الموضوع: اللي عندهم خبره في الاماراتممكن

ســـلااااااااام عليكـــــــــم

شخبـــــــاركم عساكم بخير

بدخل بالموضوع على طول وياليت تعطوني اقتراحاتكم

ان شاء الله شهر 7 بسافر الامارات مع الاهل لمدة اسبوع

ودي اروح اكثر من اماره (ياليت تقولون لي اي اماره اروح لها مابي اتعنى لمكان مافيه شي )

بغيتكم ترتبون لي الجدول لان الصراحه احترت مارعرفت ارتب من ناحية الاماكن الحلوه في دبي وابوظبي

والعين وعطوني رايكم باي اماره ثانيه كشوخيه :tongue:


يعطيكم العافيه وهالله هالله بالقترااحات واكيد مابتقصرون :wink:

مواضيع عشوائيه ممكن تكون تعجبك اخترناها لك:

• طلب خاص لاهل الامارات
• عرب لينك مطلوب حجز
• ايش ارخص السعودية ولا الاماراتية
• استفسار؟؟
• رحلات الطيران لراس الخيمه
• فعاليات صيف ابوظبي لمن يرغب
• مواقف مطار دبي ؟؟؟؟
• ترتيب رحله لدبي ايام
• فندق حمام سباحه خاص
• يااااااشباب ابغى فزعتكم معي؟
• بوابة النجوم
• مترو دبي ينقل مليـون راكــب في عامه الأول
• قرية فولفو في ابوظبي
• توقيع اتفاقية نقل جوي للأجواء المفتوحة بين الإمارات وبنما
• كورب ايكزكتف البرشاء عروض الصيف
• ابغاء رايكم يا اعظاء المنتدى
• بالصور
• وش رايكم في شقق ديرة سويت
• الله يعطيكم العافية وين هالفندق ؟
• فندق رامي غيست

اخوي قطر فوكس - حياك الله
انا صراحه اتردد علي دبي
وامر ابو ضبي مرور يوم يومين بالكثير- الامارات الثانيه زرتها علي السريع ماعندي خلفيه كبيره عنها
ودبي ادخل هذا الرابط راح تلقا فيه كل شى تحتاجه في دبي

http://www.arabtravelersforum.com/travel279407/
اذا عندك اي استفسار عن دبي انا حاضر في اي وقت اخوي................................ ورحله موفقه

اذا بس اسبوع دبي تكفي .. على ما اعتقد

ابوظبي ممكن تروح لها يوم من الصباح الى المسا .. تبعد ساعه و شوي عن دبي

رحله موفقه

انصحك اتزور ( دبي _ العين _ ابوظبي )

3 ايام في دبي ومن ثم ليله في العين ومن العين تتوجه إلى العاصمه ابوظبي


المسافات

من دبي إلى ابوظبي = ساعه ونص تقريبا ..
من دبي إلى العين = ساعه تقريبا ..
من العين إلى ابوظبي = ساعه تقريبا ..

........

دبي / 3 ايام

فـ خلال هـ الـ 3 ايام تقدر اتزور هـ المولات :

( مول الامارات - ابن بطوطه مول - دبي مول - وافي ستي )

وانصحك بـ هذا المكان :

The walk

يقع بالقرب من جزيرة نخلة جميرا
ممشى جميل جدا على الطراز الاروبي وتحيط به المطاعم الفاخره والكافيها والمحلات والماركات العالميه

وانصحك كذلك بـ زيارة

الحديقه الثلجيه الموجوده في الامارات مول

وزيارة جزيرة النخله وفندق اتلانتس الموجود بها ومشاهدة الاكوريوم المائي الضخم

زيارة فندق برج العرب

زيارة سوق جميرا - سوق تراثي جميل جدا ( يقع بجانب برجع العرب )

رحلة عشاء في قرية البوم السياحيه

زيارة مرسى دبي ( يقع بالقرب من حديثة نخلة جميرا )

بخصوص فنادق دبي

تابع قسم حجوزات شركة عرب لينك

عندهم عروض صيفيه مميزه :

http://www.arabtravelersforum.com/travel282981/



http://www.arabtravelersforum.com/travel276384/

والمزيد هنااا

http://www.arabtravelersforum.com/travelarab231/


.........


العين


ليله وحده تكفي

والفنادق الموجوده بهآ : هيلتون , روتانا , انتركونتنتال

وانصحك تسكن فـ الفندق الموجود على قمة جبل حفيت ( فندق ميركيور )

فندق جميل جدا ورمانسي

وقمة الجبل اجمل

الاماكن السياحيه فـ العين :

العين مول
مبزره الخضراء وبجانبها يقع جبل حفيت


...........


ابوظبي

ليله واحده تكفي

الفنادق كثيره جدا

وانصحك اتجرب فندق قصر الامارات

الاماكن السياحيه :

المارينا مول
الكورنيش

..........

رحله موفقه اتمناها لك في ربووع الامارات

ابوظبي فيها المارينا مول وابوظبي مول والوحده مول

الفارس-99

تسلم أخوي على الرد .. بيض الله وجهك :24:

mzoon

شاكر لك مرورك و ردك على استفساري

ارقام وحروف

جزاك خير و اتمنى لك التوفيق دنيا و آخره

نآصر

بصراحه مرتب لي برنامج وجدول سياحي رائع

تسلم و ما قصرت والله

اذا تسمح لي ممكن كم استفسار منك .. ومن جميع الاعضاء

بأبوظبي مافي أماكن سياحيه غير المولات والكورنيش؟

واذا حاب اقعد بدبي اسبوع من غير ما اروح ابوظبي والعين .. وش هي الاماكن السياحية غير اللي ذكرتها وتنفع للعوايل؟

وش رايك بشقق Layia Oak Hotel & Suites ؟

اتمنى اني ما ثقلت عليك بأسألتي

و مره ثانيه اقدم لك شكري و تقديري على تفاعلك وردك على الموضوع

لاعدمناك

المشاركة الأصلية كتبت بواسطة QatarFox
http://www.arabtravelersforum.com/tr...5/#post3015595

نآصر

بصراحه مرتب لي برنامج وجدول سياحي رائع

تسلم و ما قصرت والله

اذا تسمح لي ممكن كم استفسار منك .. ومن جميع الاعضاء

بأبوظبي مافي أماكن سياحيه غير المولات والكورنيش؟

واذا حاب اقعد بدبي اسبوع من غير ما اروح ابوظبي والعين .. وش هي الاماكن السياحية غير اللي ذكرتها وتنفع للعوايل؟

وش رايك بشقق Layia Oak Hotel & Suites ؟

اتمنى اني ما ثقلت عليك بأسألتي

و مره ثانيه اقدم لك شكري و تقديري على تفاعلك وردك على الموضوع

لاعدمناك





هلا اخوي

لا افا عليك

ابوظبي مدينه هاديه جدا وتتمركز فيها الشركات والوزارات والدوائر الوطنيه

يعني غير المولات والكورنيش

ما اعتقد فيه شئ ثاني

وبخصوص الفنذق اللي ذكرته بصراحه ماعندي خلفيه عنه

وبخصوص الاماكن الترفيهه للعوائل تابع هـ الموضوع :

http://www.arabtravelersforum.com/travel288866/

والسموحه منك

نآصر

تسلم يا الغالي و ما قصرت والله

المشكلة الاهل ما يحبون المجمعات .. ومب عارف اشلون اونسهم خلال هالاسبوع

عندك الحدائق العامه

حديقة الخور ( بها مدينه للطفل ) انصحك اتزروها

حديقة الحيوان / دبي

حديقة الممزر

حديقة شاطئ الجميرا

حديقة الصفا

مربى الشارقه للاحياء المائيه

http://www.arabtravelersforum.com/travel220983/

نآصر

بصراحه واضح من التقرير انه المكان روووووووعه :24:

بس شكله للاطفال .. و الأهل ما شاء الله عليهم من 19- 28

اذا أخذتهم هالمكان راح يجيني :36_1_42:

بما أن الأهل لايحبون المجمعات أرى أن العين تستحق أكثر من يوم وذلك للميزات التالية:
في الليل درجة الحرارة أفضل من أبوظبي ودبي...
تتميز بعدم وجود الازدحام والطرق سهلة وسلسة...
تتميز بتنوع التضاريس من جبال ورمال حمراء ووجودها بالقرب من عمان (البريمي على بعد خمس كيلومترات ومدينة صحار على مسافة مائة كيلومتر وهذا يعطيك فرصة لتزور عدة مناطق في خلال ثلاثة أيام مثلا...وفيها أماكن أثرية وطبيعة جميلة ..
أنصح بالاضافة الى فندق ميركيور جبل حفيت ...أنصح بشاليهات مبزرة الخضراء...أسعار جدا معقولة ونظيفة وخصوصية...ونتمنى لك طيب الاقامة...

للاستزادة http://www.arabtravelersforum.com/travel288624/

السلام عليكم
مرحبابك اخوي الكريم

أغلب المجمعات او المولات مش فقط للتسوق فيها أماكن ترفيهيه مثل:

-الإمارات مول .. فيه سكي دبي -الحديقة الثلجية-
ولعديد من المطاعم ولكوفيات ، والعاب للأطفال وصالات بليارد وبولنغ.
ومرتبط فيه فندق كمبنسكي.



-ابن بطوطة (تحفة معمارية)ويتكون من 6 أقسام
الصين - الهند - تونس-مصر - بلاد فارس - ساحة الأندلس



- دبي مول:
فيه صالة تزلج + الأكواريوم ومركز الإستكشاف
بالإضافة إلى العديد من المطاعم ولكوفيات.



-الفستفال سنتر جلسات المطاعم الخارجية رايقة وحلوه



-تايم سكوير:فيه الكافية الثلجي.



-مطاعم سوق جميرا ، الجلسات الخارجية راائعه ، وتقدر تاخذ جولة بالعبرة(القارب) حول السوق ولمطاعم . السعر لغير نزلاء الفندق 50درهم.



-مرسى دبي(المارينا)



-جميرا بيتش ريزيدنس the walk


معلومات أكثر فالرابط:
http://www.arabtravelersforum.com/travel237670/




تقدر اتزور إمارة الشارقة ليوم واحد فقط
-الغداء في صحارى سنتر قريب جداً من دبي عندهم مطاعم الفاست فود والمطاعم العالمية.
-العصر تتمشون على بحيرة خالد.
-إذا تحبون تدخلون مربى الشارقة للأحياء المائية( في منطقة الخان)
-ثم قناة القصباء المكان حلو تقدرون تركبون عين الإمارات، ثم تتعشون في أحد المطاعم عندهم مطعم شبابيك (عربي) وحلو .
ثم تركيون العبرة(القارب) وتاخذون جولة فالقناة المائية.

(الأماكن المذكورة قريبة من بعض)



رحلة موفقة بإذن الله

أحمد العين

تسلم و ما قصرت والله

و أكيد العين من المناطق اللي راح ازورها

ممكمن سؤال .. كم سعر الشاليهات؟

بنوتة الامارات

بيض الله وجهك على هالجدول

ويجزيك ربي كل خير

عندي سؤال .. الحديقة الثلجية أو سكي دبي لهم بدله خاص وقت الدخول .. وخبرك نحن أهل الخليج أهلنا بعبي وشيل

فهل يناسبهم دخول مثل هالاماكن؟

شاليهات المبزره تبدأ الأسعار من 700 على ما اعتقد ، كنت اهناك قبل شهرين



انت بالضبط وين الاماكن اللي تبي تروحلها ؟

مراكز ومولات ، حدائق ، ألعاب ، بحر ، شاطئ ، ممشى ، جبال

حدد اللي تبغيه بالضبط حتى نقدر تفيدك اكثر




اذا كنت تبحث عن الراحه والاسترخاء والاستجمام
انصحك بزيارة العين \ المبزره
المبزره حديقه خضراء كبيره جداا ومتفرعه وجميله ، تنفع للعوائل الصغيره والكبيره ، المكان كله عشب اخضر وماء ، مثل الانهار تمشي على جنب الطريق ، اكثر الزوار يتوقفون ويقعدون جنب جداول الماء او الانهار الصغيره ، يوجد ايضا نوافير جميله جداا ، يوجد ايضا القطار السريع انصحك تجربه اذا رحت هع ، يوجد ايضا مسابح خاصه للرجال والنساء اماكن مرتبه ومياه المسابح كبريتيه حاره تريح الجسم تفتح من الساعه 11:30 الظهر إلى 10:30 بالليل المسابح
الحديقه مفتوحه 24 ساعه
يوجد بالحديقه شاليهات + مطاعم
يوجد ايضا بحيره كبيره يوجد بداخلها نافورة كبيرة ويوجد بداخلها اسماك تقدر تشوفها وانت تمشي حواللي البحيره
لازم تدخل قصر المبزره جميل جدااا
لازم تزور المبزره اذا رحت العين


امممم...
يوجد جنب المبزره جبل حفيد ، يوجد شارع خاص يوديك للقمة ، عند القمة يوجد فندق اسمه ميركيور تبدأ الاسعار 500
الجبل روووووعه

يوجد ايضا اكبر حديقة حيوانات بالشرق الاوسط بالعين ، حديقه كبيره ضخمه فيها حيوانات كثيره مثل الزرافه والاسد ههههه

يوجد متحف بالعين

وحدائق لألعاب





اذا كنت ناوي تزور الامارات لــ7 ايام ، مايمديك تزور دبي و ابوظبي او العين مره وحده !!



بالتوفيق ان شاء الله


ورحله موفقه

السلام عليكم

لي مشاركة بحكم خبرتى بدبي ...

لا يفوتك المتحف ....في دبي روعه جدا وراح يكون من ضمن الخيارات الجميله اذا زرت دبي ...

وبعدين بالنسبة للمولات ...
دبي اكبر ما يميزها هو المولات ...وضعها مختلف عن اي دوله ....هدوء واجواء وفخامة وابتكار رائع لتصميم المولات ..انا متاكد راح تعجبكم حيييل بالذات مول ابن بطوطه ....
ومول ميركاتو .....
وخيار زيارة المولات بدبي لا مفر منه ....وذلك نظرا لاجواء دبي في اشهر الصيف والحر الشديد والرطوبه ...ليصبح افضل خيار هو زيارة المولات ....والافضل يكون الغداء او العشاء فيها ...

تحياتي لك ...وباذن الله تستمتعون بالرحله ....

اخوي الكريم.... الوضع عادي يسمحون بالدخول بالعباية والشيلة
فقط يعطونهم واركوت(جاكيت طويل)
ويشترون قفازات عشان برودة الجو داخل.

حتى الرجال مش شرط يلبسون لبس لسكي للي مايحب.
بإمكانه الدخول بملابسة فقط يلبس جاكيت ويأخذ قفازات.

رحلة سعيدة بإذن الله

uae user

بصراحه الواحد يحتار وين يروح بـ هالجو .. لا الحدائق ولا الممشى ينفعون مع هالحر والرطوبه

أبوهاجر

شاكر لك مرورك و اقتراحاتك الطيبه من خلال خبرتك وسفراتك لدبي

جزاك الله خير .. وبيض الله وجهك بياض اللبن

بنوتة الامارات

مشكوره أختي الكريمه على ردك لسؤالي .. يعطيك العافيه

بصراحه قريت لك أكثر من تقرير مصور واعجبوني كثير .. حتى أهلي شاركوني اعجابهم بك و بتقاريرك

اذا ما فيها كلافه ممكن طلب صغيرون

لو سمحتي ممكن ترتبين لنا جدول سياحي حسب رؤيتك و تصوراتك انه نقضي أحلى الأقاوت بربوع الامارات (دبي - أبوظبي - العين)

ويا ليت مع ذكر الاوقات مناسبه .. الصبح والمساء .. خبرك عشان نتحشى الجو الروعه :11ld:

للعلم عدد الافراد 7 .. اعمارنا من 19 - 29 ( 6 خوات وأخ :110: )

وحاليا حجزت التذاكر بتاريخ 9\ 7 \2009 م .. الوصول 11 م بتوقيت دبي

والسكن بشقق Layia Oak Hotel & Suites

صدقني العين ما تستاهل العنوه وتضييع الوقت انا رايحة لها ذبحنى الحرررررررررررررررر شي لا يوصف حتى من بعد المغرب والعشاء فرشنا وجلسنا على الارض كانها ناااار رجعنا وحنا هلكانين من التعب والحر وانت براحتك بس حبيت انصحك

طنط تفيده

والله ما ادري وش اقول

شكلي بمر العين واذا ما عجبني الوضع بسير على أبوظبي

بنوتة الامارات

وينك؟

ما رديتِ علي

وينك يا بنوتة الامارات .. وينكم يا شباب المنتدى