المشاركة الأصلية كتبت بواسطة khaled_almutairi
http://www.arabtravelersforum.com/tr...1/#post8157524
السلام عليكم
الاخوه الافاضل الواحد مايعرف شلون يبدي لكن الجهد الكبير من مشرفين واعضاء تخلي الواحد وكانه سافر للبلد قبل الوصول إليه
سبق لي ان سافرت ماليزيا في نوفمبر 2010 وكانت امتع رحله بحياتي ونزلت تقرير كان بنك algassem واللي للاسف ما استطعت ارجعه رغم كل المحاولات
عموما الحين أنا اكرر الرحله لكن بوقت اقصر والاكتفاء بكوالالمبور واللي حولها
مع قضاء يومين في سنغافوره
الاخوه الافاضل عندي كذا استفسار
1-الماينز هل هو اللي فيه القارب ويطلع من داخل المجمع لرحله بالنهر؟ لاني بسفرتي السابقه رحت لبرميد وقعدت افتر ساعه اخرتها قالولي ماكو قوارب اهنيه ، والحين بسفرتي هذي قررت اروحلها .
2-الماينز بخليه يوم كامل ، باقيلي يومان فقط في كوالالمبور وين تنصحوني اقضيهم؟
3-بالنسبه للانتقال من شارع العرب للماينز شنو افضل وسيله؟ وتنصحون بالقطار؟
4-المواصلات من والى المطار شتنصحونا فيه؟ - برحلتي السابقه اخذت تاكسي ب70 رنقت تقريبا لشارع العرب - ولكن بالطيران الداخلي اخذ من شارع العرب للمطار ( اير اسيا ) 120 رنقت يقول انه ابعد
اخيراً : تقبلوا تحياتي وسامحوني عالاطاله
1-الماينز هل هو اللي فيه القارب ويطلع من داخل المجمع لرحله بالنهر؟ لاني بسفرتي السابقه رحت لبرميد وقعدت افتر ساعه اخرتها قالولي ماكو قوارب اهنيه ، والحين بسفرتي هذي قررت اروحلها .
الماينز توجد مدينة ماينز وندرلاند في ولاية سيلانجور في ماليزيا على بعد 45 دقيقة من كوالالمبور
2-الماينز بخليه يوم كامل ، باقيلي يومان فقط في كوالالمبور وين تنصحوني اقضيهم؟
اول شي عندك الفنادق التي ممكن ترتاح فيها
هذا الفندق غالي 5 نجوم وفي وسط كوالالمبور لكن خدمات التوصيل بعيده شوي عنه
الفندق : E&O Residences Kuala Lumpur
السعر لليلة الواحدة : 604
في حال احببت فندق متوسط في السعر
الفندق: Seri Pacific Hotel Kuala Lumpur
السعر لليلة الواحدة : 228
وفي مناطق كثير في كوالالمبور مثل والمشهور بينها
اكواريوم عالم تحت الماء مكان روووعة حبيته جدآ / حديقة الفراشات ولكن فرة نص ساعة تكفي داخلها / منارة كوالالمبور / البرج التؤام
3-بالنسبه للانتقال من شارع العرب للماينز شنو افضل وسيله؟ وتنصحون بالقطار؟
من ناحية التنقل اخي أفضل لك اما سائق تاكسي بالساعة او بالعداد حتى يكون السعر قليل عليك لانه القطار اللي عرفته لايخدم السياح مثل خدمته للمواطن
4-المواصلات من والى المطار شتنصحونا فيه؟ - برحلتي السابقه اخذت تاكسي ب70 رنقت تقريبا لشارع العرب - ولكن بالطيران الداخلي اخذ من شارع العرب للمطار ( اير اسيا ) 120 رنقت يقول انه ابعد
المواصلات من المطار هناك مكاتب واسعارها موحده تروح وتقطع تكت وتاخذ السيارة اللي مكتوبه في التكت اللي يها التذكرة والى المطار الله المستعان دايم اسعار التاكسي شوي مرتفعه عشان تروح للمطار
طبعآ هذي النصائح كلها عن تجربه شخصية وان شاءالله اكون افدتك بعلومات لو قليلة
ويمكن مشكلتي انه انا من محبي السفر الاقتصادي جدآ لذلك لا اخسر كثيرآ وقت السفر ههههههههه
تحياتي لك
رد مع اقتباس
المفضلات