتجه شمالاُ لقرية شويه فالرفيعه فقرية العلياء فالخفجي - طريق مختصر وممتاز خصوصاُ بالنهار لأنك ستعبر الدهناء والصمان



عزيزي
كيف هي حالة الطريق؟ هل الإسفلت جديد؟؟ حفر؟؟ مطبات؟؟
شاهدته بقوقل ويبدوا أن هناك كثبان رملية تغطي بعض أجزائة مثل طريق حرض المؤدي إلى منفذ البطحاء على حدود الإمارات!!!

ومتى آخر مره سافرت عن طريقه

الاسفلت جيد ولا يوجد به أي حفر أو مطبات أو كثبان رمليه رغم ان الطريق يشق الدهناء اي يمر بأربع عروق هي أبا الثمام - عمر - الحمراني - السرو
الطريق بالليل لا أنصح به نظراً لأنه يمر بمناطق الرعي فالجمال السائبه خيره جداً على هذه الطريق .
لكن بالنهار ممتع ومختصر جداً وانا دايم استخدم هذا الطريق للوصول للخفجي

وفقك الله الجميع لكل خير

المشاركة الأصلية كتبت بواسطة ShAfEeZ
http://www.arabtravelersforum.com/tr...5/#post1621655

الاسفلت جيد ولا يوجد به أي حفر أو مطبات أو كثبان رمليه رغم ان الطريق يشق الدهناء اي يمر بأربع عروق هي أبا الثمام - عمر - الحمراني - السرو
الطريق بالليل لا أنصح به نظراً لأنه يمر بمناطق الرعي فالجمال السائبه خيره جداً على هذه الطريق .
لكن بالنهار ممتع ومختصر جداً وانا دايم استخدم هذا الطريق للوصول للخفجي

وفقك الله الجميع لكل خير




مشكور يالغالي للطرح والمتابعة والملاحظات الدقيقة . :24:







المشاركة الأصلية كتبت بواسطة ابوسهر
http://www.arabtravelersforum.com/tr...1/#post1613271

بس لو تلاحظ أخي هناك ايضا في الخط اللي يربط المفرق بخط الخفجي هناك وصله طويله ترابيه..
وليست في البداية فقط ...

ارجوا متابعة مسار هذا الخط عنطريق الرابط

http://www.wikimapia.org/#lat=27.866...&z=15&l=10&m=a



ابو سهر .. ماقصرت ياسنايدي :24: .. وترا رابط قوقل بعض المواقع ماتحدثت من فترة طويلة.. بينما في الواقع الطريق جديد ازفلته.


معليش اعذرونا لتاخر الردود .. اصل اشتراكي انجذف من الموضوع مدري من شاتني اوت :109:

المشاركة الأصلية كتبت بواسطة ابوسهر
http://www.arabtravelersforum.com/tr...7/#post1614927

بعد الاطلاح والتمحيص والتدقيق الطويل..
قمت قياس المسافات لجميع الطرق المتجهه من الرياض الى وسط الكويت عن طريق برنامج جوجل وهذه القياسات دقيقة بنسبة 99 %
قمت ببداية حساب المسافه من كبري الفحص في الرياض ( طريق الدمام تقاطع طريق الشيخ جابر )
http://www.wikimapia.org/#lat=24.824...&z=17&l=10&m=a

وكانت النتيجه كالآتي :

1- طريق الرياض الدمام ابو حدريه الخفجي
800 كم

2- طريق المجمعه الحفر الرقعي
765 كم

3-طريق جوده النعيريه ابوحدريه الخفجي
700 كم

4-طريق رماح شويه الرفيعه قرية العليا ابو حدريه الخجي
640 كم

وشكرا للجميع




ابو سهر .. تئبرني .. على قولت اخوننا اللبنانيين .. ابسميك المري ما شاء الله عليك .. ماسك مسطره وقاعد تصطر .. الله لا يهينك ولا يعنيك لمكروه . وشوله تمتر على رجليك :109:.

بس خل عنك ما خلوا شي العرب .. حتى الخطوط قاسوها بالاقمار .

4-طريق رماح شويه الرفيعه قرية العليا ابو حدريه الخجي
640 كم


انا عندي مداخله من واقع طبلون الموتر وهي ينقص عليك 40 كم اذا احتسبت الطريق الترابي الغير محدث بقوقل علماً انه في ارض الواقع مسفلت حديثاً ولا يوجد وصلة ترابية غير 100 متر فقط.. هذا العام في اغس..طس .

يعطيك الف الف عافيه اخوي مسافر

بس الطريق اخوي له سنتين مكتمل قبل كذا كان الى ما بعد هجره شويه بكم كيلو ينقطع وتكمل الباقي بر لكني ادل والحمدلله الحين صار الخط واستوى



مشكور ويعطيك الف الف عافيه

شكرا لكم كثيرا

الطريق مريت عليه مرتين الشهر اللي طاف وهو مكتمل والمحطات ماشاء الله متواجده وبكثره

وانصح اذا كنت رايح للرياض تاخذ طريق الشويه الرياض اقرب


والطريق كله مسفلت يعني مافي اي طريق رملي والحمدلله


لكن انصح بالنهار فقط لانها منطقه مراعي

الله يبيض وجهك على هالرابط وعلى هالمعلومات

شكراااااااااا الف

مشكور على الموضوع المفيد

اذا ممكن تحطون لنا اخر خريطة للطريق

واتمنى التفصيل

شاكر لكم

المشاركة الأصلية كتبت بواسطة Moody-man
http://www.arabtravelersforum.com/tr...4/#post2050824

اذا ممكن تحطون لنا اخر خريطة للطريق

واتمنى التفصيل

شاكر لكم

مافي اي خريطه ولا تحتاجون الى خريطه الطريق سهل جدا


من الرياض

رماح شويه القريه العليا وبعدين يجيكم خط بو حدريه اول لفه وريوس فوق حدر يعني او رتيرن والى الخفجي على طول ومن بعدها الكويت الطريق تقريبا 650 كيلو

أنا مسافر مع الطريق يوم الثلاثاء الظهر وراجع معه اليوم الصبح والطريق قريب جداً بس فيه بعض الملاحظات:
1- الطريق مقطعه يعني يبغى لك موتر جديد وخويا شباب وتوكل على الله . ولكني أشوف بعض العائلات معه والجوال ما خلا شي .
2- وحنا رايحين الثلاثاء الطريق زي الحلاوة، وراجعين اليوم الفجر فيه شوية كثبان رملية على الطريق ما كانت موجوده يوم رحنا ، وتحديداً بين القرية العليا وشويه .

تحياتي مهند1

انا رحت معه قبل سنتين وياليتني مارحت لاني مسكت الخط الصباح الساعة 7 وماامداني اتعدى رماح الا وعجه يحبها القلب وراح عن بالي ارش وجه الموتر والله مامشيت 300 كيلو الا والوجه ممسوح واللوحه بيضاء والانوار مطموسه وصلت لمركز الخفجي ويقولي الموظف على المنفذ وين اللوحه قلت له مثل وجهك بيضاء برطم شوي يحسبني اسبه ثم فكر وقدر وقال وانت ابيض وجه هات الاستماره !! علما ان الموتر كان شبه جديد وتحسفت في ذيك السفره بس يالله خيرها في غيرها بس بصراحه يقص المسافه قص .

السلام عليكم

يعطيك الصحة



تحياتي

ايوب

شكرا لكم لأني استفدت من هالموضوع
بس تخوفت من كلام الاخ اللي قال راحت وجهية الموتر !!!!
وش الراي؟؟