الموضوع: تقرير عن بادن بادن و فرانكفورت بالصور اقوى تقرير سياحي

زين صابت وحده من الاجابتين

الجزء اليوم حلو بما اني احب الحدايق وحلوه يورب بارك واللعبه اللي بيفتحونها في 2012 شكلها خطيييره
استمتعنا وياج في هالجزء

والله يخليهم يارب اهم شي دودي مستانس شكله الجو عايبنه كان

يلا سويت القهوه جالسه استناك هههههه

عاشت هداوه
القهوة جهزت
والوش طفح عليها

يالله والحلى علي

تفضلوا بسبوسه بالقشطه000طاااازه

بس للاسف ما اعرف انزل صور


كلنا بأنتظارك يام عيسى

اخذي راحتك

عقب مالفينا وتمشينا قرصنا اليوع ، وبما انه نحن بمهرجان السمج ، قلنا بنتغدى سي فود

دخلنا قسم المأكولات البحريه ، وكانت في جلسات كثيره ومتنوعه ، بالاضافه للكثير من المطاعم والأكشكاك اللي تقدم السي فود ..۔

بعض من أطباقنا

هذا ماااالي

بعد ماخلصنا غدانا قلنا لازم نحلي ونبرد ع قلوبنا

وأخترنا هذا الكوفي

في يلسات خارجيه وداخليه

دودي الله يحفظه يتفرج ع الصور اللي في المنيو

وانتوا بعد تفرجوا وياه

أختيار الشيخ حبيب قلبي الله يحفظه

اختيارتنا

هذا مااااالي

وحده كانت تبيع ورد واهديت نفسي ورده

وعقب كملنا تمشي





أكبر شوارما اشوفها في حياتي

وعقب ماخلصنا من التمشي والأكل والحلى قررنا نسير حديقه عامه عندهم

وخبرونا عنها انه بتكون فيها فعاليات المهرجان وأسمها

Hohenpark



وقررنا نزورها ، ولما وصلنا شفنا انه الدخول فيها برسوم بس عشان المهرجان

قطعنا التذاكر وطلع علينا بـ 35 للأسره المكون من الام والأب وطفلين أقل من 15 بالاضافه الى تذكره اضافيه بـ 12

وعطونا مجانا حق الليل مثل مجسم في شمعه نولعها بالليل

يعني تخيلوا كل الناس عندهم من هاي وماسكينها في ايدهم ومولعه وبالليل

ياسلاااام .. كيف بتكون الحديقه

أتخيلها مثل النجوم اللي تضوي في سما الليل

كانوا وايد ناس ويوله ، ونحن وايد استانسنا بحس الناس ووجودهم صار للمكان معنى

وكعادتي دايما سجادتي وعدة الرحله في السياره ، اخذنا السجاده ، وورقة الأونو لعبة عيالي المفضله

وفرشنا مع الناس ويلسنا نلعب

واااااااااااايد استمتعنا في هذا اليوم رغم انه الحديقه عاديه بس وجود الناس حوالينا وفرحتهم واحتفالهم خلانا نشعر بالمتعه والسعاده

لدرجة اندمجنا في اللعب واحيانا نصارخ ونحن نلعب ، وشوي ضحك وشوي نتضارب

ولافتين نظر الاجانب اللي حوالينا

صور للحديقه

أول ماوصلنا ، بركنا ع جانب الشارع






وين ماقصينا التذاكر














وهاي تنفتح مثل الكوره وتكون من داخلها شمعه








دخلنا






















































































































































































اتمنينا نيلس أكثر لأنه الساعه 10ونص بتكون فيه العاب ناريه

بس بوعيسى ماخلانا قال لازم نروح مانبا الدنيا تظلم علينا

والله انا عادي عندي لو أرد الفندق عقب نص الليل ، بلادهم أمان وماتضيع ..
لكن بوعيسى رجعنا وماخلانا نولع شموعهم ونحتفل بمهرجان السمج

ورجعنا وبدأت الدنيا تغرب بعد ماقضينا يوم جميل

طبق اليوم

اليوم طبقنا نباتي

مجبوس بالخضار والعدس

المقادير

عيش + عدس + خضار مجمده ويامحلات خضرتهم أحلى من الطازج اللي عندنا

بهارات + زبدة الثوم + صلصلة طماطم + مكعب ماجي

زيت وملح + ورق الغار + فلفل حار

ولومي يابس ، ونسيت أخبركم عنه قبل في أي مجبوس او صالونه أحطه

الطريقه

أحط الخضار وأحمسها مع الزبده والبهارات والصلصه والماجي وكل شي

عقب أحط العدس واحركه شويه بس

عقب أحط العيش

وعقب أصب عليه الماي

سكرنا الجدر عليه

بدأ ينشف الماي

وعقب تركته لين يتسكر وصار جاهز

وهاي سلطة روب معاها ، وبعد فلفولتي

تابعوني في صولاتنا وجولاتنا حوالي ..۔
بادن بادن

اشكركم ع سهركم ويايي

وسامحوني الحين تعبت وبسير أرقد

وأي أخطاء املائيه او غيرها تغاضوا عنها

وان شاءالله باجر نلتقي في الردود

وبعرف منو اللي صمد ويانا وسهر ومنو اللي

تصبحون ع خير

اناااا


بقرأ وارجع


..........................۔


جزء راااااااااااائع هداوة

ماشاء الله عليك

عجبني مهرجاان السمك ..۔ امووت بالسي فوووود

وطبق اليوم بعد لزيييييز

منتظرينك بأجزاء جديدة

الله يعطيك العافية هداوه على الجزء الجميل والرائع وعلى هذا الجهد الكبير منك
انا الحمدلله صامد ومتابعك اول بأول

اختي هدااااوة جزء جمييييل ومن اجمل الاجزاء اللي كتبتيها
تفصيل كل شيء ما شاء الله
الله يحفظكم ويلم شملكم ويكفيكم كل شر
وجوعتيني حسبي الله على ابليسك هههه
وااااصلي ابداعك
واكيد هولمز يكوووون متابع
ونوم العوافي

ماشاء الله عليك000قلتي انك مطوله قلت بروح اخلص اشغالي000حسبتك بتنزلينه على 3 الفجر00صليت الفجر واسوي تحديث للصفحه الا القاك نزلتيه على 1 وثلث
بس ماعليه مافاتني كثييير اهم شيء اني مانمت قبل لا اشوفه


هالجزء ماشاء الله فيه كثيير ناس 00ونااااسه كثيييير حبيته
اشوف بالصور احد الكوشكات عنده زحليقه تنزل الاكل00ههههه ماشاء الله الزحاليق شغاله عندهم بالمطاعم000

وعلى قولتك الحديقه عاديه بس شكلها ونااااااسه000اشوف فيها نطيطه000عسى دودي لعب فيها

اما طبق اليوملي فتره ودي اسوي رز مع خضار 000مو مقلوبه لا خضار عاديه مو دون قلي000واخاف ما اظبطه00

كنت محتاره اسلق الخضار اول والا احمسهم00عاد انا ما احب اسوي طبق فاشل بالعربي ما ابي اجرب

يوم شفت طبقك اليوم قلت في نفسي ما بدهاااااش

بس بحط بدل العدس قطع دجاج صغار000وش رايك اسلقهم اول والا مع الخضار احمسهم0000ومنكم نستفيد

وبعد هالجزاء الحلو000نااااامي نوم العوافي

جزء في قمة الروعه
يعطيك الف عافيه
والصراحه الحديقه مررره حلوه
يعجبني فيك تفصيلك لكل شي
والصراحه هوا المطلوب من التقارير
تحياتي لك

جزء ممتع وفعلا المهرجانات تعطي جو للمكان بس ماقد صادفتها للاسف

متابعين معك الرحلات والاطباق

صبحج الله بالخير أم عيسى
جولات حلوه و الله يعطيج العافيه على كل ما تجود به كامرتج و معلوماتج الحلوه
و بالاخص أكلاتج بصراحه ( تسلم ايدج ) و بالعافيه عليهم
( يعني بدون خدامه يستمتع الجميع بأكلات ام عيسى)
عيبتني يورو بارك ( حطيناها في اللسته )
و المطعم الي فيها ( بصراااااااااحه شي عجيب )
و شتوتغارد بعد ( حطيناها باللسته )

متابعين ...۔ للأخير ..۔ و هذي يلسه

مررررررررررررررحبا

أنا أشوف ما كتكوته الا انتي يا هداوه ( أصلا الاسم يقول كذلك )

اسمع كتاكيت ؟؟؟؟؟؟ ودودي ؟؟؟؟؟؟واشوف فراش دودي حذالج ؟؟؟؟؟ وأقول هالدودي عمره سنه والا سنتين بالكثير

ما شاء الله عليه ريال مب أقل عن خمس سنوات .. يا هداوه هذا ولد مب زين تدلعينه وايد والا علشان اصغر واحد

ولو انا من عيسي ما كنت بقبل تجمعيني ويا الكتاكيت ما شاء الله سنتين وكم شهر وبنزوجه

ألحين برد اقرا الجزأين الأخيرين مره ثانيه أحس في أشياء طافتني

والله انتي فنانه ما تخلينا نتريا وايد تنزلين الأجزاء بسرعه وتردين على المشاركين والمشاركات بسرعه

ما شاء الله عليج .. قلت ما شاء الله

صباح الخير ...۔


عجبني وايد المطعم الي في ملاهي يورب بااارك وااايد فكرته حلوه وشكل اكله حلو ولذيذ ..۔


ومهرجان السمج احس كان بيكون احلى لما الدنيا تظلم عشان الشموع بس يالله حكم القوي على الضعيف (( بوعيسى القوي وانتو الضعاف ))


متااابعه معاج

الله يعطيج العافية على الطباااخ بارحلة
و الايسكريم لا بد منه باوربااا عموومااا هناك جوووه
و الصورة الاوله فن رباااني
باعافية و متابعين

الله يعطيج ألف عافية يا أم عيسى
وتشكرين على التقرير اللي فيه أدق التفاصيل وراح يكون مرجع لك المسافرون
لج أجمل التحايا

مساء الخير

مشكورررره وجزاك الله الف خير على الوصفه00بكرا بسويها على الغدا ان شاء الله

وبالنسبه للصوره000اقصد الصوره اللي فيها مطعم زي الكشك000ومعلق مدري وش اسمه00زي الدركسون حق السفينه00فيه زحليقه صغيره ينزل منها الاكل

وعندي مداخله على اللي يقولك لاتقولين كتاكيت ولا دودي00هههههه

الام مهما كبروا عيالها يظلووووووون صغاااااار بعينها

دلعيهم مثل ماتحبي000جدتي كانت تقول لخالي جنيني وهو رجال متزوج00هههه

تسلمين يا أم عيسى
انا اليوم صامد اذا في شئ جديد
اعطيني مما في جعبتك

أتمنى لك نوم هنيئ
والف شكر لك مره ثانية

الله الله عليك ياهدااااااوي ابدعتي والله ..
بس كله كوم وصور الغروب كوم ثاني ..
اعترفي من الي مصور انتي والي ابو عيسى
بجد الحين اعجبتني المانيا ..شفنا الناس بالشوارع والهيصه بالملاهي
تصدقين هاليورب بارك تشبه كثير ايفرلاند الي بكوريا الجنوبيه
ان شاء الله تزورينها يارب ..راح تعجبك حيل ..
تسلم هاليدين الي اتعبت وصورت واطبخت لنا بعد

صقيقتي العزيزة .۔ ام عيسى الغالية .۔ ملهمتي في الطبخ خارج البلاد خخخخخخخخ

مساءك معطر بذكر الرحمن ،، او خلني اقول صباحك

حضوري متأخر كثيييير ادري بس صدقيني متابعتك جزء بجزء لكن ما عندي وقت ارد وما ابغى رد يعطيك العافية سلمتي خخخخخخخخ


[color="indigo"][b]تسلم يدينك يا احلى شيف .۔ ماشاء الله .۔ رحلة رائعة وتفاصيل مميزة وصور احترافية

تقرير رائع من انسانه رائعه
وصراحه لك طريقه مميزه بالتقارير ماشاءالله

روووووعه .۔ يعطيج الف عافيه و ما قصرتي بهالتقرير الممتع و يزاج الله الف خير على هالمعلومات المفيده .۔ و ان شاء الله ناوية على بادن كمحطة انطلاق مثل ما قلتي .. استفدت منج وايد مشكووورة و عساج عالقوة

يعطيك العافيه

مساء الخير أو صباح الخير
الساعة الآن 7 ونصف بس ما أعرف سبعة ونص صباحاً او مساءاً
مع تعب الدوام والعمل المجهد والله صرت ما أعرف افرق بين الليل او النهار
الساعة البيلوجية عندي مضروبة

أولاً وقبل كل شيء جزء راااااااااااااااااااااااااااائع بالأصح أجزاء رائعة لأنه فاتني كثير
وبأعلق على مجموعة من الأجزاء دفعة واحدة

عجبتني مدينة الألعاب فيها حركة وأكشن
وعجبني آيسكريم البانانا سبليت، وصورة حلقات البصل يمي يمي
وعجيني المجبوس بالعدس تسلم الأيادي بالعافية عليكم

أما القدر اللي بتستخدميه أسميه (قدر العجائب) ماشاء الله يسوي كل شيء هههههه
بس منجد تسلم إيدك ماشاء الله تبارك الله عليكي

الإكتشاف الجديد إنك مصورة محترفة ماشاء الله
حركات والله هداوة .. غروب وشيء

وسامحيني على القصور وإنشغالي بالعمل
والله نفسي أكون ربة منزل فول تايم الحياة بتكون أحلى هههههههههه

تابعي الإبداع يا مبدعة
يا نجمة منتدى المسافرون العرب

وحشتيني مرررررررررررررررة

اهلين هداوه عندي سؤال ماله دخل بالموضوع لكن ماعليه تحمليني بتنجلد

كنت بسالك عن اوت لت دبي كيف مستواه وهل يسوي العنوه بالنسه لمحلات الشنط

لاني اثق برايك قلت خل اسالها ومشكوره حبيبتي

لو بعلق على كل صوره مابخلص اليوم ماشاء الله عليج ابدعتي في التصوير السحب والجو حزه الغروب

يممي شو يسوي النوتيلا في نص السهجه خخخخ


فديته الله يحفظه ينعرف اكله :P


وتصدقين ام عيسى انتي ينعرف طلبج مميزه عن الباقي




مازلت متابعه ومازلت متأخره

تصوير حلووووووووو لا ومو بس صور الشروق لا صور الشارع نازل صاعد حلوة وااااايد ........صدقيني صورك للطبيعه خيال بجد......۔
اما الشتوتغارت عجبتنا كلها لويه وناس عايشة حياتها ووناسة وانا مثلج احب مهرجاناتهم تحسين يطلعون افكار لترويج بضايعهم ..۔

بسئلك عن المقعد الطويل اللي بمطعم السمك ..حبيتيه .۔
انا ما حبيته لان قعدت بظهري وحدة سمينه وانا مو مقصرة بعد خخخخخخ احس كل وحدة منا متسندة على الثانية ونتهاوش على المكان خخخخخخخخ

يعطيج العافية على الطباخ اللذيذ ...بس عند سؤال وودي اساله كل مرة بس مستحيه منك خخخخخ بس اليوم بسال
انتوا ما شاءالله عايلة من 6 اشخاص احس ان مقاديرك تكفي على الكثير شخصين وخاصة بالجو الحلو الناس تاكل وانتي تتسوين قليل .........يعطيك العافية على التقرير الممتع بكل جزء .......تابعي

والله شهادتي مجروحه

روعه بمعنى الكلمه ما شاء الله تبارك الرحمن

هذة اول مشاركة بس محسوبتك خبيرة في قراءة التقارير ...........تعبتي نفسك
سافرت معاك سويسرا-الصين-الهند-المانيا وقريبا الي استراليا
استمتعت بكل شي في تقاريرك واولهم الطبيخ ........احب كرشي
على فكرة مادري ليش ماتحمست اقرء تقريرك في لندن وتايلند يمكن عشان من غير العيلة بس متأكدة ان التقارير حلوة
عاد هداوة ماتسوي شي وحش
ربي يوفقك ويسعدك ويحققلك اللي في بالك

تقبلي مروري
أختك الجديدة
بيزييس

هههههههههههههههههه ياحبج حق التقفيط ..۔ تموتين وتقفطيني مازلت على الاقل اصيب في شيء واغلط في الثاني

بعض الالعاب الموجوده

هاي اللعبه وايد كشخه

هي مثل المدفع نحط فلوس ونجادي فيها ع اللي يايين ع القارب ويمشون في الماي
اول مانشوفهم نضغط ع زر فينفجر صوبهم وينطش عليهم ماي

متنا من الضحك ونحن نسوي في الناس مقلب وأغلبهم يتفاعلون ويانا ويضحكون وفي منهم يشجعونا

بس صدق ضحكت من خاطري وعيسى كان هو اللي يضرب

العروض

حضرنا هذا العرض وكان حلو بس انا وصلتله متأخره وعيالي سبقوني

وهذا عرض ثاني وكان وايد حلو بس مايطلع في التصوير واضح فما كملت تصوير

وحليله يتحسب عمره فرخ

ممراتهم حلوه ونظيفه ومرتبه

فجأه صب علينا المطر صبيب
كان الجو روعه

بخبركم ع موقف صار بس لاتحرجون عليه

بزعل منكم

كنا أنا وعيسى ودوي يالسين في الاستراحه وعدالنا أكشاك تبيع أكل سريع من بينهم هوت دوج

وعيسى كان وايد يوعان قلتله سير اشتريلك شي ، وانا ودودي نترياه

ونتريا بوعيسى والبنات ايونا

المهم عيسى اشتراله ساندويش هوت دوج ، وكل منه قرمه وقال دودي يبا مثله فقلته سير خذ لأخوك

وهاذيج الساعه يانا بوعيسى ، فقلتله اشتري لدودي هوت دوج

سار بوعيسى لين الكشك وانا يالسه أدردش وياعيسى ، والا اشوف بوعيسى ياي مسرع من بعيد

فقلت لعيسى الحق اقرم من ساندويشك

قال الشو ؟

وانا اطالع بوعيسى جان يقوللي من بعيد لااااا

لحم خنزير

في هاذيج اللحظه كان توا عيسى رافع الساندويش بيحطه في حلجه وجان اصرخ عليه

لاتاكله لاتاكله

قال انزين زيغتيني ، شوفي ؟

الا وصل بوعيسى وقال هذا لحم خنزير

قال انا يوعان

قاله عقه وبنسير ندورلك شي ثاني ومره ثانيه اول أسأل قبل لاتشتري

جان أقوله

انا قلتلك الحق اقرم ( يعني خذ قضمه )

ههههههههههههههههههه

شكيت لما شفت ويه بوعيسى

ياويلكم لاتحرجون عليه

عقب سرنا مطعم وتغدينا فيه

( يعني اليوم ماطبخت ، ويوم رحلة شتوتغارت ماطبخت )

عاد سامحوني ما أتذكرتكم الا عقب ماقضينا ع الصحون

مكاني


سوري ام عيسى من العجلة كتبت الرد وانتي ما خلصتي الجزء


يااااااي ياحلاااة هاللعبة تونس خخخخخخخخ







اما هنااا

واااضحة جداً الحوسة وماشاء الله خلصتي الزيت





هذا الصوص حق الامارات؟؟

هو نفسه بالسعودية وكان جداً لذييييذ

ما الومك بس استحيت اقول للمضيفة ابي منه المرة الجاية ان شاء الله باسألها





ماشاء الله عليكم بالعافية شكله جداً مغري







تووووبة بعد هالنووووبة خخخخخخخخخ


تصبحين على خير يالغالية ..

طبق اليوم

اليوم عاد شمروا عن ايدكم

اليوم طبخ طبخ

طبقنا اليوم..
سمك مقلي مع بطاطس

قلنا نغير شوي عن التونه والدياي والخضار

ونسوي سمج

اشتريت من السوبرماركت سمج مثلج

وتبلته بالبزار (( يعني بهارات مشكله ))

وعقب قليته وخيست الدنيا

عقب قليت البطاطس وحمرتها ، وعقب حمست بازيلا خضراء مع البهارات

وآخر شي حطيتهم مع بعض وتركتهم دقايق

وعقب طبخت العيش الابيض ولونته بصبغ البرياني

وعقب جهزت السلطه

والحين تفضلوا معانا

كان السمج لذيــــــذ

وع فكره ممكن من هناك تاخذون ربيان مثلج ، وتسوونه برياني ولامجبوس ولاصالونه

الطبخ وايد سهل ، واهم شي ماتهرون الأكل ع النار

ولو لاحظتوا لاحطيت بصل ولاثوم وطلع الأكل الحمدالله غاااااوي

أهم شي تطبخون بحب

بخبركم سالفه قديمه

لما اتجمع مع صديقاتي كل وحده منهم اتييب طبق ن ومره فكرت اسويلهم برياني خضار وفيه كريمه ع الطريقه الهنديه

ومن تأليفي

يومها دخلت المطبخ وكنت واااايد معصبه وما أدري شو السبب ، المهم كنت أطبخ وانا عاقده حواجبي ، وأحرج ما أدري ع منو وقتها

عيالي ولا الشغاله ولا ماأدري

وايدي في الطبخ ، ودمي يغلي

المهم خلصت الطبخه ، وطلعت عند صديقاتي وخبرتهم الموضوع اللي مضايقني

وحطينا العشا والا يطلع أكلي لذيـــــــــــــــــــذ وتجننوا عليه

قلتلهم ماتعرفون كيف كنت معصبه وانا أطبخ قلت أكيد بيطلع مب حلو

ومره حاولت أعيد نفس الطبخه وكنت رايقه بس ماطلعت بلذة هاذيج

حتى نسيت كيف سويتها

ومن فتره جوجو صديقتي تقوللي

هداوي هاتيلنا طبق من ايدج وأنته محرجه

تصبحون ع خير

ونلتقي معاكم في رحله جديده حوالي
بادن بادن

رحلتك جميلة هداوه إعذريني على تأخري حقيقة أستانست وانا أطالع الصور حسافة تقريري مابه صور واجد

شكراً لك ونستينا معج ضحكت على بتاعت المقالب فكرتها جميلة جداً إن شاء الله بأعاود الكرة وبأروح ألمانيا وأفرها زنقا زنقا دير ديردار دار

الحديقة ل الاطفال
بس عجبني طبخ السمج غراااامي

جزء رووووووعه ام عيسى الحديقه شكلها حلوه وهاديه
الله يعطيج العافيه وان شاء الله متابعينج

الله يعطيك العافية على هذا الجزء الرائع

عيبني التقرير ما شا الله انا اول مره اسير بادن عييبتني غاويه وهاديه وشوابها كشيخه متي بتكملين التقرير تاخرتي وايد الله يعطيخ العافيه

هداوة ...بعد تدرين مقصد بو عيسى يوم جايكم مسرع وتقولين للولد اكل قرمة خخخخخ ضحكتيني اكيد كان كاسر خاطرج عيسى يوعان .۔
والطبخة عجيبة والاعجب صورة المطر باول التقرير روعة ..۔
مدن ملاهيهم كلها وناسة من العاب وعروض ..۔اما الصور اللي حطتهم ام نواف اقول هذا ما شفته وينه لا يكون طايفيني جزء والحمدلله طلع للجزء نفسه
يعطيج العافية ....تابعي

ما شاء الله عليج يا هداوه ..۔

كفيتي و وفيتي ...۔

قمة الحماس يوم تشوفين الردود ..۔

متابعينج ...۔

[center]الله الله على الحماس0000الحين حبينا بادن كنت احسب مافيه شيء حولينها


اما موقف عيسى 00هههههه000ورحمت ابو عيسى جاي يركض00وانتي مشاركه بالجريمه00تبينه ياكل لو قرمه00هههههههههه

شفت صور من ام نواف

وضحكت لما قريت تعليق اختنا ام يوسف00ههههههه 00لانه كان في خاطري نفس الكلام بس مستحيه اقوله

[size="4"][color="#9acd32"]اما الطبق ماشاء الله تبارك الله00من يدين وحده سنعه

ام نواف و موره ...۔


انتي تعلمين الغيب ؟؟؟؟


ترا خربتي علينا اندماجنا و حرقتي مفاجئة الطبخة



هداوه



يعطييج العافيه وتسلم ايديج بالنسبه للهوت دوق مالهم كان نفسي اغلط واكله واااايد يدش الخاطر خخخخخ عوووووود تحسينه ولذيذ هههههههه


اي وعلى قولت القايل ياهداوه... هاي الحريم ولا بلاش خخخخ ماشاء الله عليج احسج طباخه

هههههههههه ام عيسى .۔ يعني تعرفين ليش ياي بو عيسى بس شكله قلبج حن على عيسى اليوعان
اذكر اخوي يقول لي الهوت دوق هذااا ..الشيء الوحيد الي لازم نبتعد عنه لانه دائما لحم خنزير



هذه اللعبة بعد موجودة في يورب بارك..وكانت موجودة عند هاللعبة


واحنا مثلكم النااس كانوا مستانسين هههههههه انه احد يالس يرش عليهم وفي نااس ما يدورن الا وفجاءة احد راش عليهم ماي ههههههههه

وما شاء الله صورج وااايد روووعة وخاصة وقت الغروب
احنا يوم سافرنا الاولاد كانوا دائما يقولون انه صورهم احلى عن صورنا بس ما عليج احنا فزنا في التحدي ههههههه

وتسلم ايدج على البارت الراائع .۔
والصراحة الي سهل رحلتنا وخلاها سهلة تقارير الاعضاء الرائعة

وهالشيء ذكرني اني اشكرج على مجهودج الرائع في التقرير مشكورة ام عيسى ^_^

هداوه

تقريرج وااايد حلو ومشوق

تسلم ايدج على كل شي الكتابه ، التصوير ، الاكل ....۔

الله يعطيج العافيه ويهنيج مع عائلتج الكريمه

لحظه لحظه
شلون ام نواف و نوره كتبت الرد بالصور قبلج !
فرت رااااسي والله عبالي راده علي موضوع ثاني و حطته هني بالغلط :|
و بعدين انا خبري ماعندكم جوله و مطبخ و مقزرتها بالجدر مالج مالحقت علي بارت تغيير الشقه و الا انا مفتر راسي مادري :|

معروف الله يهداه عيسى كل هوت دوقاتهم هناك و بلندن لحم خنزير الله يغربلهم

متاااابعين