ما شاء الله ايش هذا
شكلوا البرنس راح يتبهدل من كثر الجولات 
نصيحه اتمنى ما ياوفق زوجك على السوق الصيني جدا مقرف ونفسيات تعبانه ويكرهوا العرب في اماكن احلى منه بكثير انا اشتريت شنط تقليد درجه اولا وكان شوي وبيحب على راسي لانه هندي
اما الصيني معروف كرهه للعرب ويعبرتوا نفسهم رقم واحد غير الريحه في المكان والسرقات و النشل و النصب
طيب اختي بما انك مختمه على المنتدى 10 مرات هذه فاده لكم وراح تساعدكم في السفريه كثير احسن من يروح اعمى ويجينا هنا يكتب سلبيات ماليزيا
وما شاء الله ترتيب واحد فاهم و مقتنع بالرحله وعارف وين يروح اصلا وعارف انه ما يحب الالعاب المائيه فما في داعي اجلس فيها اكثر من يوم
طيب خلينا نجاوب على الاسئله وان شاء الله بتلاقي ظالتك فيها و تطير كل حيره
ردي باللون الازرق
1-لما نرجع من لنكاوي للمطار كيف طريقة الذهاب لجنتنق انا ودي بالباص بس اللي اقصده كيف نوصلها
اذا بترجعي الى مطار اير اسيا اللي اسمه LCCT وهو بجانب المطار الدولي في طرقتين اما تاكسي او باص طبعا الاسرع تاكسي وغالي تقريبا 180 ولكن لو حابين ايضا يوجد باص فخم من شركة ايرو باص بسعر 35 للشخص يوصلكم الى فندق الفرست وورلد دايركت وله جدول موجود في الصوره ادناه انتوا احجزوا فيه رحله ذهاب فقط والرجعه لو حابين ترجوا خذوا تاكسي 70 رنجت بالكثير من غير الجولات وانتوا نازلين
هذا الموقع ولا تحجزوا اونلاين احجزوا في المطار نفسه ونتوا رايحين لنكاوي تعطوه التواريخ او تذكرة العده وهو بيحجز لكم على ضوها
وهذا من موقع جينتينق نفسه علشان تتاكدي انه موثوق جدا وفيه ارقام واعتقد هذا الموقع اول مره ينزل المنتدى وراح يكون خدمه حلوه ورخيصه للشخصين او الشخص الواحد
نعم يوجد شرحتها فوق
2-ابغى احلى الشلالات عن تجربه وتستحق الزياره عادي لو فمنطقتين؟؟
الشلالات انا زرت ثلاث شلالات في لنكاوي وخيال الصراحه انصحك فيها وانصحك بشلالا كوالالمبور ايضا تمبلر بارك
3-جنتنق ايش فيها اماكن ممكن نزورها؟؟؟
حديقة العسل و الفراوله و ( القريه الفرنسيه تبعد عن جينتينق 20 دقيقه تسمى بوكيت تنجي ) هذه احسن الاماكن طبعا
4-ايش الاسواق اللي الاقي فيها شي يستحق الشراء وتكون رخيصه طبعا في كوالا؟؟؟؟
التايم سكوير مول رخيص و السونغي وانغ رخيص و سوق سوغو بعيد شوي منكم بس رخيص ايضا
5-فيه نشاطات على شواطئ بورت ديكسون ولو طفشنا فيه مكان نقدر نتمشى فيه؟؟؟؟؟
ان شاء الله ما راح تطفشوا هي المدينه هادئه و قضوا وقتكم في الفليلا و المسبح اللي فيها لان عندهم شواطئ بس مو حيويه كثير شغل تمشي و مناظرة الغروب بس
6-فرنجي باين ايش رايكم فيه "صحيح حاجزين وخالصين بس بتاكد من رايكم"لاني مااحس اني مقتنعه مره فيه؟؟؟
كنت اقرا عنه الصراحه عجبني ان في الفيلا يوجد جاكوزي داخل اوكي هو فندق قديم شوي ومنه فيلل مجدده و نظامه حلو سعره حلو بس يعيبه شيئان اول شي انه صديق للبيئه جدا يعني ما راح يتق حشره لهذا يشتكوا من الحشرات ولكن انتي لا تكوني صديقه للبيئه كثير واشتكي لان اهم شي الانسان وراحته مو معقول انام مع النمل ( لنكاوي اصلا كلها كذا يعني عادي هالشي ) وقالوا فطوره مو منوع كثير ولكن هاي مو مشكله تنحل يعني الصراحه اتمنى منك تقرير عنه
6- كم الوقت المستغرق ع نخلص اوراقنا ونشحن العفش من مطار جده؟؟؟
تريدي تخلصي بسرعه في المطار ؟ اطبعي البوردينج باس من موقع اير اسيا قبل السفر بيومين ودوروا على كاونتر اير اسيا بتلاقوا كاونترين او ثلاثه او اربعه المهم واحد منهم مكتوب عليها فاست باج دروب تقريبا امشي فيه واعطيه البوردينج وامورك في السليم وكونوا متواجدين قبل الرحله بثلاث ساعات بليز لا تروح عليكم الرحله
سفرتنا ان شاءالله من جده لكوالالمبور ع خطوط اير اسيا (اتوقع اننا اول المسافرين عليها دوليا لاني مااشوف احد كتب عنها)وهذا الشي مخوفني
نعم محد نزل ونحن منتظرين حد ينزل فهمتك معانا اول ما ترجعي تحطي لنا صور و تقريرك عن هذا الموضوع علشان يستفيد غيرك
نسيت اسال عن القريه الفرنسيه أفضل اروح لها من جنتنق او كوالا؟؟؟
افكر اخليها من جنتنق لان مافيها اماكن زياره كثير
واذا بروح لها من جنتنق او كوالا فيه باصات ووين مكانها؟؟؟؟
رآيكم يهمممني 😊
من جينتينق ووخليها بالتاكسي ضمن الجولات للعسل و الفراوله و الورد
رد مع اقتباس
المشاركة الأصلية كتبت بواسطة لامو2013
المفضلات