الموضوع: تكفون ياشباب ابي رايكم وخاصة الي يسافرون الى دبي برا

حياكم الله يااعضاء منتدى العرب المسافرون

وانا سعيد ان اكون احد اعضاء هذا المنتدى الطيب الي ما لقيت فيه الا كل تعاون وترحيب

انا بحثت في المنتدى عن افضل وصف لذهاب من الرياض الى دبي برا فحصلت ان هناك ثلاث طرق

1-طريق حرض (واختلفت اراء الاعضاء مابين مؤيد ومعارض في الذهاب على هذا الطريق وخاصة الي
معاه عائلة)

2- الطريق الثاني طريق الرياض الدمام الى ان تصل مفرق سعد ثم تأخذ يمين حتى تأصل الى مفرق الهفوف

ثم الى ان تصل الى البطحاء

3- الطريق الثالث طريق الرياض الدمام الى ان تصل مفرق الهفوف حتى تاصل البطحاء


سؤال وش الفرق بين الطريق الثاني والثالث وأيهم أفضل وهل كلا هما مزدوج ام لا


ابي رايكم ونصيحتكم وأسف على الاطالة

مواضيع عشوائيه ممكن تكون تعجبك اخترناها لك:

• حجزت في العيد لدبي انشاء الله هل توهقت
• كيفية استأجار سياره مع سائق في دبي
• الشيخ أحمد بن زايد ال نهيان في ذمة الله
• باركوووووولي فزت
• استفسار عن فنادق دبي
• وين الاقي المعمول الزين
• استفسار عن روز قاردن البرشا
• خبراء دبي هلب بليييييييييييييييييييز
• استفسار عن مكتب تأجير
• نصائحكم يالغاليين اجانب في ضيافتي
• تجربتي السيئه مع دبي
• اسعار مميزه على الطيران السنغفوري من دبي
• كأس الاتحاد الإنجليزي يُعرض في أبوظبي
• رجاء أبغى إجابة خلال هاليومين عن الزعفران في أبو ظبي أبراج روتانا
• الى عرب لينك
• لماذا الامارات
• ساعدوني محتارة
• فزعتكم ياناشاما
• المدن الترفيهية في دبي
• انا احترت

هلابك شوف هذا الموضوع شامل,فية وصف الطريق والمسافات ومدرج خريطة توضيحية للطريق .

http://www.arabtravelersforum.com/travel83062/

الله يوفقك اخوي كل الطرق زينه اهم شي انك تعمل صيلنه لسيارتك وتفحص كل شي فيها .
الجو حار جدا افحص كل شي في السيارة.
ولا تسرع لا تتعدى 120 كلم خذا نصيحة اخو ما فيه شي يبي يطير عليك.
وتوكل على الله

بسم الله الرحمن الرحيم

السلام عليكم و رحمة الله و بركاته
اخي الفاضل ابن عنيزة .... حياك الله
حبيت أشارك برأي المتواضع بالرد على أسئلتك .. أنا (و العياذ بالله من كلمة أنا) سافرت إلى دبي بالسيارة أكثر من 5 مرات من الرياض و إحداها من الجبيل لدبي "أثناء فترة سكني هناك" و جميع رحلاتي كانت عن طريق الأحساء .. طريق حرض ما جربته و مستحيل أجرب بسبب الكثيرين ما يؤيدون اللى معاه عائلة للسفر معاه خصوصاً بالليل بسبب الرمال التى تغطي معظم الطريق في أغلب الأوقات و التريلات الكثيرة المغادرة و القادمة للسعودية و يمكن قلة الخدمات " محطات و خلافه...."
جربت طريق خريص القديم .. بس بصراحة ما عجبني لإنه مزدوج و عليه تريلات و تقريباً معظم الطريق مكسر و يمكن تجربتي كان توقيتها مو مناسب لإني سافرت بالليل بس ما أفكر أجربه مره ثانية إلا في حالة توسعة الخط لمسارين ..

بالنسبة لطريق الرياض ... الدمام و من ثم مفرق الهفوف .. هذا أفضل طريق سلكته ممتاز و مريح و أنصح فيه .. و بالنسبة للإزدواجية يبدو لي "و الله ما أذكر زين" بس فيه جزء بعد ما تفرق إلى الهفوف مزدوج بس ما عليه زحمة و الطريق كويس

طبعاً أسمح لي أشاركك بالطريقة اللى أنا أتبعها دايم و هي تجزئة الرحلة في الذهاب .. يعني إذا نويت السفر أتحرك من الرياض العصر تقريباً بإتجاه الأحساء أوصل بالليل على العشاء تقريباً أريح و أستأجر شقة أبيت و الفجر أتحرك للحدود و ما يجي الظهر إلا أنا بدبي بكذا توصل مرتاح و عندك باقي اليوم ....

بس أهم شئ و أنا أخوك .. تفقد السيارة و شيك على كل شئ ..مويه .. زيت .. أو أي شئ تشك إنه يحتاج إصلاح و المهم الكفر الإسبيير ... لا تقول جديد ما أستعملته !! شيك الهواء حقه و عايره ... و بالتوفيق و رحلة سعيدة

المشاركة الأصلية كتبت بواسطة الراهـــــــــي
http://www.arabtravelersforum.com/tr...3/#post3066813

بسم الله الرحمن الرحيم

السلام عليكم و رحمة الله و بركاته
اخي الفاضل ابن عنيزة .... حياك الله
حبيت أشارك برأي المتواضع بالرد على أسئلتك .. أنا (و العياذ بالله من كلمة أنا) سافرت إلى دبي بالسيارة أكثر من 5 مرات من الرياض و إحداها من الجبيل لدبي "أثناء فترة سكني هناك" و جميع رحلاتي كانت عن طريق الأحساء .. طريق حرض ما جربته و مستحيل أجرب بسبب الكثيرين ما يؤيدون اللى معاه عائلة للسفر معاه خصوصاً بالليل بسبب الرمال التى تغطي معظم الطريق في أغلب الأوقات و التريلات الكثيرة المغادرة و القادمة للسعودية و يمكن قلة الخدمات " محطات و خلافه...."
جربت طريق خريص القديم .. بس بصراحة ما عجبني لإنه مزدوج و عليه تريلات و تقريباً معظم الطريق مكسر و يمكن تجربتي كان توقيتها مو مناسب لإني سافرت بالليل بس ما أفكر أجربه مره ثانية إلا في حالة توسعة الخط لمسارين ..

بالنسبة لطريق الرياض ... الدمام و من ثم مفرق الهفوف .. هذا أفضل طريق سلكته ممتاز و مريح و أنصح فيه .. و بالنسبة للإزدواجية يبدو لي "و الله ما أذكر زين" بس فيه جزء بعد ما تفرق إلى الهفوف مزدوج بس ما عليه زحمة و الطريق كويس

طبعاً أسمح لي أشاركك بالطريقة اللى أنا أتبعها دايم و هي تجزئة الرحلة في الذهاب .. يعني إذا نويت السفر أتحرك من الرياض العصر تقريباً بإتجاه الأحساء أوصل بالليل على العشاء تقريباً أريح و أستأجر شقة أبيت و الفجر أتحرك للحدود و ما يجي الظهر إلا أنا بدبي بكذا توصل مرتاح و عندك باقي اليوم ....

بس أهم شئ و أنا أخوك .. تفقد السيارة و شيك على كل شئ ..مويه .. زيت .. أو أي شئ تشك إنه يحتاج إصلاح و المهم الكفر الإسبيير ... لا تقول جديد ما أستعملته !! شيك الهواء حقه و عايره ... و بالتوفيق و رحلة سعيدة



بيض الله وجهه وماقصر اتبع اللي بالاخضر وتجنب السرعة لانك ماتدري وش قدامك وش متعطل او مطب او حاجة طايحة من سيارة
رافقتك السلامة

تعال للشرقيه وتحديدا الحسا (الهفوف) بعدين انطلق للامارات:d

لكن اذا انت من اهل عنيزه متعب الطريق اذا انك بتروح بنفس اليوم

يعني تقريبا 10 ساعات او 11

بسم الله الرحمن الرحيم

وجهك ابيض أخوي back man و ما عملنا إلا الواجب اللى يمليه علينا حب الخير للجميع

و السلامة في السفر (بعد التوكل على الله) مطلب أساسي للجميع و خصوصاً للي معاهم عوايل
و الله يحفظ الجميع ...... و رحلة سعيدة

ماقصرتم وبيض الله وجيهكم على هذا التفاعل الطيب

وليس غريب على اعضاء هذا المنتدى الجميل

اخواني طريق حرض مو زين انا ناوية نسير معه اغير مساري ايش رايكم
انا من الرياض

الطريق الثاني مختصر يعني يفرق شوي عن الثالث لكن بعض الناس يقول انه مزدوج لكن هذا اول الحين كله سيدين وهو أفضل الاختيارات في نظري

يالربع هل فيه شقق في منفذ البطحاء او غرف ساسكو ...
لاني ودي امرح بالحدود ... والفجرية امشي
تعرفون ممشى النهار لاحول ولاقوة الا بالله

والمسافة كم من الاحساء للحدود لو نمنا فيه

أهلين..

قبل سنتين أخذنا بكلام البعض ومسكنا خط حرض ....للاسف ماينفع ومخيف وتريلات وسيد واحد...

وأما قبل3شهور انطلقنا من الرياض ورحنا للبحرين ليله وحده

ومن بكره مسكنا خط الهفوف البطحاء ودخلنا حدود الامارات:113::113:


طبعا فرق الطريق عن حرض مخيف مررره ولللعائلات ماينفع

طبعا البطحاء يجى فيه شوى سيد واحد...والطرقات دامراتها التريلات

المهم يكون المشيه وقت نهار احسن واظمن شى...والله يسهل عليكم يارب

بسم الله الرحمن الرحيم

معليش اسمح لي أخوي ابن عنيزة في الرد على أخوي الإعرابي 411 ... وش الله حادك تمرح بالحدود بصراحة ما راح تلاقي شئ مناسب ... ريح و نام بالأحساء و الفجر توكل على الله و أتحرك للحدود و ما يجي الظهر إلا أنا بدبي بكذا توصل مرتاح و عندك باقي اليوم ....

بالنسبة للمسافة فيه واحد من الشباب الله يجزاه خير وضع رابط يشرح تفاصيل المسافة وهذا الرابط
http://www.arabtravelersforum.com/travel83062/

و بالتوفيق أخوي الإعرابي 411 و رحلة موفقة

خلك ياغالي مع الطريق رقم 3

لانه مزدوج ومايفرق كثير يعني بحدود 40 كيلو

وبالذات معاك عائله خلك حذر وبالسلامه ان شاء الله

المشاركة الأصلية كتبت بواسطة الدررالمصونة
http://www.arabtravelersforum.com/tr...5/#post3069645

اخواني طريق حرض مو زين انا ناوية نسير معه اغير مساري ايش رايكم
انا من الرياض

اهلاً بك ياغاليه

انا لاانصح به الا في النهار فقط

وبالنسبه لي ارى الافضل للعوائل عن طريق الهفوف :24

:

السلام عليكم ورحمه الله وبركاته

بصراحة أنا رحت لدبي 3مرات كلها بالسيارة

طريق حرض لا تقررررررررررررررررررررررررررربه

أطلع عن طريق الهفوف من الرياض 255كيلو تفرق يمين

وبعدين 90كيلو وانت في الهفوف طبعا الخط سايدين

وبعدين تطلع من الهفوف 270كيلو وانت في البطحاء

هذا أحسسن خط

واذا تبي الفرق بينه وبين مفرق سعد

إذا فرقت مع سعد تمشي تقريبا 10كيلو وبعدين يطلعك على الخط القديم تطلع يسار وتمشي بس بصراحة ما

ادري كم المسافة يطلعك على الطريق حق مفرق الهفوف

يعني طريق الهفوف أفضل

آآآآآآآآآآآآآآآآآآآآآآآآآآآسف على الإطالة وأتمنى اني وضحت لك الطريق والفرق

فيه استراحة قبل منفذ البطحا اسمها استراحة الجبيل حلوة وتوها جديدة وجزاه الله خير من بنى الجامع هناك على احدث طراز ومريح صليت فيه وجلست حدود الساعة فيه
من الهفوف للبطحاء الطريق اتجاهيين وليس مزدوج يعني حلو ومش مزدوج

اهم شئ الواحد يتجنب مشي فترة الظهر تكون الشمس حارة ومو زين للسيارة

مشكورين يااخوان على تفاعلكم الطيب

مع الموضوع وجعله الله في موازين حسناتكم

لأني استفد من ردودكم واتمنى ان يستفيد منه

بقية الاعضاء

وشكرا

ياعل الله يسهل دربكم ويوفقكم اجمعين
والله الردود قمة في الامانة والمرجلة