الموضوع: رحلتي لكوريا الجنوبيه سنــــ ـــة سيئول اللي ماعجبتني

مقدمه


تولهت ع المقدمات


كوريا من ناحية النظافه

هي نظيفه ومب نظيفه

نظيفه ...

انه الشوارع والاماكن العامه كلها نظيفه ومايرمون القاذورات ع الارض

ومب نظيفه من ناحيتين ...

الأولى.. في كثير من الشوارع نشم فيها روائح خايسه وغير طبعا روائح

المطاعم اذا مريتوا من عدالها

والثانيه .. وهذا الشي تفاجأت فيه ولوع جبودنا وهو انهم وايد يتفلون ع الارض (يعني يبصقون )

الحين في بمبي عرفنا انهم ياكلون باان وعشان جذي يتفلون

بس هنيه شو ياكلون عشان يتفلون طول الوقت

والله كنت أقرف وانا أدوس الارض أحسها كلها تفال

وأذكر واحد ونحن نمشي عداله قام تفل جدامنا ومب أي تفاله

انزين يالوصخ راعينا





يوم الاثنين يوم وقفة عرفه

11/14/ 2013



لأنه اليوم صيام فقلنا بنخليها تسوق ومابنرهق عمارنا

اتفقت مع بوعيسى انه هو يظل نايم مع عبادي ويرتاحون في الفندق

وانا والبنات نسير مول كويكس ونتسوق لين العصر

وعقب بوعيسى ايينا هو وعبادي عشان ندخل الاكواريوم اللي في المول

وعقب نسير نفطر

مول كويكس

COEX



موقع المول ع النت


http://www.coex.co.kr/eng/index.asp


خريطة المول





نشينا انا والبنات متأخرين وكانت حرارة الجو





وخذينا تكسي بعد ماراويناه العنوان





وخذا منا الطريج نص ساعه كان بعيد شوي ، وراعي التكسي كان يعرف انجليزي

وسولفنا وياه وعطانا وايد معلومات fس ما اتذكر شي من اللي قاله

وصلنا المول ونحن كلنا حماس



الصراحه ونحن يايين كوريا ماخذين فكره انه أسواقها تجنن

فكنا متحمسين وايد للتسوق

والاماكن اللي زرناها قبل للتسوق ماعجبتنا وايد وماحصلنا اللي يرضينا


ملحوظه

ترا التسوق يفرق من شخص لشخص

حسب حاجته وحسب ستايله وحسب ميزانته

وعشان جذي انا أعطيكم رآيي الشخصي ومن واقع تجربتي

ممكن تناسبكم وممكن ماتناسبكم


نكمل أحداث اليوم





وصلنا المول ودخلنا

























شفناهم في ينسقون الزهور بطريقه حلوه والظاهر انه فيه احتفال بيكون في هالمكان

بس ماندري متى





















ونحن نمشي كانت الصدمه المره





لقينا لافته تقول انه المول مسكر للصيانه




صابتنا خيبة أمل

قلنا خلاص بنتمشى وبنستكشفه

لقينا في جزء مفتوح داخل المبنى بس مب تابع لهالمول وفيه محلات

تمشينا فيه وماعجبنا شي وكانت عدد المحلات مب كبيره

وفيه قسم كبير للمطاعم









وعقب رجعنا نمشي في صوب ثاني

وشفنا سينمات والمكان كبير









كملنا في اتجاه الاكواريوم ولما وصلنا وعرفنا مكانه

كملنا سيده ( ع طول ) لين شفنا محلات لوتي للديوتي فري ( يعني اسواق حره ماعليها ضرايب )

المحلات كلها ماركات ولكن عددها قليل

وفي المول فندق الانتر




دخلنا شويه وطلعنا ماكنا متشجعين نشتري ماركات لأنه عندنا نيه نسير الأوت ليت

ع فكره أنا ما أتشجع اشتري ماركات الا من اوروبا

شفنا انه هالمشوار طلع ع الفاضي

وفكرت في بوعيسى وعبادي وقلت مافي داعي أوعيهم وأخليهم ايون هالمشوار

وفي نفس الوقت مانقدر نتريا لين لعصر لين يقومون وايونا

ونحن خلصنا تمشي وفاضيين

فقررنا ندخل الاكواريوم بدونهم

وعقب كلمت بوعيسى وخبرته

وقال أحسن

يبا الفكه من المشوار الريال صايم

بس اتفقنا مانخبر عبادي عشان مايحط في خاطره ويزعل منا

الافطار في المطعم الهندي



قررنا نفطر في المطعم الهندي ومانتعب عمارنا باللف والبحث عن مطعم مناسب

لبسنا وتمشينا لين المطعم

وفديته عبادي أصر انه يصوم ويانا الله يحفظه

طلعنا من الفندق وخذينا يمين

ونحن في الطريج فندق ذا بلازا










في طريجنا كان هذا الكوفي وللاسف ماجربته










خساره ماجربناه





وصلنا منطقة الاسواق والحياه

وهذا المول تقريبا مجابل فندق ايبس من الشارع المقابل





وهذا مول ثاني مقابلنه بس كله ماركات





وصلنا المطعم






























اليوم اخترنا غرفه خاصه

تعرفون صيام ومانبا فضايح وقرقعة صحون










فتحنا المنيو وبدينا نختار ونتشهى الاكل









































هاي الاطباق اللي لحقت اني أصورها




















طبعا مالحقت أصور كل شي

عند البطون تعمى العيون

هاي فاتورتنا





تقريبا بـ 650 درهم

طبعا السعر مبالغ فيه ع اختياراتنا من الاطباق


وعقب ماخلصنا فطورنا قررنا نسير جوله بحريه ع نهر هان

طبعا كنا ماخذين معلومات من الفندق

وراعي التكسي اللي خبرتكم عنه اللي سولفنا وياه بعد هو علمنا وين نسير

وركبنا التكسي في اتجاه مشوارنا الثالث في هاليوم

جولتنا النهريه



زقفنا التكسي وعطيناه العنوان





وهاي خريطة الموقع موظف الفندق طبعها لي





أول ماوصلنا ونزلنا مشينا صوب مبنى ولكن نشوفه انه كله مطاعم ومانشوف سفن





سألناهم وخبرونا انه نمشي جدام

مشينا وكان الجو جميل وسرنا عند المبنى الثاني





ولقينا في صوب ثاي مقابل هالمبنى بعد مبنى ثاني

لقطع التذاكر





قطعنا التذاكر ونسيت طبعا الاسعار بس اعتقد حسب التذكره الشخص بـ 95 الف





وعقب دخلنا المبنى





وخبرونا انه السفينه بتفتح بعد شويه





اشترينا أيس كريم ويلسنا نتصور وتيلسنا ع الكراسي

وشويه ونشوف قروب سياحي كبير ما أدري هم صينين ولاكوريين ور يابانيين

الله أعلم ، المهم كانوا مع المرشد

وكان هالقروب بيركب ويانا


بعض اللقطات ونحن ننتظر















وعقب فتحوا البوابه ودخلنا ع راحتنا وسرنا فوق ع سطح السفينه

وماشاءالله القروب خذا المكان كله ولاتركولنا كرسي

حاولنا نوقف ع طرف السفينه انا وعيالي عشان نتفرج

وتحركت السفينه ومشينا

كان الجو جميل والمناظر حلوه في الليل ، لين وصلنا الجسر




































عقب طلبوا منا ننزل عشان بتمر السفينه تحت الجسر

ومن هالجسر تنزل نوافير ماي وملونه بالاضاءه


























بعد مانزلنا شفنا يلسات ومسرح خذينا مكانا مع الناس ويلسنا

وشويه بدأ عرض مسرحي والمفاجأه انهم كانوا يقلدون النانتا

وللاسف ماعجبنا التقليد وخصوصا كان استهبال اللي يسوونه

الأصل كان أحلى بوايد




















ومن انتهى العرض المسرحي وصلنا للميناء وانتهت الرحله


انطباعي عن الرحله ..

أحسها ماتسوى وما استانسنا فيها وايد

وضيعنا وقتنا ع الفاضي



عقب طلعنا من السفينه نتمشى ع نهر هان

وكان الجو جميل وحلو

وفي عدد قليل من الناس اللي تمشي




















والصراحه ممتأكده اذا هذا الجزء من نهر هان اللي الناس تكلمت عنه ولا فيه مكان ثاني يقصدونه

المهم تمشينا في هالمكان وماطولنا فيه

وقررنا نسير السوق اللي يفتح من المغرب لين الفجر

قلنا بنعوض التسوق عقب ماصارلنا المقلب في مول كويكس

وبنكمل يومنا بمشوارنا الأخير للاسواق الليليه

والله مررره استغربت
بابا روتي لذيييذ.. وريتحه خطيره .. خصوصا بالبرد
على العموم .. احسن لك .. فيه سعرااااااات عاليه ,, ودسم

المشاركة الأصلية كتبت بواسطة ام ميلاد
http://www.arabtravelersforum.com/tr...8/#post8135388

مساء الشتاء

مسالبرد


اولا وحشتيييييييييييييييييييييييييييييييييييييييييينا


وانتوا أكثر


ثانيا احب اقولك انه انبسطت انكم صمتوا يوم عرفه ولا فاتكم.. الله يتقبل منا ومنكم


اللهم آمين


ثالثا وااااضح انه كوريا ناويتكم ماتنبسطون .. اجل مول بكبره يسكر هههههههه


هههههههههههههههههههههههههههههههه

شفتي مب نحاسه فينا



وتفاجاءت كثييير من سالفه التفال وانتو بكرامه.. كنت متخيلتهم ارقى من كذا


هيه والله مقرفين

حتى نحن تفاجأنا




يوم قلتي بنفطر بالمطعم الهندي .. قلت في نفسي شكله يسكر وقت المغرب .. بريك
بس اشوى لقيته فاتح

بالنسبه للاسواق .. ماشفتوا محلات مخبوزات عندهم .. والا بابا روتي؟


وصلج الرد



بالنسبه لمطعم البيتزا اللي شفتيه من بعيد واااااضح انك جوعااانه ..
عشان كذا قريتيه بيتزا هههههههه




من اليوع قمنا نشوف غير

شرات السراب اللي نلحقه ومانحصل شي



اكثر واحد تبهذل عبادي ياحياتي

اتوقع لو انا اللي صار معاي كذا
بتلقين زين الحلايا
هههههههههههههههههههههه




الله يحفظلج عيالج ويخليج لهم

المشاركة الأصلية كتبت بواسطة احلى من العقد
http://www.arabtravelersforum.com/tr...4/#post8135554

شكرا هدهد على هالجزء الطويل يعطيج العافيه ماقصرتي .. انتي اصلا دايما ماتقصرين ..


الله يعافيج حبيبتي هذا من طيب أصلج



متعوب عليها يبصقون خخخخخخخخخخ


ههههههههههههههههههههههههههههههههههه

وايد بذلت مجهود لين طلعتها



اما الجولات والصولات في هاليوم ... احسها نص ونص

بالنسبه لكل الجولات النهاريه احسها ماعجبتني ماحب الاكواريوم وهالسوالف و المول النهاري مسكر مامنه فايده راح عليكم نهار ثاني عالفاضي..


فعلا ضاع منا هذا النهار وكم نهار


اما جولاتكم الي بدت من الفطور لييييين اخر اليوم حبيتها ... عجبني المطعم والمنطقة الي فيها المطعم لو بدالكم اتسوق اهني اشرح واحلى ...

تسوقنا فيها كم مره بسها وياريت حصلنا شي حلو

أسواقهم ماتساوي شي عدال اسواق بانكوك



وعقب الرحلة النهريه وايد عجبتني لو ان صورج نص كم بس انا احب هالنوع من الرحلات والجولات ...

هههههههههههههههههههههههه

ياشماتة الاعداء


عامتاً احب الماي واي شي يتعلق بالماي ... ولو بدالكم طولت المشي على النهر عشان اكتشف المكان ...


ماكان في شي عشان تكتشفينه مجرد تمشي ع طول النهر

والوقت كان متأخر فمايشجع المكان


اما السوق الليلي فكرته حلوه ... بس المقلب ان مافيه مطاعم واكل ... اكيد الانسان لما بيتسوق يبي ياكل بيوع مايصير اصلا الاكل جزء من المتعه خخخخخ لهالسبب مسكينه رفيجتي قلبها نكسر وماحبت البلد ماتنلامين ...



محد حاس فيني الا انتي


اما سالفة المقاسات انا كنت متوقعه هالشي لهالسبب مافكر كلش كلش اتسوق في شرق اسيا احس مقاساتهم غلط حتى الجواتي تلقين الجوتي مكتوب عليه مقاس 40 وهو يلبس طفله عندنا ..

بس التمشايه في الليل حلوه ...

شكرا على هالجزء




عفوا حبيبتي

الحمدالله على السلامة ام عيسى الغالية

أفااا طلعتي مثل حالتي أنا و دلوعي ولد أختي نام وإيدنا تحت راسنا
يجيني عوار بإيدي بس يوم ويروح وأشتكي عند امي الغالية وتقول تستااااهلين تنامين عليها ولا ضاغطة على إيديج على تاج السرير
أقول شلون أتحكم وأنا نايمة

’’’’’’’’’’’

وع على إلي ذكرتيه أخر شئ
حتى عندنا بديارنا هالأسيويين يسووونها قدامنا مرات ابي أتخانق بس أكيد ما صار
ما أحب أمر على شوارعهم إلي يتجمعون فيها بالكويت مثل إلي عندكم بمنطقة ديرة
شكل تقريرج راح يكون عن قلة نظافة الكوريين

يممممه شكل البلد تعيييييس
كم مرة شفتي أي خليجي يمشي قداكم
إن شفت أي خليجي أستااااانس وأحس بالأمان والفخر
( خصوصا تقريرج أتخيل نفسي بين غرب )
ويا حلوووو المعجب الصغينون إلي بالأكواريوم

عندي سؤال
كان عندكم قدرة على تحويل السفرة إلى تايلند أو هونق كونغ ؟
إذا كانت قريبة لكوريا الجنوبية ولا تحتاج فيزا للإماراتيين أو فيزا بالمطار ؟

متاااااابعين لبلاد الصدمات
كوريا الجنوبية

أشعر ان بعض ما واجهكم من مواقف هو سوء حظ بحت مثل ان يكون اكبر مول مسكر

و لكن عموما اهم شئ السلامة في الروحة و الرجعة و تتعوض ان شاء الله (خيرها في غيرها)


تقبل الله منكم صيام يوم عرفة


و تقبلي مني مروري و تحياتي

اوف ياشين شرق اسيا والله مجاعه الواحد ترى اذا يتم جوعان ومايحصل اكل عدل صدقيني حتى مزاجه يتعكر ويصير عصبي كوريا جد مجاعه ماحبيتها كلش جاتني فتره قلت خاطري فيها الحين ابدا ابدا مافكر فيها انا وايد اثق بذوقج ياام عيسى واعرف اذا قلتي الدوله حلوه يعني حلوه واذا لا اتكون فعلا لا لان ذوقج راقي وقريب من ذوقي

فديته عبادي لانه صايم حبيبي الله يصلحه ويحفظه لكم ويطرح فيه البركه وتشوفينه احسن الناس .. والاكواريوم جد سخيييييييييف انا مثلج ماحبه بس اذا اعيالي اكبروا وصاروا يسافرون معاي اتوقع اكيد بنروح هالاماكن

وبالنسبه للاعجاب خخخخخخخخخخخخ والله جد اتحسين بقيمة جمالج بشرق اسيا يشوفونا ملكات جمال الكل يتغزل مساكين يحبون عيونا ورسمة خشمنا لانهم فاقدين اتذكر في تايلاند كانوا يوقفوني انا وابوي يمدحوني شكلي وابوي كان يعصب يغار علي فديته خخخخخخخخ اتقولين ريلي يسبهم خخخخ يمكن لاني بنته الوحيده محافظ علي عدل بس جد يرفعون المعنويات

لازم تعوضين في الكريسمس ام عيسى يبيلج سفره لو 5 ايام اتغيرين فيها جو اذا عطلتوا علشان الكريسمس شلي بناتج وروحي وياهم الحين فديتهم اكبروا والطلعه وياهم اكيد حلووه يصيرون صديقاتج اكثر من انهم بناتج واجازة الكريسمس حلوه اسبوعين وشوي


متابعه معاج والله يعوضج بسفره احلى من هالبلد

صباح الخير بالليل

اليوم ان شاءالله برجع للردود وبنزل جزء يديد

فيصل

مديرنا وينك غطيت غطه عنا

مفتقدينك

مبروووووووووووووووووووووووك


تستااااااااهلون
وهذا فخر للخليج كلنا

هداااااااااااااااااااااااااااااوي
وين الناس
عسى المانع خير

ويييييع مالت عليهم صج مالت
تصدقين انا بالكويت اذا شفت هندي يتفل عزكم الله ودي ايووده واطقه الوصخ
ههههههه مره كنت انا وبنتي مادري بالسوق
والا اسمع واحد يجهز للنخمه الكبيرة قطع تعرفوون الصوت
والا بدون شعور قلت له لا لا هههههههه
احسه بلعها من الخرعه ههههههه قطع بيتفل جدامي مالت عليه
بس انا شوي وارجع من حركته قطع
واما عن الاسواق والجوله النهريه والليل والجزء هذا كله
احلى شي الوان الجسر والمطعم الهندي بس
والنودلز من ايدج مع اني مو من محبين النودلز

هداوة على فكره انا مره قاريه ان النودلز تطلع ريحه مو حلووة بالجسم
لا يكون هالكوريين كله نودلز ههههه
يعطيج العافيه على هالمجهود

الله يعطيج العافيه أختي أم عيسى وماقصرتي والله
بالتفصيل الممل
بالنسبه لشرق آسيا (التفله ) هذي ماركه مسجله على حلوقهم حسبي الله عليهم هم والعاده القذره مالتهم
بس يالله شنسوي لازم نتحمل دام إحنا اللي جايينهم
المصيبه المدام تفكر وتقول أبشوف كوريا
شكلنا بنرجع مع أول طياره راده لديرتنا اذا شافت هالمناظر الخايسه
بس الله يعين
يالله ياأم عيسى ترا ناطرين بقية التقرير

ما شــــــــاء الله ...

بختصر لك كل التهاني و التبريكات

اولا ً : سلامة ايدك و أجر ان شاء الله ..
ثانياً : مبروك لدبي و لشعب الامارات و لكل العرب استضافة اكسبو 2020


اليوم تفرغت لموضوعك و قرأته مره وحده
و قد ايش كنت استانس و انبسط عالصور و الوصف ،، و لكن
تصدمني كلمة ما يستاهل - و معاناة البحث عن المطاعم ..
و تصدمني أكثر الروائح ،، ذكرتني بريحة الاكل في الصين - الله يديم النعمه ما ادري شلون يتحملون

حبيت العرض ، و عبودي - الله يحفظه - منور حتى لو ما اعطى الكاميرا وجه
هانت باقي تقريباً يومين على نهاية رحلتكم
ان شاء الله نقرأ فيها شيء اسعدكم ..


جزاك الله خير عزيزتي هداوه على الشرح و التوضيح
و جعلها الله في موازين حسناتك ..

اهلييييييييييييين

اليوم فتحت التلفزيون واشوف الاحتفالات
وشفت ناس منورين الشاشه.. الله يحفظهم

قلت اهااا .. عشان كذا ام عيسى مشغوله
عسى دوم هالفرحه
الله يديم عليكم الامن والعز.. اميييييين

كل سنه وبلادي بالف خير

وكل حكامنا وشيوخنا وشعبنا بالف خير

والله يدوم علينا الافراح والسعاده وع كل الشعوب العربيه والاسلاميه



شكرا لكل اللي هنوني سواء ع الخاص ولا ع العام

وسامحوني فعلا انشغلت الايام اللي طافت وخصوصا عندنا اجازه ومناسبات حلوه

وكل يوم أرد من برع اشوف عمري منهد حيلي وارقد

بس خلاص خلصنا هياته وبقر في البيت بجابلكم

وببدأ في جزء يديد ان شاءالله باجر

والحين تصبحون ع خير

كل عام وأماراتنا الحبيبة
بخير
الله يديم عليكم الأمن والعز
إن شاءالله
يا حلوووو أجواء الأحتفالات بالوطني

صدقج ما تفيجنا نفتح النت

بس الحين نبغي نشوف تكملة التقرير

كل عام وإماراتنا الحبيبة بألف ألف خير وأمن وامان وتقدم ورخاء

مبروك عليكم اليوم الوطني والله يجعل أيامكم كلها أفراح

ومبروك فوز دبي الغالية بتنظيم معرض إكسبو القادم

ومن تقدم إلى تقدم إن شاء الله

فرحتنا بفوزكم تعادل فرحتنا بفوز قطر بتنظيم الأولمبياد

الله يجعل خليجنا دوم عز وفخر

ويالله ننتظرج نكمل مغامرات كوريا البائسة

مساكم الله بالخير والسرور


اليوم ان شاءالله بنزللكم جديد

مستعدين

المشاركة الأصلية كتبت بواسطة ام ميلاد
http://www.arabtravelersforum.com/tr...1/#post8138561

مبروووووووووووووووووووووووك


تستااااااااهلون
وهذا فخر للخليج كلنا

المشاركة الأصلية كتبت بواسطة ام ميلاد
http://www.arabtravelersforum.com/tr...9/#post8140139

اهلييييييييييييين

اليوم فتحت التلفزيون واشوف الاحتفالات
وشفت ناس منورين الشاشه.. الله يحفظهم

قلت اهااا .. عشان كذا ام عيسى مشغوله
عسى دوم هالفرحه
الله يديم عليكم الامن والعز.. اميييييين

المشاركة الأصلية كتبت بواسطة هدوء العالم
http://www.arabtravelersforum.com/tr...9/#post8140279

كل عام وأماراتنا الحبيبة
بخير
الله يديم عليكم الأمن والعز
إن شاءالله
يا حلوووو أجواء الأحتفالات بالوطني

المشاركة الأصلية كتبت بواسطة abzarad
http://www.arabtravelersforum.com/tr...7/#post8140627

كل عام حكام وشيوخ وشعب الإمارات بألف ألف ألف خير

في إنتظار بقية التقرير

المشاركة الأصلية كتبت بواسطة قطرية كول
http://www.arabtravelersforum.com/tr...5/#post8140805

كل عام وإماراتنا الحبيبة بألف ألف خير وأمن وامان وتقدم ورخاء

مبروك عليكم اليوم الوطني والله يجعل أيامكم كلها أفراح

ومبروك فوز دبي الغالية بتنظيم معرض إكسبو القادم

ومن تقدم إلى تقدم إن شاء الله

فرحتنا بفوزكم تعادل فرحتنا بفوز قطر بتنظيم الأولمبياد

الله يجعل خليجنا دوم عز وفخر

ويالله ننتظرج نكمل مغامرات كوريا البائسة

اشكركم من كل قلبي

ونحن كلنا ان شاءالله ع قلب واحد

فرحتنا هي فرحتكم ، وفرحتكم هي فرحتنا

الله يديم علينا وعليكم الافراح ويحفظنا من كل عين ومن كل حاسد وحاقد

المشاركة الأصلية كتبت بواسطة MidoMennah
http://www.arabtravelersforum.com/tr...1/#post8137471

أشعر ان بعض ما واجهكم من مواقف هو سوء حظ بحت مثل ان يكون اكبر مول مسكر

و لكن عموما اهم شئ السلامة في الروحة و الرجعة و تتعوض ان شاء الله (خيرها في غيرها)


تقبل الله منكم صيام يوم عرفة


و تقبلي مني مروري و تحياتي




ياهلا وسهلا فيك

فعلا جزء من رحلتنا هو سوء حظ

وجزء كبير منه هو سوء اختيار للبلد اللي تفاجأنا انه كوريا ماتسوى الكلام الدعايه اللي انقالت عنها

الله يسلمك ويخليك وان شاءالله نعوضها بالخير

منا ومنكم صالح الاعمال

المشاركة الأصلية كتبت بواسطة قطرية كول
http://www.arabtravelersforum.com/tr...1/#post8137541

أولا: حمدالله على السلامة

المشاركة الأصلية كتبت بواسطة قطرية كول
http://www.arabtravelersforum.com/tr...1/#post8137541

أجر وعافية إن شاء الله

الله يسلمج ويعافيج حبيبتي

ولاترهقين نفسج بالاستعجال للعودة للكتابة لأن اليد لازم ترتاح فترة

ولاتحاتيين مو متشوقين لكوريا عشان جذي مو مستعجلين على التقرير

أحنا بس متشوقين لسوالفج ولجمعتنا الحلوة معاج

انا بعد متوله ع يمعتكم

ولكن اذا بتريا ايدي مابنزل التقرير ولكن هي افضل عن قبل والحمدالله

ثانيا: رحلات اليوم غير موفقة وهذه دولة تعيسة إن كان هذا حالها

أي سياحة بتكون فيها وهي حالتها مزرية جذي

لانظافة في الأوادم ولا أكل مثل الناس

الناس لين سافرت أهم شي تجرب الأكل الجديد والمطاعم المتنوعة

مو رايحيين الناس ينغموون ويجوعون ومايلاقون شي ينوكل

لو أنا منكم ما اتم بهالبلاد

على طول اقطع رحلتي المأساوية وأروح تايلند أو ماليزيا ولا أموت مع عيالي من الجوع

متابعينج حبيبتي وتحملي بروحج

كان عندي أمل انها بتعجبنا

المشاركة الأصلية كتبت بواسطة FuNnY GiRL
http://www.arabtravelersforum.com/tr...0/#post8137550

اوف ياشين شرق اسيا والله مجاعه الواحد ترى اذا يتم جوعان ومايحصل اكل عدل صدقيني حتى مزاجه يتعكر ويصير عصبي كوريا جد مجاعه ماحبيتها كلش جاتني فتره قلت خاطري فيها الحين ابدا ابدا مافكر فيها انا وايد اثق بذوقج ياام عيسى واعرف اذا قلتي الدوله حلوه يعني حلوه واذا لا اتكون فعلا لا لان ذوقج راقي وقريب من ذوقي

فديتج هاي مسؤوليه كبيره عليه لأني يالسه أخرب سياحة بلد

ياخوفي عن وزير السياحه يقرا تقريري ويشلوني في البوكس الكوري




فديته عبادي لانه صايم حبيبي الله يصلحه ويحفظه لكم ويطرح فيه البركه وتشوفينه احسن الناس ..

اللهم آمين

والاكواريوم جد سخيييييييييف انا مثلج ماحبه بس اذا اعيالي اكبروا وصاروا يسافرون معاي اتوقع اكيد بنروح هالاماكن

بناتي يقولون انه الاكواريوم اللي دخلوه في جنوب افريقيا أحلى منه بوايد


وبالنسبه للاعجاب خخخخخخخخخخخخ والله جد اتحسين بقيمة جمالج بشرق اسيا يشوفونا ملكات جمال الكل يتغزل مساكين يحبون عيونا ورسمة خشمنا لانهم فاقدين اتذكر في تايلاند كانوا يوقفوني انا وابوي يمدحوني شكلي وابوي كان يعصب يغار علي فديته خخخخخخخخ اتقولين ريلي يسبهم خخخخ يمكن لاني بنته الوحيده محافظ علي عدل بس جد يرفعون المعنويات

ههههههههههههههههههههههههه

صح كلامج



لازم تعوضين في الكريسمس ام عيسى يبيلج سفره لو 5 ايام اتغيرين فيها جو اذا عطلتوا علشان الكريسمس شلي بناتج وروحي وياهم الحين فديتهم اكبروا والطلعه وياهم اكيد حلووه يصيرون صديقاتج اكثر من انهم بناتج واجازة الكريسمس حلوه اسبوعين وشوي

يارييت بس للاسف الظروف ممناسبه


متابعه معاج والله يعوضج بسفره احلى من هالبلد




اللهم آمين

المشاركة الأصلية كتبت بواسطة توبليرون
http://www.arabtravelersforum.com/tr...3/#post8139713

ويييييع مالت عليهم صج مالت
تصدقين انا بالكويت اذا شفت هندي يتفل عزكم الله ودي ايووده واطقه الوصخ
ههههههه مره كنت انا وبنتي مادري بالسوق
والا اسمع واحد يجهز للنخمه الكبيرة قطع تعرفوون الصوت
والا بدون شعور قلت له لا لا هههههههه
احسه بلعها من الخرعه ههههههه قطع بيتفل جدامي مالت عليه
بس انا شوي وارجع من حركته قطع


وااااع

لاعت جبدي


واما عن الاسواق والجوله النهريه والليل والجزء هذا كله
احلى شي الوان الجسر والمطعم الهندي بس

هيه والله فعلا عرفتي تختصرين الاشياء الحلوه في اليوم


والنودلز من ايدج مع اني مو من محبين النودلز




هداوة على فكره انا مره قاريه ان النودلز تطلع ريحه مو حلووة بالجسم
لا يكون هالكوريين كله نودلز ههههه

والله ما أدري شو ياكلون عشان تطلع ريحة حلوجهم جذي خايسه


يعطيج العافيه على هالمجهود




الله يعافيج حبيبتي وماقصرتي ع مرورج ومتابعتج

المشاركة الأصلية كتبت بواسطة لوفتهانزااا
http://www.arabtravelersforum.com/tr...9/#post8139889

الله يعطيج العافيه أختي أم عيسى وماقصرتي والله
بالتفصيل الممل


الله يعافيك ويسلمك


بالنسبه لشرق آسيا (التفله ) هذي ماركه مسجله على حلوقهم حسبي الله عليهم هم والعاده القذره مالتهم
بس يالله شنسوي لازم نتحمل دام إحنا اللي جايينهم


ههههههههههههههههههههههههههههههههه


المصيبه المدام تفكر وتقول أبشوف كوريا
شكلنا بنرجع مع أول طياره راده لديرتنا اذا شافت هالمناظر الخايسه
بس الله يعين

ماعندك حل الا تخليها تابعني وعقب تقرر ع حسب قناعاتها


يالله ياأم عيسى ترا ناطرين بقية التقرير





ان شاءالله اليوم باذن الله

المشاركة الأصلية كتبت بواسطة ام عزيـــز
http://www.arabtravelersforum.com/tr...0/#post8140050

ما شــــــــاء الله ...

بختصر لك كل التهاني و التبريكات

اولا ً : سلامة ايدك و أجر ان شاء الله ..


الله يسلمج يارب


ثانياً : مبروك لدبي و لشعب الامارات و لكل العرب استضافة اكسبو 2020

الله يبارك فيج وان شاءالله الخير بعم ع الجميع

والله يعطينا خيره ويكفينا شره


اليوم تفرغت لموضوعك و قرأته مره وحده
و قد ايش كنت استانس و انبسط عالصور و الوصف ،، و لكن
تصدمني كلمة ما يستاهل - و معاناة البحث عن المطاعم ..
و تصدمني أكثر الروائح ،، ذكرتني بريحة الاكل في الصين - الله يديم النعمه ما ادري شلون يتحملون


هذا من حظي الحلو انج فرغتي نفسج عشان تقريري


حبيت العرض ، و عبودي - الله يحفظه - منور حتى لو ما اعطى الكاميرا وجه
هانت باقي تقريباً يومين على نهاية رحلتكم
ان شاء الله نقرأ فيها شيء اسعدكم ..


ان شاءالله

تابعيني وبتعرفين


جزاك الله خير عزيزتي هداوه على الشرح و التوضيح
و جعلها الله في موازين حسناتك ..

اللهم آمين

وانا اشكركم ع متابعتكم واللي تحمسني وتخليني أفكر فيكم دايما

واني ما اتأخر عليكم واذا تأخرت يكون غصبن عني

يوم الثلاثاء 15 / 10 / 2013

يوم العيد



مقدمه عن

الامان في كوريا



الشي الحلو اللي شعرنا فيه طول رحلتنا في كوريا الجنوبيه ، هو شعورنا

بالامان

كل حد في حاله وفي اي وقت طلعنا فيه ولو كان الوقت متأخر نشعر بالامان

مانحس انه عندهم حراميه ولاشفنا سكارى ولا اي شي يخوف

وتحسهم ناس قانعه وعايشين عيشه هاديه





أحداث يوم العيد


بشاير الخير هلت في اول ايام العيد

اليوم غير عن كل الايام

الحمدالله في البركه


تابعوني في احداث هذا اليوم


المفروض هذا اليوم كنا نقضيه في مدينة الالعاب بس عشان الاحوال الجويه أجلناه لليوم اللي عقبه

صحينا وايد متأخر كنا تعبانين ومرهقين من أمس ، ويوم نشينا من النوم نشوف الجو يجنن

وكانت هاي بشاير الخير الأولى


درجة الحراره





الدنيا غيوم ومطر

ياسبحان الله كيف الجو يخلق شعور جميل بالراحه والسعاده

عقب مالبسنا وتكشخنا وعيدنا ع بعض

طلعنا نتريق في أحلى مكان ممكن تاكلون فيه وتتريقون فيه

وكانت هاي بشاير الخير الثانيه

وهو

كافيه باريس






هذا الكوفي عدال فندقنا وله فروع كثيره في كوريا

عنده تشكيله كبيره من الساندويشات اللي تناسبنا وعنده عصاير ومشروبات بارده وحاره

وأحيانا كنا ناخذ من عنده خبز سلايس فريش

وأحيانا نشتري سانويشات وناخذها معانا مثل ساندويش سلطه

أو نوع آخذه وايد يعجبني وفيه جبن وعليه بيذام ( لوز ) وعليه طعم العسل

غريب طعمه (مالح وحلو ) بس حبيته

وأنواع ثانيه من ساندويشات الجبن والشوكليت ووبالفول السوداني وبجام البلوبيري والزبده

وعندهم أنواع من الخبوز الحلوه وعندهم جبن فلاديفيا للبيع

الكوفيه هذا صرنا تقريبا يوميا نتريق فيه


القوا نظره عليه من خلال الصور













































































هذا الدائري اللي عليه بيذام هو اللي خبرتكم عنه انه عجبني




































بصراحه هالكوفي أحلى شي حصلناه عدالنا ويوميا يسكر الساعه 10 بالليل

وكنا أوقات اني يوعانين ونحصله مسكر او مانحصل عنده الساندويشات

اللي تناسبنا ويكون خلص معظمها ، بس الصبح متروس عنده كل شي


ممكن تشوفون له صور زياده من النت ع هالرابط


https://www.google.ae/search?q=paris...w=1366&bih=576


موقعهم ع النت ...


http://parisbaguetteusa.com/parisbaguette/Home.asp

فندق لوتي







وهاي البشاير الثالثه

قلنا اليوم بنتمشى وبنسير في اتجاه فندق لوتي اللي عدالنا وبندخل المول اللي لاصق فيه

عقب ماطلعنا من فندقنا ع ايدنا اليمين كان كوفي باريس

وعقب طلعنا وكملنا نفس الطريج












وكملنا لين نهاية هالشارع






وعقب كسرنا يمين وكملنا في اتجاه المول







هذا الممر مره دخلته تراولي من بعيد بيتزا هت وطلع مب بيتزا

قمنا نشوف المطاعم مثل السراب نشوفه من بعيد ويوم نقرب نشوف مافيه شي













محطات الاندرجراوند في كل مكان






هنيه قمنا ولفينا ع اليسار عشان نسير صوب الفندق وبعد عسب نسأل عن محطه معينه

عشان باجر بنوقف عدالها وبيينا الباص اللي بيودينا الالعاب

اكسروا ويايي يسار وشوفوا المكان الحلو اللي هنيه واللي للاسف ماتمشينا فيه لين روحنا

تشوفون هاي الخيم ، هاي كانوا حاطينا هنيه وبيعون فيها ويسوون فعاليات وماحصلنا فرصه

نمر ونشوف ، لأنه الوقت ضيق وع الشو بنلحق





وسألنا رياييل كانوا موجودين وماقصروا وتعاونوا ويانا وواحد وايد تبرض لنا

وبعد ماعرفنا وين المحطه كملنا طريجنا صوب الفندق








وهذا فندق اسمه بلازا شكله فخم وماسنحت الفرصه ندخله

ع الشو بنلحق







هذا المبنى والمنطقه كلها اللي مجابلتنه اسمه سيتي هول






وأخيرا صلنا الفندق وتفاجأنا فيه وفي فخامته

والصراحه كنت حابه أسكن فيه بس عشان غالي غيرت رأيي

بس يستاهل












دخلنا الفندق وتجولنا داخله بس للاسف ماشفت غرفهم يادوب في اللوبي

ع الشو بنلحق ولا ع االشو










































سامحوني ع رداءة الصور ، لأنه أول مادخلنا ع طول سالناهم كيف نوصل للمول

وطلع المول ندخله من الفندق

أحلى شي

فكنا نمشي باتجاه المول وأصور وانا أمشي

بس ان شاءالله براويكم صور ثانيه له في الاجزاء اليايه

وعقب وصلنا المول




موقع الفندق ع الخريطه





موقع الفندق ع النت


http://www.lottehotelseoul.com/en/



صور أكثر للفندق من النت


https://www.google.ae/search?q=lotte...h=576#imgdii=_

[font="Tahoma"][size="3"][b][color="magenta"]

[u]

من كثر ماعجبنا هالفندق اشتهيت اسكن فيه انا والبنات

ويت في راسي فكره انه نأجل سفرنا يوم وناخذها في هالفندق

وكلمت بوعيسى عن اقتراحي ، في البدايه ما اقتنع

وعقب لما شافنا متحمسين تحمس هو ويانا

واول شي سوينا اتصلنا ع طيران الامارات عشان نغير الحجز

وطبعا فيها غرامه قلت برايه

ولكن للاسف كل الرحلات فل حق هذا اليوم واللي عقبه واللي عقبه

وماكان لنا حظ نسكن فيه

وتم حجزنا كما هو

لوماخذه معاج العزبه اللي هي( شنطه وفيها اغراض الطبخ ) ومعلبات كان أرتحتو
بس يالله كل دقه بتعليمه

المشاركة الأصلية كتبت بواسطة ام ميلاد
http://www.arabtravelersforum.com/tr...8/#post8140948

واخييييييييييييييير

لقيتوا شي في سيؤل يناسبكم




هالكوفي لو سافرت لكوريا بمره كل صبح وباخذ المؤنه منه
حبيته وشكله هو الوحيد اللي يناسبنا


لاتفوتينه


والاوتيل شكله حلو ... وباين انه هذا اليوم الذهبي الوحيد بسفرتكم ههههههه
أصبتي يابت هاليوم كان حلو من بدايته

نوم العوافي

وان شاء الله بكرا احنا بانتظارك

الله يعافيج حبيبتي

والحين بشتغل ع تكملة الجزء اليديد

المشاركة الأصلية كتبت بواسطة آخـــرفـــرصــة
http://www.arabtravelersforum.com/tr...0/#post8140950

صباح الخير

مسالفل


ما شاء الله الكافيه روعة
و له فروع كثيرة

اما الفندق ليت سكنتوا فيه
عشان تعطينا فكرة عنه و عن المنطقه اللي حواليه
لأن موقعه متميز و شكله فخم

كان بيطلع علينا الدبل وعرفت انه الغرفه العاديه صغيره

وشفت فريزر أفضل من ناحية السعر وحجم السويتات

بس مال دلع بيكون حلو لو خليت آخر يوم فيه



ودي أقول المرة الجاية
بس أعتقد ما راح تكررون الزيارة
لأن على كلامك ما عجبتكم

متابعين




أكيييد مابكرر زيارتها

لو كانت لمشكله بس في الاكل كانت أهون

بس البلد كلها ع بعضها ماعجبتني السياحه فيها ولا التسوق ولا الأكل

المشاركة الأصلية كتبت بواسطة هدوء العالم
http://www.arabtravelersforum.com/tr...4/#post8141004

صباح الخير

مساء الورد


شكله اليوم أستااااانستوا لأول مرة
وحتى بغيتوا تأجلون السفر


فعلا هاليوم وايد كنا مبسوطين فيه واليوم اللي حضرنا فيه المسرحيه


توووووقعت يوم طلبتي مع بناتج الحلوات تأجيل السفر يوم و تجربة الفندق
يفقد اعصابه ابوعيسى ههههههههه
يقول مو عاجبتكم وتبون
بس الله يخليه لكم حاول وحاول والطيران فل

مع إني ما أجلس يوم زيادة ببلد مو عاجبتني

متاااااابعين

لما شفنا الفندق والمول فكرنا نأجل يوم ونقضي اليوم في هالمول والفندق بس

عشان جذي كنا متحمسين

المشاركة الأصلية كتبت بواسطة احلى من العقد
http://www.arabtravelersforum.com/tr...0/#post8141040

اصلا بنسبة 50 بالاميه الجو يأثر على المزاج ..

يعني مثلا لو الجو حلو ... ومجرد اتمشى في الدواعيس والاماكن الشعبيه شوي او على النهر استمتع ...

والفندق شكله حلو ...

شكرا لج على هالجزء ماقصرتي





فعلا كلامج صحيح لو المكان حلو والجو تعيس

راحت حلاوته

وايد مهم الجو عشان الواحد يستمتع في المكان اللي يزوره

بخبركم سالفه صارتلي في تايلند

السنه اللي طافت يوم سرنا بانكوك قررنا انه نسير رحله خارج بانكوك

أجرنا سياره مع سائق وانطلقنا من الساعه 8

وبعد ساعتين أو أقل وصلنا عند أول مكان سياحي وهي حديقة التماسيح

طول الطريج ونحن متضايجين من الشمس والمكيف ماكان بارد

ويوم نزلنا نمشي في الحديقه من أول ما دخلنا قررنا نرجع

بس بنت عمي أصرت ندخل

وافقناها وشفنا جدامنا خيمه وفيها مسرح لعرض خاص بالتماسيح

دخلنا وأول ماخلص العرض عصبنا وقلنا لبنت عمي نحن مابنكمل حر وشمس

وقلنا للسايق رجعنا الفندق

قال كيف انا بعدني ماوديتكم المكان المقصود والمطعم والبحر

قلناله رجعنا وفلوسك بتاخذها كامله

وأول ماوصلنا الفندق كل وحده منا خذتلها شور وع طول رقدنا لين العصر من التعب والانهاك

وقلنا توبه بس يكفينا نتمشى في المولات

المشاركة الأصلية كتبت بواسطة لوفتهانزااا
http://www.arabtravelersforum.com/tr...9/#post8141079

لوماخذه معاج العزبه اللي هي( شنطه وفيها اغراض الطبخ ) ومعلبات كان أرتحتو
بس يالله كل دقه بتعليمه




هيه والله خذينا الدرس



جهزوا عماركم لتكملة أحداث هذا اليوم

الله يعز النعمه هذاك الملفوف كلش مايشهي ...

هدهد ... نهار 3 ضاع عليكم واذا حسبنا يوم الوصول يصيرون 4 ايام ضاعو تقريبا

حزنت احس مارحتو مكان بنشوف المكان الجاي يمكن جميل ...

أخيرا هلت البشاير والله عوض الصبر خير

كافيه باريس صج اسم على مسمى

أخيرا لقينا شئ متعودة البشرية عليه

يازين الترتيب والرقي والفخامة اليوم

من كافيه باريس لمول لوتي لين الفندق الفخم لين السوبر ماركت....

الحمد لله أن في يوم طلع حلو وعوض عن الأيام الماضية

بس أن يغلق المول من الساعة 8 صعبة شوي

عليكم بالعافية مشترياتكم من هالمول

ومتابعين لما تبقى

حلوة صور نمسان تاور
و الاحلى فكرتهم أنهم حطوا السقف كأنه فضاء

خسارة بس ما استمتعتوا بالقعدة
لأنكم جايين متأخرين

منتظرين المقلب

اهليييين
بدينا نسترجع الصوره الحلوه اللي كنا ماخذينها عن سيؤل

لازم الواحد يقراء كثييير عن البلد اللي بيروح لها قبل مايسافر
كنت اظن قبل انه الكوفيهات والمطاعم والحياه متوفره بكل مكان

بس بعد تقريرك تغيرت النظره... مع ذلك مازلت ارغب بالسفر لكوريا
مع تلافي الاخطاء اللي وقعتوا فيها

ماقلتيلنا كيف شفتي منتجات بربري.. حبيت العلب المعروضه كشخه

ياحلو عبادي.. ماشاء الله

متحمسين نعرف المقلب .. بانتظارك

يعطيك العافية يا رب

مثل ها الاماكن الحلوة المفروض تسيرولها من وقت يعني ع الضحى

بس عشان رقدتوا فــ راح عليكم الوقت بين التنقلات من مكان لين مكان

الحمد انج دخلتي السوبرماركت و اشتريتي منه سليس و جام

مشكلة الدول الاسيوية مب عاملين حساب السياح العرب

اتذكر لما كنت في المانيا يوم دخلت السوبر ماركت حصلت خبز تورتيلا و جبنة فيلادلفيا

يعطيج العافية و ما قصرتي

نبا اليوم التكملة تكون دسمة

تصدقين ياأم عيسى على أنج ماحبيتي كوريا ولاتشوفينها تسوا إلا إني
حبيتها هههههه بصراحه من تقريرج
شنسوي بعد تبي تشوف كوريا
الله يعطيج العافيه أم عيسى وناطرين التقرير

تقرير حلو وايد

هداوة جزء جميل وفرحت ان في شي عجبك في كوريا لكن لاحظت ان في كثير أماكن ماقدرتوا تشوفوها لي ضيق الوقت والأماكن اللي زرتوها ماعطيتوها حقها يعني لازم سفرة ثانية لي كوريا وتكون المدة أطول (أعطوها فرصة ثانية)😉وانا كمان رأي من رأي ام ميلاد ان شاء الله نزور كوريا 😜

برج سيول فعلا من الأماكن الجديرة بالزيارة

اما بمناسبة النصيحة التي تفضلتي بكتابتها عن وقت الزيارة فقد فعلت نفس الشئ و لكن في برج خليفة

كان هذا بعد أيام من افتتاح البرج حين صعدت الي القمة قبيل غروب الشمس و التقت بعض الصور في وجود الشمس و بعد الغروب

كانت تجربة لا تنسي

تقبلي مروري و تحياتي

تجربة زيارة البرج حلوة

والأماكن المحيطة به روووعه

بس يمكن ما أسعفكم الوقت لأنكم رحتوا متأخرين

بانتظار مدينة الألعاب والمقلب

الله يحفظ الحلويين يارب

اليوم انتظروا جديدي










المشاركة الأصلية كتبت بواسطة احلى من العقد
http://www.arabtravelersforum.com/tr...3/#post8141443

الله يعز النعمه هذاك الملفوف كلش مايشهي ...

هدهد ... نهار 3 ضاع عليكم واذا حسبنا يوم الوصول يصيرون 4 ايام ضاعو تقريبا

حزنت احس مارحتو مكان بنشوف المكان الجاي يمكن جميل ...




هههههههههههههههههههههههههههههههههه

عواش تذكرين سالفة اللفت

الصراحه لاشكله يشهي ولاطعمه لذيذ ما أدري ليش ذوقهم جذيه ملغ

يوم المسرحيه وهذا اليوم يعتبرون حلويين والباجي خرطي

المشاركة الأصلية كتبت بواسطة قطرية كول
http://www.arabtravelersforum.com/tr...5/#post8141455

أخيرا هلت البشاير والله عوض الصبر خير

المشاركة الأصلية كتبت بواسطة قطرية كول
http://www.arabtravelersforum.com/tr...5/#post8141455

كافيه باريس صج اسم على مسمى

أخيرا لقينا شئ متعودة البشرية عليه

يازين الترتيب والرقي والفخامة اليوم

من كافيه باريس لمول لوتي لين الفندق الفخم لين السوبر ماركت....

الحمد لله أن في يوم طلع حلو وعوض عن الأيام الماضية

بس أن يغلق المول من الساعة 8 صعبة شوي

عليكم بالعافية مشترياتكم من هالمول

ومتابعين لما تبقى

الله يعافيج الغاليه

تدرين درتي ع بالي يوم مريت في مول لوتي صوب الحلويات ما أدري احس انه بيعجبج

شفتي أخيرا طحنا ع مكان عدل ناكل فيه

هيه والله يازينه زيناه

المشاركة الأصلية كتبت بواسطة آخـــرفـــرصــة
http://www.arabtravelersforum.com/tr...4/#post8141504

حلوة صور نمسان تاور
و الاحلى فكرتهم أنهم حطوا السقف كأنه فضاء

خسارة بس ما استمتعتوا بالقعدة
لأنكم جايين متأخرين

منتظرين المقلب




شفت شقايل

يا واصلين متأخرين ولا نوصل والمول مسكر عشان الصيانه

مب نحاسه فينا

بس عموما الزين خبرتكم عنه انه زين والشين خبرتكم عنه

يعني ماله علاقه في حظنا السيئ لبعض الاماكن لو بغيت بتكلم عن رأيي في المكان

المشاركة الأصلية كتبت بواسطة ام ميلاد
http://www.arabtravelersforum.com/tr...5/#post8141505

اهليييين


ياهلا وسهلا



بدينا نسترجع الصوره الحلوه اللي كنا ماخذينها عن سيؤل

لازم الواحد يقراء كثييير عن البلد اللي بيروح لها قبل مايسافر
كنت اظن قبل انه الكوفيهات والمطاعم والحياه متوفره بكل مكان



فعلا الكوفيهات والمطاعم منتشره في كل مكان

ولكن ماتحصلين دايما اللي يناسبنا

وأحيانا لما يكون كل شي مفتوح جدامج وممكن يكون فيه شي مناسب مثل محل البيتزا اللي كان في السوق

وقتها ماكنا يوعانيين وكنا نحاتي عن يسكر السوق

ولما حان وقت الأكل سكر البيتزا والماك ماعنده فيش ولابرجر وتعبنا من مطعم لين مطعم ندور شي ناكله

اتمنى وضحت الصوره

اقتراحي اسكني في ايبيس وبيكون كل شي عدالج ، وفي نفس الوقت المطعم الهندي عدالكم

وكل يوم تقدرون تغيرون في تشكيلة الاكل عشان ماتملونه



بس بعد تقريرك تغيرت النظره... مع ذلك مازلت ارغب بالسفر لكوريا
مع تلافي الاخطاء اللي وقعتوا فيها


شي جميل

اهم شي قناعتج

ويمكن انتي تحبينها وتعجبج مب شرط يكون عندكم نفس الرأي

جربي بس بشرط

نزلي تقرير وخبرينا تجربتج عشان تفيدين الأخرين

نحن محتاجين تقارير زياده عن بلدان ماعليها دوس وايد



ماقلتيلنا كيف شفتي منتجات بربري.. حبيت العلب المعروضه كشخه


واااايد حلوه منتجاتهم عجبتنا كثير بصراحه

الكحل والارواج والبلاشر والشدو وكريمات الأساس رووووعه

أغلب اللي خذيناها حبيناه




ياحلو عبادي.. ماشاء الله

متحمسين نعرف المقلب .. بانتظارك




فديته الله يحفظه

الصراحه ظلمته في هاي الرحله

لاوديته الاكواريوم لأنه الظرف ماكان مناسب

ولاوديته العاب الامره وحده

المشاركة الأصلية كتبت بواسطة قرآني نور قلبي
http://www.arabtravelersforum.com/tr...6/#post8141526

يعطيك العافية يا رب



ويعافيج ربي

المشاركة الأصلية كتبت بواسطة سوسو الصغيرة
http://www.arabtravelersforum.com/tr...4/#post8141644

مثل ها الاماكن الحلوة المفروض تسيرولها من وقت يعني ع الضحى

بس عشان رقدتوا فــ راح عليكم الوقت بين التنقلات من مكان لين مكان


صدقتي والله

وغصبن عنا أحيانا يكون جسمنا فعلا تعبان ويبا راحه

ونضطر نتأخر



الحمد انج دخلتي السوبرماركت و اشتريتي منه سليس و جام


واشياء ثانيه بتعرفينها قريب



مشكلة الدول الاسيوية مب عاملين حساب السياح العرب


بانكوك وماليزيا غير


اتذكر لما كنت في المانيا يوم دخلت السوبر ماركت حصلت خبز تورتيلا و جبنة فيلادلفيا

يعطيج العافية و ما قصرتي

نبا اليوم التكملة تكون دسمة




المانيا لأنه فيها الاتراك والهنود بكثره تلقين كل شي متوفر

حتى لما نسافر مانشل وايد أشياء انما الضروريات لأنه عندهم كل اللي نباه

بس أحب سوبرماركت سويسرا أكثر من المانيا

العام كنا في المانيا دخلنا منطقه في سويسرا ع الحدود الالمانيه

يومها ع طول دورت سوبرماركتهم واتشريت ورديت المانيا في نفس اليوم

المشاركة الأصلية كتبت بواسطة لوفتهانزااا
http://www.arabtravelersforum.com/tr...7/#post8141697

تصدقين ياأم عيسى على أنج ماحبيتي كوريا ولاتشوفينها تسوا إلا إني
حبيتها هههههه بصراحه من تقريرج


هههههههههههههههههههه

منو قال اني ابا أكرهكم فيها

أنا بس أخبركم تجربتي وانتوا ياتسافرولها وتتجنبون الأخطاء مثل ماقالت أم ميلاد

او ماتعجبكم من كلامي عنها وتشوفون بلد ثانيه مثل ماقالت فني جيرل


شنسوي بعد رغبة المدام لازم ننفذها تبي تشوف كوريا
الله يعطيج العافيه أم عيسى وناطرين التقرير




لاتخليها في خاطرها وان شاءالله تحبونها وتستانسون فيها أكثر عنا

بس خليها تطبخلك هناك ولاتعتمدون ع المطاعم

وخذوا شقه من غرفه وصاله

المشاركة الأصلية كتبت بواسطة احلى من العقد
http://www.arabtravelersforum.com/tr...8/#post8141718

ماشاء الله على عبادي يجنن حبوووب
الله يحفظه ويخليه ...


اللهم آمين ويحفظج يارب

نباله عروس من قطر



البرج حلو بس نفس ماقلتي حلاته تروحون على اخر العصر عشان تقدرون تستمتعون وتشوفون الدنيا ...

يالله معوضين خير ان شالله




تدرين انا كنت افكر انه بالليل أحلى وعشان جذي خليته ع الليل

بس لما رحت هناك وشفت الاشياء الثانيه اللي معاه

مثل اليلسات والمطاعم والكوفيهات والمناظر

عرفت انه افضل وقت هو آخر العصر

المشاركة الأصلية كتبت بواسطة ابن اسكندرية
http://www.arabtravelersforum.com/tr...2/#post8141722

تقرير حلو وايد

ياهلا وسهلا فيك

وانا سعيده انه حبيتوه

وعقبه ان شاءالله بيكون تقرير عن جنوب أفريقيا

الصراحه ماتوقعت اني بطول في هالتقرير جذي

المشاركة الأصلية كتبت بواسطة بيزييس
http://www.arabtravelersforum.com/tr...2/#post8141902

هداوة جزء جميل وفرحت ان في شي عجبك في كوريا لكن لاحظت ان في كثير أماكن ماقدرتوا تشوفوها لي ضيق الوقت والأماكن اللي زرتوها ماعطيتوها حقها يعني لازم سفرة ثانية لي كوريا وتكون المدة أطول (أعطوها فرصة ثانية)😉وانا كمان رأي من رأي ام ميلاد ان شاء الله نزور كوريا 😜




حتى نحن فرحنا وارتفعت معنوياتنا في هاليوم

صحيح انه فيه اماكن ماعطيناها حقها لضيق الوقت

بس كل اللي زرته عطيتكم انطباعي عنه كمكان سياحي بغض النظر اذا كفانا الوقت ولا لأ

عشان تفرقون بين حظنا النحس وبين رأيي في المكان اللي زرته

يلا ننتظر تخبرونا تجربتكم










المشاركة الأصلية كتبت بواسطة MidoMennah
http://www.arabtravelersforum.com/tr...8/#post8141968

برج سيول فعلا من الأماكن الجديرة بالزيارة

اما بمناسبة النصيحة التي تفضلتي بكتابتها عن وقت الزيارة فقد فعلت نفس الشئ و لكن في برج خليفة

كان هذا بعد أيام من افتتاح البرج حين صعدت الي القمة قبيل غروب الشمس و التقت بعض الصور في وجود الشمس و بعد الغروب

كانت تجربة لا تنسي

تقبلي مروري و تحياتي




ياهلا وسهلا فيك

اسعديتنا بمشاركتك

وكلامك صحيح قبل المغرب افضل وقت

المشاركة الأصلية كتبت بواسطة قطرية كول
http://www.arabtravelersforum.com/tr...1/#post8142351

تجربة زيارة البرج حلوة

والأماكن المحيطة به روووعه

بس يمكن ما أسعفكم الوقت لأنكم رحتوا متأخرين

بانتظار مدينة الألعاب والمقلب

الله يحفظ الحلويين يارب

اليوم ان شاءالله

حصلت صوره

تذكرون لما سرنا المول اللي يسكر لين الفجر

وعقب نزلت النفق عشان أعبر لين الصوب الثاني

توا حصلت صورة النفق اللي مشينا فيه انا وعبادي

ويييييي بوفيه الريوق كله خضره طماط وملفوف و مادري شنو ... ماشفت شي ينأكل غير البيض المفيوح ... بس يالله زين انه في بيض .. مااااااااااادري ليش احس هاليوم بيكون ممتع

حسيتج باردة في ها السفرة و مالج بارض تسوين شي

غير عن يوم تسيرين اوربا تعرفين شو بتسوين


ما حصلتي عيش في البوفيه

تقرير حلو ورائع
والله ضحكت على أنج تقولين
الصراحه كنت بارده في الموضوع لأنه الالعاب حقهم مب حقي

المشاركة الأصلية كتبت بواسطة احلى من العقد
http://www.arabtravelersforum.com/tr...2/#post8143682

ويييييي بوفيه الريوق كله خضره طماط وملفوف و مادري شنو ...

صحي وايد


ماشفت شي ينأكل غير البيض المفيوح ... بس يالله زين انه في بيض ..


من زين بيضهم

مرتين طلبت بيض مره اومليت ومره عيون وفي المرتين


أصلا نحن دخلنا بوفي ريوقهم مرتين من الرحله كلها مع انه عنده حق شخصين مجانا

بس مايستاهل

مااااااااااادري ليش احس هاليوم بيكون ممتع



تتابعيني وبتعرفين

يسعد مساك

الاكل الكوري عموماً مايشجع
حتى الفاست فود طعم الزيت فيه
لا و ياكلون كل شئ هذا يدلك ان ما عندهم ذوق بالاكل

زين ان عندكم بلان b للمواقف اللي مثل هذي
لو أنا ما وديتهم يدفعون ثمن غلطتهم

يمكن عشان البلد ما عجبك متساهله معهم

ترى هم كلامهم كذا كنه هواش
عندنا كوري بالعمل كل ما يتكلم كنه يهاوش
و دوم زعلان بسبب و بدون سبب
مزاجهم كذا مقفلين على طول

المشاركة الأصلية كتبت بواسطة سوسو الصغيرة
http://www.arabtravelersforum.com/tr...4/#post8143784

حسيتج باردة في ها السفرة و مالج بارض تسوين شي

غير عن يوم تسيرين اوربا تعرفين شو بتسوين


لا والله مب بارده ولاشي

كنت في قمة الحماس بس ياني احباط وصدمه من البلد

ماتوقعت انها مابتعجبني




ما حصلتي عيش في البوفيه

أذكر يوم سرت الصين حصلت عيش في البوفيه

وكنت اتريق عيش

ههههههههههههههههه

لأني كنا نتم بالساعات بدون أكل من الريوق لين العشا فكنت اجرج عمري

انا صورت كل الاطباق اللي في البوفيه تقريبا وماكان فيه عيش

المشاركة الأصلية كتبت بواسطة ام ميلاد
http://www.arabtravelersforum.com/tr...8/#post8143968

كاني شفت ورده طايحه .. معناته فيه تكمله اليوم.. قلت بصبر مو معلقه
شيكت تو الا ورد عادي .. شكلي مانتبهت


حياااتي

الصراحه كنت اول اكتب اليوم كله مره وحده

وكنت اتاخر عليكم وياخذ مني وقت وايام وتتعب ايدي وايد

لأنه اليوم الواحد فيه جولات مختلفه ورمسه وايد

فقلت احسن اعطيكم اجزاء عن اليوم الواحد أسهلي واسرع



معامله الشعب لكم .. واااضح انه متقصدينكم ,, والا كل اللي راحوا يمدحونهم هههههههه
استهبل


أن شكيت انهم قاصديني


استهبل



بس صدق غريبه

بالنسبه لنومه العيال .. نوم العوافي


نوم العوافي



كويس ناموا .. تفطرون انتي وابوعيسى لحالكم.. فطور معاريس

تصدقين اول شي كتبت

وسرنا أنا وعيسي نتريق

بس استحيت وحذفت الجمله

بس الصراحه كان أحلى مافي هذا اليوم

هو الهدوء والرواقان اللي عشناه في هاي اللحظات وقت الريوق



بس المشكله البوفيه ماش

واااصلي متابعينك

المشاركة الأصلية كتبت بواسطة ام ميلاد
http://www.arabtravelersforum.com/tr...8/#post8143968

بحاول اليوم أنزل جزء يديد

المشاركة الأصلية كتبت بواسطة abdullam4
http://www.arabtravelersforum.com/tr...1/#post8143981

تقرير حلو ماشاء الله




والحلو هو متابعتكم ومشاركتكم

المشاركة الأصلية كتبت بواسطة abdullam4
http://www.arabtravelersforum.com/tr...1/#post8143981

تقرير حلو ماشاء الله



الأحلى متابعتكم ومشاركتكم







المشاركة الأصلية كتبت بواسطة لوفتهانزااا
http://www.arabtravelersforum.com/tr...7/#post8144117

تقرير حلو ورائع
والله ضحكت على أنج تقولين
الصراحه كنت بارده في الموضوع لأنه الالعاب حقهم مب حقي







ان شاءالله دوم الضحكه

وانجوي في الجزء الياي

المشاركة الأصلية كتبت بواسطة آخـــرفـــرصــة
http://www.arabtravelersforum.com/tr...7/#post8144347

يسعد مساك

ومساك


الاكل الكوري عموماً مايشجع
حتى الفاست فود طعم الزيت فيه
لا و ياكلون كل شئ هذا يدلك ان ما عندهم ذوق بالاكل

هي والله وانته الصادق

ابدا ماعندهم ذوق في الاكل



زين ان عندكم بلان b للمواقف اللي مثل هذي
لو أنا ما وديتهم يدفعون ثمن غلطتهم


يمكن عشان البلد ما عجبك متساهله معهم

لو كنت متشجعه حق الالعاب

أو هذا اليوم بنسير مكان انا اباه ومانشوا من الرقاد

جان كسرت الباب عليهم

بس لاني ابا اسير الأوت ليت فما أهتميت

هو هذا اللي في قلبي



ترى هم كلامهم كذا كنه هواش
عندنا كوري بالعمل كل ما يتكلم كنه يهاوش
و دوم زعلان بسبب و بدون سبب
مزاجهم كذا مقفلين على طول

مالت عليهم

ع الشو عاد من زينهم

ههههههههاااااييي



اقولج هاليوم مبين انه يوم حلو ....



(( بالنسبه لنا حلو ))


كله اكشن وسوالف و الله يونس هاليوم وتعليقاتج تضحك خخخخ


المقلب الاول .. مع سواق التاكسي الي يسولف واخر شي نزلكم مكان غلط خخخخ

بصراحه يحرق الاعصاب والكلام والسوالف لها وقتها هو الظاهر مزاجه عال العال وحاب يسولف ...

اما البنت الي تبين انها بنت نعمه واصل خخخخخخ مادري ليش ضحكني هالموضوع ...


واخر شي الباص العام والسواق العصبي ... بس احس لين وصلتو الاوت لت وصلتو للكنز واخيرا بان ...

استمتعت بهالجزء كان وايد حلو شكلي افرح لين تتعذبين خخخخ

هههههههه الله يعينكم
نفسيات هالسواقين دايم معصبين يحطون حرة الزحمة بالركاب

المغامرة الحذرة ( هداوه )


ترى أحلى من العقد ما قالت أنك خوافه (:
-----------------------------------


الجفاف الكوري تقريباً كل من زار كوريا يعيبها بهذا الشيء


ولكن الغريب بأنها لم تعجبك رغم تعدد الأماكن السياحيه في كوريا حسب ما سمعت وقرأت


تعوضون خير إن شاء الله


يمكن لأن ما عندك روح المغامره مثل أحلى من العقد لجل كذا ما أستمتعتي وما أعجبتك كوريا هههههه (:


أستمري بنثر أبداعك

لااااااا عاد مصخوها

كله كوم وسواق الباص كوم ثاني
احس لو انا كان

والا عاد الاوتيل يدلكم على محطه غلط

شكلي بعيد النظر

عواش حرام عليك ... انا راحمتها وانتي تضحكين

متحمسين نشوف هالاوت لت ... يستاهل هالبهذله ؟؟

شو ها البهدلة

انا لو منج و اشوف البلاد جذيه من ثاني يوم اقص تذكرة و ارجع البلاد



مواقف خايسه تنحطون فيها ... بس شو بتقولون

معروفين الشعب الكوري انهم باردين و على مهلهم في كل شي ... بس اتوقع راعي التاكسي بارد دبل خخخخخخخ

الله المستعان

يعطيج العافية هداوه