السلام عليكم يا اخوان .... انا عضو جديد معاكم واستفدت من خبراتكم كثير فحبيت اني اقدم شكري لكم باني اقدم لكم خبرتي للسفر لدبي

آنا انسان اقتصادي صراحه ... وفي نفس الوقت يهمني المضمون

فالغرض اللي يبغاه كل شخص مننا (((انه يسافر ويسكن في افخم مكان بآقل سعر ممكن ))))

فآنا كل يوم كنت اقعد على الانترنت لمده ساعات لحد ما وصلت لهذه النتايج

((( اسعار لا تصدق لآماكن رائعه))))

آول شي ... بالنسبه للسكن .... افضل فندق ناسبني صراحه فندق شيراتون داون تاون دبي
قدرت اني اجيب حجز لشخصين ب259 ريال فقط شامل كل شي غرفه ستاندرد آو 311 لغرفه اكسترا كومفي

السر :
موقع
http://www.eternalsummers.com/
فكرته انك تحجز الآن (لازم من بدري) لآي فندق تبغاه في شهر 7 و(تدفع مقدما) في مقابل انك تاخذ خصم 30٪
مع ملاحظه ان الحجز المدفوع مقدما غير قابل للتعديل او الالغاء ... يعني ما تحجز فيه الا وانت متآكد

بصراحه مجموعه الفنادق اللي داخله في العرض جدا فخمه وحلوه وكلها من سلسله شيراتون وويستين وميريديان
Al Sondos Suites by Le Méridien
Four Points by Sheraton Downtown Dubai
Four Points by Sheraton Sheikh Zayed Road, Dubai
The Westin Dubai Mina Seyahi Beach Resort & Marina
بالاضافه الى 8 فنادق اخرى
وهذه صور للفندق اللي حجزت في (فور بوينت شيراتون داون تاون
هذه صوره الفندق من الخارج

وهذه صوره الممرات بين الغرف

وهذه صوره الغرفه الستاندرد اقل شي

مآخذوه من موضوع الآخ The Watcher حيث انه كتب تقرير كامل عن الفندق واعتبره آفضل فندق 4 نجوم في دبي
حمسني صراحه هههههههه


ثاني شي واكثر شي الناس تشيل همه التذكره .... آنا جبت التذكره لدبي من جده ب 725 ريال فقط !!!!!

السر :
تعلم كيفيه الحصول على افضل سعر من طيران ناس
ادخلوا على الموقع تبع طيران ناس
راح تلقوا قدام كل رحله رمز للمقعد ...
هيا مقسمه حسب السعر ... هيا حوالي 120 مقعد في الطياره ... وزي مانتوا عارفين انه طيران ناس اللي يحجز بدري ياخذ افضل سعر
فعشان تاخذوا افضل سعر ... رقم واحد احجزوا قبل الرحله بشهرين ....
رقم اثنين ... المقاعد زي ما ذكرت مقسمه ... تقريبا اول 20 مقعد في الرحله رمز المقعد يكون P
واللي بعده L واللي بعده وهكذا
آقل سعر تقدر تاخذه هوا انك تختار يوم حجزك يكون رمز المقعد تبعك P... وراح تلاقي بنفسك انه سعر الرحله رخيصه
انا اخذتها جده الشارقه الشارقه جده ب725 ريال فقط ... ما يساوي 730 درهم تقريبا
(السنه الماضيه الرحله على الشارقه من جده كانت رحله جديده وترويجيه ... اخذتها ب 349 ريال فقط ... صاحبي كان حيموت لمن تعرف السعر يقولي رحت بحافله ولا طياره هههههه:109

ثالث شي ... الآكل والشرب والتماشي
لو قلت لك اني اقدر اخليك ما تدفع غير نص قيمه اي شي تاكله او تشربه ... ولمن تروح مكان ما تدقع غير نص قيمه التذكره !!!!!!
الوايلد وادي ب 90 درهم فقط ... التزلج على الجليد سكي دبي نصف القيمه .... اتلاتنس اكوافنشر نصف القيمه حتى السفاري نصف القيمه
والمطاعم الفخمه كلها نصف القيمه فقط حتى الفاست فود كنتاكي وهارديز وبيتزا هت برضو نصف القيمه !!!!!!!!!!!!

البشر بدآآوا يعصبوا هههههههه:112:

السر :
الفكره باختصار كتاب اسمه THE Entertainer dubai الممتع بالعربي :24::109:
فكرته كل شي تشتريه تاخذ الثاني مجانا ... سوا اكل او تذاكر
يعني لو انتوا شخصين مسافرين ... انت وصاحبك واحد يدفع قيمه وجبه تاخذوا الثانيه مجانا ...
او لو رحتوا الوايلد وادي واحد يدفع قيمه التذكره ... والثاني ياخذ التذكره مجانا ... عاد انتوا اقسموها بينكم
الكتاب فيه فاوتشارات او كوبونات تستخدم كل مره كوبون تاخذ بيه الشي الثاني مجانا ... الكتاب موجود في كل اماكن الكتب الكبيره وهايبر ماركت كبير ناسي اسمه ههههههه ... وسعره 295 درهم (شوف الدقه ... ما يبغوا يخلوها 300 )

طيب تقولي كيف نظام الوجبات السريعه :
المطاعم المشموله بالعرض هي
كنتاكي
هارديز
برجر كنج
بيتزا هات
دومينوز بيتزا
بابا جونز
Pizza Pan
Sandwich Express

عاد هذه اللي اعرفها من السعوديه ههههه الباقي مكتوب اكثر بس ما اعرفه
((( تشتري وجبه من اي مطعم من المذكورين ... وتاخذ الوجبه الثانيه نفسها مجانا )))

كل مطعم موجود له 3 كوبونات تستخدمها ... كل مره كوبون

طيب تقولي ايش التماشي المشموله ....
انا اللي هامتني ولقيتها :
الوايلد وادي
اتلاتنس اكوافنشر واللوست شامبر
سكي دبي
سفاري
وفيه كثير كمان ملاهي اطفال زي مون تون

وكل مكان زي ما قلت .. الكتاب حاطط لك فيه 3 كوبونات وتقدر تستخدم اكثر من كوبون في نفس المره لو انتوا 4 مثلا

انا بالنسبه لي ... الآماكن اللي حيفيدني الكتاب فيها وشاملها :
Second Cup
Krispy Kreme
Dunkin Donuts
Coffee Republic
Coffee Bean
Central Perk
Costa
Nando's
Mashawi
Chili's
ruby teusday
Danat Dubai Cruises
Dreamland Aqua Park
Dubai Dolphinarium
Encounter Zone ملاهي اطفال
Eye of the Emirates - Qanat Al Qasba
Fun City Studio
Magic Planet - Bowling
Ski Dubai
Soolyman Sport Fishing
Wonderland

لكن الكتاب شامل اماكن اكثر بكثيييير

وحآنزل كامل الآماكن المشموله بالكتاب في الرد الجاي

اتمنى انه الموضوع يكون حاز على اعجابكم وانه فعلا يفيدكم وانتظر ردودكم واراءكم واستفساراتكم

مواضيع عشوائيه ممكن تكون تعجبك اخترناها لك: