الموضوع: سكن قريب من مطار البحرين

سؤال ثاني المطار وينه فيه وش اسم الحي ؟؟ وكم يبعد عن مدخل المدينة من جسر الملك فهد ؟

المطار في المحرق ...

بالنسبه للمسافه ... لا تذكر اذا انت جاي من السعوديه 13 او 15 كيلو تحس انك في الحاره ماطلعت للحين (مع كل حبي و تقديري للبحرين) ههههه

اقرب فندق لك بيكون الموفنبيك

http://www.booking.com/hotel/bh/moev...ml?aid=1329869

بالنسبه للطريق من الجسر الى المطار يكون زحمممممممممممه عند الكورنيش

الله يجزاك خير ، واضح الطريق من الجسر للمطار فيه علامات ؟؟

بتشوف رسمة طياره او المطار..

عموما سهل مايبيله شي...

مجرد تطلع من الجسر .. بيجيك جسر معترض خله

الجسر الثاني روح معه يمين (المنامه) فيه لفتين .. الاولى توديك الرفاع و مدينة حمد والثانيه تلللللللف لين تطلع فوق و تروح بتجاه اليسار للمنامه.

سيييييييده ... بيجيك مجمع السيف على اليسار و مجمع البحرين على اليمين و بعدها بيجيك السيتي سنتر على اليسار و بعدين تبدء منطقة الاشارات ...

كمل سيده

لين الجسر اللي يوصلك للمحرق و بعده كم اشاره و بعدين دوار المطار.

و انت عند الدوار ..ز يسارك المطار و يمينك بتشوف الفندق

أخوي البحرين ما تضيع ,, بالضبط من مدخل البحرين من جسر الملك فهد إلى المطار 25 كيلومتر ,, وبما أن جسر الملك فهد في شمال البحرين + المطار في شمال البحرين + أن شمال البحرين هو الجزء المبني بشكل شبه تام من البحرين فراح تحس أنك في نفس المدينة الكبيرة يعني ما راح تطلع مسافات وايد أخوي الغالي ,,

من الجسر إلى المنامة 15 دقيقة / وفي المنامة قول مع تقدير الزحمة 15 إلى 20 دقيقة / يعني في خلال نصف ساعة أو 40 دقيقة إن شاء الله انت في المطار ,, لازم تراعي الزحمة خاصة إذا كنت بتروح على طريج ضاحية السيف لأن هناك المنطقة مزدحمة.

الفنادق الي جنب المطار / فندق 5 نجوم ( موفنبيك ) وهو فندق لاصق بالمطار ولكنه مستقل بكل شي وبصراحة فندق روعة أقل ما يقال عنه / وعندك منتجعات جزر أمواج أو منتجع الدانة نوفيتيل كلها جريبة من المطار / علماً بأن المطار في المحرق وهي تبعد عن المنامة مسافة ممر بحري حوالي كيلومترين فقط.

وأبرز ما يميز شوارع البحرين بشهادة منظمات عالمية بأن اللوحات الإرشادية تلقاها بكثافة عالية جداً / ولوحة المطار الإرشادية راح تحصلها مثل ما تفضلوا الأخوان ( على شكل طيارة لونها أصفر ).

مجرد تدخل البحرين تشوف شعار المطار على اللوح على يمينك واتبعها لغاية ماتوصل المطار.. السؤال... سيارتك وين تبي توقفها... ترا به أماكن مجانيه وأماكن وقوف برسوم... خل ببالك هالشئ

في شقق مفروشة بمنطقة البسيتين يعني5 دقايق للمطار اسمها زمزم إذا كنتم عائلة فراح تطلع لكم ارخص اظن الليلة ب 50 دينار ما دخلتها بس يمدحونها لأن الموفنبيك والسي لووفت الي بامواج غالي نوعاً ما وانت وراك سفر فلاتلعب بالفلوس....نوفوتيل الدانه سعره انسب شي بالنسبة للفنادق إذا ما كنت تحب الشقق وهو 12 -15 دقيقة للمطار تقريبا .

شقق زمزم بالضبط بجانب الكلية الملكية الايرلندية للجراحين اسأل اي احد عن عنها او عن مستشفى حمد العام (جديد الافتتاح قريبا) تدخل لها شمال على الدوار الي قبل المكتبة العامة بالبسيتين يعني وانت رايح المطار بعد ما تخلص الجسر الي عليه شراعين اول اشارة خذها شمال واول دوار خذ شمال وكمل سيده الا الشقق في وجهك اسأل عن بلدية المحرق او المستشفى مثل ما قلت لك لأنها قبالها والكل بيدليك......اهل البحرين ما يقصرون .

المشاركة الأصلية كتبت بواسطة غطيطة
http://www.arabtravelersforum.com/tr...1/#post4086801

شقق زمزم بالضبط بجانب الكلية الملكية الايرلندية للجراحين اسأل اي احد عن عنها او عن مستشفى حمد العام (جديد الافتتاح قريبا) تدخل لها شمال على الدوار الي قبل المكتبة العامة بالبسيتين يعني وانت رايح المطار بعد ما تخلص الجسر الي عليه شراعين اول اشارة خذها شمال واول دوار خذ شمال وكمل سيده الا الشقق في وجهك اسأل عن بلدية المحرق او المستشفى مثل ما قلت لك لأنها قبالها والكل بيدليك......اهل البحرين ما يقصرون .





مشكوره على هالمعلومات الجديده.

شرايك تسوين لنا تقرير بشقق البسيتين.


نبي صور و خرايط

خاصه الدفنه ترى نمر عليها و لا ندري شو فيها

المشاركة الأصلية كتبت بواسطة غطيطة
http://www.arabtravelersforum.com/tr...1/#post4086801

شقق زمزم بالضبط بجانب الكلية الملكية الايرلندية للجراحين اسأل اي احد عن عنها او عن مستشفى حمد العام (جديد الافتتاح قريبا) تدخل لها شمال على الدوار الي قبل المكتبة العامة بالبسيتين يعني وانت رايح المطار بعد ما تخلص الجسر الي عليه شراعين اول اشارة خذها شمال واول دوار خذ شمال وكمل سيده الا الشقق في وجهك اسأل عن بلدية المحرق او المستشفى مثل ما قلت لك لأنها قبالها والكل بيدليك......اهل البحرين ما يقصرون .



جعلك في الجنة ووالديك ان شاء الله بروح لها ، لانه مثل ماتفضلت اقل من يوم بس مبيت وبنطلع الفجر ان شاء الله

المشاركة الأصلية كتبت بواسطة eyesmax
http://www.arabtravelersforum.com/tr...7/#post4086827

مشكوره على هالمعلومات الجديده.

شرايك تسوين لنا تقرير بشقق البسيتين.


نبي صور و خرايط

خاصه الدفنه ترى نمر عليها و لا ندري شو فيها



جان زين مالي في التقارير ولا اعرف انزل صور ولا من هالسوالف

المشاركة الأصلية كتبت بواسطة قضت الاسامي
http://www.arabtravelersforum.com/tr...2/#post4087272

جعلك في الجنة ووالديك ان شاء الله بروح لها ، لانه مثل ماتفضلت اقل من يوم بس مبيت وبنطلع الفجر ان شاء الله





ووالديك يا رب ......وحياكم الله في بلدكم الثاني البحرين.......وسفرة سعيدة إن شاء الله