الموضوع: الممشى ★☆★ شانزليزيه دبي

السلام عليكم ورحمة الله وبركاته
أسعد الله أوقاتكم اينما كنتم . . .


تعالوا معي اليوم لنتعرف على
الممشى The Walkفي منطقة المارينا
بامارة دبي

في البدايه لابد من بعض المعلومات عن هذا المكان

مركز الممشى The Walk في جميرا بيتش ريزيدنس
التابع لمجموعة جي بي أر (JBR)
هذا الموقع السياحي من المواقع الجديده في دبي ويعتبر من أروعها حالياً
وهو يضم حالياً أكثر من 200 محلاً تجارياً متنوعا،
ومن المتوقع أن يتم افتتاح أكثر من 305 محلات أخرى في القريب العاجل.
ويتضمن المركز، الذي يوفر أكثر من 770 ألف قدم مربع
من المساحة المخصصة لتجارة التجزئة
ويمتد على طول 1.7 كيلومتر،
تجربة تسوق فريدة تناسب مختلف أساليب الحياة العصرية
كما يقدم مجموعة مختارة من محلات الأزياء و الاكسسوارات،
والمطاعم والمقاهي والجلسات العائلية وغيرها الكثير.
وسيتم افتتاح مجموعه اخرى من الفنادق الفخمه حوله

من الوهله الاولى تحس انك في اجواء فرنسية
وان لم اكن مبالغا فانه يشبه شارع الشانزلزيه
في العاصمه الفرنسيه باربيس وربما اجمل منه !!!

اترككم مع بعض الصور من هذا المكان
الذي يستحق الزياره





















هذا اسمه المطعم الطائر

مواضيع عشوائيه ممكن تكون تعجبك اخترناها لك:

• شرايكم في طيران سما
• عآآآجل الله يخليكم وش رأيكم بفندق ؟
• استفسار
• وين اماكن سياحية في العين ؟؟ يرجى الافادة
• جاي دبي أكتوبر وأبي المساعده لو سمحتوا؟
• من يعرف أفضل صالون نسائي بصبغ شعر زوجتي؟
• ايهم افضل سوين نوفيتيل ان قولدن توليب البرشا في الامارات
• أو
• شرايكم بشقق فندق روز جاردن البرشاء
• انني بامس الحاجه لكم اعضاء وشركه عرب لنك
• مسبح خاص لي
• محتاااارة ممكن تفيدوني
• كــــلنا خليفة
• مشوره
• معارض دبي العالمية
• الادويه اخذها بالطياره او احطها بالشحن
• ارجو المساعدة من الاخوة في قطر
• ترخيص خيمة رمضانية فندقية بأبوظبي والعين
• السكن في منطقة jbr
• افضل شقق الشارقة الفندقية لوتكرمتو

يعطيك العافيه .. انا رايح لدبي بعد اسبوع تقريبا .. تفضل الليل والعشا فيه .. او الغدا فيه ؟

وشكرا

ما شاء الله ..

تغطية ممتازه للمكان ..

يعطيك العافيه ..

عندي سؤال .. هل فندق حبتور قريب من الممشى ؟؟

وشكرا

مشكور ويعطيك العافية على الصور الحلوة

شكرا ناصر ع الصور -

كنا محتارين من وين نحصل الصور لتقاريرنا و أنت حليت المشكلة -

سرقنا تقريرك :109:و أضفناه الى تقاريرنا المصورة عن شقق سلوان و شقق مينك في ممشى الجميرا .

شكرا لك متألق متل العادة :24:

شكاه مكان هادئ وجميل

يعطيك العافيه على تميزك المستمر

دمت بحفظ الله

يعطيك العافيه على التقرير

عفوا لو سمحت لي يااخ نآصر
هل ممشى الجميرا هو نفسه ممشى مرسى دبي والا لأ ؟
اذا كانت الاجابه لأ فاين يقع ممشى مرسى دبي؟
وشكرا جزيلا

لاخلا ولا عدم اخوي ناصر على هالتقرير ومن جد بيض الله وجهك ..

من جد ينافس الشانزلية بنظري .. ولكن دبي تقل درجة التميز بسبب الجو فقط

ولا والله اروع بكثير ..



واسمح لي اخوي ناصر وبعد اذنك اجاوب على الاخ ..

s79sam

اقولك يالغلا لا مو نفسه ..

مرسى دبي هو المارينا ويقع على شارع الشيخ زايد باتجها ابوظبي ..

تأتي لك لوحة مسجل فيها مرسى دبي .. هذا هو ..


بالتوفيق للجميع واكرر الشكر للاخ ناصر ؛؛

شآكر لكم مروركم وتعليقكم

الله يجزاك خير أخي لأنك وضحت لناصورة المكان
الذي ان شاء الله سنسكن فيه
حيث كانت الصورة للممشى غير واضحة كثيرا

يو ولكموو اختي ام جاسم

شارك لج مرورج وتعليقج

آه يادبى:110::110:

قمة الروعة..أنا تغديت بمطعم تشيلز:24:

يسلمو على التقرير الرائع:x1:

مشكووور اخوي عالتقرير

بس بغيت اعرف هل اهو قريب من الوافي مول ؟ او الفيستيفال سيتي مول ؟؟

و متى احسن وقت تروحله ؟؟ قبل ماتغيب الشمس و لا بعدها ؟

و اسفه على كثرة الاسئلة

فيستفال ستي قريب ن الوافي

ولكن الاثنين شوي بعاد عن بعض

اوفضل وقت برأيي

ع فترة العصر القريبه من المغرب إلى منتصف الليل

تقرير موفق

المشاركة الأصلية كتبت بواسطة عسل الكويت
http://www.arabtravelersforum.com/tr...4/#post3076414

مشكووور اخوي عالتقرير

بس بغيت اعرف هل اهو قريب من الوافي مول ؟ او الفيستيفال سيتي مول ؟؟

و متى احسن وقت تروحله ؟؟ قبل ماتغيب الشمس و لا بعدها ؟

و اسفه على كثرة الاسئلة



لا هو بعيد عن الوافي والفستفال

احسن وقت من ساعه 9:30 فليل لين 1

حتى المطعم الطائر وصل لدبي !

مشاء الله على دبي !

ما بقى شيء ما سوته ..

مكان خطير ، للأسف ما حصلت لي الفرصة أروح له .


المارينا ، هو اللي على طريق الشيخ زايد ، ولا ؟؟ على امتداد مول الامارات - بن بطوطه

اماااريج


هههههه

المارينا قريب من ابن بطوطه موول وجزيرة النخله

حياج

يبيله زياره

تسلم اخوي ناصر على التقرير الرررائع

فديتكم الحين انا تلخبط

الممشى هو واحد ولا اثنين

في ممشى جميرا بيتش ريزدنس

وفي ممشى مارينا دبي

هم نفس الشي ولا غير ؟ وكم المسافه بينهم ؟

واذا مختلفين ارجوووووووووكم تحطون لي شقق سكنيه وفنادق 5 نجوووم في

ممشى الجي بي ار

وممشى مارينا دبي

بليززززززززززززز ابي كل ممشى مع الفنادق المطله عليه والمجمعات القريبه من كل واحد فيهم

يعطيك الف عافية ___ بس لو فيه صورر يدييدة والتصويير من الاخوان جاان زيين
انا رايح لدبي بعد السبوع الجاي حياك ناصر انت والشباب بالقهوه اروح نقعد ونتمشا
ونصور شي يديد حق الخوان والاخواات بالموقع
يعطيييييييييك الللللللللللللللف عاافية

اي والله اخوي محتاجين صور جديده وبالتفصيل الممل عشان نستفيد

بس بليز شوف طلبي فوق الله يخليك اذا سافرت جيب لي معلومات عن الاماكن اللي طلبتها

ومشكوووووووور

محد رد على سؤالي :110:

الف شكر على الصور الحلوه بس سؤالي
هل الشاطئ اللي ظاهر بالصور للسباحه
وهل ممكن يكون فيه عري ولبس غير مناسب لاني مسافره مع عيااااالي
وقاعده ابتعد عن المناطق اللي فيها شيء ممكن مايرضيني لانهم اكيد لو شافوا
المويه اكيد يبغون يسبحون
والف شكر لك

المشاركة الأصلية كتبت بواسطة al7ob557
http://www.arabtravelersforum.com/tr...4/#post3114744

فديتكم الحين انا تلخبط

الممشى هو واحد ولا اثنين

في ممشى جميرا بيتش ريزدنس

وفي ممشى مارينا دبي

هم نفس الشي ولا غير ؟ وكم المسافه بينهم ؟

واذا مختلفين ارجوووووووووكم تحطون لي شقق سكنيه وفنادق 5 نجوووم في

ممشى الجي بي ار

وممشى مارينا دبي

بليززززززززززززز ابي كل ممشى مع الفنادق المطله عليه والمجمعات القريبه من كل واحد فيهم



السموحه منك ياخوي

وآسف ع التأخير

ممشى جميرا بيتش هو نفسه ممشى المارينا The walk
الفنادق موزعه على طول الممشى
عندك الشيراتون والهيلتون هناك وفيه عدة فنادق جديده في هالمنطقه
اسأل عرب لينك وهم راح يفيدونك ان شاء الله

وفي نفس المنطقه فيه مول تجاري
وفيه بعد مول تجاري جديد اسمه ( دبي مارينا )

المشاركة الأصلية كتبت بواسطة النادره2008
http://www.arabtravelersforum.com/tr...8/#post3122258

الف شكر على الصور الحلوه بس سؤالي
هل الشاطئ اللي ظاهر بالصور للسباحه
وهل ممكن يكون فيه عري ولبس غير مناسب لاني مسافره مع عيااااالي
وقاعده ابتعد عن المناطق اللي فيها شيء ممكن مايرضيني لانهم اكيد لو شافوا
المويه اكيد يبغون يسبحون
والف شكر لك



للاسف التعري موجود
لان هالشاطئ مليئ بالاجانب

روعة وبالتوفيق

المشاركة الأصلية كتبت بواسطة نآصر
http://www.arabtravelersforum.com/tr...3/#post3123073

للاسف التعري موجود
لان هالشاطئ مليئ بالاجانب



طيب اخوي آآآآآآآآآآسفه على الازعاج وكثرة الاسئله لكن المكان عجبني حييييييل

طيب لو ازوره بالليل برضوه بلاقي هالعالم اللي تسبح؟؟؟؟

والف شكر على تجاوبك وسعة صدرك

فديت دبي اناااااااا
ذا ووك شي خيالي وروعه ,, دوم يوم نسير نبات فالشقه نتمشى تحت بعد العشا

بس فيه شي مزعج اللي هو دخول السيارات وين مكان الممشى

المشاركة الأصلية كتبت بواسطة النادره2008
http://www.arabtravelersforum.com/tr...1/#post3125761

طيب اخوي آآآآآآآآآآسفه على الازعاج وكثرة الاسئله لكن المكان عجبني حييييييل

طيب لو ازوره بالليل برضوه بلاقي هالعالم اللي تسبح؟؟؟؟

والف شكر على تجاوبك وسعة صدرك



الله يعافيج اختي

بالعكس اسألي لين باجر ماعندي اي مشكله

اخذي راحتج

وبالليل اعتقد الناس راح اتخف

وحتى لو اصلا ظلام يعني محد يشوف الثاني :8888:

اي استفسار انا جاهز :bounce8:

يعطيك العافية اخوي...


بغيت اسأل هل الممشى بعيد عن فندق التخلة؟

يعطيك العايه على هالموضوع

بغيت استفسر شهر ثمانيه يصلح انروح اهناك والا الرطوبه مراح اتخلينا نستمتع ونقعد بالكوفى شوب

وبالنسبه للمحلات اللى اهناك ممكن اعرف من الساعه كم لى الساعه كم فاتحه؟

وشكرا

طيب اللى يبغى يسبح على الشاطى ممكن ! او لازم يكون ساكن! اهات من طول العنى ..

المشاركة الأصلية كتبت بواسطة بن كارترايت
http://www.arabtravelersforum.com/tr...3/#post3140683

طيب اللى يبغى يسبح على الشاطى ممكن ! او لازم يكون ساكن! اهات من طول العنى ..



الشاطئ مفتووح ومجاني امام الممشى

:surf

المشاركة الأصلية كتبت بواسطة نسمة الليل
http://www.arabtravelersforum.com/tr...1/#post3138781

يعطيك العايه على هالموضوع

بغيت استفسر شهر ثمانيه يصلح انروح اهناك والا الرطوبه مراح اتخلينا نستمتع ونقعد بالكوفى شوب

وبالنسبه للمحلات اللى اهناك ممكن اعرف من الساعه كم لى الساعه كم فاتحه؟

وشكرا



المطاعم والكافيهات فاتحه من الصباح الى منتصف الليل وفي بعضهم 24 ساعه مثل كنتاكي وزيت وزعتر

المحلات من الصباح الى الساعه 10 مساء

وفي الويكند الى الساعه 12 على ما اعتقد


افضل وقت هو بعد المغرب الى منتصف الليل

المشاركة الأصلية كتبت بواسطة سـدن2008
http://www.arabtravelersforum.com/tr...5/#post3130195

يعطيك العافية اخوي...


بغيت اسأل هل الممشى بعيد عن فندق التخلة؟



لا تقريبا 500 متر عن جزيرة النخله

ماشاء الله يادبي

ولا اروع من دبي الا تصويرك المتقن اخوي ناصر

سؤالي لك
مانوع كاميرتك
وكيف عملت الصورة الثامنة .... لان الوانها غير طبيعية هل هي معالجة ببرنامج او عملية تضبيط فقط

نفس السؤال للصورة 12

نفس السؤال للصورة 16 وكيف عملت انوار السيارات به\ه الطريقه

انا شاري كاميرا جديده وحاب اتعلم لاني مبسوط فيهل خخخخخ هل يمكنني عمل نفس اعمالك طبعا بعد التدريب والاتقان

كاميرتي هي جي 10 من كانون:114:

توني جاي من البحر قدام الهيلتون
ما فيه احد البحر فاضي لكن الممشى فيه ناس تمشي والسيارات اكثر من اللي على رجليهم
المكان زين لكن المشكله فيه بعض المناظر ما تليق خصوصا في النهار
لانه والله اعلم ان اسعار القماش غاليه فيكون صعب عليهم تفصيل ملابس كامله

المشاركة الأصلية كتبت بواسطة نسيت الجواز
http://www.arabtravelersforum.com/tr...7/#post3143777

ماشاء الله يادبي

ولا اروع من دبي الا تصويرك المتقن اخوي ناصر

سؤالي لك
مانوع كاميرتك
وكيف عملت الصورة الثامنة .... لان الوانها غير طبيعية هل هي معالجة ببرنامج او عملية تضبيط فقط

نفس السؤال للصورة 12

نفس السؤال للصورة 16 وكيف عملت انوار السيارات بهه الطريقه

انا شاري كاميرا جديده وحاب اتعلم لاني مبسوط فيهل خخخخخ هل يمكنني عمل نفس اعمالك طبعا بعد التدريب والاتقان

كاميرتي هي جي 10 من كانون:114:



يا هلا اخوي

والله كان ودي اجاوب على تسائلاتك بس للاسف الصور مب من تصويري

وبخصوص بعض الاضافات هيه اضافات بالفوتوشوب

وراح تتعلم الكثير ان شاء الله من فنون التصوير

بس عليك بمتابعة دروس التصوير المنتشره في عمووو قووقل :wink:

شكرا ياناصر

ونتمنى المزيد من المواضيع المميزة

الف شكر على الصور الحلوه

طيب اخوي السلام عليكم ممكن تفيد انه في العيد هل ممكن انه يكون مرره رطوبه وغير منااااسب السسكن هناك

وهل يوجد اي عروض او العالب مائيه وكم هي الاسعار ان وجد؟

السلام عليكم
يعطيك العافيه عندي سؤال
إذا ركبت التاكسي أقوله ودني لوين بالضبط وش اسمه المشهور مرسى دبي والا ممشى مارينا؟ وهل عليه رسوم للدخول ؟والا مجاني
ألف شكر

المشاركة الأصلية كتبت بواسطة umothman
http://www.arabtravelersforum.com/tr...7/#post3186047

السلام عليكم
يعطيك العافيه عندي سؤال
إذا ركبت التاكسي أقوله ودني لوين بالضبط وش اسمه المشهور مرسى دبي والا ممشى مارينا؟ وهل عليه رسوم للدخول ؟والا مجاني
ألف شكر



الله يعافيك
اسم المكان ( The walk )
وهو قريب جدا من مرسى دبي
الدخول مجاني

شكرا جزيلا ....

أخوي ناصر ...

ياشيخ لو بيدي كان عطيتك شهادة إحتراف تصوير ...

تسلم إيدينك على هالصور الرائعه وماشاء الله عليك ..

انا رحت له شهر فبراير كان الجو فيه اكثر من ر11111111111ئع

جلست فيه من العصر الى 11 باليل

بصراحة انصحكم فيه وبقوه

لا يفوتكم

[QUOTE=نآصر;3123067]السموحه منك ياخوي

وآسف ع التأخير

ممشى جميرا بيتش هو نفسه ممشى المارينا The walk
الفنادق موزعه على طول الممشى
عندك الشيراتون والهيلتون هناك وفيه عدة فنادق جديده في هالمنطقه
اسأل عرب لينك وهم راح يفيدونك ان شاء الله

وفي نفس المنطقه فيه مول تجاري
وفيه بعد مول تجاري جديد اسمه ( دبي مارينا )[/QUOTE]اسم المول ... مارينا مول..مول جديد وجميل,, ويحتوى على مطاعم تطل على المرسى حيث البحر واليخوت ,, كأنك فى نيس او كان :110:

شرندق
شكرا ع التعليق المفيد

وفعلا هو مركز مارينا مول

يبالنا انروح له

المشاركة الأصلية كتبت بواسطة نآصر
http://www.arabtravelersforum.com/tr...7/#post3247897

شرندق
شكرا ع التعليق المفيد

وفعلا هو مركز مارينا مول

يبالنا انروح له



هلا اخوى ناصر ,يشرفنا الالتقاء بك فى دبي وخصوصا المارينا :surfومن كثر حبى لها شريتلى شقه تطل على المارينا مباشره:24::109:

المشاركة الأصلية كتبت بواسطة شرندق
http://www.arabtravelersforum.com/tr...9/#post3249079

هلا اخوى ناصر ,يشرفنا الالتقاء بك فى دبي وخصوصا المارينا :surfومن كثر حبى لها شريتلى شقه تطل على المارينا مباشره:24::109:



تسلملي والله ويشرفني اكثر انا
وااو شقه ع المارينا
الله يهنيك ان شاء الله وفكره وايد طيبه منك
بدل ماترلف ع الفنادق عندك هالشقه اللي بتريحك على طول جياتك لدبي

حياك الله اخوي وموفق :11ight_li

مشكور يا ناصر ,, باعتقادى ان مرسى دبي بعد سنتين راح تكون القلب النابض لدبى الجديده و افضل مكان لقضاء اجازه ممتعه فى دبى ,, بعد الانتهاء من البنيه التحتيه ,, واكتمال المرافق ....ولا تنسى ان كل شى قريب منك ,, النخله ومول الامارات , وابن بطوطه ودبى مول . وبرج العرب وقرية الجميرا ,,,,.إلخخخخخ:114::gathering لهذه الاسباب قررت ان يكون لى مكان فى هذى المنطقة الجميله ,,,:526:

تسلم عالصور الممشى المفروض الواحد يروحله كل اسبوع

ممكن الاحداثيات ؟؟

او الموقع بالضبط ؟؟

السلام عليكم اخواني و خواتي

بالنسبه للخلط بين المارينا و الممشى حبيت أشاركم بالصوره أتمنى انها تفيدكم

1- جميرا بيتش ريزيدنس ( الي الممشى جزء منه )
2- مارينا دبي
3- اتجاه نخله جميرا

المنطقه هذي كلها أسمها المارينا و لكن ال منطقه رقم 2 هي الي فيها المحلات في المارينا هذا هو سبب خص المنطقه باسم بالمارينا.

و الممشى رقم 1 هو الي في الصور و هو الوجهه السياحيه الجديده في هذي المنطقه

ما شاء الله مبين ممشى رائع ويكون أحلى فى الربيع
جزاك الله خير على التغطيه المفيده

الشااارع ررررايق مررره

وسيع صدر
يعطيك العاافيه

شقق سلوان و شقق مينك في ممشى الجميرا
مرسى دبي هو المارينا ويقع على شارع الشيخ زايد باتجها ابوظبي
اين افضل السكن؟؟

روووووووعه هالممشى كنا نقضي فيه آخر الليل يعطيك العافيه عالتقرير