الموضوع: مدن من ألمانيا فرانكفورت راثنبيرغ ميونخ والمزيد

السلام عليكم ...


رحلتنا الاوربيه مازالت مستمره ...





والتي بدأت من اسبانيا http://www.arabtravelersforum.com/travel601842/





وثم فرنسا .... http://www.arabtravelersforum.com/travel608538/






من فرنسا وبالتحديد من مدينة سترازبورغ الفرنسية ذات الطابع الالماني .. اخذنا قطار الى فرانكفورت في المانيا ... مدة الرحلة في القطار تقريبا 3 ساعات ... عن طريق اليوروب باس ...

وصلنا فرانكفورت الساعة 6 مساءاً وكانت الاجواء مشمسه وحاره ...


اخذنا تاكسي من محطة القطار الى فندق الشيراتون كونغراس ... وكل المناظر من شباك التاكسي أكدت لنا ماقاله الجميع عن فرانكفورت انها مدينة للبزنس والبزنس فقط ....


وصلنا الفندق ... وكان كبير وفي منطقه بعيده نوعا ما ... الشيك ان كان سريع جدا ... و اتجهنا للغرف ..




وهاي غرفتي ...





كنا طالبين غرفتين غرفه ثلاثيه وغرفه مزدوجه بس لان ماعندهم غرفه ثلاثيه فعطونا 3 غرف مزدوجه عاد انا خذت غرفه لي بروحي





لمحت بلكونه في الغرفه لين فتحت الباب الا يجيني ذاك الهوا الباااارد واشوف الدنيا غيمت بقدرة قادر والمنظر الي تطل عليه الغرفه عباره عن غابه كبيييره وفيه اسطبل خيول كان المكان هاااادي ماتسمع الا صوت العصافير








وهاي الحمام ... اعطيه 7 من 10 لان مافيه بانيو ... واحنا اصلا كلها ليله وبنحرك





و هاي البني يستخدم لفرد الملابس او البنطلونات بالاصح





الفندق مكيف .. بس المكيف وجوده كعدمه واحد احس مايبخ هوا فكفايه نفتح الشباك ويجينا هوا باااااارد يخليني مابي اطلع من تحت اللحاف .. ويوجد في الفندق سبا وممكن يجونك لين الغرفه يعملون لك مساج بدال ماتنزل لهم تحت ..


يتبع ...

مواضيع عشوائيه ممكن تكون تعجبك اخترناها لك:

• أرجو منكم إفادتي ما هي المدن السياحية القريبة من هامبرج؟
• ارجو المساعده
• ليلة واحدة في فرانكفورت
• الفيزا السياحية
• ابحث عن جدول لرحلة لألمانيا
• بعد اللف والدوارة في البوابة هذا البرنامج المقترح تفضلوا بارائكم
• بو عمر وبقية الخبراء عز ناخيكم
• استفسار بخصوص افضل الفنادق واهم الاماكن السياحية
• رأيكم بالنسبة لهالفنادق في ميونخ عاجل
• التنقل بالسيارة
• خطة سير واستفسار بخصوص الجوال
• المسافه بين ميونخ ودسلدوف
• الموجودين بالمانيا يا ليت يفيدونا عن الجو
• ساعدوووني رحلتي بعد عشره ايام
• تنبه لكل من يريد استئجار سيارة من المانيا
• تحذير من شقق في كولون ألمانيا
• اين اذهب اولا ؟
• بغيت فندق بميونخ في أماكن توجد العرب بكثرة
• قطار المانيا
• جدول ستة ليال ؟؟

ماشاء الله لفيتوا اوروبا كلها ..

بالانتظار ..

متابعين معاك
يعني أخذت الغرفه يا احلي بدون ما تشيكين على المطل مسبقا

الحمد لله على السلامه كاتبتنا القديره

تقرير رائع وصور جميله

نبغى التقرير بالتفاصيل علشان الكل يستفيد لاتنسين شيء ماتذكرينه

ننتظر المزيد على أحر من الجمر

المشاركة الأصلية كتبت بواسطة كويتية^رحالة
http://www.arabtravelersforum.com/tr...2/#post6001382

ومازال التألق مستمرا


متابعين معاج




يا مرحبا مليون ... شكرا على المتابعه

المشاركة الأصلية كتبت بواسطة uae0
http://www.arabtravelersforum.com/tr...8/#post5999938

ماشاء الله لفيتوا اوروبا كلها ..

بالانتظار ..




الحمدالله .. بس مالفيناها كلهاخخخخ







المشاركة الأصلية كتبت بواسطة فيصل 2006
http://www.arabtravelersforum.com/tr...4/#post6000944

متابعين معاك
يعني أخذت الغرفه يا احلي بدون ما تشيكين على المطل مسبقا




هلا والله فيصل اصلا انا عمري ماشيكت مطل الغرفه قبل مااسكن فيها مايهمني المطل لاني طول الوقت خارج الغرفه








المشاركة الأصلية كتبت بواسطة ابو نزيه
http://www.arabtravelersforum.com/tr...2/#post6000952

الحمد لله على السلامه كاتبتنا القديره

تقرير رائع وصور جميله

نبغى التقرير بالتفاصيل علشان الكل يستفيد لاتنسين شيء ماتذكرينه

ننتظر المزيد على أحر من الجمر





الله يسلمك بونزيه وان شاء الله التقرير يعجبك

ويلكم باك

روعه هالمدينه بس ماقلتي لنا وين موقعها عن فرانكفورت و كيف رحتوا لها ..


و بغيت اسألك عن اليورو باس .. تركبون القطار اللي تبونه بدون حجز و لا لازم تحجزون مقعد ؟

ماشاء الله تقرير شافي ووافي
انا كنت فيها قبل شهر تقريبا وبالنسبه لمبنى الحكومة اللي تقولين إنه تقدر ترقى فيه لأخر شي أخوك في الله سوى نفسه رياضي وقال راقي راقي الله لايعوق بشر
وأرقى أرقى أرقى ويصغر الدرج وبعدين بدال ماهو درج صدقي يصير خشبي وشوي شوي يصير زي السلم وآآآآخر شي عند المطل عشان الواحد يصور ويوسع صدره فيه عجوز تبي فلوس وأنا أقول إيش السالفه قالت عشان تطلع في البرج وتصور لازم تدفع يورو ونص تقريآ المهم طلعنا وصورنا


أنا ما همني الدرج ولا السلم ولا البرج ولا أي شي غير هالعجوز كيييف تقدر ترقى كل يوم أو على قولة خويي إللي معاي يقول شكلها ساكنة في البرج أو إنها رقت وهي شباب وتوهقت ما عرفت تنزل....

تقرير تميزه من تميز إسم كاتبته بارك الله فيك أختي الفاضله

الله على روعه الموضوع .. صور روعه و تنسيق اروع في انتظار الحديث عن ميونخ ..
تحيييييييياتي ومتااابع بقووه

مميزه ماشاء الله

تقرير روعه

بس تعرفين لما شفت هالصــوره طرا علي !





قلت فقع اوروبي


يعطيج العافيه ماقصرتي وفي انتظار مدن أخرى .

صباح الخيرات احلى من العقد .. جميل هذا الجزء و عجتني الإطلالة من غرفة الفندق..
كلام الألمان صعب مررررررة ينفهم .. و لذلك احب اقولك ..
Ich liebe dich

يا حلات شيكي ميكي

متابعين معاك

احلى تقرير عن المانيا الساحره على فكره منطقتج ماعرف انطق اسمها بس نسخه نسخه من كولمار الفرنسيه ذكرتني فيها اللي لاحظته ان كل مدن ومناطق اوروبا يتشابهون بس الفرق بينهم درجات الغلاء منطقه اغلى من منطقه

الف شكر على اجمل تقرير متابعه معاج

طرت وييتج بس بدون جناحين

ان شاءالله برجع أقرأ الجزء اليديد

بس بغيت أسجل حضوري

المدينه مره حلوه ومره بسيطه
اتمنيت اشوف صور لي فرانكفورت لو صورتي لنا بس الطريق
وعجبني اسم شكي ميكي
متابعين

متابعين معاج شيكي ميكي
تصدقين عواشه يالله لقيت حجز تذاكر عشان أطير معاج ألمانيا لما قلتلهم أحلى من العقد سافرت ألمانيا
عطوني على الدرجه أولي على طول عشان ألحق صاحبة السمو الملكي أحلى عواشه
عجبتني المحلات المتخصصه حق الكريسمس أحب هالسوالف

Munich

السلام عليكم جميعا اسمحولي على التأخير والسبب ان رصيدي من الصور المتاح تحميلها في الموقع خلص فرحت دبرت عمري ... ويالله لقيت الحل ... المهم ندخل في الموضوع ...


من فرانكفورت مرورا بقرية راثنبيرغ الى ميونخ .. مررنا بأحد اجمل الطرق الموجوده في المانيا والتي تمر عبر جبال الالب و يدعى هذا الطريق بالطريق الرومانسي .. رومانتك رود ... لانه كان يلهم الكثير من الفنانيين والمبدعين كما قيل لنا ... شوفوه معاي ... صورت كم صوره بس عن خاطركم






















بعد مسافه قطعناها دخلنا ميونخ ... و وصلنا الفندق ...


سكنا في فندق الهوليدي ان موقعه ممتاز ومن داخله ممكن تروح لمحطة المترو .. وللعلم تعتبر وسائل المواصلات العامه في ميونخ من احسن المواصلات في العالم ..





حول الفندق فيه مطاعم ومحلات ويمكن تروح لمنطقة المشاه ماريا بلاتز بالمترو او مشي .. بالنسبه للغرف و الفطور كان كلشي تمام ومثالي .. والي عجبني ان في بوفيه الفطور توجد طاولتين للبوفيه وحده عامه ووحده للاكل الحلال فتاكل وانت مرتاح انه لايوجد خنزير او كحول فيما تأكله ... وهاي صورة الغرفة ..





لاحظت وجود العديد من العرب والخليجيين في الفندق ماأبالغ لو قلت لكم ان سكان الفندق 50 بالاميه من الامارات العربيه و 20 بالميه من باقي الخليج و الباقي اجانب ...

خلونا نتجول في ميونخ ... سأخذكم اليوم الى اول محطه في ميونخ وهي محطة قصر نيمفينبيرغ ..

Nymphenburg Palace




هالقصر تم بنائة وتصميمه كهدية من الامير الى زوجته في القرن ال 16 للميلاد ... ويمكنك زيارة القصر عن طريق اخذ الترام رقم 17 والنزول في محطة .. حاليا تم تحويل جزء من القصر كجامعه و يمكن للسياح زيارة القصر مع الحديقة .. احنا تمشينا في الحديقة فقط ..





ورد من الحديقة








و الدخول للحديقة من خلال هذا المبنى .. وهو عباره عن اقسام متعدده منها معرض ومحل للهدايا













وبعد الجوله في حديقة هالقصر .. راح اخذكم الى اجمل شارع للتسوق والمشاه في ميونخ وهو شارع ماريابلاتز الشهير بمحلاته و كنائسة و بمبنى الحكومه القديم ...














وهذا المبنى يبدو كنظره اولى بأنه كنيسه ولكنه بمنى قاعة المدينة او الحكومه ... مبنى قديم جدا وضخم تأملت تفاصيله كثيرا











وقفنا نعد الثواني 10 الاخيره قبل ان تبدأ اجراس الساعة 11 بالرنين حول الساحة ...









الشعب الالماني قررو ان يختارو الحياه الصديقة للبيئه .. وبدلو اسلوب الحياه المظر بالبيئه بطرق صديقة للبيئه واحد هذه الطرق هي استبدال السيارات و الدراجات الناريه بالسياكل .. منها يحافظون على صحتهم ومنها يحافظون على البيئة .. و مماتشتهر به ميونخ اعداد السياكل الهاااائلة فيها لان كل طلاب الجامعات يعتبر السيكل وسيلة المواصلات رقم 1 عندهم .. وتشجيعا من الدوله لهم بسلك الطريق الصديق للبيئه .. قامو بتخصيص ممرات خاصة بالسياكل و فرض مخالفات لمن يعترض طريق مرور السيكل او يمشي لو بالغلط على طريق السيكل .. فخذو بالكم من هالنقطه .. وهذه الصوره مثال فقط لاحد مواقف السياكل






هذا التمثال الجالس اما مبنى المتحف هو تمثال ماكسيميلين احد اشهر ملوك اوربا ...





شوفو هاي مبنى المتحف ...









الطريق على يمين هالمبنى من اوله الى اخره يوجد به محلات للماركات العالميه الشهيره والكبيره ومن حسن حظي ان كان بذاك الوقت تنزيلات قويه في اغلب مدن اوربا .. والتنزيلات شملت حتى هذه المحلات .. فكان للتسوق من هالمحلات نصيب الاسد .... كانت العروض جدا مغريه والاشياء على قولة المصريين لوءطه ... فمابخلت على نفسي .. فديتني ...

وبعد رحلة التسوق والتمشي اذا احسست بالتعب و كانت الشمس ساطعة كما كانت ... فأنصحك بالنافوره روح وتبرد عندها ... ومب غلط اذا سويت مثل ما أنا سويت .. تحدى نفسك وتحدى الي معاك .. وروح ادخل وسط الماء واخذ لك دش خفيف يبرد عليك





وفي نهاية جولتنا في ميونخ ... كان انطباعي عنها انها عاديه جدا ماشدتني كثيرا واكثير شي شفته فيها مثير للاهتمام هو التسوق ...

عذرا ميونخ لستي مدينتي ....


ألقاكم في محطة قادمه ....

بصراحة شيء جميل

كان في نظري أول المانيا لا تحظى بأماكن سياحية كثير بالرغم اني زرت ميونخ فقط


لكن بعد ما شفت تقارير الاخوان في البوابة ،،، بديت اعجب فيها


تقرير جدا جميل

عجبتني مسألة الطيران للبوابات


سجلي حضوري

تعرفين انج مثلي ياعواشه انا بعد ماحبيت ميونخ ابد ابد ماحبيت الا القصر اللي رحتو لها تمنيت انكم دخلتوه لانه رهيب من داخل واكثر شي عجبني صور البنات اللي في القصر لانهم قالوا لنا ان الرسام رسم كل البنات من اكبر راس لين طبقة الخدم وكان في وحده حلووه الصور كلها لها هي بس حسيته مميز هالقصر

حبيبتي ياعاشه للاسف ماراح اقدر اتابع تقريرج أول بأول لاني بعد بكره مسافره بس اكيد اذا حصلت فرصه ودخلت النت اول شي بسويه اني بمر على تقريرج

دمتي لنا بصحه وعافيه وسعاده وربي يحفظج وثنكيو على هذا الجزء الرائع والمفيد

المشاركة الأصلية كتبت بواسطة abu_mosaad
http://www.arabtravelersforum.com/tr...2/#post6016312

بصراحة شيء جميل

كان في نظري أول المانيا لا تحظى بأماكن سياحية كثير بالرغم اني زرت ميونخ فقط

لكن بعد ما شفت تقارير الاخوان في البوابة ،،، بديت اعجب فيها

تقرير جدا جميل

عجبتني مسألة الطيران للبوابات

سجلي حضوري

ممم غلط نحكم على بلد كبييير من مدينة وحده ... هناك في المانيا اكثر من ميونخ رغم ان ميونخ ليست سيئه لكنها ايضا ليست رائعه ... عاديه جدا .,, شرفتنا بحضورك








المشاركة الأصلية كتبت بواسطة khaled_dashti
http://www.arabtravelersforum.com/tr...8/#post6016468

ما شاء الله تقرير مفصل وننتظر المزيد

لك كل الشكر والتقدير

العفو وشكرا لك على الرد







المشاركة الأصلية كتبت بواسطة بنت أوربا
http://www.arabtravelersforum.com/tr...0/#post6017900

تعرفين انج مثلي ياعواشه انا بعد ماحبيت ميونخ ابد ابد ماحبيت الا القصر اللي رحتو لها تمنيت انكم دخلتوه لانه رهيب من داخل واكثر شي عجبني صور البنات اللي في القصر لانهم قالوا لنا ان الرسام رسم كل البنات من اكبر راس لين طبقة الخدم وكان في وحده حلووه الصور كلها لها هي بس حسيته مميز هالقصر

حبيبتي ياعاشه للاسف ماراح اقدر اتابع تقريرج أول بأول لاني بعد بكره مسافره بس اكيد اذا حصلت فرصه ودخلت النت اول شي بسويه اني بمر على تقريرج

دمتي لنا بصحه وعافيه وسعاده وربي يحفظج وثنكيو على هذا الجزء الرائع والمفيد




تروحين وتجين بالسلامه بصراحه بفتقدج في التقرير ... وان شاء تستمتعين بسفرتج وياهلا فيج دايما







المشاركة الأصلية كتبت بواسطة ali_q8_77
http://www.arabtravelersforum.com/tr...0/#post6018150

الحمدلله على السلامه

تقرير جميل .. ومتابعين معكم

دمتي بكل خير




شكرا على المتابعه وعلى الرد

المشاركة الأصلية كتبت بواسطة dl3 $hrgawy
http://www.arabtravelersforum.com/tr...6/#post6021576

واو القصر جداً رائع
حاولت اقرأ عن راعيه ماكسميليان متوحد ماددري ايش قصته .. جاي على بالي انه كان يحب ماري انتوانيت..

اسمحي لي .. اضيف هذه الصورة قد تمثل غرفة نومه ..








خير الجدران المذهبة ؟ لو انا هذه غرفتي كان اشيل كل الالوان و الذهب من الجدران و اصبغها ابيض ..

مبالغين في الديكور ..


يعطيك العافية متابعين عزيزتي احلى من العقد .





هلا والله اختي دلع شرقاوي ... فعلا صح كلامج التذهيب مبالغ فيه والديكورات معجوئه بالذات مع صغر حجم الغرف .. بس على فكره صاحب القصر ابن ماكسيميلين ..

شكرا على المتابعه الدائمه والتشجيع

والله يا هو راعي جووو

نبي زي هالقصور والمغارات كويسه

متابعين معاك

اجل ميونيخ x

الله على طبيعة المانيا
اما صاحب القصر الأمير احسه نفسيه
شكله لويس و انطوانيت ساحبين عليه ما يدعونه إلى حفلاتهم

يعطيك العافية. متابع للأخير زي ما تابعت تقاريرك الي قبل وماشاء الله كل تقرير أحلى من الثاني *

ماشاء الله

بصراحة تقرير ولا أروع وأستفدنا معلومات وثقافة وسياحة مجانية

يعطيج ألف عافية عوش ما تقصرين

عندي سؤال

هل لما تسافرين مكان وتصورين الهدف تحطي تقرير عن الرحلة ف الموقع ؟
ولا مجرد صور للذكرى وبعدها تسوي الموضوع ؟


أكرر شكري وتقديري لعووووش ملكة التقارير (:

إبداع ما شاء الله على التقرير الرائع

المشاركة الأصلية كتبت بواسطة فيصل 2006
http://www.arabtravelersforum.com/tr...6/#post6022386

والله يا هو راعي جووو

نبي زي هالقصور والمغارات كويسه

متابعين معاك

اجل ميونيخ x




شفت شلون عايش جوه بالطول والعرض خخخ ميونخ مش سيئه بس عاديه جدا مافيها شي مميز يعني ماافكر بصراحه اروحها مره ثانيه






المشاركة الأصلية كتبت بواسطة الليل و النهار
http://www.arabtravelersforum.com/tr...0/#post6022410

الله على طبيعة المانيا
اما صاحب القصر الأمير احسه نفسيه
شكله لويس و انطوانيت ساحبين عليه ما يدعونه إلى حفلاتهم




انا احسه غيران منهم او حاسدهم على حياتهم خخخخ مع انه ولد ملك بعد .. بس العين ضيجه الا يبي مثل قصرهم







المشاركة الأصلية كتبت بواسطة la22
http://www.arabtravelersforum.com/tr...4/#post6023604

يعطيك العافية. متابع للأخير زي ما تابعت تقاريرك الي قبل وماشاء الله كل تقرير أحلى من الثاني *




شكرا جزيلا ماقصرت على الرد







المشاركة الأصلية كتبت بواسطة يمر طيفك
http://www.arabtravelersforum.com/tr...0/#post6024360

ماشاء الله

بصراحة تقرير ولا أروع وأستفدنا معلومات وثقافة وسياحة مجانية

يعطيج ألف عافية عوش ما تقصرين

عندي سؤال

هل لما تسافرين مكان وتصورين الهدف تحطي تقرير عن الرحلة ف الموقع ؟
ولا مجرد صور للذكرى وبعدها تسوي الموضوع ؟


أكرر شكري وتقديري لعووووش ملكة التقارير (:




اهلين فيك مجددا شكرا لمتابعتك الدائمه .. بالنسبه للصور بشكل عام انا احب اصور ادق التفاصيل للذكرى و كم مره اتردد واقول في هالرحله ماراح انزل تقرير مالي نفس .. بس لما ارجع اشوف ان عندي صور + ومعلومات + وخبره في البلد الي رحتها ليش ابخل على غيري بمعلومه يمكن تنفعهم او بصوره ممكن تسليهم ... فأكتب تقرير .. وتدري لما ارجع اقرا التقارير القديمه احس كأني دونت مذكراتي عن البلد الي سافرته واحس اني استعيد الذكريات الحلوه الي صارت لي مع الناس الي كانو معاي في السفر فمادري شلون احس اني اشتاق لهم واحب اوصلهم ... مادري







المشاركة الأصلية كتبت بواسطة سيد الظلام2011
http://www.arabtravelersforum.com/tr...2/#post6024412

إبداع ما شاء الله على التقرير الرائع




العفو ماقصرت

تقرير حلووووووو و صور جميلة
و المبني المغربي الي اولياء الله الصالحين غريب بهاذا المكااان

المشاركة الأصلية كتبت بواسطة violetq8
http://www.arabtravelersforum.com/tr...4/#post6025104

تقرير حلووووووو و صور جميلة
و المبني المغربي الي اولياء الله الصالحين غريب بهاذا المكااان







هههههههههههه


لا الله يسلمك هالمبنى مب حق اولياء الله الصالحين خخخ بس يشبه شوي المباني المغربيه والمقامات الي يسوونها في المغرب هالمكان هو مصمم على الطراز الغربي ويتم استخدامه من قبل الامير كغرفة للتدخين

و ياهلا فيك

الله يعطيج العافيه
تقرير مميز

شنو تنصحين بل سكن في فرانكفورت
( يكون في السنتر للتسوق )

المشاركة الأصلية كتبت بواسطة كنكون
http://www.arabtravelersforum.com/tr...6/#post6025396

الله يعطيج العافيه
تقرير مميز

شنو تنصحين بل سكن في فرانكفورت
( يكون في السنتر للتسوق )




اي طبعا اكيد السنتر احلى بس انا ماعرف عن التسوق في فرانكفورت

سباح الخير
اما همتي دمتي من زماااااان عنه
جميل هالجزء ولازلنا بإنتظار المسرحية ..

المشاركة الأصلية كتبت بواسطة dl3 $hrgawy
http://www.arabtravelersforum.com/tr...8/#post6027128

سباح الخير
اما همتي دمتي من زماااااان عنه
جميل هالجزء ولازلنا بإنتظار المسرحية ..




عيل بتنطرين وايد خخخ لاني اصلا مادخلت المسرحيه .. اصلا موعد العرض لسه بدري عليه بس الحين يجهزون المسرح ومادري متى المسرحيه انا بس دخلت اشوف المكان اتطمش لا غير خخخ

شكرا على المتابعه

عجبني هالجزء من رحلتج تصويرًا وتعليقاً
متابعين معاج ويعطيج العافية عواشتنا الحلوه
وصراحه ما ألوم هالأمير اللي ما يبي يشوف أحد من خلق الله الظاهر عايش بالهنا عدل أو المود عنده عالي ؟؟؟

عيني عليك باردة من قرية لقرية ومن مدينة لمدينة
وفرفرة ولفلفة .. اهم شي الوالدة معكم ومبسوطة ...
شكلك بتكوني البوم صور للذكريات .. ويشوفوها احفادك ان شاء الله

بس صورة السياكل مايضيعون سياكلهم كونها متشابهة !!!!!

المشاركة الأصلية كتبت بواسطة احلى من العقد
http://www.arabtravelersforum.com/tr...2/#post6024832





اهلين فيك مجددا شكرا لمتابعتك الدائمه .. بالنسبه للصور بشكل عام انا احب اصور ادق التفاصيل للذكرى و كم مره اتردد واقول في هالرحله ماراح انزل تقرير مالي نفس .. بس لما ارجع اشوف ان عندي صور + ومعلومات + وخبره في البلد الي رحتها ليش ابخل على غيري بمعلومه يمكن تنفعهم او بصوره ممكن تسليهم ... فأكتب تقرير .. وتدري لما ارجع اقرا التقارير القديمه احس كأني دونت مذكراتي عن البلد الي سافرته واحس اني استعيد الذكريات الحلوه الي صارت لي مع الناس الي كانو معاي في السفر فمادري شلون احس اني اشتاق لهم واحب اوصلهم ... مادري



سبحان الله هالشيء نابع من رغبتك بالخدمه يا اختي
غيرك والله يحس نفسه كبر علي كتابه التقارير

المشاركة الأصلية كتبت بواسطة منى العازمي
http://www.arabtravelersforum.com/tr...0/#post6027350

عجبني هالجزء من رحلتج تصويرًا وتعليقاً

متابعين معاج ويعطيج العافية عواشتنا الحلوه
وصراحه ما ألوم هالأمير اللي ما يبي يشوف أحد من خلق الله الظاهر عايش بالهنا عدل أو المود عنده عالي ؟؟؟

هلا وغلا ... عاد انا مادري ليش حسيت الامير معقد خخخخ مايبي يشوف حد ولا حد يشوفه ملل خخخ







المشاركة الأصلية كتبت بواسطة ولد بابا وماما
http://www.arabtravelersforum.com/tr...0/#post6027480

عيني عليك باردة من قرية لقرية ومن مدينة لمدينة
وفرفرة ولفلفة .. اهم شي الوالدة معكم ومبسوطة ...
شكلك بتكوني البوم صور للذكريات .. ويشوفوها احفادك ان شاء الله

بس صورة السياكل مايضيعون سياكلهم كونها متشابهة !!!!!







خخخ اي والله انا كنت اقول شلون مايتلخبطون بسياكلهم وبقولك ترا امي مب عيوز لوسمحت امي شابه نسبيا عمرها بس 52 و نعطيها فرصه بين فتره وفتره نقعد نرتاح ونريحها طبعا مب طول اليوم مشي خخخخ







المشاركة الأصلية كتبت بواسطة فيصل 2006
http://www.arabtravelersforum.com/tr...4/#post6028314

سبحان الله هالشيء نابع من رغبتك بالخدمه يا اختي
غيرك والله يحس نفسه كبر علي كتابه التقارير




خخخخخخخ الكبر شين

عوااااشه .... ماشاء الله تقرير اتعب وانا اقول ابداااااااع..... الله يعطيك العافيه

المشاركة الأصلية كتبت بواسطة m!$s paris
http://www.arabtravelersforum.com/tr...0/#post6034600

عوااااشه .... ماشاء الله تقرير اتعب وانا اقول ابداااااااع..... الله يعطيك العافيه




مشكوره ماقصرتي

المشاركة الأصلية كتبت بواسطة حـ م ـودي
http://www.arabtravelersforum.com/tr...4/#post6028004

ما شآء الله عليك تقرير مميز مثل عادتك

متابع معاك




شكرا حمودي على المتابعه

السفر تجربة ومتعه كبيره وذكريات لاتنسى

وجميل ان تشاركينا بتجاربج وذكرياتتج الرائعه

حقيقه اضفتى وابرزتي جوانب كثيره لجمال الطبيعه فى مدن وقري المانيا

وانا هالصيف اول مره ازور المانيا فاستمتعت بحمال بافاريا والريف الالمانى الاكثر من رائع

بس ليش ميونخ ماعيبتج مع انى افكر ازور المانيا مره اخرى للتسوق فى ميونخ بس

سلمت يمناج على التقرير

الله يقدرج على تقديم الأفضل دايماً

دمتى بود

اختج الورد

عوواااااااشه ارحمينا الصور تهبل ماشاء الله ... خصوصا أني ماسافرت هالسنه لسبب ما وهو أني جبت بنوته بس للامانه ما سميتها عواااشه ... وانتي بهالصور والأجواء الرووعه هيضتي المشاعر وحنيت للسفر .... عوااشه بإذن الله راح امشي على خطاك .. حبيت مخططكم للرحله خصوصا انه يجمع كذا دوله ومناطق جديده وهذا اللي حمسني اكثر .... وطبعا ما أنسى اسلوبك الروعه اللي شدني لمواضيعك ..... الله يوفقك ياعسل ...*

اخاف اتعقد نفسيا ... ليش فريجنا مب حلو مثل فريجهم

توك خايفة تتعقدين هههههههه حنا تعقدنا وانتهى الأمر !!






متابعين ...

صباح الفل

متابعينج ياعسل

الصراحه كم مره بغيت أرد وانا اكتب الرد أنشغل بشي واقوم عن اللاب

الحين نسيت شو كنت بقول

بس تذكرت فرانكفورت ، وقلت خساره انج مامشيتي في سنترها وايد حلوه اسواقها

بكتب عنها في تقريري لما انزله

ولاحظت انه وايد لفلفتوا وسكنتوا في وايد أماكن بس هذا البرنامج ماتعبكم ولا في متعه أكثر ؟

عجبني فندق الهوليدي ان
بكم سعروو ؟؟ لو نبغى نمشي لين الساحه كم دقيقه مشي
والصراحه ميونخ عجبتني من فتره قرات لها تقرير
وتقريرك ابداع ماشاءلله عليك
تحياتي لك

لازلت مستمتع بالمتابعه
وأحس العنصر النسائي دائما متابع تقاريرك الله يخليهم لك

المشاركة الأصلية كتبت بواسطة @الورد@
http://www.arabtravelersforum.com/tr...2/#post6038202

السفر تجربة ومتعه كبيره وذكريات لاتنسى

وجميل ان تشاركينا بتجاربج وذكرياتتج الرائعه

حقيقه اضفتى وابرزتي جوانب كثيره لجمال الطبيعه فى مدن وقري المانيا

وانا هالصيف اول مره ازور المانيا فاستمتعت بحمال بافاريا والريف الالمانى الاكثر من رائع

بس ليش ميونخ ماعيبتج مع انى افكر ازور المانيا مره اخرى للتسوق فى ميونخ بس

سلمت يمناج على التقرير

الله يقدرج على تقديم الأفضل دايماً

دمتى بود

اختج الورد




هلا اختي وشكرا على الكلام الي كتبتيه بالنسبه لميونخ مادري ليش ماعجبتني حسيتها عاديها مافيها شي حلو كلش وحسيتها كئيبه بصراحه ماافكر ارجع المانيا مره ثانيه يمكن القرى حلوه بس المدن الرأيسيه وايد جامده مادري ماحبيتها ..







المشاركة الأصلية كتبت بواسطة m!$s paris
http://www.arabtravelersforum.com/tr...0/#post6040060

عوواااااااشه ارحمينا الصور تهبل ماشاء الله ... خصوصا أني ماسافرت هالسنه لسبب ما وهو أني جبت بنوته بس للامانه ما سميتها عواااشه ... وانتي بهالصور والأجواء الرووعه هيضتي المشاعر وحنيت للسفر .... عوااشه بإذن الله راح امشي على خطاك .. حبيت مخططكم للرحله خصوصا انه يجمع كذا دوله ومناطق جديده وهذا اللي حمسني اكثر .... وطبعا ما أنسى اسلوبك الروعه اللي شدني لمواضيعك ..... الله يوفقك ياعسل ...*




ارحمكم خخخخخخ يعني خلاص اوقف مااكمل ؟؟؟؟ والله يخلي لج بنتج وعلى قولة فيروز شو بدي بالبلاد الله يخلي الاولاد ... شكرا جزيلا وماقصرتي على الرد







المشاركة الأصلية كتبت بواسطة dl3 $hrgawy
http://www.arabtravelersforum.com/tr...4/#post6040454

اخاف اتعقد نفسيا ... ليش فريجنا مب حلو مثل فريجهم

توك خايفة تتعقدين هههههههه حنا تعقدنا وانتهى الأمر !!






متابعين ...




ههههههههههههه









المشاركة الأصلية كتبت بواسطة هداوه
http://www.arabtravelersforum.com/tr...4/#post6040634

صباح الفل

متابعينج ياعسل

الصراحه كم مره بغيت أرد وانا اكتب الرد أنشغل بشي واقوم عن اللاب

الحين نسيت شو كنت بقول

بس تذكرت فرانكفورت ، وقلت خساره انج مامشيتي في سنترها وايد حلوه اسواقها

بكتب عنها في تقريري لما انزله

ولاحظت انه وايد لفلفتوا وسكنتوا في وايد أماكن بس هذا البرنامج ماتعبكم ولا في متعه أكثر ؟

زين عيل بشوف فرانكفورت بعيونج ... بالنسبه للفلفه احنا اغلب المناطق كنا نروحها رحلة يوم واحد او نص يوم نتمشى في المدينة وعقب نكمل لمدينة ثانيه و السكن صح غيرنا وايد بس مب في كل مدينة فندق يمكن في كل بلد 3 او 4 مرات غيرنا الفندق ... احنا نمل اذا قعدنا في نفس المنطقة اكثر من 4 ايام نستمتع في التنقل .. هالمره تنقلنا وايد ... نعم تعبنا ... بس استمتعنا واااااايد وحسينا بالتغير وماملينا من اي منطقه رحناها .. اسلوب سفرنا مايناسب اغلب الناس في الخليج ووايد يقولون لنا احنا نحب نسكن مكان واحد طوول الوقت ونقعد على الكوفي نشوف الناس ونتسوق ونادر مايروحون لاماكن سياحيه ولين يشوفون صورنا تعجبهم ويقولون خاطرنا نروح معاكم بس انا اعرف انهم مايقدرون لان ستايل حياتهم غير عنا ... احنا نستمتع بالتغير صج صج مانحس بالملل ونحس الوقت يمر بسرعه ...مادري الناس غير عن بعض

حياج الله ياهدهد واشتقنا لردودج







المشاركة الأصلية كتبت بواسطة جنونـ انثى
http://www.arabtravelersforum.com/tr...6/#post6041986

عجبني فندق الهوليدي ان
بكم سعروو ؟؟ لو نبغى نمشي لين الساحه كم دقيقه مشي
والصراحه ميونخ عجبتني من فتره قرات لها تقرير
وتقريرك ابداع ماشاءلله عليك
تحياتي لك



مااتذكر سعره للاسف والمشي للساحه يمكن 10 او ربع ساعه بس احنا كنا نروح بالميترو دقيقتين ونوصل

ومبروك رجوع المعرف







المشاركة الأصلية كتبت بواسطة فيصل 2006
http://www.arabtravelersforum.com/tr...0/#post6042100

لازلت مستمتع بالمتابعه
وأحس العنصر النسائي دائما متابع تقاريرك الله يخليهم لك




ياهلا فيك يا فيصل الستات لبعضها خخخخ ده احنا ولايه والله يخليكم ياشباب ماتقصرون

ختام جزء المانيا ...


مرحبا جميعاً ... الكتاب واضح من عنوانه ... انتهى جزء ألمانيا ...والي حاب يكمل معاي ويطير معاي الى


النمسا


حياه الله ...


http://www.arabtravelersforum.com/travel620474/


اتمنى ان جزء المانيا اعجبكم ... و اتمنى اشوفكم في النمسا ...

سؤال بريئ

انتو سكنتو في ميونخ وكل يوم كنتو تروحون وحده من القرى ..؟

يعني يمديني اروح لهذي القرى وارجع ميونخ ؟

المشاركة الأصلية كتبت بواسطة beshoo0
http://www.arabtravelersforum.com/tr...0/#post6052680

سؤال بريئ

انتو سكنتو في ميونخ وكل يوم كنتو تروحون وحده من القرى ..؟

يعني يمديني اروح لهذي القرى وارجع ميونخ ؟



ايوه يمديك .. بس لازم تعرف بالضبط الوقت الي بتستغرقه في الطريق مثلا اذا ساعتين فالطريق معقول لكن اذا الطريق بياخذ 4 ساعات مثلا ممكن تروحون وتردون بس بيكون في وقت ضايع كبير في الطريق ... احيانا كنا نروح لمدينة لمدة يوم واحد كمرور فقط مثلا من فرانكفورت لين ميونخ توقفنا في مدينة راثنبيرغ وتجولنا فيها وعقب كملنا طريقنا ...

مشكوره اختي متابع لتقاريرك الرائعة
في انتظار المزيد .

المشاركة الأصلية كتبت بواسطة ثامر2007
http://www.arabtravelersforum.com/tr...0/#post6052920

مشكوره اختي متابع لتقاريرك الرائعة


في انتظار المزيد .

شكرا جزيلا ... ماقصرت

الله يسلمك كاتبتنا

ونطير هونيك وراه ما نطير

http://www.arabtravelersforum.com/user315864/ ربي يقر عينك بها ويخليها لكم يارب

اختي حطمتيييني يوم قلتي عذرا ميونخ لستي مدينتي اذا ميونخ مو حلوووه اجل وين احلى مدينه بالمانيا ابيك تنوريني الله ينورك لاني في بداية تقرير عن المانيا وفيه سؤال ابي اعرف وشو ميولك للسفر هل طبيعه واجواء وهدووو بعيد عن الزحمه والا ميولك مدن ترفيهيه واسواق وكافيات اقصد بهذا السؤال انه يمكن مالقيتي ميولك فيها او انها فعلا ماتستحق اتمنى فهمتي قصدي يمكن ماعرفت اوصلك المعلومه زيييين اسمحيلي

المشاركة الأصلية كتبت بواسطة kenaz *
http://www.arabtravelersforum.com/tr...8/#post6066598

اختي حطمتيييني يوم قلتي عذرا ميونخ لستي مدينتي اذا ميونخ مو حلوووه اجل وين احلى مدينه بالمانيا ابيك تنوريني الله ينورك لاني في بداية تقرير عن المانيا وفيه سؤال ابي اعرف وشو ميولك للسفر هل طبيعه واجواء وهدووو بعيد عن الزحمه والا ميولك مدن ترفيهيه واسواق وكافيات اقصد بهذا السؤال انه يمكن مالقيتي ميولك فيها او انها فعلا ماتستحق اتمنى فهمتي قصدي يمكن ماعرفت اوصلك المعلومه زيييين اسمحيلي




ممممم

مادري والله يااختي كلش ماحبيت ميونخ و المانيا مادشت مزاجي وماافكر ارجع لها حسيت ميونخ كئيبة وعااااديه جدا من بين كل المدن الاوربيه الي رحتها كانت ميونخ الاسوء و الي استغربته ان راي اهلي كان مثل رايي .. بالنسبه لنوع السياحه احنا نحب كل انواع السياحه الا نوع واحد وهو اني البس واتكشخ واتعدل واقعد في الكوفي شوب او اتمشى في شارع معين (( الشانز مثلا )) بدون هدف .. بس عشقي الاول هو الطبيعه سواء جبال او غابات او بحر او جزر والريف

وللناس فيما يعشقون مذاهب

عموما خيتو تقرير جميل

والحمد لله على كل حال

المشاركة الأصلية كتبت بواسطة حب الوفا
http://www.arabtravelersforum.com/tr...4/#post6070424

وللناس فيما يعشقون مذاهب

عموما خيتو تقرير جميل

والحمد لله على كل حال




شكرا جزيلا وياهلا فيك ..

رحله رائعه وتقرير اكثر من رائع ومميز

تسلمين لاخلا ولاعدم...
أختك أم عبدالعزيز

المشاركة الأصلية كتبت بواسطة *صوت السهاري*
http://www.arabtravelersforum.com/tr...8/#post6077568

رحله رائعه وتقرير اكثر من رائع ومميز

تسلمين لاخلا ولاعدم...
أختك أم عبدالعزيز




هلا اختي ام عبدالعزيز وشكرا على الرد ماقصرتي

تقررررررريرك خورررررررافي كعاددددتك


بانتظار التكمله