الموضوع: بطاقة صراف سامبا الزرقاء هل ممكن السحب منها في دبي

بطاقة صراف سامبا (الزرقاء) هل ممكن السحب منها في دبي

يوجد بها

CIRRUS

MAESTRO

SPAN

GCCNET


هل ممكن السحب منها في دبي

(قد احتاج مبلغ من 2000 ريال الى 80000 ) حسب ظروفي .... احتمال شراء سياره

واذا لايمكن

ماهي افضل بطاقه لدى سامبا لهذا الغرض

مواضيع عشوائيه ممكن تكون تعجبك اخترناها لك:

• هل هذا الاختلاف بالسعر معقول ؟
• متى تنزل اسعار السفر الى ابوظبي واين افضل مكان للسكن للمناطق السياحية
• دبي تفتتح معبرا يربط النقل البحري والجوي في جبل علي
• نادي صحي بشارع الضيافه ؟؟؟
• وش الافضل استئجار سيارة او التاكسي
• تتوقعون ليه هالفرق كله مو فااهم
• استفسار عن طريق العوده من دبي للرياض؟
• خبراء الحجوزات
• محتار بين هالفنادق
• بليزززززززززززز رابط طيران العربيه بسرعه
• استفسار عن شقق جولدن توليب
• ودي اسافر بعطلة الحج وودي الاقي فندق فخم بس ما يخرب ميزانيتي
• ارجو المساعده في وضع برنامج لدبي
• استفسار عن فنادق قريبة من مولات
• اين الطريق الى شقق
• جزيرة
• استشيركم في هذا الفندق خمس نجوم وسعره مغري
• إفادتكم لنا لجميع الأنشطة في دبي من إلى
• مافي غيركم اقدر اعتمد عليه محتاجه خبرتكم ومساعدتكم
• يا ناس ابغى شقق فندقية راقة في شارع الشيخ زايد

بصراحه ماعندي اي خلفيه بخصوصها

ممكن تتصل فـ بنك سامبا وتسألهم اذا ممكن الصرف خارج الدوله او لاء

شكرا لك اخي ناصر

اخشى ان يجيبني موظف خبرته قليله .... ويوهقني

لا ماعليك ياخوي

عموما اغلب البنوك تسمح بالسحب من خارج الدوله

بس اتأكد احسن

من ناحية البطاقة لا تخاف تقدر تسحب مبالغ حدّها الأقصى اليومي تحددها نظام الدولة ..

لكن مسألة 80000 ألف هذه لا أعلم عنها ..

مارأيك لو تسأل بنك الإمارات في الرياض إذا ممكن تسوي إيداع هنا وتسحبه هناك بشيك مصرفي ..

أو تجرّب بنك الراجحي تودع هنا و تسحب من هناك لأنه له فرع في دبي في شارع خالد بن الوليد ..

شاكر لكم تجاوبكم


سؤال جانبي:
هل الان الجواز مهم للسفر الى الامارات ... او تكفي بطاقة الاحوال الممغنطه ...واذا تقوم بالواجب ... هل تنفع للسكن او لابد من الجواز

اخوي مغلي بالنسبه للمعبر البري البطاقه تكفي لكن اذا بتسافر عن طريق الجو لازم الجواز

بسم الله الرحمن الرحيم
أخوي مغلي ....
بالنسبة للسحب من أي صراف في الإمارات ما عندك مشكلة ببطاقة سامبا أنا متاكد ساحب من حسابي من مطار دبي أول ما وصلت .. بس المبلغ اللى أنت تقول 80000 الف ..بالتأكيد ما تقدر تسحبه من الصراف حتى لو إنك بالسعودية
بس ترى سامبا لهم فرع في دبي يبدو لي و عن طريقه تقدر تصرف اللى تبي بس تأكد عن طريق سامبا أفضل
النقطة الثانية .. بخصوص الدخزل للإمارات .. حالياً بطاقة الهوية الوطنية هي اللى صالحة للسفر و الدخول و الخروج من و إلى الإمارات من جميع المعابر الحدودية مطار دبي أو منفذ الغويفات البري.. بس لاحظ العائلة لازم الجوازات ... و أنا متأكد من هالشي 100%
و بالتوفيق

اكرر شكري للجميع

انا مسافر لوحدي وليس معي عائله

يعني افهم من كلامك اخي الراهي ان البطاقه الممغنطه الجديده كافيه للعبور جوا ... فهل تنفع للسكن او مايعترفون بها

اخوي مغلي- حياك الله
سامبا له فرع كبير في شارع الجميره-
وانا جربت في بيروت سحبت من حسابي في الاهلي كان عندهم فرع بالفردان وسحبت بالجواز عادي
لكن يبغا لك تمر فرعك هنا وتسالهم وبيفودونك اكثر منا
اما امكانية السحب شوف العلامه الاخيره Gccnet
جي سي سي - معناها دول مجلس التعاون - يعني الشبكه الخليجيه - تصرف من اي صراف هناك - لاتخاف
ومدام فيه فرع في دبي لاتخاف لو ماصرفت البطاقه روح واصرف من صراف الفرع - بس ما تقدر تصرف اكثر من 5000 ريال

طيب بطاقة الراجحي العادية ( مكتوب عليها من الامام visa )
هل تنفع نسحب منها في الامارات ؟
واذا كان ممكن هل على اي عملية سحب رسوم ؟

هلا اخوي كنج لوف - يا مرحبا فيك
بطاقه الراجحي حتي لو انك بالمريخ راح تصرف لك - لا تخاف
انا عندي بطاقه للبنك السعودي للاستثمار شوف بنك تعيس وماهو معروف ويصرف في الامارات
دايم اصرف اذا احتجت من بنك المشرق اوhcbs او بنك الامارات لانهم في الغالب يقبلون اي بنك

هلا اخوي الفارس -- ياخي والله المفروض انك مشرف هنا ماشاء الله عليك
طيب هل ياخذون عليها عمولة لمن اسحب عن طريق الصراف ؟

ومدري وصلك ايميلي ام لا

هلا كنق لوف
تسلم يا الغالي
اي وصلني وبتواصل معاك انشاءالله
شوف الصرف بالصراف ياخذون عليك يا 35 ريال او 70 ريال- عن كل عمليه سحب يسمونها اتعاب اداريه
لكن ليتها توقف علي كذا لانه البنك لما تصرف يعطيك اقل سعر صرف عنده يغني ممكن يحسب الدرهم للريال كل 100 ب 95 - بينما انت لو معك كاش ممكن تصرف ب 98 او 97
طبعا تفرق كثير لو بتسحب كل اشوى - الراجحي انتبه منه لانه احيانا لما تصرف وانت عارف كم بحسابك- باقي 200 تجي تسحب ما يقبل يقول رصيدك صفر تستفسر ويقولون انهم يسحبون مثل التامين لما تكون برااااا- فحط بالك - صارت لي - بس مو في الامارات- رجعت وقفلت احسابي معهم

اقصد 2000 ريال بالرصيد ويقول لك الرصيد صفر وما ترجع بحسابك الا بعد 15 يوم من اخر عمليه برا
فا لاتستخدم الصراف الا علي الضروره خليك علي الفيزا والكاش

بـ النسبه لـ الصرآفه مآقصروآ معكم الشبـآب


امآ خروجك بـ الاحوآل الممغنطه ع قولتكـ

انتبه وانآ اخوكـ
قبل اسبوعين طلعنآ لـ دبي ، ومعنآ واحد بـ الاحوآل ، المشكله موب في الجمآرك المشكله بـ السكن

منعوهـ يسكن قآلوآ لازم الجوآز ، الاثبات هذا بـ السعوديه مو هنـآ
تكلمت معهم يمين يسآر ، مرهـ تعبنآ صرآحه بـ السكن هنـآك
اخر شـئ سكن معنآ بس بدون مآ نعلمهم ان معنآ واحد يعني سكنآ على اننآ شخصين وهو الثآلث ^_^

؛؛
فـ وش لك والغرآبيل ، ريح نفسك من الاول

8
8
8

وانت صااادق والله
انا يوم اسافر لدول الخليج
امشي ببطاقتي لييييين الفندق
بعدين اطلع الجواز من الشنطه

//






المشاركة الأصلية كتبت بواسطة kinglove
http://www.arabtravelersforum.com/tr...2/#post3016312

طيب بطاقة الراجحي العادية ( مكتوب عليها من الامام visa )
هل تنفع نسحب منها في الامارات ؟
واذا كان ممكن هل على اي عملية سحب رسوم ؟



اي بطاقة SPAN تتستخدم خارج السعوديه على انها VISA

والله ان معي بطاقة البنك السعودي البريطاني (ساب) واصرف بها في كل مكان في الامارات وفي الاردن وفي سوريا وفي لبنان

بطاقة الرواد(الزرقا)

مشكورين وبيض الله وجيهكم

اذا بطاقة الاحوال الممغنطه .... ابلها واشرب مويتها ... اذا مايعترفون فيها للسكن

الله يعين على تجديد الجواز .... كم يحتاج من يوم لو تكرمتوا

الله يعين على تجديد الجواز .... كم يحتاج من يوم لو تكرمتوا



بالنسبه لجوازات الرياض لو تروح لهم بدري يعني الساعه 8 ان شاء الله بعد صلاة الظهر تستلم جوازك
بس اهم شي شيك لايكون عندك مخالفات مروريه

بسم الله الرحمن الرحيم

بصراحة الأخوان ما قصروا شرحوا كل شئ ... بالنسبة للسفر بالبطاقة و إنه ميسر في الدخول و الخروج
بس السكن الله يعينك لازم من وجود الجواز ... لأنه ما يزالون في الفنادق يعاملون النزيل على أنه أجنبي حتى و إن كان خليجي .... و أما لتجديد الجواز يوم واحد يعني تقدم الصبح يطلع لك ثاني يوم ... (ما فيه أمل يطلع نفس اليوم... إلا كان عندك ...وا......ـة ) بس ألحق قبل الزحمة تراه قبل أسبوعين مجدد جوازات العايلة أكثر مني طريق الملك فهد أكثر من إنتظاري بالجوازات !! بس اليوم واحد من الزملاء ريح للجوازات أنتظر حوالي الساعتين .. و يبدو لي إن الأيام الجاية بتصعب الأمور خصوصاً و الناس بتبدى ترتيبات السفر ...
و الله يوفقك أخوي